Nærum 1.500 børn er burturflutt í Irak tey seinastu tvey og eitt hálvt árini, veit UNICEF at siga frá.

Mong av teimum vera tvingaði til at vera barnahermenn, ella vera tey útsett fyri neyðtøku og seksuellum ágangi, sigur ein rapport um støðuna hjá børnum úr Irak við tittlinum "A heavy price for Children".

JáH (y) 30.06.2016
Kelda: NTB

David Cameron hevur boða alment frá, at hann vil ikki stýra landinum longur, nú teir fara út úr ES og ta seinasta nýggja er, at nú vil Skotland heldur ikki vera ein partur av Bretlandi.

Og fólkini eru nokk bangin fyri framtíðini, tí nú eru nærum 3 milliónir undirskriftir sendar til parlamenti, sum krevja eitt nýval - so at Bretland kann vera verandi í ES, men hetta verður nokk av ongum, tí parlamenti hevur júst viðgjørt spurningin og fólkið hevur also talað og talan varð greið: Bretland skal út úr ES ..!

JáH (y) 26.06.2016

​Fríggjadagin tann 1. juli hátíðarheldur Havsbrún rundan føðingardag.

Í hesum sambandinum verður skipa fyri einum tónleikatiltaki í nýggju tunlinum. Tiltakið byrjar klokkan 19:00 (stundisliga).

Øll er vælkomin, men minst til heit klæðir, tí tað eru bert 8-10 stig inni í tunlinum.

Skrá tónleikatiltaki:
- Fuglafjarðar Hornorkestur
- VEGA
- Tórshavnar Manskór
- Lena & Niklas
- Marius Ziska
- Punjab

Skrá fyri dagin:
16:00 Møguleiki fyri rundvísing á virkinum
17:30 Móttøka
- Bóklingur um Havsbrún gjøgnum 50 ár
- Røður
19:00 Tónleikakonsertir við lítlum ábiti:
- Fuglafjarðar Hornorkestur
- VEGA
- Tórshavnar Manskór
- Lena & Niclas
- Marius Ziska
- Punjab

Norðoya Portalurin ynskir Havsbrún hjartaliga tillukku og góðan byr fyri framman.

SáH

Tað gjørdist greitt ímorgun, tá ið allar atkvøðurnar vóru taldar upp, at bretar høvdu stemma NEI til ES.

​51.9 prosent søgdu NEI og 48,1 søgdu JA, sostatt hevur Bretand vent Europa baki.

Hetta setti Europa í sjokk og breska pundið fall til tað lægsta í 30 ár ímóti dollarnum og tað størsta fallið nakrantíð í ein dag.

Hvat ávirkan tað fær á tann Føroyaska marknaðin er ilt at meta um, men nú verður tað munandi bíðligar at keypa frá Onglandi.

SáH

Eftir at Klaksvíkar Kommuna tók húsini á Bakkanum niður, so er Klaksvíkar Kommuna í ferð við at taka enn eini hús niður.

Talan er um eitt av Kjølbro húsunum, sum upprunaliga vóru bygd í 1920'unum, har Frú Strond búðu í teim frá fyrstan tíð av. Eftir at Frú Strond varð liðug at búgva har, hevur Kjølbro keypt húsini og bygt uppí - har ein av stjórunum, sum arbeiddu undir honum búðu har (Als varð nokk tann fyrsti, sum búðu í hasum húsunum, síðan Frú Strond búðu har). Eftir tað, so hava fleiri búð har (eitt nú Páll á Dul og síðan Thulesen, sum rak allar fyritøkurnar hjá J.F. Kjølbro).

Føroyar hava í hesi viku verið til hoyring hjá ST í sambandi við sáttmálan um borgarlig og politisk rættindi, sum hevur verið í gildið fyri Føroyar síðani 1972.

Mannarættindanevndin spurdi millum annað um, hvussu eftirlit á mannarættindaøkinum verður framt í Føroyum. Nevndin var somuleiðis áhugað í at hoyra nærri um ætlanirnar hjá landsstýrinum at seta á stovn óheft mannarættinda eftirlit í Føroyum.

Landsstýrismaðurin í Uttanríkis- og Vinnumálum hevur sett ein arbeiðsbólk, sum skal kanna og koma við tilmæli um hvussu ein óheft eftirlitseind kann verða skipað í Føroyum. Arbeiðsbólkurin letur eftir ætlan sítt tilmæli úr hondum seinni í ár.

Niðurstøður og tilmæli frá Mannarættindanevndini verða væntandi almannakunngjørd hálvan juli og verða løgd á heimasíðuna hjá Uttanríkis- og Vinnumálaráðnum.
​
Hoyringin fór fram í Geneve á høvuðssætinum hjá hákommiserinum hjá ST fyri mannarættindum. Umboð fyri Uttanríkis- og Vinnumálaráðið umboðaði Føroyar til hoyringina.

Kelda: Løgtingið

Jordan hevur stongt grensurnar norðeystan og norðan í landinum og hevur boða frá, at umráðini eru bert til herin, eftir at seks hermenn blivu dripnir av einum sjálvmorðsálopið, nær sýrisku grensuni.

14 onnur menniskjur fingu álvarsligan skaða, tá ein sjálvmorðsbumbumaður sprongdi ein lastbil í luftina í Rukban-umráðinum, sum liggur beint við grensuna ímillum Jordan, Sýria og Irak, týsdagin.

JáH (y) 21.06.2016

Ein trýr tí næstan ikki, at so nógvar vanlukkir kunna henda uppá eingang, sum tað nú er hent í Orlando, men nú er enn ein vanlukka hend í Amerika, sum veruliga hevur sorgarbundið Orlando ...

Leitað hevur verið dúgliga av amerikonsku løgreglun eftir líkinum av tí tvey ára gamla smádronginum, sum tikin bleiv av einum alligatori í Disneys Fairy Tale Wedding Chapel í Orlando, Florida týskvøldið ...

Nú hevur løgreglan funnið líkið av smádronginum og familjan hjá tí lítla dronginum eru takksom fyri arbeiði sum løgreglan hevur framt og fer nú at leggja drongin til jarðar. Syrgiliga vanlukkan kemur beint eftir, at Christina Grimmie bleiv skotin til deyðis, eftir eina konsert og 49 ósek menniskjur lótu lív, tá ið Omar Mateen skjeyt frá hond í klubbanum Pulse fyri samkynd í Orlando.

JáH (y) 16.06.2016

Klaksvíkar Kommuna fór í holt við at taka húsini hjá Hans á Bakkanum niður í dag, og sum skilst so hevur tað bara gingið skjótt fyri seg.

Keldurnar, sum Norðoyar Portali hevur tosað við - siga frá, at tað eina partí'ið av húsunum vóru frá 1916 og hitt "nýggjari" parturin av húsunum eru frá 1941 - sostatt kann sigast, at hetta vóru eini hús, sum vóru áleið 100 ára gomul. Gongur sum ætlað, so vera húsini liðug at taka niður í vikuni og so skal byrjast at gera eitt grønt økið runt um har húsini hava verið.

Vit á Norðoya Portali vóru á staðnum og eisini fara vit at leggja ein film saman, sum vit tóku upp ídag, ímeðan húsini vóru niðurløgd.

JáH (y) 15.06.2016

Maðurin sum tók lívið av einum løgreglumanni ígjárkvøldið er eisini deyður.

Maðurin hevði tikið fleiri gíslar í eini íbúð, í forstaðinum Yvelines í París, eftir at hann hevði stungið ein løgreglumann til deyðis.

Franska løgreglan umringaði íbúðina, stormaði inn og skjeyt mannin til deyðis. Í íbúðini fann løgreglan enn eitt lík og tað varð av eini kvinnu. BT veit at siga frá, at tey sum doyðu vóru løgreglumaðurin, kona hansara og at 3 ára gamli sonur teirra yvirlivdi í gíslatøkuni.

JáH (y) 14.06.2016