Der venter unikke oplevelser fra de nordligste egne, når Arktisk Festival for 4. gang folder sig ud i weekenden 5. til 6. november. Det righoldige program rummer noget for alle - uanset alder og interesse.

Oplev professor og iskernekurator Jørgen Peder Steffensen oversætte Indlandsisens sprog. Hør CEO hos SEV, Hákun Djurhuus fortælle om Færøernes grønne omstilling. Få mere at vide om sikkerheden i Arktis, forstå hvad Inuit-tatoveringer betyder og overvær en live-tatovering. 

Besøg Færøernes Repræsentation og se færøsk design og strik, snus til Polarbiblioteket i Arktisk Hus, få 20 minutters undervisning i grønlandsk, og besøg Islands Ambassade, hvor der også er foredrag. 

Få inspiration til nye rejser, mød arbejdende kunstnere, shop husflid, kold færøsk gin og varme grønlandske sælskindsluffer til vinteren og meget mere. Udenfor på pladsen kan man lørdag (kl.11-13) møde islandske heste, og søndag (kl. 10-16) er det hunde fra Grønland, der er på besøg.

Liv på Grønlandske Handels Plads. 
På Arktisk Festival kan man blive opdateret på aktuelle geopolitiske problemstillinger, klimaets forandring og samspillet i Rigsfællesskabet og mellem nationerne i arktiske område. 

Hele området vil summe af liv. Sulten og tørsten kan stilles i Nordatlantens Brygges cafe, hvor man bl.a. kan købe islandske vafler og røget laks, og naturligvis øl og vand fra landene. For børnene er der skattejagt i huset. 

Nordatlantens Brygge
Festivalen finder sted d 5. og 6. november midt i København på Kongelige Grønlandske Handels Plads (lige over Inderhavnsbroen), der gennem godt 200 år har været centrum for Danmarks relationer til Nordatlanten. I dag lever det arktiske miljø i bedste velgående og udfolder sig i de gamle historiske pakhuse, som i dag hedder Nordatlantens Brygge og Det Arktiske Hus. 

Fakta
Hvornår: lørdag 5.november – søndag 6. november
Hvor: Nordatlantens Brygge, Islands Ambassade og Det Arktiske Hus
Strandgade 91, 1401 København K 
Hvem: Arktisk Festival er arrangeret af Nordatlantens Brygge og Det Grønlandske Selskab sammen med rejsebureauet Arctic Friend, Det Arktiske Hus, Færøernes Repræsentation, Grønlands Repræsentation og Islands Ambassade. Derudover deltager et bredt udsnit af organisationer med fokus på Arktis.
Pris Der er gratis adgang til festivalen
Se mere http://arktiskfestival.dk/

Fuglberg og Skoraberg komu aftur klokkan 04:30 í morgun. Teir høvdu partrola eystanfyri Føroyar.

Teir høvdu 180.000 pund og tað mesta var upsi.

Landa blívur júst nú til Kósina og nakað bleiv eisini bjóða út til Fiskamarknaðin Føroyar og tað var tilsamans 60.720  pund, tað mesta var longa, 23.220 pund og restin annað fiskaslag, sjá søluna herundir.

Teir byrjaði túr tann 16. oktober

SáH

SKORABERG - ( KG 380 )KLAKSVÍKAR HAVN-27-10-2022   14.460

FUGLBERG - ( KG 360 )KLAKSVÍKAR HAVN-27-10-2022   15.900

Fiskaklettur kom aftur klokkan 07:10 í morgun. Teir hava trola norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 35.700 pund, tað mesta var toskur og hýsa, 12.500 pund toskur, 11.600 pund hýsa og restin annað fiskaslag, sjá søluna herundir.

Teir byrjaði túr tann 21. oktober.

Landa verður til NFCS.

​SáH

TIL VELJARAR TIL FÓLKATINGSVALIÐ 31. oktober 2022 Í KLAKSVÍKAR KOMMUNU:

Atkvøðugreiðslan fer fram mánadagin 31. oktober á hesum støðum:

KÍ-høllin í Klaksvík - (fyri valstøðini Klaksvík, Ánirnar og Norðoyri)
Í róðrarneystinum, Árnafjørður - (fyri valstaðið Árnafjørð)
Skúlin í Mikladali - (fyri bygdirnar Mikladal og Trøllanes)
Skúlin á Húsum - (fyri bygdirnar Húsar og Syðradal)
Gamligarður í Svínoy - (fyri valstaðið í Svínoy)
Atkvøðutíðin er millum kl. 09.00 og kl. 20.00 og heldur fram, so leingi veljarar møta uttan steðg.

Tey, sum av sjúku ella øðrum orsøkum ikki kunnu koma á valstaðið, kunnu boða frá í Miðlan, tlf. 41 00 00, inntil fríggjadagin 28. oktober 2022.

Samstundis verður sagt frá, at valkort til fólkatingsvalið verða send øllum teimum, ið standa á vallistanum. Veljari, ið ikki fær valkort ella fær valkort við villum í, verður biðin um at venda sær til Miðlan tlf. 41 00 00.

Klaksvíkar býráð
19. oktober 2022

Í samband við fólkatingsvalið 31. oktober, ber til at brævatkvøða í Miðlan. Seinasta freist at avgreiða brævatkvøðu er fríggjadagin kl. 15.00.

Miðlan hevur opið mánadag til hósdag frá kl.10.00 til kl.16.00 og fríggjadag kl. 10.00 til 15.00. Um borgarar hava spurningar í hesum sambandi, ber til at ringja til Miðlan á tel. 41 00 00.

​Klaksvíkar Kommuna

Skráin fyri býráðsfundin, sum er hósdagin 27. oktober kl. 17.30, er nú tøk.

Regluligu býráðsfundirnir eru almennir, og til ber eisini at stroyma fundin beinleiðis umvegis heimasíðuna hjá Klaksvíkar kommunu.

Skráin fyri býráðsfundin sæst her: Býráðsskráin 27. oktober 2022

Klaksvíkar Kommuna

Kaj Leo Holm Johannesen, landsstýrismaður í heilsumálum, hevur sett nýtt sjúklingaráð, eftir at sjúklingaráðið er umskipað og virksemið hjá ráðnum er dagført

Heilsumálaráðið gjørdi í 2020 eina eftirmeting av sjúklingaráðnum. Mælt varð til, at umskipa ráðið, við at minka talið av limum, og at áseta hvørjar uppgávur og ábyrgdir eitt framtíðar sjúklingaráð skal hava innan sjúkrahúsverkið.

Limatalið í sjúklingaráðnum er minkað úr níggju limum niður í fimm limir, fyri at gera tað meira smidligt og atkomuligt hjá ráðnum at halda fundir. Uppgávur og ábyrgdir hjá nýggja sjúklingaráðnum eru at ráðgeva landsstýrismanninum í sambandi við uppskot til løgtingslógir og kunngerðir, um uppskotini hava týdning fyri veitingar til sjúklingar, umframt at viðgera yvirskipað viðurskifti, ið hava týdning fyri veitingar til sjúklingar. Hetta merkir millum annað, at sjúklingaráðið skal gera hoyringsskriv, luttaka í arbeiðsbólkum, og hava fastar árligar fundir við landsstýrismannin.

Landsstýrismaðurin velur fimm limir í sjúklingaráðið, eftir uppskoti frá sjúklingafeløgum, sum umboða sjúklingar, ið vanliga verða viðgjørdir á sjúkrahúsunum. Tey, ið manna Sjúklingaráðið, eru:

Jákup N. Olsen, Tórshavn – tilnevndur av Krabbameinsfelagnum
Hilmar Augustinussen, Tórshavn (Alzheimerfelagið) – tilnevndur av MEGD
Emil Michelsen, Øravík (Heilafelagið) – tilnevndur av MEGD
Poula Reinert Olsen, Nes (CP Føroyar) – tilnevnd av MEGD
Hergerð Joensen, Miðvágur (Giktafelag Føroya) – tilnevnd av Giktafelag Føroya og MEGD
Sjúklingaráðið skipar seg sjálvt við formanni, næstformanni og skrivara. Hetta verður gjørt á fyrsta formliga fundi, sum sjúklingaráðið hevur.

Sjúklingaráðið verður valt eftir hvørt løgtingsval. Limirnir í sjúklingaráðnum verða sitandi í ráðnum, til nýggir limir eru settir.

Heilsu- og Innlendismálaráðið

Heiðrik av Heygum sniðgevur jólafrímerkini

Umframt jólafrímerkini kemur eisini eitt frímerkjaark út við heitinum “Føroysk mineral og grótsløg”,

og ársins jólamerki fáast somuleiðis til keyps frá í dag.

Føroysk mineral og grótsløg – óslípaðir gimsteinar
Hyggja vit nærri at gráa grótinum birtist eitt hav av flottum litríkum og spennandi mineralum í storknaða gosgrýtinum. Tey sjónskastu mineralini eru teir hvítu soðsteinarnir og kvartsmineralini. Hesi vøkru mineralini úr Føroyum hava gjøgnum tíðirnar verið savnað og víst fram á grótsøvnum um allan heim.

Tey bæði mineralini á frímerkjaarkinum eru kalsitt (kálkspatt) og kopar. Kalsittkrystallið er partur av savni, sum Edna Einarson eigur, meðan Johan Virgarsson hevur funnið sjáldsama stóra koparkrystallið í einum grótbroti í Suðuroy. Útgávan er løgd til rættis í samstarvi við Jarðfeingi.

Jól og advent
Ársins jólafrímerki mynda ávikavist ein adventskrans og eitt jólatræ - bæði við livandi kertiljósum. Um íblásturin sigur listamaðurin, Heiðrik á Heygum soleiðis: "Jólini eru siðbundin, afturlítandi, nostalgisk og tætt hjartanum. Tí helt eg, tað var hóskandi at lýsa jólasiðirnar við einum siðbundnum brái, har eg samstundis fagni visuellu stílunum hjá Williami Heinesen og Elinborg Lützen.”

Jólamerki til jólapostin
Listamaðurin, Bárður Dal Christiansen hevur sniðgivið ársins jólamerki, sum hevur heitið “Jólaleikur_v.22a”. Hetta er eitt sonevnt samklipp av søguligum myndum, tekningum og grafikki, sum á ein sýraðan og øðrvísi hátt mynda klassiska jólaleikin.

Avlopið av søluni av jólamerkjaarkinum fer til Jólamerkjagrunnin, ið hevur til endamáls at stuðla tiltøkum fyri børn og ung í Føroyum.

Frímerkjaárbók – ein góð gáva
Ársmappan við øllum ársins frímerkjum og árbókin, sum umframt frímerkini eisini sigur søgurnar handan frímerkini, eru eisini komnar.

Tær kosta ávikavist 634 kr. og 665 kr. Árbókin er á donskum, enskum og týskum og hóskar seg væl sum gáva til vinir og kenningar uttanlands.

Frímerki og jólavørur fáast til keyps á posthúsum kring landið og á heimasíðuni www.stamps.fo,

har eisini ber til at lesa áhugaverdu greinarnar um frímerkini.

Posta

​Gott kvøld øll somul 

So var løtan aftur her. 

Løtan, sum vit hvørt ár droyma um, skal savna okkum undir eina yvirskrift. 

Vit eru FØROYAMEISTARAR!

***
Góðu tit øll 
Viðhaldsfólk, stuðlar, leikarar, venjarar og øll tit í varða av Klaksvíkar ítróttarfelag. 

Hjartaliga til lukku við Føroyameistaraheitunum 

Sum borgarstjóri kann eg ikki annað, enn verða SERA errin av øllum teimum fantastisku fótbóltsavrikum, sum KÍ hevur megnað í ár. 

Talan er um fleiri FM sigrar, flotta luttøku í Champions League og breiða luttøku í steypafinalum. 

Kvinnur og menn, vaksin og børn: Áræði, dugnasemi og stríðsviljin eru ikki at taka feil av.
 
***
Góðu KÍ kvinnur
Tit hava í nógv ár verið ímyndin av góðum fótbólti. Tit eru okkara mest vinnandi fótbóltslið. 

Heili 22 meistaraheitið! Og heili 17 føroyameistaraheiti á rað. 

Umframt hetta, so hava tit nú eisini markera tykkum í altjóða fótbólti.

Í summar upplivdu vit ein fantastiskan dyst, tá ið tit nærum koppaðu Riga. Í síðsta minutti skoraði Eyðvør Klakstein eitt týðandi mál, sum seint verður gloymt. 

Hóast dysturin í longdu spælitíðini ikki fall til okkara fyrimun, so hava tit tikið eitt tíðandi fet ímóti dreyminum at luttaka í kappingum í altjóða høpi.  
 
Tit hava ongantíð mist trúnna á, at tit kunnu megna tað ótrúliga!

Eisini er tað imponerandi at síggja, hvussu tit – í viðgongd og mótgongd – hava megnað at sett við nýggjar, ungar og evnaríkar leikarar og á tann hátt eisini framtíðartryggja kvinnufótbóltin í Norðoyggjum.

Tað eru vit sera takksom fyri og ikki minst errin av. 

Vón mín er, at tit skulu megna at halda fram á sama høga støði – tí KÍ-kvinnurnar eru veruliga nakað heilt, heilt serligt í føroyskum fótbólti.

Hjartaliga til lukku og takk fyri.

***
So komi eg til tykkum, menninar, sum nú eisini eru blivnir suverena fótbóltsliðið í Føroyum.
Hóast nógv hava viljað verið við, at kappingarárið 2022 hjá monnum var avgreitt, áðrenn farið var í gongd, so hava tit ongantíð tikið tað sum eina sjálvfylgju, at nakar dystur var vunnin. 

Til allar dystir hava tit kempað, hildið á, víst flott fótbóltsspæl og, eftir mínum tykki, havt nógv størri dirvi til at spæla undirhaldandi fótbólt.

Nógv mál eru skotin og tað elska vit. Eisini eru bara 7 mál skotin ímóti okkum. 

At náa heilt upp til 77 stig av 81 møguligum – tað er imponerandi og sigur ikki lítið um tann kvalitet, sum er á hesum meistaraliðnum.

Ja, í veruleikanum er tað næstan ótrúligt, so høgt og støðugt støði tit, saman við einum fantastiskum venjaratoymið, hava megnað at lyfta tykkum uppá.

Latið okkum ikki gloyma, at tað í veruleikanum er stutt síðan – í 2009 – at KÍ flutti niður í næst bestu deildina. 

Í hesum sambandi hava fólk lyndi til at gloyma, at KÍ tey árini eisini var fíggjarliga sera illa fyri.

Tað er nevniliga ikki nøkur sjálvfylgja, at KÍ í dag – eisini fíggjarilga – man vera eitt tað best stýrda felagið í landinum.

Tit í leiðsluni komu sanniliga ikki til skorin klæði – nei, tit hava arbeitt KÍ uppaftur á tindarnar bæði ítróttarliga, skipanarliga, bygnaðarliga og fíggjarliga – og tað eru vit tykkum hjartaliga takksom fyri og stolt av.

Tað hevur so stóran týdning fyri eitt lokalsamfelag at hava ein felags samleika at standa saman um, ið gevur okkum eina vinnaramentan og eitt samanhald, sum hevur so stóran týdning fyri framburð, trivnað og menning.

Takk fyri og hjartaliga til lukku.

***
Góðu meistararalið – góðu kvinnur og menn
Hetta er ikki fyrstu ferð, at tit prógva, at tit eru tvey meistaralið. Men tað ger ikki gleðina minni, tí er tað ringt at vinna eitt meistaraheiti, so er tað tíggju ferðir torførari at endurvinna tað, tí tað er so skjótt til at sovna oman á farnum sigrum og vunnum steypum.

Við hesum brøgdum í ryggsekkinum fara vit treyst til Havnar komandi leygardag, har vit ætla okkum at stuðla tykkum 100% til at endurtaka succesina. 

Eru vit ikki øll samd um tað?

Tit hava megnað tað fyrr, og vit trúgva uppá, at tit megna tað aftur.

Tað hevði verið fantastiskt, um tit – saman við okkum øllum – enn einaferð skriva søgu og koma norð aftur við tveimum greipum. 

KOYR Á KÍ

***
Góðu tit øll
At enda vil eg bera fram eina heilsan til okkara 118 ára gamla Klaksvíkar Ítróttarfelag.

Ofta verður tikið til, at felagsandin, sum vit uppliva kring og í KÍ, ikki kann gerast upp í krónum og oyrum.

Tað er ringt at vera ósamdur, tí tað finst neyvan nakað annað felag, ið savnar sítt bakland betur, enn KÍ ger við okkum norðingar. 

Bæði í viðgongd og í mótgongd. 

Bláu hjørtuni síggja vit eisini aftur í tí megnar arbeiði, sum nevndir, venjarar og sjálvboðin dagliga gera. Og uttan hesi var onki felag.

Stóra takk fyri tykkara ótroyttiliga arbeiði. 

Eg fari til seinast at biðja Tummas Lervig, formann í KÍ, koma upp her at taka ímóti einum kekki. 

Hesin kekkurin, áljóðandi 40.000 kr., er stílaður til barna- og ungdómsarbeiðið hjá KÍ.

Tað er okkara vón, at ungdómsarbeiðið framhaldandi skal mennast, soleiðis at vit í nógv ár fram kunnu hátíðarhalda sigrar og ikki minst standa saman um alt felagið.

Lat okkum reisast og rópa eitt trífalt hurra fyri FM vinnarunum.

KÍ leingi livið ...

Takk fyri. 

Karl Johansen

Klaksvíkar Kommuna

Fyrrverandi borgmeistarin Jógvan Skorðheim stóð fyri uppisøluni av teimum fýra troygginum hjá ársins stjørnuskoti og ársins leikara hjá kvinnum og monnunum hjá KÍ.

Sigast skal at hann kom stak væl frá uppgávuni og gott bert hevur fýra troyggir vóru at bjóða uppá. Vóru allar seldar á uppisølu, so tók tað alt ov langa tíð.

Tann troyggjan sum fór fyri hægsta prísin var troyggjan hjá Jóannes Bjartalíð, hon fór fyri heilar 13.000,00 kr.

Restini av troyggjunum kundi fólkini bjóða uppá eftir borðhaldi og taka vit saman um, so fekk KÍ omanfyri 200.000,00 kr.  í gávum og uppisøluni á KÍ veitsluni 2022.

​SáH