Løgmaður ætlar at geva meirinnlit í fundarfrágreiðingarnar í sambandi við fullveldissamráðingarnar millum landsstýrið og donsku stjórnina í árinum 2000. Tað ger hann greitt í svarinum til skrivliga fyrispurningin eftir tingskipanini § 52a frá Beintu Løwe Jacobsen, løgtingsmanni, um skjøl í sambandi við fullveldis­samráð­ingarnar.

Løgmaður vísir á, at umsøkjarar hava ikki rættarkrav uppá innlit sambært innlitslógini, men kortini ætlar hann at geva meirinnlit.
Orsøkin er, at hann heldur, at tá ið 20 ár eru liðin síðani seinasta fund í fullveldissamráðingunum, ber til av røttum at siga, at fullveldissamráðingarnar eru lidnar.

Eisini er løgmaður av teirri sannføring, at tá ið ein fyrrverandi embætismaður á heysti í 2016 gav eina bók út, har trúnaðarupplýsingar í hópatali vórðu almannakunngjørdar, so hevur hvør einstakur føroyingur krav uppá sjálv/ur at fáa møguleikan at lesa skjølini og taka støðu til tey á egnum grundarlagi.

Svar løgmans kann lesast her

Løgmansskrivstovan

Var ein túr við myndatólinum í morgun tann 30.01.2020 og tók hesar myndir av Klaksvík umleið klokkan 05:00, sjá herundir. Vónandi eru tit nøgdar við tær.

SáH

Stakkavík kom aftur klokkan 15:30 í dag. Teir hava rokast sunnanfyri Føroyar og hava havt ein roktúr.

Veiðan bleiv boðin út til Fiskamarknaðin Føroyar og høvdu teir heili 13.486 pund á 37 stampum, tað mesta toskur og hýsa, 11.600 pund toskur, 1.400 pund hýsa og restin annað fiskaslag, sjá søluna herundir.

Landa bleiv til NFCS.

SáH

STAKKAVÍK - ( KG 748 )NFCS-25-01-2020   6.743

Landsstýrið vil við nýggju dátuverndarlógini hækka um persónsverndina hjá vanliga føroyinginum, tá ið teirra persónsupplýsingar verða skrásettar og viðgjørdar. Eitt høvuðsmál er, at viðgerðin altíð virðir persónliga frælsið hjá tí einstaka, og at tann skrásetti borgarin í størri mun fær ræði á sínum egnu persónupplýsingum.

Umframt at seta høg krøv til trygdina, tá ið persónupplýsingar verða viðgjørdar, verða hesi rættindi tryggjað:

​Í dag hevur nýggja dátuverndarlógin verið viðgjørd í Løgtinginum.

“Tað er sera týdningarmikið, at vit í Føroyum hava lógir og reglur, sum liva upp til altjóða krøv, tí vit bæði virka og samskifta í einum talgildum altjóða samfelagi. Nýggja lógin kemur í tøkum tíma, tí verandi lóg er skjótt 20 ára gomul, og hon stavar frá tíðini, áðrenn internetið var ein samanrunnin partur av gerandisdegnum hjá vanliga føroyinginum,” sigur Bárður á Steig Nielsen, løgmaður, sum eisini varðar av løgmálum í landsstýrinum.

Í 2018 setti ES í gildið eina nýggja fyriskipan um dátuvernd. Hon verður rópt Genereral Data Protection Regulation – GDPR. Við nýggju føroysku dátuverndarlógini leggja Føroyar seg upp at ES-fyriskipanini GDPR, sum er vorðin altjóða standardurin innan fyri dátuvernd.

Eftir fyrstu viðgerð er nýggja dátuverndarlógin farin í Løgtingsins rættarnevnd. Til ber at lesa uppskotið her

Løgmansskrivstovan

Í morgun komu vitjarnar á News.fo yvir 1. millión og í løtuni eru teljarin komin upp á 1.000.383 og tað gleðiliga sum nú er hent, at nú koma endiliga lýsingar eisini inn og tað eru tær vit skulu liva av.

Skrivaðar eru 2.334 greinar og av teimum hevur undirritaði skriva 2.318 greinar. Túsundtals myndir eru tiknar og fleiri filmsklipp er eisini tikin.

Nógvar greinar hava verið og ein sum fekk sera nógva umrøðu í øllum fjølmiðlunum í Føroyum og millum fólk, var hendan greinin, har Anita á Fríðsmørk kallaði fyrv. løgtingsformannin fyri ein stóran egoist klikk her, “Løgtingsformaðurin er ein stórur egoist og psychopat smb. Anitu á Fríðrismørk”

News.fo er eisini fjølmiðulin, sum hevur bíðligast lýsingarprísirnar í Føroyum, so tað er bara at seta tykkum í samband við okkum, vit skulu nokk geva tykkum eitt super tilboð. Tit síggja lýsingarprísirnar ovast á heimasíðuni.

Okkurt upplivir man við sínum myndatóli, her nakrar fáar myndir.

Símun á Høvdanum

Eitt stórt stig innan krabbameinsgransking immunverju er funnin í Cardiff.

Granskarar í Cardiff Unversity hava tey funnið útav einum máta at drepa prostata, bringu, lunga og annað krabbamein uppá og er tað innan okkara immunverju.

Teir hava fyri stuttari tíð síðani funnið útav, at man kann viðgera øll sløg av krabba innan okkara immunverju og drepa krabbameinskyknurnar, les hesa sólskinsøgu her: "Immune discovery 'may treat all cancer"
​
​SáH

Tað hevur verið eitt sindur buldrasligt í Klaksvík í morgun.

​Christian í Grótinum fór avstað og okkurt reiv á Kósini, men eg haldi ikki tað var nakað álvarsligt.

Nakrar harðar hvirlur vóru eisini.

Her nakrar myndir:

SáH

Tað er ikki á hvørjum degi at Gerðabøur í Klaksvík er toppskorðarin í vindmegi, men klokkna 07:25 í morgun vóru hvirlurnar heilt upp í 41 m/s á Gerðabøur og tað hevði ongin annar í Føroyum, sjá herundir.

Tað plagar altíð at vera Ørðaskarður, Fámjinsvegurin og Oyggjavegur við Norðadalsskarð, men so er ikki í morgun.

Strandferðslan og Bygdaleiðir hava avlýst fleiri leiðir, klikk her: www.ssl.fo

SáH

Hósdagin 16. januar 2020 luttók landsstýriskvinnan í almannamálum, Elsebeth Mercedis Gunnleygsdóttur, á norðurlendska barnaforuminum í Keypmannahavn í sambandi við, at tað í november 2019 vóru liðin 30 ár síðani Barnarættindasáttmálin varð samtyktur.

Endamálið við degnum var at lurta og hoyra børn og ung úr øllum Norðurlondum greiða frá, hvussu tey halda, at børn og ung enn betur verða tikin uppá ráð í málum, ið viðvíkja teimum sjálvum. Á degnum luttóku tilsamans 65 børn og ung úr øllum norðurlondum, og saman høvdu tey orðað eitt tilmæli við trimum høvuðsevnum:

- Øll børn og ung í norðurlondum skulu hava kunnleika til Barnarættindasáttmálan hjá ST og rættindini hjá børnum og ungum í hesum sambandi
- Øll børn og ung í norðurlondum skulu hoyrast og vera við í øllum avgerðum, ið viðvíkja teimum sjálvum, á ein slíkan hátt, ið er týðandi fyri børnini og tey ungu
- Øll børn og ung í norðurlondum skulu vera partur av einum týðandi felagsskapi, so vit saman kunnu fyribyrgja einsemi

Á degnum fekk landsstýriskvinnan høvi at tosa við børnini og fekk innlit í, hvussu børnini halda, at høvuðsevnini kunnu setast í verk í teirra gerandisdegi heima við hús, í skúla og í frítíðini. Talan er um eitt sera týdningarmikið evni, og landsstýriskvinnan fegnast um, at børnini og tey ungu eru so áhugaði í og megna so væl at seta orð á, hvussu vaksin og børn saman kunnu virka við til, at grundleggjandi rættindi hjá børnum fáa fremstu raðfesting.

Landsstýriskvinnan metir tað vera av stórum týdningi, at fokus verður sett á rættindi hjá børnum, og at børnini sjálvi eru við í hesum arbeiði. Hetta er ein fortreyt fyri, at høvuðsevnini frá degnum verða raðfest og koma at síggjast aftur í gerandisdegnum hjá børnunum í Føroyum.

Almannamálaráðið

​Nógv fólk tóku ímóti Gadus í morgun, tá ið hann kom inn eftir Vágni klokkan 09:00 í morgun, her nakrar myndir og vit ynskja skipara og manning vælkomin heim, sjá niðanfyri.

SáH