Avgerð er tikin um at lata apotek upp í Vágum. Í hesum sambandi skipa Apoteksverkið og Landsverk fyri einum útboði, har lýst verður eftir møguligum leigumáli til apotekseindina í Vágoynni.

Apotekini hjá Apoteksverkinum hava til uppgávu at flyta inn, flýggja út, upplýsa um og hava á goymslu, heilivág til borgaran. At skipa fleiri apotekseindir betrar um atkomu og tænastustøði fyri borgarar.

Nærri kunning fæst um útboðið her: LEIGUMÁL TIL APOTEKSVERKIÐ

Freistin er 30. apríl 2024 kl.14.

Heilsumálaráðið

Smyril Line kom við einum yvirskotið uppá 126 milliónir eftir skatt og nú hevur Norrøna siglt við tveimum lyftum, sum hevur verið óvirknar í ein mánað. Man kundi trúð at Norrøna ikki hevur ráð til at umvæla lyftirnar, men tað rokni eg ikki við, tá ið yvirskoti er so stórt, hatta er bara ikki gott nokk.

Veit ikki hvat feilurin er, men at síggja gomul fólk stríða seg gjøgnum allar trappurnar frá hædd 4 og til tær ovasta hæddirnar er slett ikki í ordan.

Tað eru lyftirnar har afturi nummar 1 og 2 og sum hevur verið óvirkin nú í gott ein mánað og hví tær ikki verður umvældar er mær ein gáta?

Mín áheitan til tey umborð á Norrønu, nú er nóg long tíð bíða, fá hasar lyftirnar í ordan nú. SO VERÐUR TAÐ GJØRT.

Nú man viðgerð Norrønu, fá nú føroyskar rásir í sjónvarpunum umborð og byrjið aftur at vísa fótbólt og annað á einum stórskermi. Minnist til nógvar góðar túrar við Norrønu, tá ið vit hugdi eftir stórskermi á hædd 6 og har fleiri góðir fótbóltsdystir, formel 1, hondbóltur o.a. blivu víst, nú er mest sum onki undirhald umborð, jú eitt BINGO og so jammar ein um kvøldið.

Símun á Høvdanum

​RUNDVÍSING Í BARNAHÆDD - CHRISTIANSKIRKJAN Í MORGIN, TÝSDAG 26.03 KL 09.00.

Týsdagin 26 mars -, og tađ er í morgin -, bjóðar kirkjan morgunmat kl 09.00.

Kl. 10.00 verđur sangløta og ein stutt andakt viđ Hanusi á Gørđum, presti.

Eftir løtuna verđur rundvísing í barnahædd, har fariď verđur runt í hvønn kròk í kirkjuni.

Hava tit ikki eisini altíð undrast yvir, hvat er inni í rúminum, har presturin onkuntíð fer? Og vistu tit, at dópsfonturin er mega gamal? Nógv eldri enn omma og abbi!

Hetta og nógv meira kunnu tit læra um í morgin.

Christianskirkjan

​Politiið kannar eitt innbrot í FK í Klaksvík. Innbrotið er framt sunnunáttina tann 24. mars uml. kl. 02.30. Ein størri peningaupphædd er blivin stolin.

Kanningararbeiðið hevur víst, at tann eini brotsmaðurin var ílatin eina drakt sum tann á myndini.

Halda fólk seg vita nakað um málið, vera tey biðin um at ringja til politiið á 351448 ella 114.

INDBRUD I KLAKSVÍK
Politiet efterforsker et indbrud i FK i Klaksvík. Indbruddet er begået søndagnat den 24. marts ca. kl. 02.30. Et større pengebeløb er blevet stjålet.

Efterforskningsarbejdet har vist, at den ene gerningsmand var påklædt en dragt som den på billedet.

Hvis du mener, at du ved noget om sagen, bedes du ringe til politiet på 351448 eller 114.

Føroya Politi

Nógvir landsdystir vístir í Maverick í dag

Maverick letur upp klokkan 18:00 í dag, skráin er hendan:

Kl. 17:00 Irland - Belgia
Kl. 19:00 Danmark - Schweiz
Kl. 20:00 Frankaríki - Týskland
Kl. 02:00 Góða nátt
​
Eisini verður Bobb, kort og nógvur tónleikur á skránni.

Maverick Barr

Norðurlond skulu deila meiri vitan um børn og ung í kriminaliteti. Hetta var ein av niðurstøðunum á ráðharrafundi í Svøríki 20. mars. Bjarni Kárason Petersen, landsstýrismaður í lógarmálum luttók á fundinum.

Svenski løgmálaráðharrin og almanna- og heilsumálaráðharrin høvdu bjóðað norðurlendsku starvsfeløgunum til ráðharrafund um evnið, tí stór øking hevur verið í kriminaliteti millum børn og ung seinastu árini. Samstundis gerast børnini, sum fremja brotsverk yngri og yngri. Sama rák ger seg galdandi í fleiri Norðurlondum, eisini í Føroyum. Ætlanin við fundinum var eisini at deila vitan og at eggja til samstarv.

Fleiri áhugaverdar niðurstøður vóru lagdar fram á fundinum. Neyðugt verður at lofta børnum tíðliga í lívinum, samstarva millum geirar og brúka vitanargrundaðar mannagongdir. Umboð fyri Brottsförebyggande rådet greiddi frá, hvussu børn og ung heilt niður í 10 ár kunnu verða lokkað í ymisk netverk, har rúsevni og vápn verða seld. Umboð fyri Statens beredning för medicinsk och social utvärdering vísti á, hvørjir hættir og átøk best fyribyrgja, at børn og ung enda í kriminaliteti.

Sviar hava sett fleiri átøk í verk móti harðskapi. Til dømis verður dentur lagdur á at fáa samband við familjur við harðligum atburði og har brotsverk og rúsevni eru partur av gerandisdegnum. Eisini eru átøk sett í verk at forða fyri grovum harðskapi í kriminellum bólkum og at byggja upp samstarv millum løgregluna, kommunur, kriminalforsorg og lokalsamfeløg.

Løgmálaráðið

Sambært Alexandru á Dul, so er arbeiðið væl ávegis. Skannarin kemur til Klaksvíkar tann 30. apríl.

8. apríl koma serfrøðingar frá Siemens til landi,  teir skulu byggja MR-kabinuna og so skuldi alt verið klárt um tveir mánaðar í viku 21.

Her forklárar Peter Moos um tað tekniska við Skannarnum, á myndini eru Peter Moos frá Siemens, Regin Olsen og Einar Venned.

Spennandi verður at fáa hesa stórfingu gávu at virka og væntandi kann Skannarin bjarga nógvum mannalívum, nú ein kann skannast fyri álvarsligar sjúkur, eitt nú krabbamein og man kann fáa svar nógv skjótari enn í dag og sum øll vita, so hevur tíðin sera stóran týdning fyri at bjarga mannalívum, tá ið man fær staðfest krabbamein, jú skjótari ein kemur undir viðgerð, jú betri eru møguleikarnir fyri at yvirliva.

Vit takka Alexandru fyri upplýsingarnar.

SáH

Vegna íkomið brek á einum motori á Smyrli er fyribils ongin sigling á leið 7, hósdag 21. mars. 

Lýst verður á ssl.fo og umvegis okkara sms-skipan um og ella nær siglt verður aftur.

Strandfaraskip Landsins
Seinast dagført: 21. mars kl. 08:14

Býráðsfundur verður hósdagin 21. mars kl. 17:30. Til ber at stroyma almenna býráðsfundin umvegis leinkið á forsíðuni.

Býráðsfundurin verður hildin í býarsalinum í Varpinum, har regluligu fundirnir hjá býráðnum framyvir verða hildnir. Til ber eisini at lurta eftir býráðsfundinum á stream.fo og á FM 98,7.

Býráðsskráin kann takast niður her:Býráðsskráin 21. mars 2024

Klaksvíkar Kommuna

​Fríggjamorgunin, 22. mars -, og tað er komandi fríggjadag -, er Vøggusangur kl. 10:00 fyri pinkubørn 0-1 ár.

Nýggjur bólkur er upprættaður til Vøggusangin í ár "Vøggusangur í Christianskirkjuni 2024" har boðast kann frá luttøku. Øll pinkubørn 0-1 ár eru hjartaliga vælkomin.

Aftaná Vøggusangin er hugni og drekkamunnur í kirkjukjallaranum.

CRADLE SINGING ON FRIDAY 22TH' OF MARCH AT 10 AM
Cradle singing in the church in Klaksvík is going to be this Friday 22th' of March at 10 am for babies 0-1 year.

All parents of children 0-1 years old can bee members of the facebook group "Vøggusangur í Christianskirkjuni 2024", where there is more information. All babies 0-1 years old, and their parents are welcome.

After the Craddle singing we have a cozy moment with coffee, tea and bread in the church's basement.

Christianskirkjan