Læknamiðstøðin koppsetur fyri vetrarbeinkrím mánadagin 30. okt. til og við fríggjadagin 3. nov. klokkan 09.00-15.00

Hesar dagar er ikki neyðugt at bíleggja tíð frammanundan.

Um ikki liggur fyri nevndu dagar, er eisini møguleiki at fáa tíð.

Her liggur Læknamiðstøðin, Klikk her: Læknamiðstøðin Google.com/maps.

SáH

8 menniskjur hava latið lív og minst 11 menniskjur fingu stóran skaða - eftir at ein maður koyrdi við ein súkklubana í West Side Highway og Chambers Street, sum er í TriBeCa street - sunnan fyri Manhattan í New York ígjár.

Maðurin koyrdi í einum pick-up bili hálvannan kilometur, áðrenn hann rendi á ein skúlabuss. Síðan rann maðurin út úr bilinum við einum paint-gun og einum luftpistól og rópti "Guð er stórur" á arabiskum. Maðurin bleiv síðan skotin í búkin av løgregluni og liggur nú í sjúkrahúsinum. 

Maðurin sigst, at vera 29 ára gamli Sayfullo Saipov, sum hevur fingið uppihaldsloyvi í Amerika síðan ár 2010. Hann hevur koyrt nógv lastbil og eitt nú bestaðið bakgrundstjekk frá Uber.

JáH (y) 01.11.2017

Landsstýriskvinnan í Mentamálum, Rigmor Dam, er í morgun farin til Finnlands, har allir teir norðurlendsku mentamálaráðharrarnar skulu hittast.

Á fundi mikudagin verður kjak millum ráðharrarnar, har evnini serliga verða: “Álit borgarans á miðlarnar” og “Norðurlendsk mentanartiltøk í altjóða høpi”.

Á skránni hesar dagarnar eru eisini aðrir kunningarfundir og tiltøk, sum landsstýriskvinnan luttekur á – millum annað verður Norðurlendska Mentanarheiðurslønin 2017 latin mikukvøldið 1. november.
Trý føroysk nøvn eru í uppskoti til at vinna Mentanarvirðisløn Norðurlandaráðsins.

Fyri bókmentir er Sissal Kampmann tilnevnd fyri yrkingasavnið Sunnudagsland.

Fyri barna- og ungdómsbókmentir er Rakel Helmsdal tilnevnd fyri bókina Hon, sum róði eftir ælaboganum.

Í bólkinum fyri tónlist er bólkurin Yggdrasil í uppskotið. Bólkurin varð stovnaður í 1981 og hevur givið 15 plátur og fløgur út.

Úr Finnlandi fer Rigmor Dam til Keypmannahavnar, har hon tann 6. november eisini skal luttaka á einum fundi fyri Norðurlendskar undirvísingar- og granskingarmálaráðharrar.

Evni á hesum fundinum verða “Framtíðar útbúgvingarsamstarv í Norðurlondum” og “Styrkt norðurlendskt granskingarsamstarv”.

JáH (y) 31.10.2017
Kelda: Mentamálaráðið

Bretski Paul Greengrass hevur planir um, at gera ein film um Anders Behring Breivik, sum eftir øllum at døma kemur at kosta yvir 180 milliónir krónir. Netflix stendur aftanfyri filmin, sum mong í Noregi meina - ikki burdi verið gjørdur yvirhøvur.

Høvuðsrolluna sum Anders Behring Breivik fer til Anders Danielsen Lie - ið eisini er føddur í 1979 - sama ár, sum Breivik bleiv føddur. Og Jon Øigaard skal spæla sakførari hjá Breivik, Geir Lippestad .

Filmurin fer at snúgva seg um terrorálopi tann 22. juli 2011, sum í alt kravdi 77 mannalív. Fólkini handan filmin vilja ikki koma við nakrari útsøgn um hvat filmurin í veruleikanum kemur at handla um. Men Greengrass sjálvur sigur, at bókin hjá Åsne Seierstad "Ein av okkum", sum snýr seg um lívið hjá Breivik og syrgiligu hendingina - hevur gjørt eitt stórt inntrykk á seg og hvussu bókin megnaði at fáa sannleikan & ræðuleikan framm í ljósið, sigur Greengrass við fjølmiðlarnir.

JáH (y) 30.10.2017

Tann løgna sakin við Peter Madsen og tíðindakvinnuna Kim Wall er aftur nú blivin eitt sindur løgnari ...

Nú sigur Peter Madsen í rættinum, at hann ikki hevur dripið hana og at hon doyði av kolsúrniseitran í bátinum - ímeðan hann varð staddur aðrastaðnis í bátinum, tá ið hendingin fór framm.

Síðan hevur Peter Madsen viðgingið, at hann parteraði Kim Wall - fyri síðan at tveita tað parteraða líkið í havið.

Peter Madsen hevur havt fleiri frágreiðingar um hvat hendi umborð kavbátinum og nú hevur hann also aftur broytt sína frágreiðing, sum mong halda er tí, at hann er sekur og at nú roynir at gera alt fyri ikki at blíva dømdir fyri dráp av tíðindakvinnuni Kim Wall.

JáH (y) 30.10.2017

Fyrrverandi valleiðarin Paul Manafort og felagin Rick Gates eru handtiknir av FBI - og um tað í samband við, at teir hava havt við Russland at gera undan tí amerikanska valstríðnum 2016 - vita fjølmiðlarnir faktist ikki heilt beint nú - men gitt verður, at tað hevur okkurt við russiska innblandan av valinum.

Les eisini: Spenningurin økist í Washington

Eisini sonurin hjá Donald J. Trump og svigersonurin fingu eisini eitt hvørt at vita um Hillary Clinton frá russiskum fólkum og tað er ikki loyvið undan einum valkampi, at onnur lond blanda seg uppí.

Sjálvur hevur Donald J. Trump ikki skrivað nakað stórvegis um, at FBI blívur við at kannað um okkurt ólógligt er farið framm - undan valkampinum 2016. 

JáH (y) 30.10.2017 

Nú virkar Google Street View fyri alt Føroyar. Her kanst tú við at trýsta á ein knøtt, síggja hvørja gøtu og hvørt tað einasta hús í Føroyum frá tínari egnu teldu.

Sera smart, Norðoya Portalurin, sum heldur til á Helnabrekku, royndi skipanina ímorgun og hon virkaði stak væl.

Vit tastaði Helnabrekka inn á Search Google Maps og so komu vit á gøtuna Helnabrekku og so kanst tú hyggja eftir øllum húsunum og umhvørvinum á gøtuni Helnabrekku.

Hetta ferð at gera tað sera lætt at finna hús runt Føroya land í framtíðini, við bert at klikka seg inná gøtuna og so ert tú á staðnum. Klikk her, "Helnabrekka  Klaksvík" og fyri Føroyar, klikk her "Føroyar".

SáH

Aðalskrivarin hjá NATO, Jens Stoltenberg, kallar Norður-Korea fyri eina globala hóttan og at hann stuðlar strangari tiltøk ímóti landinum.

Les eisini: Jim Mattis: Atomhóttan úr Norður-Korea er økjandi

Hetta hevur Jens Stoltenberg sagt undir einari vitjan í Japan, veit NTB at siga frá.

JáH (y) 30.10.2017

Var ein túr við myndatólinum í morgun og tók nakrar myndir. Nógv virksemi er í Klaksvík, bæði í miðbýnum, Skúlatrøð, Føroya Tele, Arbeiðsmannafelagnum, Elding og aðrastaðni við, har hondverkarnir hava úr at gera.

Bragd kom aftur av túrið, men fiskiskapurin er smáligur fyri tíðina.

Ein russari liggur og umskipar á vesturi kaj.

Teir eru lidnir at landa Sjúrðaberg og nú er ætlanin, at Sjúrðaberg ferð til Norra á Bedning. Sjúrðaberg hevði 430 tons hendan túrin.

Elrisin Elding gerð klárt at opnað.

Ein røsk kona var gongutúr.

Her nakrar myndir frá 30. oktober, sjá niðanfyri:

​SáH

Verjumálaráðharrin úr Amerika, Jim Mattis sigur at ein atomhóttan úr Norður-Korea er økjandi og eitt álop úr Norður-Korea fær ógvusligar hernaðarligar avleiðingar.

- Eitt og hvørt brúk av atomvápnum vil vera møtt við kraftigum hernaðarligum aftursvari og tað fer at vera effektivt og sera ógvusligt, segði Mattis undir einari fjølmiðlavitjan í Seoul leygardagin, veit NTB at siga frá.

Amerikanski Forsetin, Donald J. Trump hevur eisini lítla virðing fyri leiðaranum úr Norður-Korea, Kim Jung-un, har hann ferð eftir ferð hevur kallað Kim fyri Rocket-Man, eftir sanginum hjá Elton John. Men hvussu víkir og vendir, so kemst ikki undan, at støðan ímillum Norður-Korea og Amerika er sera ræðandi, har báðir partar standa til at tapa.

JáH (y) 28.10.2017