Skjótt skal tað vera revsivert at fremja kynsliga avnoyðing ella at lokka børn og ung við ætlan um at fremja kynsligan ágang.

Í dag er lógaruppskot sent til ummælis um at lokking og kynslig avnoyðsla vera kynslig brotsverk í Føroyum, eins og tey eru í nógvum øðrum londum.

“Lokking” verður eisini kallað “grooming” og sipar til, tá ið persónur roynir at byggja upp samband við eitt barn ella ein ungan undir 18 ár við ætlan um seinni at fremja kynsligan ágang móti barninum ella tí unga. Sambandið verður vanliga bygt upp á netinum.

Kynslig avnoyðsla eitur á enskum “sextortion” og er samanseting av orðunum “sex” og “extortion.” Hetta er, tá ið persónur eitt nú brúkar nakinmyndir ella annað kynsligt tilfar av órættaða til at noyða órættaða at fremja kynsligar gerðir á seg sjálvan.

Seinastu árini hevur tað víst seg at kynsligur harðskapur byrjar á netinum. Okkara børn og ung ferðast nógv á netinum, og tí mugu tey verjast betur, sigur Bjarni Kárason Petersen.

Uppskotið verður væntandi borið í tingið í heyst og skal eftir ætlan koma í gildi 1. januar 2024.

Tað ber til at lesa og ummæla lógaruppskotið HER.

Løgmálaráðið

​Í morgin verður stóra braki ímillum Sheriff Tiraspol - KÍ og Maverick er klárt saman við øllum KÍ fjepparnum at heppa KÍ til sigurs.

Dysturin byrjar klokkan 18:00 og vit hita upp frá klokkan 17:00.

Vónandi vera tað nógvir fjepparar í hvítum og bláum.

Koyr á KÍ

Fyri kortum heitti Kommunufelag Føroya á landsstýriskvinnuna í umhvørvismálum, Ingilín D. Strøm, um at endurskoða skipanina við jarðhitaboringum. Hetta eftir at fleiri kommunur vóru givnar at lata boriloyvi, tí at ónøgd var millum annað um dálking frá boristøvi.

Landsstýriskvinnan í orku- og umhvørvismálum, Ingilín D. Strøm, setti tí ein skjóttarbeiðandi arbeiðsbólk at gera tilmæli til møguligar tillagingar í skipanina við jarðhitaboringum.

Arbeiðsbólkurin varð mannaður við umboðum fyri Kommunufelagið, Vinnuhúsið, Umhvørvisstovuna og Umhvørvismálaráðið.

Arbeiðsbólkurin hevur latið frágreiðing við tilmælum av hondum. Tilmælini kunnu í høvuðsheitum flokkast í fýra bólkar:
Nýggjar mannagongdir skulu tryggja, at boristøv ikki verður leitt út í nærumhvørvið
Teknisk krøv skulu verja av grundvatn í sambandi við boringar
Drekkivatnsøki skulu skrásetast betur, so tey ikki verða ávirkað av jarðhitaboringum
Jarðhitahol skulu skrásetast betur, soleiðis at vitanin kann nýtast frameftir

Landsstýriskvinnan fegnast um nýggju tilmælini. “Nú fara vit at seta hetta í verk sum skjótast, so vit kunnu tryggja, at grøna orkuskiftið kann halda áfram undir skipaðum kørmum”, sigur Ingilín D. Strøm.

Frágreiðing og tilmælið kunnu lesast her.

Umhvørvismálaráðið

Løgmansskrivstovan leitar eftir tveimum 18 ára gomlum føroyingum, ið kundu hugsað sær at komið í 18 ára føðingardag hjá H.K.T. Christian Prinsi.

Tann 15. oktober 2023 verður H.K.T. Christian Prinsur 18 ár.
Í hesum sambandi skipar Kongshúsið fyri stórari føðingardagsveitslu, Gallataffel, á Christiansborg Slot. Fleiri enn 200 ung úr øllum ríkinum eru boðin við - herundir ein genta og ein drongur úr Føroyum. Harumframt bjóðar Kongshúsið eisini trimum ungum úr Føroyum millum 18 og 25 ár, ið hava skarað framúr innan ítrótt, mentan ella list. Kongshúsið velur hesi trý.

Løgmansskrivstovan leitar tí eftir tveimum 18 ára gomlum føroyingum, einari gentu og einum dreingi, ið kundu hugsað sær at komið í 18 ára føðingardag.

Einasta treyt er, at tú hevur fylt 18 ár áðrenn 15. oktober 2023.

Hevur hetta tín áhuga, ert tú vælkomin at senda okkum ein teldupost við navni, bústaði og føðingardegi á [email protected].

Øll innkomin nøvn verða viðgjørd í trúnaði.

Freistin er 7. september kl. 12.00.

Eftir freistina verður trekt lut millum innkomnu nøvnini.

Veitslan verður á Christiansborg Slot í Keypmannahavn 15. oktober 2023 kl. 17.00. Ynskiligt er, at føroysku gestirnir eru í tjóðbúna.

Løgmansskrivstovan rindar fyri ferðaútreiðslur og gisting í eina nátt.

Um tit hava spurningar, kunnu tit seta tykkum í samband við Pól R. Wolles, deildarstjóra, á [email protected]

Løgmansskrivstovan

​Vit skriva 2023 og tað er ikki gott nokk, at føroyingar ikki kunnu síggja føroyskt sjónvarp umborð á Norrønu, har útlendingar kunnu síggja upp til 25 kanalir.

Grundgevingin hjá Norrønu fyri at føroyingar ikki kunnu síggja føroyskt sjónvarp er sendinetið ella haldaragjaldið, men so er at fáa tað gjørt og er tað haldaragjaldið, so er at gjalda eitt haldaragjald.

Úrslitið hjá Smyril Line var 16 milliónir í 2021, men eg kann ikki síggja úrslitið fyri 2022 á heimasíðuni hjá Smyril Line, men væntandi er tað nógv betri enn 2021, nú ferðavinnan blomstrar aftur eftir Korona.

Norrøna bleiv umvæld og endurnýggjað síðst í 2020 og kom aftur í sigling í mars 2021. Skipið fekk 50 nýggj kømur, harav 32 nútímans dupultkømur, men lítið bleiv gjørt fyri at betra um internetið og sendinetið umborð og tað eigur Smyril Line at raðfesta nú.

Eg vil heita á nevndina í Smyril Line at javnseta føroyingar og útlendingar umborð Norrønu, SO VERÐUR TAÐ GJØRT.

Símun á Høvdanum

Fyrr í dag vóru seks fittar gentur úr 6.d á Skúlatrøð og vitjaðu Karl Johansen, borgarstjóra. Hetta var í samband við eitt skúlablað, har tær skulu gera eina samrøðu við borgarstjóran.

Tær spurdu eitt nú, hvussu tað er at vera borgarstjóri í Klaksvík, hvat var gott við at vera borgarstjóri og eisini hvat Karl ætlaði sær at gera í framtíðini. 
Til tann seinasta spurningin segði borgarstjórin smílandi: 
- Nú havi eg 1 ár og 4 mðr. eftir sum borgarstjóri, so eg skal til at taka støðu nakað skjótt, um eg stilli upp aftur, ella um eg velji at gerast fólkapensjonistur.

Vit siga takk fyri vitjanina Lea, Rebecca, Nanna, Ró, Alda og Anastasia. 👏🎙

Klaksvíkar Kommuna

​Man kann fáa upp til 4.500,00 kr. í endurgjaldi, um eitt flogfelag ikki heldur tíðarætlanina, men hvat vit Norrønu?

Norrøna hevur havt seinkingar síðani 8. august og tær hava verið heilt uppí eitt samdøgur, 24 tímar, alt hetta tíðarskeiðið, men hvussu við endurgjaldskravi? er tað bert galdandi tá ið man flýgur?

Bert ein spurningur, tí tað kann hava stórar fylgjur fyri ein, um ein hevur bókað sær ferðaseðil víðari til annað land ella um ein ikki møtir til tíðina, tí ein hevur verið seinkaður 24 tímar, av tí at Norrøna ikki hevur hildi tíðarætlanina.

SáH

Her broytingarnar hjá Norrønu í august 2023:
Siglingarætlan 2023
GG! Broytingar viðvíkjandi siglingarætlanini.

Vegna illveðrið í Hirtshals 8. august eru seinkingar í siglingarætlanini fram til 23. august 2023.

​Smyril Line

Í dag er aftur nógvur fótbóltur á skránni. Maverick Barr letur upp klokkan 14:00, har vit fara at hyggja eftir Sheffiel United - Manchester City.

Vit fara eisini at hita upp til dystin KÍ - EB/Streymur klokkan 15:00 og so verður stórdysturin Newcastle - Liverpool vístir klokkan 16:30.

Kom forbí og heppa KÍ til sigurs. Koyr á KÍ.

Skráin sunnudagin er hendan:
Kl. 14:00 Sheffield United - Manchester City
Kl. 14:30 Mainz 05 - Eintracht Frankfurt
Kl. 15:00 KÍ - EB/Streymur
Kl. 16:30 Villarreal - Barcelona
Kl. 16:30 Bayern Munchen - Augsburg
Kl. 16:30 Newcastle - Liverpool
Kl. 17:00 FC Nordsjælland - FC Midtjylland
Kl. 18:30 Valencia - Osasuna
Kl. 20:30 Athletic Bilbao - Real Betis

​Maverick Barr letur upp nú klokkan 18:00, tað verður enskur, italienskur og spanskur fótbóltur, skráin er hendan:

Kl. 17:30 Brighton - West Ham
Kl. 19:45 AC Milan - Torino
Kl. 20:30 Sevilla - Girona

Eisini verður tónleikur á skránni. Væntandi eitt friðaligt kvøld, nú tey flestu eru farin í Norðfestivalin.

Sunnudagin 27.08 lata vit longu upp klokkan 14:00, vit fara at hita upp til heimadystin KÍ - EB/Streymur.

Skráin sunnudagin er hendan:
Kl. 14:00 Sheffield United
Kl. 14:30 Mainz 05 - Eintracht Frankfurt
Kl. 15:00 KÍ - EB/Streymur
Kl. 16:30 Villarreal - Barcelona
Kl. 16:30 Bayern Munchen - Augsburg
Kl. 16:30 Newcastle - Liverpool
Kl. 17:00 FC Nordsjælland - FC Midtjylland
Kl. 18:30 Valencia - Osasuna
Kl. 20:30 Athletic Bilbao - Real Betis

So hópin av fótbólti, kom forbí og málað Maverick Blátt og hvítt.

Koyr á KÍ

​Listaframsýningin “Skjótt, tó ikki seint” - við Hansinu Iversen letur upp í Gamla Seglhúsinum leygardagin tann 26. august 2023

Fernisering verður leygardagin tann 26. august 2023 klokkan 16:00 og kemur Kinna Poulsen at røða.

Eisini verður tónleikur og lættari ábit umframt at tað er møguligt at hitta listakvinnuna.

Talan er um eina søluframsýning, sum hongur uppi fram til 24. september 2023.

Hjartaliga vælkomin 😊

www.gamlaseglhusid.fo