​Rebekka Trygvadóttir vann fyrstu kapping í Atlantic Open nakrantíð

Hetta er fyrstu ferð at svomi verður Atlantic Open nakrantíð og var tað Ægir svimjarin Rebekka Trygvadóttir, sum vann fyrstu kappingina.

Svomi var 400 blandað, men var tað stórsvimjarin úr Havnar Svimjifelag Vár Erlingsdóttir Eidesgaard, sum kom fyrst á mál, beint frammafyri Rebekku, men hon bleiv kolldømd, (ein hond vend 2 br.), sostatt gjørdist Rebebba Trygvadóttir úr Ægir nummar eitt og fyrsti svimjarin nakrantíð, sum vann í Atlantic Open.

Stór tillukku Rebekka.

SáH
​

​Seinasta vakt hjá Karl Johansen sum politistur

Fyri trimum tíðum síðani skrivaði okkara kæru sýslumaður Karl Johansen, at í kvøld er hansara seinasta vakt sum politistur.

Vit á News.fo og Norðoya Portalinum vilja takka Karl Johansen fyri hansara lut, at halda skil á okkara býi, altíð fryntiligur og góður at tosað við og eisini hevur hann verið sera aktivur innan ítróttina í býnum.

Takk fyri tín innsats fyri Klaksvíkingina og vónandi verður tú at síggja í KÍ høllini og runt Djúpumýru. Hetta skrivar Karl í kvøld á sín Facebook vanga:

"Karl Johansen So eri eg komin á mál viđ hesum kapitli. Seinasta vakt sum politistur farin afturum, saman viđ Oddmar Gullaksen, nógvar góđar og minni góđar løtur at minnast afturá".

SáH

Kom og ver við at fjeppast um KÍ, tí leygardagin 30. mars frá klokkan 13 til 15 verður skipað fyri fjepparadegi í Spinnarínum. Bláa Bylgja verður vertur fyri degnum, ið hevur nógv ymiskt spennandi á skránni.

Luttøka verður av leikarum úr Betri deildum hjá kvinnum og monnum, har til ber at fáa autograf og eina mynd av sínum yndisleikara. Vit bjóða ókeypis pitsa sunkist, kaffi/te og okkurt søtt afturvið, so eingin noyðist at ganga savangur.

Stór tónleikaframførsla verður við Karl Martin Samuelsen og Pætur við Keldu fara at framføra kendar KÍ sangir. Umboð kemur at kunnað um byggingina við Djúpumýru og hvat vit hava í væntu.

Maverick Barr og Bláa Bylgjan fara at skrivað undir nýggjan sáttmála fyri 2019.

Vit minnast øll árið 2016 har tað bleyv yrkt sangir um leikarar og tað var hugaligt at hoyra til dyst. Bláa Bylgja fer at halda ein sokallaðan ”Workshop” har vit í felag fara at skriva nýggjar sangir til KÍ leikararnar.

Mikkjal Thomasen, Høvðusvenjari hjá Betri Monnum kemur at greiða frá KÍ hópinum 2019, og á skránni vera eisini ymiskar bóltkappingar fyri bæði børn og vaksin.

Sjálvandi er einki aldursmark, so tak børnini, foreldrini, vinmannin og vinkonuna í hondina og ver við til at Koyra á KÍ!

Tiltakið er ókeypis.

Tók nakrar myndir av sam og hvirlunum, sum komu buldrandi út og inn eftir vágni. Hesar myndir eru tiknar nakað eftir klokkan 7 í morgun.

Her nakrar myndir, sjá herundir.

​SáH

Tað hevur verið fitt av vindi í nátt. Tað mesta var við Gjáarskarð, har er stormur og í hvirlunum upp til 45 m/s.

Í Klaksvík hevur eisini verið fitt av vindi, men har sigur Landsverk, at tað er andøvsgul og í hvirlunum upp til 30 m/s, sjá koyrilíkindi klokkan 05:10 í morgun herundir:

SáH.

350 fólk hava skrivað seg upp til íbúð á Biskupstorgi. Av hesum hava 100 víst tilboðum áhuga, og vóru tey í dag boðin til framvísing.

Á Biskupstorgi eru 30 íbúðir í ymiskum støddum: 71, 80, 84, 119, 122, 137 og 142 m2. Kostnaðurin fyri íbúðirnar er millum 5.600 og 10.600kr um mánaðin + ljós og hita.

Áhugin er stórur at sleppa inn og hópin av fólki vóru í morgun og hugdu at einum møguligum framtíðar bústaði í miðbýnum í Klaksvík.

Eftir ætlan flyta tey fyrstu inn 1. mai 2019.

Ein rundvísing verður aftur hósdagin 28. marts fyri teimum, sum hava víst tilboðum áhugað.

Kelda: klaksvík.fo

Í kvøld hevði Norðoya Fólkafloksfelag ársaðalfund og var rættuliga fitt av fólki møtt til fundin, sum var hildin í Gamla Seglhúsinum.

Fundurin viðgjørdi umframt vanligu dagsskránna, eisini politisku støðuna í dag og komandi løgtingsval. Gott kjak var millum fundarluttakarnar.

Nevndarval var eisini á skránni, og skipaði nevndin seg aftaná fundin.

Nevndin:
Símun Gullaksen, Formaður
Hallstein E. Jacobsen, Næstformaður
Kári Kallsberg, Kassmeistari
Lena í Buð, Skrivari
Ruth Johannesen, Nevndarlimur

Tiltakslimir:
Herfríð Sørensen
Finn Hansen
Hans Jákup Kallsberg

Limir í Floksleiðsluni
Símin Gullaksen og Hallstein E. Jacobsen.
Ruth Johannesen er tiltakslimur í Floksleiðsluni

SáH
​

Tann danski Útvarpsmaðurin, DJ-ari og eitt sera kent andlit innan danska sjónvarpinum Morten Linberg, betur kendur sum Master Fatman er deyður, bert 53 ára gamal.

Tað váttar umboðsmaðurin Stig Hansen frá Tajmer Booking og Management til blaðið BT. “Eg kann váttað at Morten Linberg er deyður í nátt og hann vildi ikki siga nakað annað um deyðsorsøkina”

SáH

Eysturoyar Fólkafloksfelag hevði 2. uppstillingarfund í gjárskvøldið og listin er nú næstan liðugur. Har manglar 1-2 fólk á listanum, har væntandi okkurt konufólk eisini kemur á listan.

Tvey vælkend andlit eru komin á listan og tey eru Pól Huus Sólstein frá Klaksvík og Eivind Jacobsen frá Strondum. Eisini eru Løgtingsmennirnir Jógvan á Lakjuni úr Fuglafirði og Joen Magnus Ramussen frá Lorvík.

Her listin hjá Eysturoyrar Fólkafloksfelag:
Jonhard Danielsen
Jóannes Símunarson Hansen
Eivind Jacobsen
Jákup Marin Kjeld
Jógvan á Lakjuni
Joen Magnus Ramussen
Pól Huus Sólstein

Spennandi listið hjá Eysturoyar Fólkafloksfelag, nú verður spennandi at síggja, hvussu øll hesi valevnini fara at klára seg í valstríðnum.

SáH

Fínt við nýggjum tjóðleikhúsi – men ikki á Skálatrøð!

Vit mótmæla at tjóðleikhús verður bygt á Skálatrøð

-tað fer at oyðileggja tann seinasta opna blettin fram við fjøruna í Havn
-tað fer at taka parkeringsplássini frá miðbýnum
-tað fer at oyðileggja handilslívið í miðbýnum

Skrivast kann undir hettar mótmælisskriv við at trýsta á hesa leinkju:
https://www.skrivunder.net/motmalisskriv_imoti_stasetingini…

Eisini ber til at skriva undir mótmælisskrivið í handli okkara.

Valdemar Lützen Byggibúð & Lásatænasta