So kann man eisini fáa Pizza í Grillini hjá Símun og í Maverick Barr.

Vit hava skaffa okkum ein Pizza ovn og frá íkvøld av byrjað vit at selja Pizza.

Spennandi og sjálvandi fáa tit eisini allan vanligan Grillmat, sjá myndir herundir:


Grillin hjá Símun hevur hesar upplatingartíðir:
Mánadag - Leygardag 18:00 - 23:00, sunnudag stongt, men lata vit Grilluna upp sunnudag kl. 14:00-18:00, tá ið KÍ spælir á heimavøllið.

​SáH

Eftir áheitan frá einum Bon Jovi fjeppara, í Fitness tímanum ímorgum, ferð Maverick at hita upp til
Bon Jovi konsertirnar íkvøld og ímorgin.

Hetta var ikki hvør sum helst, sum spurdi, um at hita upp í Maverick, tí hesin hevur verið til heilið 14 uttanlandakonsertir hjá Bon Jovi, seinast var í hesum mánaðinum í Singapore.

Maverick barr letur upp klokkan 18.00, har vit fara at spæla Bon Jovi tónleik, inntil ca. kl. 22.00, tá ið konsertin við fleiru av bestu tónleikarnum í Føroyum byrjar í Atlantis og har teyr fara at spæla løg hjá Bon Jovi. 

Hoyr millum annað: Singar á Homrum, Jógvan Joensen (X Factor) Malan Eyðunsdóttir og onnur framføra í Altantisr. Bon Jovi konsertin byrjar íkvøld kl. 22.00 og í annaðkvøld kl. 21.00.

Eisini kunnu tit sjálvandi keypa Jack Daniel's whiskey í Maverick, sum jú er drinkurin, sum Bon Jovi drekkur.

Páls Høll fær ágóðan av norðurlendsku virðislønini hjá SEV, sum verður latini langhylinum at brúka til eina lyftu til rørslutarnað 

Páls Høll er ein verkætlan, har borgarar hava tikið tung tøk fyri at gera dreym til veruleika, og henda verkætlanin líkist grundhugsanini undir SEV, sum er ein samhaldsføst skipan, har vit lyfta í felag.

Nevndin í SEV hevur við støði í hesum avgjørt at lata Páls Høll tær 350.000 krónurnar, sum SEV hevur vunnið í norðurlendsku náttúru- og umhvørvisvirðislønini 2015. SEV letur fólksliga átakinum í Vági stuðulin til eina lyftu til rørslutarnað, so allir borgarar fáa javnbjóðis atgongd til langhylin í Vági.

- Verkætlanin í Vági ber bara til, tí fólk lyfta í felag og seta sær eitt mál, sum í fyrstu atløgu kann tykjast ómøguligt, men sum kortini ber á mál, tí allar góðar kreftir fara til verka. Í krónum og oyrum er Páls Høll bert ein brøkpartur av tí, ein líknandi verkætlan hevði kostað, um hon varð gjørd eftir dagsins prísum og bert við løntari arbeiðsmegi, staðfestir Jákup Suni Lauritsen, nevndarformaður i SEV.

Hann vísir á, at nevndin í SEV hevur stóra virðing fyri teimum mongu, sum hava reist Páls Høll, tí verkætlanin er gjørd av huga. Nevndin í elfelagnum samanber langhylin í Vági við grønu kósina hjá SEV, sum hevur nógvar tøkniligar avbjóðingar við sær, men sum fyrst og fremst skal røkka málinum um 100 prosent grøna elorku í Føroyum í 2030, tí vit lyfta í felag og ganga grønu leiðina av fullum huga.

Húsahagi og nýggja battarískipanin eru dømi um nýhugsan, har SEV brýtur burtur úr nýggjum saman við stórum altjóða viðurkendum samstarvsfelagum uttanlands, sigur Sirið Stenberg, landsstýriskvinna, í samband við, at SEV í gjár fekk virðisløn frá Norðurlandaráðnum.

Landsstýriskvinnan í heilsu- og innlendismálum, Sirið Stenberg, er í hesum døgum í Íslandi í samband við ársfund Norðurlandaráðsins. Landsstýriskvinnan var í Hørpuni, tá SEV í gjár vann stóru náttúru- og umhvørvisvirðislønina hjá Norðurlandaráðnum.

- Eg eri sera errin av, at SEV fekk náttúru- og umhvørvisvirðislønina hjá Norðurlandaráðnum. Hetta er ein stór viðurkenning av ætlanunum hjá SEV at gera Føroyar grønar í 2030. Ein ætlan, sum landsstýrið fult og heilt tekur undir við í samgonguskjalinum, har vit hava sett sama mál – 100 prosent grøna orku á landi í 2030.

Landsstýriskvinnan takkar øllum teimum, sum í mong ár hava slóðað fyri og gjørt sítt til, at Føroyar nú gerast grønari. Sirið leggur aftrat:
- Virðislønin er eisini eitt greitt tekin um, at grannalondini síggja, hvussu stórt arbeiði verður greitt úr hondum í Føroyum. Føroyar verða soleiðis við til at gerast undangonguland innan grønar orkuloysnir, ið eru lættari at royndarkoyra í avbyrgdu føroysku elskipanini enn í einari stórari skipan. Hesar loysnir kunnu síðani brúkast í øðrum londum.
​
Grøna orkuloysnin hjá SEV stuðlar undir nationala og altjóða arbeiðið at minka um útlátið av veðurlagsgassum.

Sirið Stenberg, landsstýriskvinna, hevur á ráðharrafundi í dag undirskrivað eina felags norðurlendska veðurlagsyvirlýsing, har umhvørvisráðharrarnir vísa á týdningin at finna semju um eina nýggja bindandi veðurlagsavtalu á COP21 fundinum, sum verður í París í desember.
Norðurlendska umhvørvissamstarvið hevur í áravís sett sjóneykuna á útlát av veðurlagsgassum og negativu avleiðingarnar av veðurlagsbroytingum á landi sum sjógvi.
Ráðharrarnir ætla at halda fast um góða norðurlendska samstarvið á veðurlagsøkinum. Í hesum liggur eisini eitt ynski um at fylgja upp uppá niðurstøðurnar frá altjóða veðurlagsfundinum í París.
Sirið Stenberg, landsstýriskvinna, sigur at landsstýrið bíðar eftir niðurstøðunum frá COP21 í París, áðrenn støða verður tikin til at tillaga føroyska veðurlagspolitikkin frá 2009. Hon leggur aftrat:
- Í hesum sambandi fegnist eg um stóru viðurkenningina sum SEV fekk í gjár. Við sigrinum gongur SEV á odda í strembanini at minka um føroyska útlátið av veðurlagsgassum og hevur sett Føroyar á heimskortið innan grønar orkuloysnir.
Fundur við íslendska heilsumálaráðharran                    
Umframt at luttaka á ársfundi Norðurlandaráðsins hevur Sirið Stenberg eisini hitt íslendska starvsbróðir sín, Kristjan Tór Juliusson, heilsumálaráðharra. Tey umrøddu mál av felags áhuga og samstarvið landanna millum á heilsuøkinum.

Mikukvøldið 28. oktober, verður aftur skrúvugudstænasta í Christianskirkjuni kl. 17.30 við Marjun Lómaklett. Una Michaelsen, næmingur við Urguskúlan í Christianskirkjuni fer at spæla præludium, og næmingar hjá Lailu Nielsen í Klaksvíkar Tónlistaskúla spæla postludium á blokfloytu saman við urguleikaranum, Jóhannu. Aftaná eru øll boðin til skrúvur og kjøtsós í kirkjukjallaranum.VÆLKOMIN

Mong eru tey, sum kenna Annbjørg S. á Høvdanum - ið má kennast til at vera ein tann besti og viðkomandi sálarfrøðingur vit eiga her á landið. Og nú verður tað enn lættari hjá tær at fáa tíð hjá Annbjørg - sum er serkøn innan sálarliga hjálp.

Annbjørg hevur hjálpt fleiri hundrað menniskjum við rúsdrekkatrupuleikum, stress og sálarmøði. Hon hevur starvast sum fastur sálarfrøðingur á Blákrossheiminum, men nú er hon byrjað fyri seg sjálvan burtur av.

Eisini vit á Norðoya Portali fara at njóta ágóðan av henni - tí hon hevur játtað at skriva nakrar tíðindastubbar fyri okkum um strongd, sálarmøði o.a.

Um tú vilt vita meira um Annbjørg, so ber eisini til at vitja hennara snotuligu heimasíðu - sum vit á Norðoya Portali eisini halda vera sera vakra og viðkomandi. Fyri at vitja heimasíðuni hjá Annbjørg, trýst HER

NP 26.10.2015

Flóttafólka krisan fær ongan enda - og tað landi sum hevur tikið sær best av flóttum er Grikkaland - sjálvt um landið sjálvt er í eini stórari peningarneyð.

Bara henda mánaðin eru 157.000 flóttar komnir til Grikkaland - og roknað verður við, at 650.000 flóttar eru komnir kring allan heim via bátum - men rætta talið vita tey also ikki enn.

Roknast kann við, at Flóttafólkakrisan kann blíva nógv verri enn hvat hon longu er - og enn hava Føroyar ikki tikið ímóti nøkrum flóttum. Spurningurin er tískil enn, um vit eiga at hjálpa til ella ikki ..?

JáH (y) 26.10.2015