Elisabeth Akursmørk og Jóhanna á Tjaldarfløtti fara leygardagin at vísa nýggjastu bókina Lætt & Leskiligt fram.

Hetta skriva tær báðar á Facebook:

Lætt & Leskiligt bókarframløga verður leygardagin 2. november í Klingrugarðinum, bakaríið hjá Jórun.

Øll eru hjartaliga vælkomin.

Høvi verður at keypa bókina til serprís.

Jóhanna á Tjaldrarfløtti & Elisaberth Akursmørk.

Hjartaliga tillukku við nýggju bókini, tit eru óførar. Norðoya Portalurin gleðir seg prøva uppskiftirnar av.

SáH

Her er listi B til Kirkjuráðsvalið tann 5. november. Aðrastaðni á Norðoya Portalinum er listi A lýstir:

Listi B
Aðalstein Dalsgaard, Klaksvík 
Hans Michael í Mittúni, Klaksvík 
Jógvan Sámal Heldarskarð, Klaksvík 
Jóhan Henriksen, Klaksvík 
Jóhannes Poulsen, Klaksvík 
Jorie Josephsen, Klaksvík 
Kristianna Jóhannesen, Klaksvík 
Kristoffur Olsen, Klaksvík 
Marjun Biskopstø, Klaksvík 
Petra Jacobsen, Klaksvík 
Petur Jacob Langgaard, Norðoyri 
Tummas J. Lervig, Klaksvík 
Øssur Kjølbro, Klaksvík



Tilsamans eru 26 á báðum listinum og 9 vera vald inn. Nevndin telur 11, 9 fólkavald og tveir prestar.

SáH

Áhugaverd sending í Danmark Radio um konufólkini, sum flýggja frá Føroyska samfelagnum "Horisont: Kvindeflugt fra Færøerne", klikk her og síggj sendininga: http://www.dr.dk/tv/se/horisont/horisont-64/#!/

SáH

Norðoya Sparikassi fingið facebooksíðu  
Við facebooksíðu okkara ynskja vit at kunna um tænastur okkara, tiltøk, kappingar o.a.

Harumframt ynskja vit at gera tað enn lættari hjá tær, at seta teg í samband við okkum.  

Tú ert altíð vælkomin at senda okkum eini boð umvegis Facebook. Eru spurningar annars ert tú vælkomin at ringja til kundatænastuna á  tel. 475000.


Minst til trygdina
Vit ráða tær til ikki at senda okkum persónligar upplýsingar so sum kontunr., p-tal, kotur og aðrar viðkvæmar upplýsingar umvegis Facebook.

Ikki persónlig ráðgeving
Legg til merkis at vit ikki veita persónliga ráðgeving umvegis Facebook. Ynskir tú eitt kundaprát, ert tú vælkomin at seta teg í samband við ein av kundaráðgevum okkara á telefon 475000.

Vitja facebooksíðu okkara her: https://www.facebook.com/#!/pages/Nor%C3%B0oya-Sparikassi/594268530587497  

18. oktober 2013

Kelda: NS 

Tað hava gingið nógvar søgur í býnum viðvíkjandi Klaksvíkar Timburhandli í seinastuni. Har fólk hava gitt um, at Klaksvíkar Timburhandil gevst, Klaksvíkar Timburhandil er seldur aftur, leggur saman við einum ørðum Timburhandli, keypt Norðhús osv....Norðoya Portalurin hevur sett Símun á Høvdanum nakrar spurningar:

1. Er tað satt, at Klaksvíkar Timburhandil gevst?
Ja, tað passar, men vit gevast ikki ordiliga. Tann 17. november hevur Klaksvíkar Timburhandil virka í eitt ár á Bøgøtu 36, men eg havi avgjørt at gevast við virkseminum her. Leigusáttmálin er uppsagdir, galdandi frá 6. janunar 2014 og til tað tíð, skuldi man helst havt funnið sær nýggj hølir at selja frá. Ein møguleiki er eisini at selja via netið og so bara hava eina útstilling onkrastaðni í býnum.



2. Er tað satt, at Klaksvíkar Kommuna ikki hevur keypt eina fjøl frá tær?
Ja, tað passar, men teir hava keypt nógvar vørur í handlinum og tað havi eg verið stak væl nøgdir við. Sindur spell, at teir ikki hava keypt byggitilfar frá mær, tí her eru nógvar umbygningar ígerð og nógvar eru framdar hetta seinasta árið. Klaksvíkar Timburhandil er kappingarførir á øllum økjum, men vit hava bert fingið ein fyrispurning uppá tilboð frá Klaksvíkar Kommunu síðani við byrjaði virksemi aftur.

3. Ætlar tú at keypa ogningar hjá Norðhús?
Nei, eg veit at høllin er til sølu fyri 6 milliónir og søgur ganga um, at onkur hevur bjóða 4.8 milliónir, men tað havi eg ongar ætlanir um.

4. Ætlar tú at keypa Betesda?
He,he, he... Eg veit ikki hvør eigur Betesda, man Kristian Martin Rasmussen ikki eiga tann bygningin eisini. Nýggja Betesda er skjótt liðugt, havi hoyrt at Íðka møguliga skal út í Betesda, so gerst ikki nógv har.

3. Hevur tú verið nøgdir við søluna?
Málsetningur er langt síðani náddur og sølan hevur verið avbera góð. Havi fingið nógvar fastar kundar og havi fingið staðfest, at vit kunnu kappast á øllum økjum, einamest innan gólv og flísar, har vit hava verið munandi bíðligari enn okkara kappingarneytar. Eisini eru fleiri
tøk, klædningar og annað selt ígjøgnum árið. Eg eri sera væl nøgdir við søluna til tann vanligu borgarnar í býnum, sum hava bakka Timburhandilin sera væl upp, men tær stóru Byggivirkini kundi gott havt keypt meira. Plaga at siga "Ein spard króna er ein vunnin króna", men tað hava teir ikki funnið útav enn, men tað kemur væntandi í nærmastu framtíð.

4. Hvat er framtíðarætlanin hjá tær?
Eg havi nógvar ætlanir, men kann ikki koma inn uppá tær nú. Eru í forhandlinum við fleiri, handilsavtalan við Bygma Balslev er uppsøgd til 31. desember og møguliga verður ein nýggj avtala gjørd við Balslev. Vit hava havt eina góða avtalu, har eg havi fingið sera góðar prísir frá teimum. Bygma er ein sera sterk keta og eigur eina rúgvu av Timburhandlum í Danmark, Ísland og so Balslev í Føroyum. Tað hevur gjørt, at man kann kappast við hinar á marknaðinum og tað sum hevur havt stóran týdning, er at kundin fær vørurnar næstan sama dag, sum hann hevur bestilt tær.

Vit takka Símun á Høvdanum fyri prátið og ynskja honum alt tað besta.