Tað var veruliga hugstoytt at hoyra løgtingsmannin, Jákup Mikkelsen, í farnu viku, tá hann í bestu senditíð í Útvarpinum breiddi seg út um, hvussu Skálafjørðurin skuldi byggjast út við stórari farmahavn, heldur enn at nøkur havnarútbygging skuldi gerast í Havn. Klaksvík tordi hann av góðum grundum ikki at taka upp á tungu.

Hansara politiski boðskapur var tann vanligi: framburður skal bara ikki verða í Havn!

Les meira HER

JáH (y) 31.03.2015
Kelda: Tórshavnar Kommuna

Leingi eg tað í væl skal vera. Nógvir av okkara kundum hava spurt, nær toppleys skeinging verður aftur í Maverick og íkvøld verður tað so aftur.

Kl. 18.30 - 19.30 verður toppleys skeinking í Maverick, har vinkonan hjá Tinu Joensen, dóttir dagliga leiðaran á Maverick, sum ferð at skeinkja fyri kundunum hjá Maverick. 

Maverick Barr  letur upp kl. 18.00, so vit kunnu hita upp ½ tíma áðrenn.

Sjálvt um tey allerflestu vildu tað, at tíðirnar skuldu vera frá kl. 22.00 til kl. 06.00 og ikki frá kl. 18.00 til kl. 02.00, at koyrandi skuldi vera ígjøgnum Kunoyartunnil - so hevur Landsverk broytt tíðirnar - men kanska ikki soleiðis, sum tey flestu vildu hava tað.

Tær nýggju tíðirnar hjá Landsverk eru galdandi frá 7. apríl til 28. juli kl. 06.00 á morgni til kl. 16.00. Og so skal eisini viðmerkjast, at koyrandi er ímillum tunnilin kl. 07.15 - 08.00, kl. 10.00 - 10.15, kl. 12 - 13.00 og kl. 14.30 - 15.00.

Landsverk boðar eisini frá, at bilar sum hava neyðsýnjarørindir altíð sleppa ígjøgnum tunnilin - so alt í alt, so kann sigast at tann nýggja tíðin (hóast alt) er frægari enn tann "gamla" tíðin - sjálvt um fyri mong úr Kunoy - vildi tað verið allerbest, at stongt bleiv kl. 22.00 til kl. 06.00. Men hetta er ivaleyst ein "peninga-spurningur" og ikki nakað, sum vit kunna gera nakað, sum helst við. 

Vit á Norðoya Portali fara í hesum sinni - ikki skriva nógv meira um Kunoyartunnil. Vit hava tó lagt ein spurning út til tykkara, har tit sjálvi kunna svara - hvat fyri tíð - tit halda hevði verið tann besta, at arbeitt bleiv uppá Kunoyartunnil. 

Vinarliga svari okkum uppá spurningin niðanfyri:

JáH (y) 29.03.2015

Sjálvt um ikki so nógv fólk vóru komin oman á vøllin í Klaksvík, at stuðla Earth Hour 2015, so varð tað faktist ein stak hugnalig løta vit fingu saman.

Har varð stíla fyri fimleiki á vøllinum - har Klaksvíkar Fimleikarafelag stílaði fyri við einum ordans ljósshowið og eftir tað, so fingu vit eina deiliga songløtu saman.

Tá ið Earth Hour varð liðugt, so fekk ein høvið til at fáa sniglagift, sum Hans Hjalti Skaale handaði út til okkum. Síggj annars fleiri myndir av tiltakinum niðanfyri:

JáH (y) 29.03.2015

Leygardagin, 28. mars 2015, verður afturvendandi tiltakið Earth Hour á skránni. Hetta tiltak er kl. 20.30 lokala tíð, um alla verðina. Tiltakið er fyri at gera vart við veðurlagsbroytingarnar. Hetta verður gjørt við at sløkkja alt ljós í ein tíma. Bæði fyritøkur, felagsskapir og privat persónar eru við í hesum árliga átaki.

Klaksvíkar kommuna er eisini við í átakinum og ein partur av Klaksvík verður tí myrkalagdur hendan tíman leygarkvøldið. Samstundis verður ein hugnaløta á vøllinum, har m.a. Klaksvíkar Fimleikafelag fer at framføra í myrkri. 

Og nú várið er í luftini og urtagarðstíðin nærkast, so koma sniglarnir eisini sníkjandi aftur. Tí bjóðar kommunan sniglagift í skýlinum, har býargartnarin heldur til. Hetta verður samstundis sum tiltakið á vøllinum er.

Setið kross í álmanakkan til leygarkvøldið, so tit minnast til at sløkkja ljósið og at møtast til eina hugnaliga løtu á vøllinum.

JáH (y) 28.03.2015
Kelda: Norðoya Kunningarstova

Føroya Løgmaður hevur svara Jyllandspostinum, at føroyingar gott kundi tikið eini 60 familjur úr Sýria til Føroyar. Men eftir hesa útsøgn, so hevur Kaj Leo Holm Johannesen, Løgmaður, sagt á Facebook, at kanska varð 60 familjur eitt sindur í yvirkantinum.

Ístaðin so heldur Føroya Løgmaður, Kaj Leo, at vit gott kunna hýsa eini 5 til 10 familjur í Føroyum og sum hann tekur til orðanna sjálvur - so er tað einasta rætta.

Tað hevur sum vera man elvt til at mong fólk hava øst seg inn á Løgmann og hansara útsøgnum viðvíkjandi flóttafólkum. Og líkt er til, at Kaj Leo hevur fingið kjaki, sum hann vildi hava um flóttar ... men um Føroya Løgmaður er so glaður fyri tí stóru mótgongdina ... loyva vit okkum, at ivast í !!!

Spurningurin er so - um vit føroyingar bert skula standa hendur í favn - og lata restina av verðini taka sær av flóttum. Eiga vit eisini eina ábyrgd av hesum ..?

JáH (y) 28.03.2015

Niðanfyri nevnda skriv er sent til Føroya Løgting fyri at fáa Landsverk, at broyta ásettu tíð, sum uppá núverandi tíðspunkt er kl. 18.00 til kl. 02.00 - har tey flestu úr Kunoy vilja hava tíðina broytta til kl. 22.00 til kl. 06.00.

Til rætta viðkomandi á Løgtinginum.
 
Broyt tíðina til: Kl. 22.00 til Kl. 06.00.
 
Vit sum búgva í Kunoy - kunna als ikki góðtaka, at Landsverk stongir tunnilin kl. 18.00 - 02.00 vegna trygd inni í tunnlinum. Vit skilja tó, at ymiskar ábøtur skula gerast við tunnilin - og sjálvandi skal tað eisini gerast. Men ynskiligt hevði verið, at arbeiði hjá Landsverk byrjaði kl. 22.00 - 06.00, so at ein kann sleppa heim aftur - eftir loknan arbeiðsdag. Og har afturat, so hava fleiri foreldur í Kunoy - børn sum venja í Klaksvík - og ásetta tíð, sum er nú, ger tað - at hetta ikki letur seg gera.
 
Vit hava nóg myrkar tíðir, sum er í Føroyum - og til felags, so eiga vit byggja okkara sunna fornuft upp og eisini hjálpast at, tá ið á stendur. Hetta, sum Landsverk, ger tað at fólk vera misnøgd og tað tænir ongum endamálið.
 
Eisini skal viðmerkjast, at vit onga aðra leið hava at fara til - uttan ígjøgnum tunnilin - og tískil so muga vit eisini vera spurd eftir, hvat vit halda vera ein tilráðilig tíð hjá Landsverk, at arbeiða uppá Kunoyar tunnil.
 
Kærar heilsur
 
Jógvan á Høvdanum (yngri)
Búsitandi í Kunoy 

JáH (y) 28.03.2015

Statusi hjá undiritað hevur ligið í eitt gott samdøgur og er deilt heili 42 ferðir og dáma 64 ferðir (og FB hjá undirritað - so heilt sikkurt er tað dáma & deilt fleiri ferðir aðrastaðnis). Og øll eru samd um tíðspunkti, at stongja Kunoyar tunnil er púra burturvið ...

Vit á Norðoya Portali vita eisini, at telefonin hjá borgarstjóranum hevur kima heit - og at borgarar úr Kunoyar bygd føla seg sera illa behandlaði av Landsverk.

Soleiðis siga nøkur av teimum: Eri so pura samd vid tykkum, og um hattar gongur, so verdur nokk sama skili, ta teir koma nordur um fjall, beinleidis frekt og onkur annar sigur: Ja illa umhugsa av Landsverk, og eigur tí at verða tykið upp av nýggjum og ein onnur sigur: OMG - Kl 18 - hvat hugsar LV fyri sær ?!? Uppaftur onnur siga: Hetta kunnu vit ikki gódtaka, totalt langt úti... Viss eg slapp at bestemma ja so byrjadu teir á midnátt.. ella Hattar líkist so svartasta ongum. og ja eg sum skuldi á fund., men havi totalt droppa tað, tí bara tankin um at møguliga skula standa har og bíða, er ótolandi.,., og til seinast Kl 18 also heilt erligt, man hevur børn sum ídka ...

So alt í alt - so er tað ikki ein í Kunoyar bygd, sum tekur undir við, at Landsverk byrjar kl. 18.00 um kvøldið og gevst kl. 02.00 á nátt, og tískil so átti Landsverk spurt seg fyri áðrenn teir fóru í holt við tunnilin - um t.d. hvat fólkið sjálvt sum býr í Kunoy hevði hildi verið ein passandi tíð, at byrja uppá tunnilin og nær enda skuldi vera. Og sum tit síggja á myndini omanfyri, so byrjaðu teir einaferð kl. 22.00 og endaðu kl. 06.00 ... hvat er trupuleikin við at broyta tað til somu tíð, sum áðrenn ?!?

JáH (y) 27.03.2015

At fólk, sum er búsitandi í Kunoyar bygd - ikki fáa somu sømdir, sum restina av Føroya fólkið - er onki nýtt. Men nú er ovboðið, tí nú hevur Landsverk gjørt av, at tunnilin skal stongjast kl. 18.00 til og við kl. 02.00.

Hví Landsverk hevur valt júst hesa tíð, at stongja tunnilin í - er man jú púra spyrjandi yvir. Foreldur, sum eiga børn í Kunoy er rasandi yvir, at Landsverk ger hetta - tí mong børn íðka ítrott í Klaksvík og sleppa ikki at gera hetta í bestu summartíð ... grundað av arbeiðið uppá Kunoyar tunnil.

Undirritað hevur skriva eitt skriv út á Facebook bólkin "Kunoyggin" og eisini lagt hetta skriv út til Norðoya Portal Facebook bólkin, at undir eggjar fólkið, at dáma & deila status, so at arbeiðstíðirnar hjá Landsverk vera broyttar í stundini. Soleiðis sær skrivi hjá undirritað út:

Vit eru nøkur í Kunoy, sum als ikki góðtaka, at Landsverk byrjar at stongja tunnilin kl. 18.00 - og vilja vit hervið gera vart við, at betri hevði verið um Landsverk byrjaði at arbeiða uppá tunnilin kl. 22.00 til kl. 07.00 - so at foreldur við børnum sleppa at koyra børnini, sum venja til ítrott í Klaksvík.

Eisini hevði tað verið ynskiligt, at koyrandi varð ímillum kl. 24.00 og kl. 02.00. Og um tú vilt, at so skal vera - so er at "dáma" hetta status og gjarna deila tað á tínum veggi ... jú fleiri sum deila & dáma, jú nemmari verður tað at tosað Landsverk til vildar.

Um vit t.d. søgdu, at arbeitt varð uppá Norðoya Tunnil, so hevði tað absalutt ikki verið góðtikið av nøkrum sum helst í Klaksvík, at byrja varð at arbeitt kl. 18.00 - og hví skula vit í Kunoy fáa øðrvísi sømdir av Landsverk enn hvat restina av Føroya fólkið fáa ?!?

Minst til at dáma & deila - og saman fáa vit hetta broytt, góðu kunoyarfólk.

Kærar heilsur

Jógvan Á Høvdanum
Búsitandi í Kunoy.

Vónandi vera tað mong í Kunoy, sum dáma & deila henda status - so at Landsverk møguliga kemur á betri tankar og hugsar meira um fólkið enn uppá sín egna pengapung.

JáH (y) 26.03.2015