Klokkan tvey í nátt var boðað frá grind sunnanfyri á Árnafirði.

Ætlanin var at reka hana inn í Hvannasund, men ikki fekst rakstur á hana norðureftir, hon vildi bara suðureftir og so var avgjørt at reka hana inn á Borðoyavík.

Klokkan umleið 5:30 bleiv hon dripin á Hellisenda á Borðoyavík. Drápið gekk væl og eftir góðar 10 min. vóru allir hvalirnir deyðir. Tað vóru umleið 25 – 30 hvalir.

Tað sum var sera sermerkt við hesum grindadrápinum, var at tað var mestsum øll, sum vóru við í drápinum vóru heilt ung fólk. Tey flestu av fólkunum høvdu verið í býnum og tann elsti mundi nokk vera løgreglumaðurin Karl Johansen.

Seðlirnar koman væntandi út á miðdegi og verður grindin býtt í drápspartar.

SáH
​

​
BARNATANNRØKTIN Í SUMMARFRÍTÍÐINI
Barnatannrøktin er í summarfrí frá 27. juni til 15. august, men tríggir vaktardagar eru ásettir til bráðfeingis tannlæknahjálp í hesum tíðarskeiðnum.

Er tørvur á bráðfeingis tannlæknahjálp, meðan barnatannrøktin er í summarfrí, ber til at ringja til Miðlan og bíleggja tíð.

Tannlæknahjálp verður veitt í trimum umførum:

fríggjadagin 6. juli
fríggjadagin 20. juli
fríggjadagin 3. august
Neyðugt er at bíleggja tíð í seinasta lag ein dag frammanundan.

Miðlan hevur tlf. 410000 og er opið hvønn gerandisdag kl. 10-16.

Kelda: www.klaksvik.fo

SáH

Klaksvíkar Býráð samtykti á seinasta býráðsfundi at koyra dagrøktargjaldið upp við 770 krónur meira um árið.

Klaksvíkar Kommuna skuldi heldur koyrt Dagrøktargjaldi niður, so tað bleiv javnsett við vøggustovugjaldið.

Klaksvíkar Kommuna fær umleið 100.000,00 kr. um árið í meirinntøku av hesari hækkingini og tað ljóðaði so gott at siga við KVF, at pengarnir skulu brúkast til útgerð.

Lækkið heldur lýsingarpengarnir
Klaksvíkar Kommuna kundi lættliga koyrt dagrøktargjaldið niður til somu upphædd sum vøggustovuplássini, pengarnar kundi teir funnið á kontoini lýsingar.

Klaksvíkar Kommuna lýsir fyri langt omanfyri 500.000,00 kr. um árið og einamest enda allir pengarnir í Norðlýsinum, tit kunnu gita hví?

Hví lækkað tit ikki upphæddina til lýsingar og hví fara eftir teimum yngstu í býnum? Vit hava ikki brúk fyri at síggja fleiri heilsíðulýsingum, um hvat grótið kostar á Grótbrotinum, tað kunnu tit gott upplýsa ókeypist á heimasíðuni klaksvik.fo ella kunnu viðskiftafólkini ringja inn og fáa prísin at vita. Her eru nógvir pengar at spara og at brúka 10tals túsund krónir fyri heilsíðulýsingunum í Norðlýsinum er total langt úti.

Har ruggar ikki alt rætt innan Klaksvíkar Kommunu og eg má spyrja, hevur Jógvan Skorheim púra frítt spæl ella ringja ongar alarmklokkur.

Tað eru risa upphæddir brúktar uppá býin tey seinastu mongu árini og nú kom so endiliga ein eykainntøka uppá 100.000,00 kr. um árið, men tað var frá teimum yngstu í býnum.

Klaksvíkar Býráð segði, at um fiskivinnuuppskotið hjá Høgna Hoydal kom ígjøgnum, so fór tað at kosta Klaksvíkingini yvir 80 milliónir um árið og man ikki Skúlin á Skúlatrøð, Sjóhitin og leiguíbúðirnar á Biskopstø fara at kosta munandi meira enn tað eigur at kosta, men enn er ongin sparing sett í verk og tað verður koyrt við fullari ferð, eg skilji tað ikki, men kanska onkur kann forklára mær, hvussu tað kann lata seg gera.

Her samrøðan sum KVF hevði við Jógvan Skorheim leygardagin tann 23.06.2018, klikk her: “Dagrøktargjaldið í Klaksvík fer upp”.

SáH

​Í nátt eru eini hús brend í Skúvadali á Borðoynni.

Norðoya Portalurin & News.fo ringdi til vakthavandi á Politistøðini kl. 06.17 og har bleiv váttað at eini hús vóru brend sunnast á Borðoynni, men upplýst bleiv eisini, at tað vóru ikki skóthúsini hjá gulu skótinum, tað vóru ein onnur hús og var staðið, um eg hoyrdi rætt, Bjargamansdali.

Tyrlan bleiv boðsend og sløkkiliðið frá Klaksvík fór at sløkkja eldin. Eisini var morsbilurin við. Hetta var umleið kl. 02.00 í nátt.

Ongin mansskaðið var og ikki bleiv upplýst hvussu illa húsini fórust.
​
SáH