Um 3 tíðina bleiv hesin smábáturin sleipaður inn til Klaksvíkar.

Hann hevði verið á havhestaveiðu, men fekk trupuleikar í Kalsoyarfirði har nógvur streymur var og hann hevði trupuleikar við motorinum og bað MRCC um hjáp.

Brimil var á økinum og hann sleipaði bátin inn á Klaksvík.

​SáH

Dalsenni kom aftur frá útróðið klokkan 09:57 í morgun. Teir hava roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 2.642 pund, tað mesta var hýsa og toskur, 1.400 pund hýsa, 1.300 pund toskur og restin annað fiskaslag, sjá søluna herundir.

Landa bleiv til NFCS kl. 10:00.

SáH

​DALSENNI - ( KG 301 )NFCS-31-08-2022   1.321

Tað hevur gingið væl við at smíða neystið, og hava teir fylgt tíðarætlanini rættiliga væl. Bygningurin er fyri stóran part smíðaður inni sum elementir – størri bygningslutir, og síðani sett upp á staðnum.

Bygnignurin er býttur upp í tvey. Eitt neysti, sum ikki er hitað, og síðani eru venjingarhølir, wc- og bað, umframt fundarhøli og uppilhaldsøki í heita partinum.

Tá ið tað er góðveður, sum nú, leggja teir flag á og annars innrætta teir og gera liðugt inni. Eini 800 m2 av flagi skulu leggjast á, og er tað skorið í Saksunardali.

Á byggiplássinum hava staðið 70 plattar av flagi, og ein lítil helmingur komin upp at liggja. Fyrra lagið verður lagt við grasinum niðureftir, síðani trol ímillum og tað ovaralagi við svørðinum upp.

Grundvíddin á bygninginum er 470 m2 og síðani er ein lítil loftshædd við fundahøli og goymslu á 120 m2. Bygningurin verður hitaður við sjóhitaskipan.

Tað er Malltek, sum hevur høvuðsarbeiðstøkuna, meðan Ósbjørn Jacobsen Arkitekatar hava teknað. Gongst sum ætlað, stendur bygningyrin liðugur í november í ár.

Klaksvíkar Kommuna

Anru er komin aftur frá sera góðum og skjótum túri. Teir hava roynt við línu á Føroya Banka.

Veiðan bleiv boðin út til Fiskamarknaðin Føroyar og høvdu teir 63.960 pund, tað mesta var hýsa og longa, 48.000 pund hýsa, 11.340 pund longa og restin annað fiskaslag, sjá søluna herundir.

Teir byrjaði túr tann 27. august, sostatt bara verið úti í 3. dagar
Skipari er Gundur Sørensen.

Landa verður til Snarfrost í Miðvági og byrjaði teir at landa hann klokkan 7 í morgun.

SáH

ANRU - ( KG 730 ) (SNARFROST)-31-08-2022   31.980

Kommunurnar hava fleiri ferðir, síðan eldraøkið var lagt út til kommunurnar at umsita í 2015, gjørt vart við, at tær sjálvar áttu at havt heimildina at áseta gjøldini fyri røkt og tænastur á eldraøkinum, soleiðis at vald og gjald fylgjast.

Fyri at eftirlíka ynskinum frá kommunum, hevur landsstýrismaðurin í almannamálum tí í dag sent tvey broytingaruppskot til kunngerðir til ummælis. Talan er um kunngerð um heimatænastu og gjald fyri heimatænastu, eldrarøkt o.a. og kunngerð um umsiting av samsýning fyri ansing av eldri og óhjálpnum persónum. Uppskotini kunnu lesast HER.

Fyrra uppskotið leggur upp til, at kommunan fær heimild at áseta eitt hægsta møguligt gjald fyri at búgva á ellis- og røktarheimi og eldrasambýli. Sama verður galdandi fyri heimahjálp.

Seinna uppskotið er um broyting av upphæddini, sum verður veitt í ansingarsamsýning. Ansingarsamsýning kann veitast persóni, ið ansar eldri og óhjálpnum persóni heima. Henda upphæddin er lítið og onki broytt síðani 2010. Í uppskotinum verður lagt upp til, at upphæddin hækkar til 18.000 kr. um mánaðin í mun til í dag, har upphæddin er 10.789 kr. um mánaðin.

Broytingarnar koma eftir ætlan í gildi 1. januar 2023.

Ummælisfreistin er 26. september 2022.

Almannamálaráðið

Dalsenni kom aftur frá útróðri klokkan 08:43 í dag. Teir hava roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 2.846 pund á 40 stampum, tað mesta var toskur og hýsa 1.800 pund, 1.000 pund hýsa og restin annað fiskaslag, sjá søluna herundir.

Við vóru 3 mans og skipari var Jóhannes F J Nybo.

Landa bleiv til NFCS klokkan 09:00.

SáH

DALSENNI - ( KG 301 )NFCS-30-08-2022   1.423

Bjørgvin er komin aftur frá útróðri. Teir hava roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 2.770 pund, tað mesta var hýsa og toskur, 2.200 pund hýsa, 300 pund toskur og restin annað fiskaslag, sjá søluna herundir.

Teir vóru eisini til útróðrar leygardagin 27.08 og tá høvdu teir 1.696 pund.

Landa bleiv til Sjógæti í Klaksvík.

SáH

BJØRGVIN - ( KG 503 ) (SJÓGÆTI)-29-08-2022   1.385
BJØRGVIN - ( KG 503 ) (SJÓGÆTI)-27-08-2022      848

Dalsenni kom aftur frá útróðri klokkan 09:00 í morgun, beint í hølunum á Fiskakletti. Teir hava roynt við línu.

Veiðan bleiv boðin út til Fiskamarknaðin Føroyar og høvdu teir 3.030 pund, tað mesta var hýsa og toskur, 2.000 pund hýsa, 1.000 pund toskur og restin annað fiskaslag, sjá søluna herundir.

Landa bleiv til NFCS klokkan 09:00.

SáH

DALSENNI - ( KG 301 )NFCS-29-08-2022   1.515

Fiskaklettur kom aftur klokkan 08:55 í morgun. Teir hava trola á landleiðini.

Veiðan bleiv boðin út til Fiskamarknaðin Føroyar og høvdu teir 28.690 pund, tað mesta var tunga, reyðsprøka og toskur, 6.660 pund tunga, 6.400 reyðsprøka, 6.400 pund toskur og restin annað fiskaslag, sjá herundir.

Teir byrjaði túr tann 24. august.

Við hesaferð vóru 5 mans og ein kvinna.

Landa bleiv til NFCS klokkan 09:00 í morgun og við reyða kránabilinum var tað 85 ára gamli Sjúrður Josephsen sum stóð við kránanum.

SáH

FISKAKLETTUR - ( TN 415 )NFCS-29-08-2022   14.345

Fríggjadagin, 02.september kl. 15.00 er hugnaløta í kirkjukjallaranum. Jógvan Ósá greiðir frá barna- og ungdómsárunum við Ósánna.

Felagssangur og stutt andakt v/Hanusi á Gørðum er eisini á skránni, og ein góður drekkamuður verður at fáa.

On Friday, 02th' of September at 03 pm, we have a cozy moment in the Christians church's basement. Jógvan Ósá will tell about the childhood and adolescence at Ósánna.

Communal singing and devotion with the priest, Hanus á Gørðum, are also on the program, as well as coffee, tea and cakes will be served.

Christianskirkjan