Hetta kemur bara nakrar dagar eftir at hann var testaður positivur fyri Korona tann 21. juli.

Læknin í Hvíta húsinum Kevin O'Connor kallar hetta eitt "rebound", summi sum hava tikið heilivágin Paxlovid, sum er eitt antistoff og sum verður brúkt sum heilivágur fyri at koma fyri seg eftir Korona, kunnu blíva testaði positiv aftur og tað bleiv Biden hesaferð.

Biden bleiv ikki álvarsliga sjúkur COVID-19 og hevur ongin sjúkratekin nú, men má vera í sóttarhaldi inntil hann verður testaður negativur.

SáH

Týskvøldiď, 02.august kl. 19.30, vilja vit fegin bjòđaď øllum til sang- og sálmakvøld í Christianskirkjuni.

Eitt sang- og sálmakvøld fyri allar aldursbòlkar. Vit fara at syngja sálmar ùr sálmabòkini, enskar hymnur viđ fylgispæli frá Klaksvíkar hornorkestriđ, sálmar ùr sálmaískoytinum, umfram onkrar barnasangir.

Bert fyri at nevna nakrar av sálmunum verđa m.a. hesir sálmar : “Amazing grace”, “Algòđi Gud mín fađir er”, “Mín bátur er lítil”, “Tann dagur tù gavst”, umframt nògvir ađrir kendir sálmar.

Litturgur verđur Marjun Lòmaklett, sum kemur at hava eina stutta andakt. Aftaná er ein drekkamuđur ì kirkjukjallaranum.

COME AND SING ALONG IN THE CHRISTIANSCHURCH – INTERNATIONAL AND FAROESE SONG EVENING – 
On Tuesday, 2th’ of August at 07.30 pm, we will invite everyone to a song evening in the Christianschurch. An evening of singing for all nations and all age groups. We will sing hymns from the hymn book, english hymns together with our local brass band, other hymns and children’s songs. Just to mention some of the hymns, we will sing “Amazing grace”, “Crimmon”, “Children’s song” and “The day that you gave us”, as well as a lot of other wellknown hymns. Liturgist is the priest, Marjun Lómaklett, who also gives a short sermon. After the singin along eving everyone is welcome in the church basement for coffee, thea and cakes.

Christianskirkjan

​Tað sær út sum at politiska skipanin hevur spælt fallit viðvíkjandi okkara Dialysusjúlkingum og tí er tað upp á tíðina, at vit øll í Føroyum fara at hjálpa teimum.

Hvat kostar tað at seta eina Dialysuviðgerð á stovn á Klaksvíkar Sjúkrahús og á Suðuroyar Sjúkrahús?
Sum øllum kunnugt, so spæla pengar altíð inn, um okkurt skal flytast frá Landssjúkrahúsinum til hinu sjúkrahúsini og tí haldi eg tað hevði verið eitt gott hugskot, at vit øll í Føroyum fara at samlað pengar inn, so at vit fáa okkara Dialysusjúklingar til Norðoyggjar og Suðuroy.

Vit samlað inn til mangt og hvat ígjøgnum alt árið og nú okkara Dialysusjúklingar trongja til okkara hjálp, so kundi vit fingið onkran kønan at rokna út, hvat tað kostar at seta dialysutól upp á Klaksvíkar Sjúkrahús og Suðuroyar Sjúkrahús. Kostar tað nakrar milliónir, so vænti eg heilt sikkurt at vit megna at samlað teir pengarnar inn.

Landssjúkrahúsið blívur við at siga at tað skal vera onkur lækni ella onkur fakligur sum skal hava ábyrgdina av trygdini fyri hesar sjúklingar og tað skuldi ongin trupuleiki verið, at givið einum lækna ella ein fakligan ábygdina á Klaksvíkar Sjúkrahúsi og Suðuroyrar Sjúkrahúsi, tey hava jú ábyrgdina av øllum sjúklingunum sum nú er. Viðgerðin klárar ein sjúkrasystir at gera og tað skuldi verið sera skjótt at lært nakrar sjúkrasystrar upp til at gera dialysuviðgerðina.

Tonki uppá at gjørt eina innsamling á sama hátt sum vit samlað pengar inn til krabbameinsfelagi, har vit øll samlað pengar inn í einari beinleiðis sending eitt fríggjakvøld ella leygarkvøld.

Kringvarp Føroya skuldi staðið fyri innsamlingini og so kundi vit onnur givið eini hjálpandi hond og sjálvandi skuldi allir okkara politikkara eisini verið við í innsamlingini, har fólk, vinnulívið og handilsfyritøkurnar kundi ringt inn og givið eina upphædd til Dialysutólini.

Koma nakrar milliónir inn, so skulu tær fara óskerdar til dialysutólini og trupuleikin skuldi verið loystir.

Símun á Høvdanum

Norðsøki kom aftur seinnapartin, skít fult skip. Teir hava roynt við snellu undir Íslandi.

Hetta gjørdist ein sannur roktúrur og tað má vera sera langt síðani at Norðsøki hevur havt so nógv í lastini, hann var fullur undir lúkurnar og fiska bleiv eisini á dekkið.

Sostatt ein av bestu túrunum hjá Norðsøka nakrantíð, umleið 90.000 pund ella meira, tað mesta var upsi og 20.000 pund toskur.

Tað eru fimm mans við Norðsøka og skipari er Heri Vang.

Man kann bara gleðast saman við skipara og manning, fantastiska flott klára og nú kunnu tit við góðari samvitsku fara til KÍ dystin og Ólavsøku.

​SáH

Fekk tríggjar myndir frá einum borgara í Klaksvík í dag og eg eri í sjokk, hvat hendir her?

Hetta er púra óforsvarligt, fyrstilla tykkum at eitt barn dettur niður í hesa grundina ella ein tungur lastbilur koyrir ov langt til høgru og vegurin ferð undan honum, so tori eg ikki at gita, hvat avleiðingarnar vera og tori als ikki skriva tað.

Hetta má Klaksvíkar Kommuna fáa skil uppá beinanvegin, helst í dag enn ein annan dag, hetta er púra burtur úr vón og viti. Hvat tonkja fólk fyri sær, tað er ov seint at handla, tá ið skaðin er hendur.

Vónandi verður handla skjótt í hesum málinum Klaksvíkar Kommuna.

​Sjá myndir herundir, eg eri í sjokk og eg takki borgaran fyri at viðkomandi gjørdi okkum í Klaksvíkar Býráð vart við hetta óskili, sjálvt um eg eri eykamaður í Klaksvíkar Býráð, men verið eg boðsendir til næsta Býráðsfund, so skal hetta heilt sikkurt takast upp til viðgerðar.
​
SáH

Vísandi til seinastu rentubroyting hjá Danska Tjóðbankanum og broytingar á rentustøðinum annars, hevur sparikassin avgjørt at hækka rentuna á bæði innlánum og útlánum. Rentuhækkingin ber í sær, at hjá privatkundum hækkar útlánsrentan við upp til 0,40 %-stig og negativa rentan av innlánum verður strikað.  

Rentan hjá vinnukundum hækkar við upp til 0,50 %-stig bæði fyri inn- og útlán. Rentuhækkingin ávirkar bert inn- og útlán við broytiligari rentu, og hevur virknað frá 1. september 2022. Yvirlit við rentustigum verður kunngjørt á heimasíðu sparikassans www.ns.fo, tá ið hækkingin er komin í gildi. 

NORÐOYA SPARIKASSI

Gudrun kom aftur frá fiskiskapi tíðliga í morgun. Teir hava roynt við gørnum á Føroya Banka.

Veiðan bleiv boðin út til Fiskamarknaðin Føroyar og høvdu teir 12.312 pund, tað mesta havtaska og toskur, 10.000 pund havtaska, 2.200 pund toskur og restin annað fiskaslag, sjá søluna herundir.

Landa bleiv til NFCS.

​SáH

Stjørnan og Polarhav eru júst komnir aftur av fiskileið og hava teir partrola vestan-sunnanfyri Føroyar.

Teir hava heili 500.000 pund av gullaksi og eru fullfermdur.

Landa verður til Kósina og tá ið liðugt verður at landa, blívur lastin koyrd til Tavuna í Leirvík til víðari viðgerðar.

Teir byrjaði túr tann 18. juli, sostatt fiska í  eina góða viku.

SáH

Smaragd og Safir eru komnir aftur av fiskileið tíðliga í morgun. Teir hava partrola eystanfyri Føroyar.

Teir hava havt ein stak góðan túr og eru fullir, 240.000 pund, tað mesta var upsi.

​Ein partur bleiv boðin út til Fiskamarknaðin Føroyar, 63.696 pund, tað mesta longa, toskur og annað fiskaslag, sjá søluna herundir.

Teir byrjaði túr tann 14. juli.

Landa blívur nú til Kósina.

SáH

SMARAGD - ( KG 340 )KLAKSVÍKAR HAVN-25-07-2022   15.624
SAFIR - ( KG 339 )KLAKSVÍKAR HAVN-25-07-2022   16.224

Línuskip. Eitt línuskip er á Føroya Banka og kemur tað at landa mánadagin. Tað fær mest av hýsu, longu og havtasku. Restin liggur við bryggju og fara neyvan út fyri enn eftir Ólavsøku. Fimm frystilínuski undir Føroyum og eitt er í altjóða sjógvi.

Útróður: Streymurin verður hampuligur og veðri verður eisini hampuligt, so tí verður nakað av útróðri.

Djúpvatnstrolarar: Ein er á svartkalvaveiðu og kemur vantandi at landa í vikuni. Hann er í bretskum sjógvi. Ein frystitrolari er eisini í bretskum sjógvi og fiskar svartkalvi.  Ein liggur við bryggju.

Partrolarar: Trý pør eru til fiskarí og koma tey flestu at landa í vikuni. Smáligt fiskarí. Tey fáa eisini nakað av hvítum fiski. Tvey pør fiska gulllaks.

Trolbátar: Bara ein trolbátur er til fiskarí. Hann er á landleiðini og fær mest av flatfiski og toski. Hann landar vantandi fyrst í vikuni. Restin liggur við bryggju og er tað eisini ivasamt um teir fara avstað í næstum, tí tað er feriutíð.

Garnaskip: Tvey garnaskip fiska svartkalva. Fiskaríð er smáligt. Tvey fiska havtasku og hava tey brúkiligt fiskarí. Øll garnaskipini landa í vikuni.

Fiskamarknaðurin Føroyar