Stóra ferðafólkaskipið við teimum 1900 ferðafólkunum fór kl. 05.00 ímorgun  avstað aftur til havs. Queen Victoria vitjaði í 12 tímar í Klaksvík og tað var  gott lív í býnum, ímeðan fólkini vóru her í gjárskvøldið. Handlarnir høvdu opið leingi og onkur nýggj barr og matstað stungu seg upp. Haldi bert tað er spell, at truðka alt saman á Biskopstø á einum alfagra vegi, har nógv ferðsla er.  Kanska eitt hugskot at flutt tilhaldstaðið niðan í Djúpumýri, so slaps undan ferðslu ruðuleikanum í býnum. Tað er Inger Klein Olsen úr Vestmanna sum er  skipari hendan túrin.


SáH

Fíggjarmálaráðið og Yrkisfelagið Miðnám gjørdu í gjár nýggjan sáttmála, sum er galdandi til 1. oktober í 2015. Eins og felagið er eisini Fíggjarmálaráðið sum heild nøgt við sáttmálan.

Formaðurin Kári Jespersen er tó ikki nøgdur við, at Fíggjarmálaráðið skal hava sagt, at sáttmálin ásetur, at næmingarnir skulu lata inn færri uppgávur.

Rætt er tað, at tað er ikki sáttmálin, sum ásetur, at færri skrivlig avrik skulu latast inn. Tað er ásett í kunngerð, men at siga, at Fíggjarmálaráðið ber rangar upplýsingar, er at taka í so rívan til.

Nýggja miðnamsskúlaskipanin er samtykt í løgtingslóg um gymnasialar miðnámsútbúgvingar, og í kunngerð eru ásetingar um tey skrivligu arbeiðini, sum nú gerast færri í tali.

Tann nýggi sáttmálin er tillagaður minkaða talinum av skrivligum arbeiði, og tað er at fegnast um, at partarnir hava funnið semju um hesi viðurskifti.

Snorri Fjallsbak
Fíggjarmálaráðið

Sáttmálin við Yrkisfelagið Miðnám gevur meiri undirvísing og letur upp fyri nýggjari undirvísing á breytum

Fíggjarmálaráðið og Yrkisfelagið Miðnám hava ídag undirskrivað nýggjan lønarsáttmála.

Yrkisfelagið Miðnám er ein samanlegging av Yrkisfelag Studentaskúla- og HF-lærara og Lærarafelag Handilsskúlans.

Lønarhækkingarnar eru á sama støði sum sáttmálarnir við onnur fakfeløg.

- Sáttmálin við Yrkisfelagið Miðnám er týðandi, tí hann letur upp fyri fleiri spennandi møguleikum. Samstundis fær skattaborgarin meira og betri skúla fyri færri skattakrónur, sigur Jørgen Niclasen, landsstýrismaður í fíggjarmálum.

Fortreytir eru eitt nú skaptar fyri, at miðnámsskúlarnir kunnu skipast í størri deplar, tí sami sáttmáli er galdandi fyri studentaskúlar og handilsskúlar.

Sáttmálin er eisini treyt fyri, at nýggja gymnasiala útbúgvingarskipanin, sonevnda breytaskipanin, kann setast í verk. Tilsamans fer hetta at skapa møguleikar fyri samrakstri millum útbúgvingarskipanirnar.

Partur av semjuni er, at næmingar, ið fara undir útbúgving 1. august í ár, skulu lata inn færri skrivligar uppgávur. Tá fara lærarar at brúka minni tíð til at rætta uppgávur og meira tíð saman við næmingunum. At lærararnir fara at undirvísa meira er ein sparing fyri landið, sigur Jørgen Niclasen, fíggjarmálaráðharri. 

Partur av semjuni er eisini, at ársverk verður sett í verk frá 1. august 2013. Tað fer at økja leiðslurúmið hjá stjórunum.

Nýggi sáttmálin við Yrkisfelagið Miðnám er galdandi til 1. oktober 2015.

Fíggjarmálaráðið, 6. juni 2013

Fyri fáum døgum síðani lat nýggj heimasíða upp, ið kallast Heima.fo.

Heima.fo er nýtt møtistað fyri føroyingar og til ber at kjakast um mangt og hvat, keypa og selja, melda seg til áhugabólkar, fylgja við hvørji tiltøk eru í Føroyum, møta nýggjum vinum í kjakrúminum og mangt annað. 

Hóast tænastan júst er latin upp fyri almenninginum, so hava longu fleiri enn 150 føroyingar  skrásett brúkara á Heima.fo. 

- Vit vóna at føroyingar koma við íblástri, meiningum og verða við til at gera tænastuna fjølbroytta og áhugaverda, siga stigtakarirnir til Heima.fo

Ætlanin er eisini at víðka við fleiri tænastum og tí eru fleiri spennandi ting í væntu komandi tíðina.

Vitja Heima.fo á www.heima.fo.

Vit á Norðoya Portali vóru til tiltakið Haugaard Pelagic, har stúgvandi fult varð í Batmintonhøllini.

Ikki kann sigast annað, at tey á Norðoyastevnuni hava spíla seg sjálvan ordiliga út, og mangar av sketchinum vóru sera væl skrivaðar og framførdar.

Og so slapp ein eisini upplivað Jacob Haugaard, sum er ein meistari at standa á einum palli. Stuttligt varð tað eisini, at hoyra Jacob synjga á føroyksum. Super, siga vit bara

JáH (y) 02/06-12