​Fyri fyrstu ferð nakrantíð fer løgmaður at flyta fram nýggjársrøðuna beinleiðis í kvøld. Vanliga verður hon sjónbandað nakrar dagar undan nýggjársaftan.

Løgmaður fer at halda røðu sína beinleiðis úr Tinganesi klokkan 19.15 í kvøld.

Her ber til at síggja, hoyra og lesa eldri nýggjársrøður hjá løgmanni.

Mynd: Nýggjársrøðan frá 2019

Løgmansskrivstovan

Fimm nýggir smittutilburðir vórðu staðfestir í gjár. Tað vísa nýggjastu tølini hjá Landslæknanum. 

Tríggir tilburðir eru partur av smittuketum, sum Landslæknin fylgir. Tveir persónar eru komnir til Føroya úr útlondum, og fingu staðfest smittuna við kanning á flogvøllinum. Øll eru avbyrgd, og Landslæknin er í gongd við smittusporingina.   

Í gjár vórðu 1517 kanningar gjørdar, og allar kanningarnar eru liðugt greinaðar. Í alt eru 199.165 kanningar gjørdar.

Tilsamans hava nú 610 persónar fingið staðfest smittuna í Føroyum. Í alt eru 547 persónar staðfestir frískir aftur, og sostatt eru 63 persónar smittaðir í løtuni.

Ein persónur er í løtuni innlagdir á Sjúkrahúsverki Føroya í sambandi við coronasmittuna.

Heilsumálaráðið

Í dag vóru eisini fyrstu koppsetingarnar á Klaksvíkar Sjúkrahúsi givnar. 

Fyrstur her norðuri var yvirlæknin, Poul Verner Madsen. Starvsfólk hjá sjúkraflutningstænastuni og Covid-19 kanningartoymið hava eisini fingið fyrru sproytuna nú og onnur við 💉🦠

Eftir koppsetingina skuldu øll sita í umleið eitt korter, soleiðis at fylgjast kundi við, um tey blivu illa fyri 🤔 Tað blivu tey ikki, so stutt eftir koppsetingina helt arbeiðsdagurin fram 💪🏻😃

Klaksvíkar Sjúkrahús

SáH

Fýra nýggir smittutilburðir vórðu staðfestir í gjár. Tað vísa nýggjastu tølini hjá Landslæknanum.

Allir tilburðirnir eru partur av smittuketum, sum Landslæknin fylgir. Øll eru avbyrgd, og Landslæknin er í gongd við smittusporingina.

Í gjár vórðu 1060 kanningar gjørdar, og allar kanningarnar eru liðugt greinaðar. Í alt eru 197.487 kanningar gjørdar.

Tilsamans hava nú 605 persónar fingið staðfest smittuna í Føroyum. Í alt eru 541 persónar staðfestir frískir aftur, og sostatt eru 64 persónar smittaðir í løtuni.

Ein persónur er í løtuni innlagdir á Sjúkrahúsverki Føroya í sambandi við coronasmittuna.

​Heilsumálaráðið

​10. desember bleiv Ven og Virka 10 ár ??‍♀️

Fyri 10 árum síðani var høvuðsendamálið at hjálpa teimum, sum høvdu fingið afturgongd í førleikastøðuni. Tað er tað framvegis í dag, men við tí menning, sum er farin fram, er tænastan blivin nógv meira fjølbroytt við ymiskum tilboðum.
 
Fleiri starvsfólk eru í hópinum og eru tey í dag samansett við fleiri ymiskum fakbólkum ?

Kelda: Klaksvíkar Kommuna

SáH

Her filmsklipp, klikk link herundir:

Koppingarevnið móti Korona kom við Atlantic Airways klokkan 20:00 í gjárskvøldið.

Komin til landi bleiv vaksinan koyrd til Apoteki í Tórshavn og í dag klokkan 13:00 byrja tær fyrstu koppsetingarnar í Føroyum.

Tað vera heilsustarvfólkini sum starvast við Corona sjúklingum sum vera koppsett fyrst og verður tað gjørt í øllum sjúkrahúsunum í landinum, bæði á Landssjúkrahúsinum, Klaksvíkar Sjúkrahúsið og Suðuroyar Sjúkrahúsið.

Tummas í Garði varastjóri í Sjúkrahúsverk Føroya segði at tað vera bara 100 fólk sum vera koppsett áðrenn ársskiftið, men har komu 975 skamtanir til Føroyar og tí var útsøgnin hjá Tummas í Garði í Dag & Viku í gjárskvøldið eitt sindur løgin, sjálvandi eiga 487 at vera koppsett beinanvegin og so eigur Heilsumálaráðið at fáa sín lut í hvørjari einastu sending Danmark fær til landi og Danmark fær sendingar hvørja viku og frá tann 6. januar verður nøgdin enn fleiri og frá fleiri fyritøkum og tá eiga Føroyar og Grønland at fáa enn fleiri skamtanir enn 975 um vikuna. Hetta skrivar Sundhedsstrelsen á teirra heimasíðu:

Hvordan bliver de første vacciner fordelt?
Efterhånden som vi får større mængder af vaccine og også flere typer, vil flere og flere borgere blive tilbudt vaccination. Den fordeles ligeligt og på samme tid mellem regionerne efter befolkningstal. Grønland og Færøerne får også deres andel. Den første mængde vaccine, der kommer til landet, skal bruges til at vaccinere de udvalgte grupper med både det første og andet stik med vaccinen med et bestemt antal dages mellemrum.

”Vi prioriterer forebyggelse af alvorlig sygdom og død højest og fordeler vaccinerne efter det princip, efterhånden som de kommer. Derfor må man ruste sig med lidt tålmodighed, hvis man ikke er en af de grupper, som først får tilbud om vaccination. Alle, som vaccinerne er godkendt til, skal nok få tilbuddet om vaccine på et tidspunkt, når der åbnes bredt op for det”, siger Søren Brostrøm.

Den næste, og større sending vacciner ventes at ankomme til Danmark i løbet af få dage.

So nú er at seta alt inn fyri at øll vera koppsett so skjótt sum gjørligt, so vit skjótast gjørligt sleppa av við Korona og á tann hátt fáa okkara vanliga lív aftur.

SáH

Heilsumálaráðuð: Í kvøld kemur fyrsti kassin við koronuvaksinu til Føroya, og í morgin verða tey fyrstu fólkini  koppsett

Nú er greitt, at koppsetingin fyri koronu varisliga kann byrja í Føroyum í morgin, tí longu í kvøld kemur fyrsti kassin við Tozinameran-vaksinuni hjá Pfizer/BioNTech við flogfarið til landið.

Talan er um ein heilan kassa við 975 skamtum, og tey fyrstu, sum verða koppsett, eru heilsustarvsfólk í smittuvanda, eins og tilskilað er í almennu koppingarætlanini.

Koppsett verður á teimum trimum sjúkrahúsunum.

Nakað av óvissu hevur seinastu dagarnar valdað um, júst nær vaksinan fór at koma til Føroya, tí danir fingu væl minni av vaksinu í fyrstu atløgu, enn tey høvdu roknað við, og Føroyar fáa sínar skamtir úr Danmark.

Men nú kemur vaksinan, og Kaj Leo Holm Johannesen, landsstýrismaður í heilsumálum, fegnast.

"Í praksis er tað kanska ikki so avgerandi, um vit byrja at koppseta nakrar dagar fyrr ella seinni, men eg vænti avgjørt, at tað hevur eitt positivt psykologiskt virði, at vit kunnu byrja nú – at vit kunnu siga, at nú er koppsetingin í gongd," sigur landsstýrismaðurin.

Hann heitir tó inniliga á fólk um framhaldandi at taka øll neyðug atlit at smittuvandanum, sýna fyrilit og fylgja teimum almennu tilmælunum, so smittan ikki sleppur at taka dik á seg og breiða seg ímillum fólkið.

Heilsumálaráðið

19 nýggir smittutilburðir vórðu staðfestir í gjár. Tað vísa nýggjastu tølini hjá Landslæknanum. 

17 teirra eru partur av smittuketu, sum Landslæknin fylgir. Tað er í løtuni óvist, hvussu tveir persónar, ið báðir búgva í Føroyum, eru smittaðir. Øll eru avbyrgd, og Landslæknin er í gongd við smittusporingina.   

Í gjár vórðu 1270 kanningar gjørdar, og allar kanningarnar eru liðugt greinaðar. Í alt eru 196.479 kanningar gjørdar.

Tilsamans hava nú 601 persónar fingið staðfest smittuna í Føroyum. Í alt eru 535 persónar staðfestir frískir aftur, og sostatt eru 66 persónar smittaðir í løtuni.

Ein persónur er í løtuni innlagdur á Sjúkrahúsverki Føroya í sambandi við coronasmittuna.

Heilsumálaráðið

Ætlar tú at brenna bál nýggjársaftan, minst so til at skráseta teg hjá Sløkkiliðnum. Her er vegleiðing til skráseting til borgarar, ið ætla sær at brenna bál á nýggjárinum. Øll bál skulu skrásetast hjá Sløkkiliðnum.

Umframt at fylgja vegleiðing og galdandi reglugerð á økinum, eiga atlit eisini at verða tikin til grannarnar, um bálið verður brent í íbúðarøki. Góður siður er tí at kunna grannalagið, áðrenn bál verður brent nærhendis bústað. Bálbrenning skal altíð fylgja vegleiðingini hjá Umhvørvisstovuni. 

Boð frá nýggjársbáli her: Nýggjársbál 2020

Í sambandi við bálbrenning og brenning í smá­um heimaovnum og í eldstaði eru her nøkur dømi um, hvat kann brennast, og hvat ikki kann brennast.

Hetta er loyvt at brenna:
Reinur og turrur óviðgjørdur viður
Ólitað pappír og papp
Jóla­trø og annað grann
Hetta er ikki loyvt at brenna:

Plast og gummi (t. d. flamingo, dekk, nótir, posar og annað)
Viðgjørdur og málaður viður
Sagu­spønir og spønplátur
Húsarhaldsburturkast
Vandamikið burturkast (t. d. máling, battarí, olja, oyðingarevni, loysingarevni o. a.)
Klæðir, leður og annað
Dagbløð og vikubløð (viðgjørt papír)

Kelda: Klaksvíkar Kommuna

​SáH

Tríggir nýggir smittutilburðir vórðu staðfestir í gjár. Tað vísa nýggjastu tølini hjá Landslæknanum. 

Allir tilburðirnir eru partur av smittuketu, sum Landslæknin fylgir. Øll eru avbyrgd, og Landslæknin er í gongd við smittusporingina.   

Í gjár vórðu 584 kanningar gjørdar, og allar kanningarnar eru liðugt greinaðar. Í alt eru 195.209 kanningar gjørdar.

Tilsamans hava nú 582 persónar fingið staðfest smittuna í Føroyum. Í alt eru 535 persónar staðfestir frískir aftur, og sostatt eru 47 persónar smittaðir í løtuni.

Ein persónur er í løtuni innlagdir á Sjúkrahúsverki Føroya í sambandi við coronasmittuna.

Heilsumálaráðið