Klokkan var 04:15 í morgun, koyrdi mær ein kajtúr og á veg eftir Klaksvíksvegnum kemur ein Politibilur í hølunum á mær og tað gekk ikki long tíð, so bleiv eg blinkaður inn og eg skuldi kannast.

Ein løgreglumaður kemur út og spyr hvat eg gerið uppi so tíðliga, eg segði at mín dagur er byrjaður, eg vakni hvønn morgun klokkan umleið 04:00 ella fyrr og eitt tað fyrsta eg gerið, er at fara at kannað um alt er í lagi í Maverick Barr og Grilluni hjá Símun og nú var eg ein kajtúr.

Hann spurdi um eg drúkkið og um eg hevði nakað ímóti at blása í alkoholmetri og tað hevði eg einki ímóti og har var úrslitið 0.

Spurdi løgreglumannin hvussu nógvar teir høvdu kannað seinasta kvøld/nátt og upplýstið hann, at teir høvdu kannað 100 bilar og ongin av teimum hevði drúkkið, sóu bara tal á einum bilførarar, men tað var so lítið, at hann bleiv ikki skrásettur fyri tað.

Spurdi um nær lógin, um nær Skeinkistøðini skuldi lata aftur kemur?, men tað visti hann onki um, eg helt við hann, at tað hevði verið nokkso gott, at man fekk tað at vita áðrenn Norðoyastevnuna, tí vit skulu seta fólk at arbeiða, men sum sagt, so visti hann onki um tað sakina.

Spurdi hann um eg kundi taka eina mynd av honum og makkarnum í bilinum, nú teir høvdu tikið sjálvan eigaran av Norðoya Portalurin, men tað helt hann ikki vera eitt gott hugskot og teir fóru í skundi avstað aftur, fyri at kannað teir síðstu bilarnar, men teir eru ikki nógvir í talið hetta tíðspunkti á døgninum.

SáH

​News.fo og Norðoya Portalurin blivu innbjóðaði til skúlavígsluna á Skúlatrø í gjár og tað takki eg fyri.

Løtan gjørdist sera hátíðarlig og við nógvum góðum røðum, sangum og so settið Klaksvíkar Hornorkestur sín serliga dám á vígsluna.

Tað var Jógvan Fríðriksson, Føroya Biskpur sum vígdi skúlan og tað var hann glaður fyri og helt hann eina góða røðu og segði hann, at hesin siður ikki blívur gjørdur í Tórshavn og tit kunnu sjálv gita hvussu skili er hareftir, segði hann skemtiliga.

Hátíðarhaldi endaði við at øll sungu Tjóðsangin og aftaná blivu øll bjóðaði til pinnamat og juice.

Her myndir og filmsklipp.

SáH

Eg eri ómetaliga glaður um, at vit nú kunnu bjóða næmingum, starvsfólkum og foreldrum í Klaksvíkar kommunu innaftur undir sama tak í ein spildurnýggjan, samanbygdan fólkaskúla á Skúlatrøð við nútímans amboðum og innbúgvi, sigur ein fegin Jógvan Skorheim, borgarstjóri, sum leygardagin kann bjóða borgarum at fáa rundsýning á Skúlatrøð.

Komandi leygardag, 30. mai 2020, verður fyri fyrstu ferð høvi hjá almenninginum at síggja og uppliva nýggja skúlabygningin á Skúlatrøð, har tey, ið hava áhuga, kunnu fara á heimasíðuna hjá Klaksvíkar kommunu og melda seg til eina rundsýning á skúlanum.

Ein sannur gleðidagur
- Hetta er størsta einstaka byggiverkætlan nakrantíð hjá Klaksvíkar kommunu, sum hevur tikið sína tíð at fremja, og tað hevur eisini verið ein drúgv og krevjandi bíðitíð hjá teimum mongu, sum hava sín dagligdag á skúlanum, staðfestir borgarstjórin.

- Vit skylda tí bæði næmingum, foreldrum, lærarum, leiðslu og starvsfólkum skúlans annars eina hjartans tøkk fyri tað tol, tey hava víst í byggitíðini, og hvussu væl tey hava megnað at arbeitt og húsast á ymiskum matriklum.

- Tí verður tað ein sannur gleðidagur leygardagin, tá vit fyri fyrstu ferð fara at lata dyrnar upp fyri borgarum okkara og bjóða inn til at síggja og uppliva henda vakra og nútímans skúla, sum vit øll nú eiga á Skúlatrøð, sigur Jógvan Skorheim, ið gleðir seg til stóra dagin.

- Nógvir leikir eru, sum kunnugt, í drúgvum talvi, og enn restar at fremja 2. og 3. byggistig á Skúlatrøð, sum vit í næstum fara undir at fyrireika, men tað skerst ikki burtur, at vit við hesum fyrsta og nógv størsta byggistiginum fyri umleið 110 mió. kr. hava tikið tað tyngsta og mest týðandi takið, tí við hesum verða allir næmingar og starvsfólk skúlans aftur savnaði undir sama tak í rúmligum hølum við nútímans amboðum og innbúgvi.

Tilmelding til rundsýning
Rundsýningin í nýggja skúlabygninginum verður skipað soleiðis, at øll, sum hava áhugað, kunnu fara á heimasíðuna www.klaksvik.fo og melda seg til. Rundsýningin er sjálvsagt ókeypis, men má skipast við eini tilmeldingarskipan, soleiðis at ov nógv fólk ikki verða savnað samstundis.

- Skráseting til rundsýningin í nýggja skúlabygninginum

100 fólk kunnu luttaka til hvørja rundferð, sum byrjar við einum stuttum filmsbroti í nýggju stásiligu miðhøllini, har borgarstjórin bjóðar vælkomin, og stuttar heilsanir frá skúlastjóranum og øðrum verða vístar.

Bispur vígir skúlabygningin
Sum vanligt er, so er tað Føroya biskupur, sum vígir skúlabygningin, og soleiðis verður tað eisini leygardagin 30. mai. Men orsakað av korona-tilmælunum er vígslan einans fyri innbodnum. Tó verður vígslan stroymd á heimasíðuni hjá Klaksvíkar kommunu, og hava øll tískil møguleika at fylgja við har.

Eftir vígsluna er tó, sum kunnugt, møguleiki hjá almenninginum at tekna seg til rundsýning í skúlanum, har øll eru hjartaliga vælkomin.

Kelda: Klaksvík

SáH

Tað er ikki bara News.fo og Norðoya Portalurin, sum hevur átalað Klaksvíkar Kommunu og sagt at har ikki ruggaði alt rætt við byggingini av Biskupstorginum.

Kringvarp Føroya og Kommunala eftirlitið átalar Klaksvíkar Kommunu uppá tað harðasta, men tað leggur borgmeistarin hjá okkum Jógvan Skorheim einki í, hann koyrir sítt egna løb og andstøðan í KK er púra deyð, her greinin og filmsklipp, har KVF viðger Biskupstorgi enn einaferð, klikk link her, "Kommunala Eftirlitið átlar Klaksvíkar Kommunu"

​SáH

​ANRU kom aftur klokkan 9:30 í morgun. Teir høvdu roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 9.020 pund, tað mesta hýsa og toskur, 5.400 pund hýsa, 3.000 pund toskur og restin annað fiskaslag, sjá søluna herundir.

Landa bleiv í Hvannasundi og veiðan seld NFCS.

SáH

ANRU - ( KG 730 )NFCS-29-05-2020   4.510

Ein arbeiðsvanlukka á Viðareiði seinnapartin hevur kravt eitt mannalív. Ein maður, sum arbeiddi við eini lyft, kom í klemmu millum lyftina og bilin, sum lyftin er á.

Politiið og arbeiðseftirlitið eru ikki liðug við kanningarnar enn, og tí eru ikki fleiri viðmerkingar til hendingina enn.

Føroya Politi

Tók beinleiðis upp klokkan 14:50, tá ið sjúkrabilarnir komu aftur til Klaksvík og vónaði at tað ikki var álvarsligt og tíðanverri fekk eg ikki rætt.

Tankar mínar eru hjá teimum nærmastu, Jesus pápi styrkir tykkum.

SáH

​Fiskaklettur kom aftur klokkan 06:45 í morgun. Teir hava trola á landleiðini og norðanfyri og eystanfyri Føroyar.

Veiðan bleiv boðin út til Fiskamarknaðin Føroyar og høvdu teir 28.700 pund, tað mesta reyðsprøka og havtaska, 8.500 pund reyðsprøka, 8.000 pund havtasku, 5.400 toskur, 5.400 tunga og restin annað fiskaslag.

Teir byrjaðu at landa Fiskaklett kl: 07:00 og landa verður til NFCS.

Teir byrjaðu túr tann 24. mai.

Her filmsklipp og myndir frá í morgun, sjá herundir.

SáH

Gudrun kom aftur klokkan 08:25 í morgun. Teir hava roynt við gørnum við Føroyar.

Teir høvdu 4.500 pund av havtasku og landa bleiv til NFCS og blivu teir lidnir at landa klokkan 10:30

Her filmsklipp og nakrar myndir tiknar í morgun tann 28.05.2020, sjá niðanfyri.

SáH

​Stakkavík kom aftur klokkan 13:30 í dag. Teir hava roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 5.600 pund, tað mesta var toskur og hýsa, 3.400 pund toskur, 2.000 pund hýsa og restin annað fiskaslag, sjá søluna herundir.

Landa bleiv NFCS.

SáH

STAKKAVÍK - ( KG 748 )NFCS-28-05-2020   2.800

ANRU kom seint aftur frá útróðrið mikukvøldið. Teir høvdu roynt við línu eystanfyri Føroyar.

Veiðan bleiv boðin út til Fiskamarknaðin Føroyar og høvdu teir 4.232 pund, tað mesta var toskur og hýsa, 3.212 pund toskur, 720 pund hýsa og 300 pund hvítingur.

Landa bleiv klokkan 22:00 til NFCS.

SáH

ANRU - ( KG 730 )NFCS-27-05-2020   2.116