Blog Archives - NP

”Karlo og Luddi” í Býráðshøllini í Klaksvík

30/10/2014

Hóskvøldið 30. oktober kl. 19.30, verður nýggja barnabókin, Karlo og Luddi løgd fram í Býráðshøllini í Klaksvík - og eru øll vælkomin.

Tað er Niclas Heri Jákupsson, sum hevur skrivað bókina, men hevur tað verið í tøttum samstarvi, við sín versonin, Svenbjørn Kvilt Olsen.

Les meira HER

JáH (y) 30.10.2014
Kelda: Klaksvíkar Kommuna

Fyrilestur í kvøld 30. oktober kl. 19:00 - um positiva sálarfrøði

30/10/2014

Mynd úr FB

Tað er Ann-Britt Mortensen, sum fer at greiða frá, hvat positiv sálarfrøði er, og hvussu vit kunna brúka hetta í gerandisdegnum.

Í kvøld, hóskvøld, kl. 19:00, heldur Ann-Britt Mortensen, sosialráðgevi og master í positivari sálarfrøði, fyrilestur um hvussu positiv sálarfrøði kann vera ein liður í prosessini at koma fyri seg, og fyrbyrgja afturstigum hjá fólki við sálarheilsuavbjóðingum.

Sinnisbati hevur aftur í ár gjørt eina skrá við fyrilestrum hvønn mánað, sum ein liður í at arbeiða við at avtabuisera sálarsjúkur, og gera upplýsandi arbeiði hesum viðvíkjandi

Fyrilesturin er um hvussu vit kunnu brúka vitan frá gransking innan økið positiva sálarfrøði í eini recovery prosess. Tosað verður um grundleggjandi hugtøk innan positiva sálarfrøði, m.a.: - tað góða lívið, tað virknað lívið og tað meiningsfulla lívið - vón og optimismu - persónlig virði og kjarnustyrkir Gransking vísir, at seta vit fokus á styrkir, hevur tað eina positiva ávirkan á menniskjaligan trivnað, so sum betri sjálvsvirði og sjálvsálit, minni strongd, størri drívmegi og virkni og meira gleði. Tiltakið er ókeypis og verður í hølunum hjá Sinnisbata í Laðabrekku 1, í Tórshavn.

JáH (y) 30.10.2014
Kelda: Sinnisbati

Samrøða við Zacharias Hammer

29/10/2014

Mynd úr FB

Spurning 1: Hvat diggast Føroya besti dokument-sendimaður við í dag ?!?

Í dag eri eg miðlalærari hjá 8. 9 flokkunum og Valskúlanum á Ziskatrøð í Klaksvík - Redigeri annars seinastu tveir partarnar av raðsendingin (Gylta Gullið) Annars er Trolarasøga okkara og Kvinnurnar í Føroyingahavnini í hjalarvatninum - ráupptøkurnar eru gjørdar.

Spurning 2: Vit sum upplivdi "Dølgarnir" høvdu eitt feitt upplivilsi - Hvar fekk tú tíni hugskot frá ?!?

Hugskotið til dólgarnar kom úr gomlu føroysku søgnunum - eitt nú seyðatjóðar, persónar sum vóru spennandi, stuttligir og øðrvísi enn vit onnur. Búðu úti í náttúruni og alt var burturav føroyskt. Fekk valgt mær røttu leikarar. Søgurnar komu so at veksa og liva av hvørjari aðarari. Hugaligt at tær enn liva sera sterkar, eisini millum børnini í dag. Jú, har var verunliga ein "sál" í dólgasendingunum.

Spurningur 3: Hvat heldur tú annars um føroyskar doku-sendingar nú á døgum ?!?

Nakrar av okkara nútíðar dokmentarsendingum eru góðar, men fleiri eru sera vánaligar og uttan innihald. Eg haldi hesar sendingar mangla eina livandi "sál" sum førir myndir og frásøgn inní hjørtuni á síggjaranum. Tey reisast glað og nøgd aftaná sendingina - vita ofta ikki hví. Hetta er uppgávan hjá okkum í gera sendingina ella skapa hana, at hava sum endamál.

Spurning 4: Tínar nátúr sendingar eru avbera góðar og ein kundi gott selt Føroya land - bert við tínum eygað. Hvussu ber tað til, at tú fangar tað - fólk vilja síggja ?!?

Ein hevur altíð verði ríkur við hugskotum - nokk viðføtt eins og eitt gott myndaeyga. Upptøkutóli er mín skrivi- og teknipennur. Hugskotini koma bara dettandi niður úr høvdinum, tó ávirkaði av ymiskum hendingum og upplivingum. Havi ongantíð kopiera ella eftirgjørd onnur konseptir alt er føtt í einum sjálvum. Ein hevur tíðum verið strongdur av øllum ein vil hava út og fortalt í filmssøgu. Harmur seinastu 7 árini ikki at hava kunað brúkt alla mína orku til framhaldandi føroyskar sendingar. Men nógv tilfar er tó gjørt og fer nokk at spríkja út millum sjónvarpsrimarnar. Hetta kann ikki byrgast inni av einum statsmonipoli.

JáH (y) 29.10.2014

Innbjóðing til framløgu av byggiverkætlanum í miðbýnum í Klaksvík

27/10/2014

Myndaánari: Klaksvíkar Kommuna

Hervið verður bjóðað til alment hátíðarhald í miðbýnum í Klaksvík týsdagin 28. oktober kl. 10:00, har spakin verður settur í fyrstu byggingina í hjartanum av nýggja miðbýnum í Klaksvík.

Les meira HER

JáH (y) 27.10.2014
Kelda: Klaksvíkar Kommuna

Borgarafundur verður 5. November

27/10/2014

Myndaánari: Tórshavnar Kommuna

Í sambandi við at Tórshavnar kommuna hevur gjørt eina kommunuætlan, sum stingur út í kortið, hvussu kommunan er sær út um 15 ár, verður borgarafundur hildin í skúlanum við Løgmannabreyt 5. november 2014 kl.19.00.

Les meira HER

JáH (y) 27.10.2014
Kelda: Tórshavnar Kommuna

Manntal á enskum

27/10/2014

Tilvildarlig mynd: English Breakfast

Úrslitini frá fólkateljingini 2011 eru nú løgd út á heimasíðuna hjá Hagstovuni í enskari útgávu. Meginparturin av talvunum frá manntali er gjørdur eftir altjóða leisti og kunnu samanberast beinleiðis við samsvarandi hagtøl í øðrum londum. Ein ávísur áhugi er uttanlands fyri hagtølum og nú ber so eisini til finna tær 269 talvurnar frá manntali á enskum.

Eisini serføroysku hagtølini eru løgd út á enskum.

JáH (y) 27.10.2014
Kelda: Hagstova Føroya

Esmar Andreasen Dronningens Fortjensmedalje

24/10/2014

Myndaeigari: Tórshavnar Kommuna

- Esmar Andreasen hevur fyri stuttum havt 40 ára starvsdag hjá Tòrshavnar kommunu. Esmar er sum so mangir aðrir góðir havnarmenn føddur á bygd - Esmar varð føddur inni á Toftum í 1950 sum hálvur toftamaður og hálvur hvalbingur, men er kortini tað vit mugu kalla ektaður Bøfrensur, tí hann vaks upp í Bø í Havn, segði Heðin Mortensen, borgarstjóri, sum handaði Esmari heiðurslønina.

Les meira HER

JáH (y) 24.10.2014
Kelda: Tórshavnar Kommuna

Tey ungu fyrireika seg at velja ungdómsbýráð

24/10/2014

Myndaánari: Klaksvíkar Kommuna

Fríggjamorgunin 24. oktober 2014 varð skipað fyri einum kveikingardegi í Badmintonhøllini fyri næmingunum í 8., 9. og 10. flokkunum, sum í næstum skulu velja og manna eitt ungdómsbýráð.

Á skránni fyri kveikingardagin var, at Jóhann Lützen, formaður í Trivnaðarnevndini Børn og Ung bjóðaði vælkomið og greiddi frá ætlanini við Ungdómsbýráðnum.

Eftir hetta fekk Djóni Eidesgaard, leiðari av Barnabata, orðið, og hevði hann eina framløgu um barnarættindasáttmálan hjá ST og hvønn týdning hesin hevur fyri okkara samfelag.

Tá ið Jóhann Lützen hevði rundað kveikingardagin av, varð ábit og prát á skránni.

Les meira HER

JáH (y) 24.10.2014
Kelda: Klaksvíkar Kommuna

Kvøldseta í Løkshøll "Seyður og seyðahald"

22/10/2014

Myndaánari: Runavíkar Kommuna

Í gjár, mikukvøldið, klokkan 20.00 varð Kvøldseta, kallað “Seyður og seyðahald” í Løkshøll. Hetta var eitt tiltak í samband við mentanarvikuna í Runavík.

Les meira um tiltakið HER

JáH (y) 23.10.2014

Kelda: Runavíkar Kommuna

Fríðkan av øki omanfyri Leirvíkar Skúla

22/10/2014

Myndaánari: Eysturkommuna

Seinasta mánað byrjaði arbeiðið uppá at fríðka um økið ímillum Leirvíkar Skúla og eldrasambýlið Giljagarð. Millum annað verður ringpallur gjørdur júst omanfyri gamla skúla umframt at flisar verða lagdar á slættanum har. Eisini verður eitt spælipláss gjørt á niðara skúlaplássinum.

Les meira HER

JáH (y) 23.10.2014
Kelda: Eysturkommuna