​Búgvin kom aftur klokkan 04:45 í morgun. Teir hava trola á Skeiva Banka. 
​
Veiðan bleiv boðin út til Fiskamarknaðin Føroyar og meginparturin var havtaska, 19.400 pund og restin annað fiskaslag, sjá søluna herundir.

Teir byrjaði túr tann 23. januar.

Landa blívur júst nú til NFCS og teir byrjaði at landa Búgvan klokkan 06:00.

Prísurin hevur verið vánaligur, men teir lótu eitt sindur betur at nú, væntandi fáa teir 21,00 kr. fyri havtaskuna.

Her myndir tiknar í morgun, sjá herundir.

SáH

BÚGVIN – ( KG 119 )NFCS-29-01-2021   13.835

Ein sera góður dagur á Føroya Løgtingið. Í dag blivu teir nýggju tunlarnir norður um fjall einmælt samtyktir.

Árnafjarðatunnilin og Hvannasundstunnilin, frá ávíkavist 1965 og 1967, hava væl og virðiliga tænt sínum endamálið nú. Hesir gomlu, smølu og ikki heilt vandaleysu tunlarnir hava í langa tíð verið eitt stórt evni í samfelagskjakinum, og fylt sera nógv hjá teimum eystan múla og har um leiðir. Eg eri sera glaður um, at hendan verkætlan var tann, ið samgongan raðfesti fyrst og fremst, tá talan var um tunnilsverkætlanir.

Nú er dagurin loksins her, har eitt samlað løgting stendur saman um hesa verkætlan. Landsstýrismaðurin boðaði frá, at tað eftir ætlan verður 8.februar, at spakin verður settur í. So man kann næstan siga, at tað sæst ljós fyri endan av tunlinum.

Hetta hevur fyrst og fremst stóran týdning fyri borgarar í økinum, ið brúka farleiðina hvønn dag til arbeiðis, skúla og annað, at tað nú er ein nýggj farleið ávegis. Eisini fyri tað vinnuliga virksemi, ið hóast sínar avbjóðingar, er stórt í økinum. Henda verkætlan fer heilt vist at geva tí vinnuliga virkseminum enn størri vakstrarmøguleikar, til gagns fyri alt landið.

Tó mugu vit í politisku skipanini fylgja arbeiðinum tætt, soleiðis at verkætlan verður framd á bestan hátt. Tá Viðareiðistunnilin bleiv framdur, so vóru nakrar sparingar gjørdar, t.d. við vegi og útvarpssignalið, ið vóru sera óhepnar. Hesa ferð má tílíkt ikki koma fyri.

Til løgtingsvalið vóru tað serliga trý mál, ið fylti nógv hjá mær sjálvum. Betra um umstøður hjá lærlingum, eina nýggja fiskivinnulóggávu og so tunlarnir norð um fjall. Tað er fantastiskt, at samgongan, eftir knapt hálvtannað ár, kann seta flugubein í, at alt hetta er framt.

Samfelagið mennist og broytist hvønn dag, og tí er ongin orsøk at fara úr arbeiðshandskunum, men at seta sær nýggj mál, øllum Føroyum at frama.

Beinir Johannesen - Fólkaflokkurin

Bretska koronufrábrigdið er nú staðfest í Føroyum.

Herfyri varð ein persónur úr Afrika staðfestur smittaður við kanningini á sætta degi. Frá komu til Føroya hevði viðkomandi verið í sóttarhaldi, og hevði einans havt samband við ein annan persón.

Heilsufrøðiliga starvsstovan hevur greinað kanningarúrslitið hjá viðkomandi nærri, og greiningin vísir, at talan er um bretska frábrigdið, eisini kallað B.1.1.7.

Bæði tann smittaði persónurin og tann persónurin, ið viðkomandi hevur verið í sambandi við, hava tað gott, og í løtuni bendir einki á, at onnur í Føroyum eru smittað við bretska koronufrábrigdinum.

Í hesum føri verður bundið um heilan fingur, og tí verður tíðarskeiðið í sóttarhaldi víðkað til 14 dagar. Viðkomandi skal eisini vísa eina negativa roynd, áðrenn persónurin verður staðfestur frískur.

Heilsumálaráðið

Eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum. 

Í gjár vórðu 325 kanningar gjørdar, og allar kanningarnar eru liðugt greinaðar. Í alt eru 218.407 kanningar gjørdar.

Tilsamans hava nú 652 persónar fingið staðfest smittuna í Føroyum. Í alt eru 644 persónar staðfestir frískir aftur. Higartil er ein persónur deyður við koronu í Føroyum. Sostatt eru sjey persónar smittaðir í løtuni.

Ein persónur er í løtuni innlagdur á Sjúkrahúsverki Føroya í sambandi við koronusmittu.

Heilsumálaráðið

Tað gongur sera seint við koppsetingini móti Covid 19 í Føroyum, vit hava bara koppsett 5.5 prosent av føroyingum og bert 249 fólk í gjár.

Heilsumálaráðið hevur avgjørt at leggja seg undir Danska Heilsuverkið og tað gerð at vit hálta aftaná fleiri lond við at koppseta móti Covid 19.

Vit hava heimsmet í at testa fólk, men at koppseta kunnu vit ikki reypa okkum nógv av higartil. Her er Ísrael klárt á odda og tey hava koppsett higartil 39.6 prosent av fólkunum, sjálvt USA er betri enn Føroyar, har vit bara hoyra vánalig tíðindir frá, har eru 5.8 koppsett, Bretland 9.3 prosent, Seychellirnar 13.4 prosent, Emiratini 24.5 prosent og so Føroyar 5.5 prosent.

Mín meining er at vit skulu royna sum sjálvstøðugt land at keypa okkara vaksinu sjálvi og so koppsett øll innan sera stutta tíð. 106.000 vaksinur eru ikki tað stóra í stóra spælinum, men tað hevur sera stóra týdning fyri Føroyar og so høvdu vit sloppi frá at testa øll fólkini sum eru koppsett móti Covid 19 og tað hevði spart Føroyum við fleiri milliónum.

SáH

Her tiðindaskriv frá Heilsumálaráðnum:

249 fólk koppsett í gjár

Í gjár vórðu 249 fólk koppsett. Tilsamans eru nú 2912 føroyingar koppsettir fyri koronu.

Nýggj sending við koppingarevni kom til Føroya hósdagin, og í gjár varð koppsetingin so tikin uppaftur.

Tað varð koppsett á Sandoynni, í Havn og í Klaksvík. Tað vóru fyrst og fremst búfólk, ið vórðu koppsett, men eisini nøkur røktarstarvsfólk og fólk í serligum vandabólkum.

Umleið 5,5 prosent av øllum føroyingum eru nú koppsett.

Heilsumálaráðið​

Eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum. 

Í gjár vórðu 599 kanningar gjørdar, og allar kanningarnar eru liðugt greinaðar. Í alt eru 218.082 kanningar gjørdar.

Tilsamans hava nú 652 persónar fingið staðfest smittuna í Føroyum. Í alt eru 644 persónar staðfestir frískir aftur. Higartil er ein persónur deyður við koronu í Føroyum. Sostatt eru sjey persónar smittaðir í løtuni.

Tveir persónar eru í løtuni innlagdir á Sjúkrahúsverki Føroya í sambandi við koronusmittu.

Heilsumálaráðið

Ikki er líkt til, at verandi samgonga fær sama møguleika, sum undanfarna fekk, nevniliga, at verða boðin í studio í Sortudíki at reypa av sínum avrikum.

Undanfarna hevði tó lítið at breggja sær av. 

Nú er gott ár runnið av hesum samgonguskeiðinum, so nú er kanska tíð at gera fyribils støðuna upp.

Ein avrikslisti við innihaldi, alt meðan vit meginpartin av skeiðnum hava verið rakt av eini alheims heilsukreppu.

Úr rúgvuni eru avrikini hjá sitandi samgongu hesi:
► Nýggj fiskivinnulóggáva er samtykt, sum gevur vinnuni tryggar og varandi karmar, og sum tryggjar meira rættvíst býti av okkara tilfeingi.
► Uppskot til nýggja skipan viðvíkjandi tilfreingisgjaldi er klárt, og verður sent Løgtinginum ein av fyrstu døgunum.
► Nýggjar skattareglur eru samtyktar, sum tryggja landskssanum part av tí vinningi, sum fæst burtur úr sølu av veiðu- og fiskirættindum.
► Nýskipan av øllum almannaøkinum er gjøgnumførd. Øll lóggávan á økinum er dagførd, samstundis sum almannaøkið er uppraðfest við hægri játtanum.
► Almannaverkið hevur sett ferð á útbyggingar av stovnum at hýsa teimum veikastu í samfelagnum.
► Bústaðarpakki er lagdur fyri løgtingið. Endamálið við uppskotinum er at geva Bústaðir lániheimild uppá 450 mill. kr fyri at nøkta bústaðartørvin í breiðastu merking, bæði til tey veikastu og til vanligar leigubústaðir kring alt landið.
► Uppraðfesting av sjúkahúsverkinum. Játtanin er økt við umleið 150 mill. kr. Sjúkrahúsini verða dagførd, so tey lúka øll nútíðarkrøv.
► Tillagingar á pensiónsøkinum eru samtyktar, so okkara fólkapensionistar fáa meira pening at liva fyri. Játtanin á hesum øki er økt við umleið 100 mill.
► Uppskot um nýggjar reglur á eftirlønarøkinum er lagt fyri Løgtingið, sum skal tryggja, at okkara útisiglarar ikki skulu rinda dupult eftirlønargjøld v.m.  
► Lóggáva samtykt sum tryggjar lærlingum eyka skattafrádrátt uppá 50.000 kr.
► Nýggj rættargangslóg samtykt, sum skal betra um rættartrygdina hjá teimum sum enda í okkara rættarskipan.
► Nýggj lóggáva um løgreglu v.m. samtykt sum betrar um rættartrygdina hjá borgarunum.
► Nýggj dátuvernarlóggáva samtykt, sum betrar um rættartrygdina innan skrásetingarøkið.
► Reglur samtyktar, sum tryggja føroyingum rætt til danskt cpr.nr, til tess at bøta um rættartrygdina m.a. hjá sjúklingum, sum verða sendir til Danmarkar í viðgerð.
► Tunlar Norður um Fjall avgreiddir.
► Tunnil til Fámjins avtalaður.
► Innkomuvegurin í Runavík avgreiddur.
► Innkomuvegurin til Tórshavn á veg í Løgtingið.

Enn eru stórmál eftir at avgreiða, og tey verða øll samtykt.

Borgarliga samgongan hevur sanniliga verið burturav produktiv og stevið í samgonguni hevur verið gott.

​Nú er bara at vóna, at politiskar ósemjur ikki forkoma okkara framúr virkisfúsu og virknu samgongu.

Christian Andreasen
løgtingsmaður, Fólkaflokkurin

Eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum. 

Í gjár vórðu 272 kanningar gjørdar, og allar kanningarnar eru liðugt greinaðar. Í alt eru 217.483 kanningar gjørdar.

Tilsamans hava nú 652 persónar fingið staðfest smittuna í Føroyum. Í alt eru 644 persónar staðfestir frískir aftur. Higartil er ein persónur deyður við koronu í Føroyum. Sostatt eru sjey persónar smittaðir í løtuni.

Eingin persónur er í løtuni innlagdur á Sjúkrahúsverki Føroya í sambandi við koronusmittu.

Heilsamálaráðið

​Í illveðrinum í nátt er allir partrolarnir í Klaksvík, Safir og Smaragd, Fuglberg og Skoraberg, Polarhav og Stjørnan sunnanfyri Borðoyavík og kroka.

Veðrið hevur verið sera vánaligt í nátt og tí eru skipini og krota, mynd frá Marine Traffic klokkan 07:00 í morgun

Væntandi fara teir út aftur, tá ið veðrið verður betri.

​SáH

Tveir nýggir smittutilburðir vórðu staðfestir í gjár. Tað vísa nýggjastu tølini hjá Landslæknanum. 

Tann eini tilburðurin er funnin við kanning dagin eftir komu til Føroya. Hin tilburðurin er funnin við kanning á sætta degi. 

omin til Føroya úr útlondum í farnu viku.Í gjár vórðu 449 kanningar gjørdar, og allar kanningarnar eru liðugt greinaðar. Í alt eru 216.677 kanningar gjørdar.

Tilsamans hava nú 652 persónar fingið staðfest smittuna í Føroyum. Í alt eru 644 persónar staðfestir frískir aftur. Higartil er ein persónur deyður við koronu í Føroyum. Sostatt eru sjey persónar smittaðir í løtuni.

Eingin persónur er í løtuni innlagdur á Sjúkrahúsverki Føroya í sambandi við koronusmittu.

Heilsumálaráðið