Í ár fekk eldsálin hjá Mjølnir Marjun Kalsø ársins rósu 2013. Nevndin, sum skipar fyri ársins rósu segði, at ongantíð áður, hava tey fingið so nógvar áheitingar frá borgarnum í Klaksvík, at Marjun Kalsø skuldi fáa rósuna.

Nógv uppskot komi inn, men hesaferð skuldi tað vera Marjun og tað hevði hon sanniliga uppiborið. Hon ger eitt megnar arbeiðið fyri okkara ungdóm,
og gongur altíð í fremstu røð bæði ítróttarliga og innan hennara arbeiðið.

Ársins rósa verður latin onkrum í okkara lokalsamfelagi, sum avrikar nakað serligt til frama fyri fólk og samfelag - einari eldsál, sum tað ofta verið nevnt og tann setningurin passar sera væl til Marjun, hon er og verður ein eldsál fyri Klaksvíkina.

Borgmeistarin segði nøkur rósandi orð og síðani handaði hann henni rósuni og eina stóra jólakurv. Stórt tillukku frá okkum í Norðoya Portalinum.

SáH

Stór móttøka var í gjárskvøldið, tá ið jólaskipið kom til Klaksvíkar.

Aftur í ár var tað Ågot, sum var jólaskip og tað var sera vakurt at síggja, tá ið Ågot silgdi inn eftir víkini við neyðblussum og vøkrum fyrverkið.

Á kajuni tóku nógv fólk ímóti og so var at fáa allar jólamennirnar trygt íland og tað tóku brandfólkini sær av, har stóri kranin á brandbilinum var gjørdur til ein landgongd, so allir jólamennirnir kundi koma sikkurt uppá kajuna.

Børnini vóru sera spent og hundratalsvís av jólapakkum var givið teimum.

Tiltakið endaði við, at jólamennirnir fóru til Røktarheimið við Vágna og har bleiv eisini býtt jólapakkar út til tey eldru.

Eitt sera vælskipa tiltaka og skulu fyrireikarnir hava rós fyri tað.

SáH

Árliga jólakonsertin í Christianskirkjuni verður íkvøld sunnukvøldi 15.des kl 20

 Luttakara í ár verða:

 Kirkjukórið - Lindi og Hans Andrias - Klaksvíkar Hornorkestur

Ein av teimum heilt góðu og hugnaligu løtunum, í desembur mánaða, er Jólakonsertin í Christianskirkjuni, ið Klaksvíkar Hornorkestur skipar fyri.


Kirkjan bleiv vígd 7.juli í 1963 og sama ár hevði hornorkestrið sína fyrstu jólakonsert og hevur hon verið á hvørjum ári síðani. 

Konsertin er ókeypis.

Enn ein ódn er yvir Føroya land og higartil eru 18 skaðar fráboðaðir.


Ringast stóð til í Havnardali, har stórur partur av tekjuni á høllini hjá Føroysk Íslandsrossafelag er fokin av og er skaðin sera stórur. Eisini eru fleiri hjallar og úthús fokin runt Føroya land og umleið kl. 11 ímorgun bleiv ein trailari hjá Faroe Ship tikin av vegnum í rundkoyringin í Kollafirði.

Í Klaksvík hevur hesin stormurin ikki gjørt tann heilt stóra skaða og nú er vindurin nógv minkaður nógv.

SáH

Jólatræði í Klaksvík brotnaði um tvøran í ódnini ígjárskvøldið. Her myndir av træðnum áðrenn og aftaná, sjá myndir herundir:

SáH

Kl. umleið 20.30 ígjárskvøldið varnaðust fólk, at bjálvingartilfar og annað frá Røktarheiminum feyk runt í vindinum og stavaði tað frá norðara endanum av takinum á nýggja Røktarheiminum.

Tað var ikki hugsingur um, hjá bjargingarfólkunum at fara uppá tekjuna. Hvirlurnar vóru mega kraftigar júst um tað tíðina.

Vandi var heldur ikki fyri búðfólkunum, har er betongdekk niðanfyri tekjuna.

Tað er týdningarmikið, at tá ið líkindir gerast betur, at fara uppá tekjuna, at koyra nýggjan dúk á skjótast gjørligt, tí annars fer at leka og tað kann gera skaðan enn meira kostnarmiklan.

SáH

Kl. er 16.15: Sera hartført akkurát í løtuni á Helnabrekku í Klaksvík. Hvirlurnar sera harðar, øll vágin í einum rokið. Her nakrar myndir av ódnini ídag. Sjá niðanfyri.

SáH

Av ringasta veðrið í Klaksvík í gjárskvøldið. Nakað aftaná kl. 23.00 vóru hvirlurnar sera sterkar og fleiri bygningar fingu skaða. Eitt nú Magn, JFK Heilsøla, Borg og aðrir bygningar.

Norðborg og Gadus høvdu hug at slíta og Norðoya Bjargingarfelag gjørdi eitt megnar arbeiðið fyri at fyribyrgja at vanlukka skuldi staðist av støðuni.

Nakað eftir miðnátt slakaði vindurin og farið var at rudda upp.

Her myndir frá ódnini, sjá niðanfyri.

SáH

Hetta næsta samdøgni verður stak vánaligt veður í Føroyum. Vit fáa tveir stormar dag um dag og seinni íkvøld og í annaðkvøld kann væntast ódn. Hettar skrivar sjónvarpstøðin TV2 ídag.

Færøerne i skudlinjen: To storme på et døgn

Det første stormlavtryk bevæger sig fra sydvest mod nordøst forbi Færøerne i aften og giver sidst på aftenen en overgang stærk storm eller sågar orkan fra nordvest. Les greinina her: http://vejret.tv2.dk/artikel/id-73100073:f%C3%A6r%C3%B8erne-i-skudlinjen-to-storme-p%C3%A5-%C3%A9t-d%C3%B8gn.html

SáH