Norðoyatunnilin er stongdur fyri ferðslu hvørja nátt komandi viku, frá sunnukvøldið 21. mai kl. 22.00 til fríggjamorgunin 26. mai kl. 06.00. Ferðslan verður leidd gjøgnum tunnilin kl. 23, 24, 02, 04 og 05.30. 

Um alt gongur eftir ætlan, er hetta seinastu ferð í hesum umfari, at tunnilin verður stongdur fleiri nætur. Tað sum verður gjørt er ljósini í innkoyringar sonurnar, uppundir loftið verður borað og nýggir boltar fastgjørdir og vifturnar umvældar.

Tunnil.fo

Løgmaður hevur fingið heimild í fíggjarlógini fyri 2023 at selja partabrøvini, sum landið eigur í P/F Smyril-Line. Í hesum sambandi, hevur Løgmansskrivstovan sett tænastuna í útboð á keypsportali landsins.

Útboðið fevnir um ráðgeving og fyriskipan av møguligari sølu av ognarlutinum hjá landinum á nøktandi fakligum og búskaparligum grundarlagi. Uppgávan inniber eitt nú, at bjóðarar gera virðismeting, sølutilfar, skipa útboðið og fyrireika møguliga søluavtalu.

Til ber at lesa meira um útboðið á www.keypsportal.fo.

Um tørvur er á at frætta nærri og fáa útboðstilfar, eru áhugaðir bjóðarar vælkomnir at senda eini boð til lms@lms.fo ella at ringja til Flóvin Eidesgaard, búskaparráðgeva á Løgmansskrivstovuni, á telefon +298 271877. 

Stutt um P/F Smyril-Line
Høvuðsvirksemið hjá Smyril Line er at reka ferðamanna- og farmavirksemi, sum fevnir um ferðamanna- og farmaflutning, hurð-til-hurð flutningsloysnir, ferðamannavistir og annað líknandi virksemi. Felagið eigur og rekur skip og fastogn, umframt ognarpartar í øðrum feløgum. Landið eigur 16,238% av partapeninginum. 

Løgmansskrivstovan

Tað kann ikki bera til at útjaðarin skal gjalda fyri gildið í Tórshavn, har bara ein bygningur, hevur ein meirkostnað omanfyri 400 milliónir og har tað mesta er og verður handla í heimildarloysið.

Vit liva av Fiskivinnuni og Alivinnuni, tí er tað alneyðugt, at vit hava skikkaðar politikkara at umboða útjaðaran, har øll okkara høvuðsvinna heldur til og tað er henni vit liva av.

Væntaði meira av okkara lokalu samgongupolitikkarum í gjár, men teir flentu tá ið atkvøtt bleiv og so verður spennandi um tey flenna, um okkara høvuðsvinna verður fyri hóttarfalli, eftir at bæði uppskotini blivu samtykt í Løgtinginum í gjár, her eitt filmsklipp, har eg sigi mína hjartans meining um okkara lokalu samgongutingfólk.

Símun á Høvdanum

Dennis Holm, landsstýrismaður í fiskivinnumálum, hevur sent uppskot um at broyta reglurnar um brúksskyldu í sjófeingislógini til ummælis.

Ein broyting er at strika ásetingina um, at tá egnir fiskidagar ella egin kvota ikki er brúkt við meira enn 30%, fellur munurin millum 30% og tað, sum er brúkt, aftur til landið.

Harumframt verður gildiskoman á sonevndu 60%-regluni útsett. Frá og við fiskiárinum 2025 er treyt fyri at avhenda kvotur ella fiskidagar, at brúkt eru í minsta lagi 60% av kvotuni ella fiskidøgunum fiskiárið frammanundan. Tí fær brúkið í 2024 týdning fyri møguleikarnar at avhenda kvotur ella fiskidagar í 2025.

Í galdandi lóg eru fiskasløgini makrelur, norðhavssild og svartkjaftur undantikin 60%-brúkstreytini. Skotið er upp, at undantakið verður gjørt tíðaravmarkað og fer úr gildi 31. desember 2025. Við hesi broyting koma avhendingar av kvotum av nevndu fiskasløgum undir somu lógartreytir sum aðrar kvotur í 2026 og frameftir.

Í lógini er eisini ein generell brúksskylda, sum sigur, at um fiskifar als ikki hevur brúkt veiðiloyvi og fiskiloyvi í tvey ár á rað, falla tey aftur til landið. Í uppskotinum, sum nú er sent til ummælis, er hetta óbroytt, men reglurnar um, hvussu brúk verður gjørt upp, verða í uppskotinum orðaðar neyvari.

Eftir ætlan verður lógaruppskotið lagt fyri Løgtingið eftir ólavsøku.

Uppskotið er til ummælis fram til 15. juni 2023 og møguligar viðmerkingar skulu sendast til fisk@fisk.fo í seinasta lagi 15. juni 2023.

Lógaruppskotið liggur her á síðuni undir "Uppskot til ummælis".

Fiskivinnu- og samferðslumálaráðið

Amerikanski kavbáturin USS New Mexico kemur fyrrapartin í Nólsoyarfjørð í sambandi við manningarskifti.

USS New Mexico er kjarnorkurikin og hevur diplomatiskt loyvi at koma í føroyskt sjóumveldi.

Uttanríkis- og vinnumálaráðið

Í dag vitjaði nýggja Sjúklingarráðið okkum á Klaksvíkar Sjúkrahúsi. Endamálið hjá Sjúklingaráðnum er at ráðgeva landsstýriskvinnuni, í sambandi við lógir og kunngerðir og yvirskipað viðurskifti, um hesi hava týdning fyri veitingar til sjúklingar. Sjúklingarráðið skal gera neyðug hoyringsskriv, luttaka í arbeiðsbólkum og hava árligar fundir við landsstýriskvinnuna.

Í sambandi við vitjanina, fingu limirnir í Sjúklingaráðnum innlit í virksemið á sjúkrahúsinum, hvussu sjúkrahúsið skipar sítt virksemi í mun til tey ymisku serøkini og virkisøkini. Somuleiðis varð víst runt á sjúkrahúsinum, soleiðis at tey fingu eitt gott forstáilsi av okkara gerandisdegi og okkara mannagongdum.

Á myndini síggjast, umframt Súsonnu og Alexandru, varastjóra og stjóra á Klaksvíkar Sjúkrahúsi, umboð fyri nýggja Sjúklingaráðið. Jákup N. Olsen, formaður, Poula Reinert Olsen, næstforkvinna, og Hergerð Joensen, ráðslimur. Hilmar Augustinussen og Emil Michelsen fingu ikki verið við í dag.

Klaksvíkar Sjúkrahús

Í morgin og mikudagin luttekur løgmaður á toppfundi hjá Evropeiska ráðnum, sum verður hildin í Íslandi. Ovast á dagsskránni er russiska innrásin í Ukraina. Saman við stjórnarleiðararum úr øllum Evropa fer løgmaður at taka lut í ymiskum orðaskiftum í Reykjavík.

Skifta orð við stjórnarleiðarar
"Tað hevur stóran týdning fyri okkum at vera virkin á øllum pallum, har trygdarpolitiska kósin komandi árini verður stungin út í kortið. Eg gleði meg at taka lut og skifta orð við aðrar stjórnarleiðarar um fleiri viðkomandi mál," sigur Aksel V. Johannesen, løgmaður.
Miðvísur føroyskur trygdar- og verjupolitikkur

Løgmaður heldur, at tørvurin á einum miðvísum føroyskum trygdar- og verjupolitikki er stórur. Hann væntar eisini, at júst trygdar- og verjumál fara at standa ovarlaga í politiska orðaskiftinum í Føroyum frameftir.

"Longu áðrenn russisku innrásina í Ukraina var trygdarpolitikkur aftur eitt evni, sum setti sín dám á politiska orðaskiftið í Føroyum, og hetta hevur bara tikið dik á seg seinasta árið. Eg vænti, at trygdarpolitikkur fer at fylla nógv í føroyskum politikki komandi árini", vísir løgmaður á.

Bara fjórðu ferð
Hetta er bara fjórðu ferð í 74 ára gomlu søguni hjá Evropeiska ráðnum, at stjórnarleiðararnir í limalondunum hittast. Á fundinum í Reykjavík verða í alt 900 útlendsk umboð fyri tær ymisku stjórnirnar og millum 300 til 500 miðlafólk.

Løgmansskrivstovan

Visti tú, at...
Evropeiska ráðið bleiv stovnað stutt eftir seinna veraldarbardaga. Kjarnuvirðini eru mannarættindi, fólkaræði og ein heimsskipan, ið er grundað á altjóða lóg.  Tað eru í løtuni 46 limalond og fimm eygleiðaralond í Evropeiska ráðnum. Øll londini í Evropa eru limir, fyriuttan Hvítarussland, Russland og Kosovo.

​Hesar kunngerðir eru nú lýstar:

Kunngerð um trolveiði innan fyri 12 fjórðingar

Kunngerð um skipan av fiskiskapinum hjá bretskum skipum í føroyskum sjógvi í 2023

Leinki.
Leinki.

Fiskivinnu- og samferðslumálaráðið

We were pleased to welcome the new Faroese lifeboat 'Ziska' to the sunshine of Lerwick harbour today. The crew are taking the 20-metre boat from Langevåg in Norway to enter service at Klaksvik on the island of Borðoy, in the north of the Faroe Islands
 
Meeting the Faroese crew today were some of the current and former crew from Lerwick and RNLI Aith Lifeboat stations in Shetland. There are long-standing cultural links between the two communities of Klaksvik and Aith.
 
Coxswain Marius Magnusson said a few words to acknowledge the links between our neighbouring islands and presented a wooden plaque to Lerwick Coxswain Stephen Manson and Aith Coxswain John Robertson to say thanks for the assistance given to the crew today.
 
We wish the crew a safe homeward journey and hope 'Ziska' has many years of search and rescue service ahead of her
#RNLI #SavingLivesAtSea #RespectTheWater #føroyar #faroeislands #Shetland
 
Kelda og myndir RNLI Lerwick Lifeboat

 RNLI Lerwick Lifeboat

​Í morgin, leygardagin, kemur okkara nýggi bjargingarbátur á Klaksvík. Væntandi leggja teir at kl 12.

Øll eru vælkomin at síggja bátin, fáa sær ein kaffimunn og okkurt søtt afturvið 

Norðoya Bjargingarfelag