Nú er arbeiðið byrja, at koyra grót frá tunlunum norð um fjall í Norðhavnina. Ætlanin er, er grótið skal nýtast at leingja Norðhavnina í Ánunum við 300 metrum. Eftir ætlan skal økið verða 100 metrar breitt. Norðhavnin er í dag 317 metrar long.

Grótið hevur annars verið goymt í Árnafirði, til arbeiðið við tunlunum var komið so mikið langt, at grótið kundi koyrast gjøgnum nýggju tunlarnar, soleiðis at hetta ikki ávirkaði ferðsluna í verandi tunlum.

Klaksvíkar Kommuna

Maverick letur upp klokkan 17:00 og tá er FIMMARI.
Onkur fótbóltsdystir vera vístir, annars verður tað tónleikur, bobb, kort og so fara vit at hyggja eftir Fólksins rødd.

Vit síggjast í hjartanum í Klaksvík.

Maverick

​Klaksvíkar kommuna og Norðoya Bú- og Heimatænastu (NBH) hava tvey spennandi tiltøk í Varpinum í sambandi við Spæl føroyskt vikuna, sum verður í komandi viku. 6. mars verður skipað fyri forkunnugum eldratiltaki fyri teimum, sum eru knýtt at tænastum og tilboðum hjá NBH, og 7. mars verður skipað fyri einum konsertdegi, har allir dagstovnarnir í kommununi framføra føroyskar sangir fyri hvørjum øðrum.

Tað er ikki á hvørjum degi, at fólk, sum búgva á bústovni hjá NBH, fáa innbjóðing til tiltøk uttanfyri heimið. Síðsta ár var NBH eisini partur av Spæl føroyskt vikuni, men tá varð skipað fyri ymiskum tónleika framførslum á teimum ymisku heimunum.

Talan verður tí um eina heilt serstaka løtu, tá ið bæði búfólk, tey sum fáa heimatænastu, tey sum ganga í dagtilhald og venja í Ven og Virka, verða boðin til eina tónleikaframførslu í Varpinum.

Tað verður uttan iva ein uppliving í sær sjálvum at koma inn í Varpið, men eisini ein avbjóðing at fáa 30 koyristólar koyrdar millum heimini og Varpið.

Marna E. Jensen, stjóri í NBH, sigur at við góðum vilja, so skal tað nokk eydnast.

- Vit eru ógvuliga fegin um at kunna geva teimum, sum eru knýtt at tænastum og tilboðum hjá NBH hesa upplivingina, sum einans kann lata seg gera, tí vit hava so dugnalig og ófør starvsfólk. Hesin dagurin fer at krevja stóran fleksibilitet av starvsfólkunum, men øll hava tikið væl ímóti hugskotinum, og tí ivist eg ikki í, at upplivingin verður góð fyri allar partar.

- Tað eru ikki øll sum megna túrin yvir í Varpið, men við góðari hjálp frá avvarðandi, so verða tað fleiri sum fara at kunnu njóta góðar føroyskar tónar frá m.a. skúlakórinum á Skúlatrøð.

Børnini framføra og lurta
Hósdagin 7. mars kl. 10.00 verður skipað fyri einari sangløtu/samling fyri børnum í aldrinum 0-3 ár. Tey fara at syngja nakrar føroyskar sangir og hoyra eina lítla søgu.

Kl 11.00 byrjar barnakonsertin fyri teimum 3-7 ára gomlu. Byrjað verður við at hoyra Skúlakórið syngja. Síðan fara teir 6 dagstovnarnir at framføra fyri hvørjum øðrum. Við hesum tiltakinum fáa børnini bæði høvi at framføra og at vera til konsert í stásiligu hølunum.

Av sangum, sum børnini fara at framføra kann nevnast: Eg gekk mær eftir bønum fram, Kennir tú blómurnar og Vestan fyri Mykines.

Bókasavnið luttekur eisini við einum søgukróki, so um onkur hevur hug at steðga eina løtu aftaná sangframførslurnar, so er eisini møguleiki til tað. 

Hetta er fyrsta tiltakið á dagstovnaøkinum, sum verður hildið í Varpinum. Fleiri av børnum hava kanska ikki verið í Varpinum, tí er tað eisini fyri tey ein uppliving í sær sjálvum.

Klaksvíkar Kommuna

Í sambandi við at ein 19 ára gamal maður um midnáttarleitið tann 17. februar 2024 var funnin lívleysur uttanfyri No 12, sum er eystanfyri skýlið á Tórsvølli í Gundadali, sóknast politiið eftir møguligum vitnum, sum hava verið har um leiðir og sæð mannin ella hoyrt um hendingina. Tann 19 ára gamli maðurin doyði dagin eftir á Landssjúkrahúsinum. 

Heldur tú teg hava sæð ella hoyrt okkurt, sum hevur við hendingina at gera, vinarliga ring á politistøðina á tlf. 114 ella 351448.

POLITIET SØGER VIDNER
I forbindelse med at en 19 år gammel mand ved midnat den 17. februar 2024 blev fundet livløs uden for No 12, øst for stadiumet Tórsvøllur i Gundadalur, søger politiet efter mulige vidner, som har været i området og set manden eller hørt om hændelsen. Den 19-årige mand døde dagen efter på Landssygehuset.

Hvis du mener, at du har set eller hørt noget, som kan knyttes til hændelsen, ring venligst til politistationen tlf. 114 eller 351448.

Føroya Politi

Landverk setur nýtt rørportur í til innkoyringina til Árnafjarðar bygd. Arbeiðið byrjar hósdag 29. feb. 2024, og arbeitt verður í uml. 14 dagar, ella so leingi arbeiðið varar.

Meðan arbeiðið er í gongd, verður farleiðin tarnað. Heitt verður á fólk um at fylgja skeltingini á staðnum.

Klaksvíkar Kommuna

Maverick Barr letur upp tíðliga í dag, vit fara at hyggja eftir finaluni í Carabao Cup Chelsea - Liverpool.
Skráin er hendan:
Kl. 15:00 Chelsea - Liverpool
Kl. 15:00 OB - Brøndby
Kl. 17:00 AGF - FC Midtjylland
Kl. 17:00 Lecce - Inter
Kl. 20:00 Real Madrid - Sevilla

Spennandi verður at vita hvør fer avstað við steypinum í dag. Eisini verður tónleikur, Bobb, Kortspæl o.a. á skránni.

​SáH

Beint fyri klokkan 19:00 í kvøld varð boða frá eldi umborð Slættabergi, eldurin var frammaliga á skipinum, einamest við brúnna.

Sløkkiliðið var skjót á staðnum og royndu at sløkkja eldin, tamarhald fekk nokkso skjótt á eldinum, men tað var sera nógvur roykur, so tað var trupult at sløkkja eldin og allur roykurin fór runt tann heila bý.

Sjálvur var eg staddur í Maverick tá eldurin kyknaði og heilt har frá sæst roykurin og lukturin av eldi var strammur.

Tað tók góðar 3 tímar at sløkkja eldin, men tá var brúgvin uppkola.

Óvist er hví eldur kom í Slættaberg, men tað verður kannað í nærmastu framtíð.

Slættaberg er gamli Smaragd.

Her filmsklipp og myndir av eldinum klokkan 20:30.

SáH

​💚Til minnis um Anfinn Kallsberg💚

Svárt var at fáa boðini um, at okkara kæri floksformaður og starvsfelagi, Anfinn Kallsberg, eftir stutta, men tunga sjúkralegu er farin hiðani. 

Tankarnir leita í djúpari samkenslu til tín, Berghild, og synirnar, Hans Jákup, Kára og Signar við tykkara familjum. At missa eitt so framúrskarandi menniskja er ófatiliga tungt – og bøn okkara er, at Harrin skal styrkja tykkum í sorgini.   
Anfinn Kallsberg var fyrst og fremst familjumaður, sum stórliga elskaði og tók sær av sínum kæru.

Og so var hann ein sannur úrmælingur í politikki. Eitt yrki, sum hann gav stóran part av sínum arbeiðslívi. 

Í sjeytiárunum var hann borgarstjóri á Viðareiði. Í 1980 trein hann inn á landspolitiska pallin og var valdur í Løgtingið. Við eldhuga og stórari undirtøku røkti hann landspolitiska starvið í meir enn ein mansaldur, bæði sum løgtingsmaður, løgtingsformaður, landsstýrismaður, fólkatingsmaður og sum Føroya løgmaður. 

Anfinn var ein persónur, sum altíð var savnandi, og flest allir føroyingar høvdu virðing fyri honum, eisini tey harðastu mótstøðufólkini. Sum starvsfelagi var hann umsorganarfullur, og hann hevði altíð yvirskot at koma við góðum ráðum og ugga, tá harðast leikaði á. 

Hóast tað eru fleiri ár, síðan Anfinn gavst í politikki, so tosa fólk, óansæð politiskan lit, framvegis um hann við stórari virðing og minnast hann sum ein tann dugnaligasta politikkaran, ið landið hevur fostrað.

Anfinn hevði orðið í síni makt. Tók hann orðið, broyttist hølið, og øll lurtaðu við virðing. Røður hansara vóru altíð savnandi, men beinraknar. Orðavalið, tónalagið og ikki minst útstrálingin gjørdu, at fólk sótu undir hvørjum orði, og tað var tað sama, um tað vóru stórar fjøldir, smáir bólkar, ella tað var í tingsalinum.

Anfinn Kallsberg var eisini kendur fyri óvanliga gott politiskt hegni at náða sínum og floksins málum. Hann valdi altíð røttu løtuna at koma við sínum málum. Hann var afturhaldin, men málrættaður og fekk tí oftast síni mál samtykt. Úrslitalistin er óendaliga langur.  

Í sínum politiska yrki sat hann við nógvar borðendar. Tann fyrsti var borgarstjórastólurin á Viðareiði í 6 ár. Stórtíðin var frá 1998 til 2004, tá ið hann sat við borðendan sum Føroya løgmaður – eitt heilt serligt og søguligt tíðarskeið í føroyskum politikki.

Men eisini var hann í 3 førum landsstýrimaður, fleiri ferðir formaður í ymiskum løgtingsnevndum, ikki minst fíggjarnevndini, og eitt tíðarskeið var hann eisini løgtingsformaður. 
Og í heili 14 ár var formaður Fólkafloksins. 

Í politikki er ofta stríð um sessir, men soleiðis var ikki við Anfinn. Hann hevði ongantíð nakað ynski um nakran sess, og kanska júst tí fekk hann bjóðað teir flestu. Hansara fyrsta svar var altíð nei, men so fór tingbólkurin í gongd at sannføra hann um, at hann var tann rætti. Onkuntíð var síðsta vápnið tikið í nýtslu, nevniliga, at ’vit finna ongan annan’. Oftast eydnaðist til endans at fáa hann at taka av. 

Í samráðingum dugdi hann óvanliga væl. Um tað vóru samráðingar í tingbólkinum, millum flokkar ella við donsku stjórnina, so skaraði hann framúr. Gingu samráðingar trupult, ella stóð í botni, varð steðgað á eina løtu. Og so fór Anfinn mangan inn í eitt rúm við síðuna av, har hann ringdi til konu sína og tosaði ofta leingi. Tá fundur varð tikin upp aftur, kom Anfinn altíð við onkrum nýggjum til at loysa knútin. 

Fyri okkum var eingin ivi. Berghild var hansara størsti stuðul og ráðgevi. Tað var bæði í truplum og tungum løtum, at hon stóð sum drangur við hansara lið. Hennara treytaleysa stuðul hevði hann ofta á orði, nakað, sum hann týðiliga setti óendaliga stóran prís upp á. 

Anfinn Kallsberg hevur helst verið Føroya lands besti politikari. Men fyri hann var familjan eitt og alt. Tað gekk í honum, um hann ikki hvørt kvøld slapp norður til familjuna á Viðareiði. Har vildi hann vera saman við teimum. 

Góða Berghild, synirnir, Hans Jákup, Kári, Signar og øll tykkara. Tit hava mist ein, sum elskaði tykkum yvir alt og altíð vildi vera har fyri tykkum. 
Saknurin er stórur, og sorgin er svár, men gott er at vita, at hann er farin í eitt betri stað. Má Harrin styrkja tykkum í sorgini.

Við hesum orðum vilja vit lýsa frið yvir minnið um Anfinn Kallsberg.

Fólkaflokkurin

​VØGGUSANGUR FRÍGGJAMORGUNIN 09. FEBRUAR kl. 10:00.
Fríggjamorgunin, 09. Februar -, og tað er komandi fríggjadag -, er Vøggusangur kl. 10:00 fyri pinkubørn 0-1 ár.

Nýggjur bólkur er upprættaður til Vøggusangin í ár "Vøggusangur í Christianskirkjuni 2024" har boðast kann frá luttøku. Øll pinkubørn 0-1 ár eru hjartaliga vælkomin.

Aftaná Vøggusangin er hugni og drekkamunnur í kirkjukjallaranum.

CRADLE SINGING ON FRIDAY 9TH' OF FEBRUARY  AT 10 AM
Cradle singing in the church in Klaksvík is going to be this Friday 9th' of February at 10 am for babies 0-1 year.

All parents of children 0-1 years old can bee members of the facebook group "Vøggusangur í Christianskirkjuni 2024", where there is more information. All babies 0-1 years old, and their parents are welcome.

After the Craddle singing we have a cozy moment with coffee, tea and bread in the church's basement.

Christianskirkjan

​Skúlaárið líður ímóti einum enda 😳

Hesar dagar standa næmingar á høvdinum fyri at fáa alt liðugt til árligu framsýningina, sum verður týsdagin 13.februar 🤩
Tit kunnu gleða tykkum!!! 

Kennir tú onkran, sum kundi hugsa sær at gjørt sín egna føroyska búna, ella partar av honum. Læra at matgerða og alt um burðardygt húsarhald, vanar, kropp, rørslu og nógv annað. So er møguleiki enn at melda seg til komandi skúlaár, sum byrjar í august 🧡

Melda til umvegis okkara heimasíðu 👇🏼
www.husarhaldsskulin.fo

Freistin at melda til er 10.mars ⚡️

#husarhaldsskúliføroya #hugnaligt #heimligt #herligt

Húsarhaldsskúli Føroya