Nú er tíðin komin til tað besta og størsta familjutiltakið á árinum!

Familjulegan, sum KFUM skótarnir í Føroyum skipað fyri á hvørjum sumri, verður frá 2. juli til 5. Juli 2015. Eingin tilmelding er neyðug og øll eru hjartaliga vælkomin!

Á Familjuleguni fáa foreldur og børn endiliga stundir til at vera saman sum familja í nakrar spennandi dagar í náttúruni á Selatrað. Samstundis fáa tey høvi til at royna alskyns virksemi:

Øksakast - Bogaskjóting - Snorkling - Gullgravaran - Paintball - Súkklubátar -Tunnuflakar - Skjóttgangandi bátur - Jarnsmíð - Kano - Siging - Primitiv matgerð - Skattajakt - svimjihylur.

Familjulegan er skipað sum eitt opið hús. Familjuhugni og trivnaður er í hásæti á leguni og familjan kann sjálv velja, nær komið verður til Selatraðar og nær farið verður av Selatrað.

Fleiri velja at vera alla leguna, meðan onnur gera sær ein dagstúr inn á Selatrað.

Á Selatraðsdepilinum er matarsøla, har ein kann keypa sær døgurða og okkurt lekkurt omaná. Matarsølan er opin allan dagin.

Gistingarmøguleikarnir eru fleiri. Hugnaligt er at sova í tjaldi og er hetta eisini ókeypis, men eisini ber til at bíleggja sær kamar á depilinum.

Hvørt kvøld er stórt legubál, har skipað verður fyri undirhaldi og felagssangi, og er hetta ein hugnalig og gevandi løta fyri alla familjuna!

Tiltakið byrjar hósdagin 2. Juli kl. 16.00 og er heilt fram til sunnudagin 5. Juli kl.14.00.

Møguleiki er tó at seta tjald upp frá mikudegnum.

Sí meira um tiltakið og um Selatrað á facebook/familjulegan 2015 ella fá samband á tlf.

31 10 75 ella 75 10 75 fyri nærri kunning.    

Kelda: Tíðindaskriv

SáH

Løgreglan fekk fráboðan kl. 08.30 um grind og skjótt gekk tað at reka grindina inn á Hvannasunds fjørð og varð grindin longu deyð áleið kl. 10.00. 

22 hval høvdu lagt beinini, veit løgreglan at siga frá og tað gekk friðarliga fyri seg.

Løgreglan gjørdi eisini eitt sera gott arbeiðið í morgun, tí ongin slapp ígjøgnum tunnilin á veg til Hvannasunds til grindadrapi, uttan tey høvdu Grindaloyviskort uppi á sær og tað høvdu vit frá Norðoya Portali, so vit fóru eisini í grind. Tó so skal eisini sigast, at løgreglan í Klaksvík kennir hvønn lokalan, so ongin trupuleiki varð hjá teimum, at finna útav - hvør var lokalur og hvør hoyrdi til Sea Shepherd.

Onkur frá Sea Shepherd varð á staðnum, men hesu fólkini tordu onki at gera og lótu okkum drepa grindina í frið & náðum. Sí annars myndarøð niðanfyri.

Leiðin gongur nú til Hvannasunds, har vit fara at royna at tosað við onkrum frá Sea Shepherd og kanska spyrja teir hvat teir nú halda um tað heila ... men Norðoya Portalur roknar nú ikki við, at nakar við tosað við okkum og vilja vit gjarna takka løgregluni, sum manssterk varð upp til Grindadrápi í Hvannasund. Bravo.

JáH (y) 29.06.2015 

Nakað aftaná klokkan seks ímorgun, bleiv boða frá eldi umborð Jákup B., sum lág við bryggju á Kósini og sløkkiliðið og politið vóru skjótt á staðnum.

Lukkutíð, var tað sama hesuferð, sum tá ið tað bleiv boða frá eldi umborð Jákup B. fyri góðum mánaði síðani.

Eldávaringarskipanin var aftur brend yvir og eitt sindur av roykið stóðs av hendingini.

Sløkkiliðið var væl mannað, einir 10 sløkkiliðsmenn vóru umborð á Jákup B. Báðir reiðarnir Grímur og Óli Lassen vóru til staðar og so sløkkiliðsovastin í Klaksvík Karl Johansen.

Aftaná bleiv keypt rundstykkir og okkurt lekkurt frá Bakarínum hjá Jórun og tað gjørdi Norðoya Portalurin eisini :)

Góðan leygardag øll somul. 

SáH

Leingi er tað i væl skal vera og nú er samgongan komin uppá aðrar tankar og setur skattin niður tann 1. januar 2016. Hetta stendur á heimasíðuni hjá Klaksvíkar Kommunu:

1. jan. 2016 lækkar kommunuskatturin í Klaksvík við 1,25 %

23-06-2015

Við støði í hækkandi inntøkunum hjá kommununi, og nú útrokningar fyriliggja fyri, hvussu stórar rakstrarsparingar sjóvarhitaskipanin fer at geva í komandi árum, hava vit í býráðsmeirilutanum seinastu tíðina fyrireikað hesa skattalækking á 1,25%, sum kemur í gildi 1. januar 2016.

Tað er avgerandi neyðugt at vita heldur enn at gita, áðrenn ein tekur avgerðir um skattaprosent, og tí hevur meirilutin í Klaksvíkar býráð seinastu mánaðirnar arbeitt miðvíst við at lýsa møguleikarnar fyri lækking av skattaprosentinum í Klaksvíkar kommunu.

Eftir hetta drúgva fyrireikingararbeiði eru vit íbýráðsmeirilutanum komin til ta niðurstøðu, at tað í verandi støðu fyriliggur eitt trygd grundarlag fyri at lækka skattaprosentið við 1,25 %, sum vit hava tikið avgerð um at seta í gildi frá og við 1. januar 2016.

Avgerðin er grundað á tvær høvuðsorsøkir:

Vaksandi skattainntøkur í Klaksvík
Seinastu árini hava vit kunna staðfest alsamt vaksandi skattainntøkur, og tí hava røddir í býráðnum verið frammi um at lækka kommunuskattaprosentið.

Vit í býráðsmeirilutanum hava tó hildið fast um, at ongar óumhugsaðar avgerðir skulu takast um so týðandi viðurskifti, samstundis sum stórar og kostnaðarmiklar íløgur verða framdar í kommununi so sum tann stóra og týdningarmikla skúlabyggingin.

Greið tekin hava verið um hækkandi inntøkur, men umráðandi er, at hesar verða staðfestar, áðrenn avgerðir um munandi skattalækkingar verða tiknar. Nú vit hava kunna staðfest øktu inntøkurnar, er tíðin búgvin til eina munandi skattalækking.

Sjóvarhiti fer at geva rakstrarsparingar
Meirilutin hevur sett út í kortið, eina nýggja linju tá ið tosað verður um orku til kommunalar bygningar. Visjónin hevur frá byrjan verið, at Klaksvík skal gerast grønari, og at raksturin av kommununi skal gerast bíligari, soleiðis at borgarin eisini kann fáa fíggjarliga ágóðan av hesi framskygdu íløgu.

Tí varð farið undir eina nýggja slóðbrótandi verkætlan, ið skuldi geva sjóvarhita til báðar ítróttarhallirnar, svmijihøllina og báðar skúlarnar. Aftur at hesum, varð samtykt at útvega sjóvarhita til nýggja miðbýin, sum í løtuni verður framdur við Sandin.

Møguleikar verða eisini fyri at knýta fleiri fyritøkur og almennar bygningar upp í hesa spennandi verkætlan, og gevur hetta kommununi enn betri møguleikar fyri at minka um raksturin, soleiðis at kommunan framhaldandi verður bíligari at reka, júst soleiðis sum býráðsmeirilutin av fyrstantíð ætlaði.

Fleiri almennir bygningar og fyritøkur hava víst verkætlanini áhuga, og tí eru útlitini góð fyri víðari menning av hesari grønu útbygging.

Trygt búskaparligt grundarlag
Við hesum fortreytum vísa útrokningar frá serfrøðini, at tað er møguligt hjá kommununi at lækka um raksturin, og harvið gera møguleikarnar enn betri fyri skattalækking.

Saman við dyggari fíggjarstýring gevur hetta ein sunnan kommunubúskap og eitt trygt grundarlag fyri at lækka kommunuskattin í Klaksvíkar kommunu við 1,25%, galdandi frá og við 1. januar 2016.

1,25% svara til umleið 7,5 mió. kr. árliga í lægri kostnaðarstøði til borgararnar í Klaksvíkar kommunu, sum við hesum fáa sín part av ágóðanum av framburðinum og teimum sparingum, sum sjóvarhitaskipanin fer at geva.


Klaksvík, 22. juni 2015

Jógvan Skorheim
Borgarstjóri
Steinbjørn O. Jacobsen 
Signhild V. Johannesen 
Jóhann Lützen 
Óluva Klettskarð 
Kristian Eli Zachariassen

Norðoya Portalurin var ein rundtúr við myndatólinum kl. 12.30 ígjár  og tá var lív í allastaðni við alt skúlaøkið og KFUM & K, har Summargleðin hevði síni tiltøk.

Ælabogin spældi tá og nógv fólk vóru og lurtaði eftir.

Har var eisini nógv annað at siggja á Summargleðini í ár. Eitt nú djóragarður, andlitsmáling,  spælipláss, hoppiborgir, síggja brandbil hjá Klaksvíkar Sløkkilðið og sjúkrabil og mangt annað . 

Skráin var fjølbroytt og sæst hon  til vinstru.

Her nakrar myndir frá tiltakinum.

SáH

Nú kann koyrast niðan eftir Prestvegi frá Skúlavegi. Tey fyrstu rørini til sjóhitaskipanina eru skoytt upp í hini rørini, sum eru løgd frá sjónum og yvir um Birkupsstøðgøtu.

Sum liður í stóru spillvatnsætlanini hjá Klaksvíkar kommunu, ið varar fleiri ár, er Skúlavegur nú grivin upp. Men samstundis verða leiðingar til sjóhitaskipanina lagdar niður – ein spennandi verkætlan til fleiri almennar stovnar.

Les meira HER

JáH (y) 20.06.2015
Kelda: Klaksvíkar Kommuna

Sera nógv fólk vóru í Fólkaflokkshølinum í gjárskvøldið og var tað eisini stuttligt, at Landsstýriskvinnan Anikka Olsen var komin norður á vitjan. Hon var sera populær og nógv tiku myndir av henni.

Sjálvandi eisini eisini toppolitikkarnir í Norðoyggjum Elsebeth og Bigge til staðar, har tey bjóðaði suppi, køkur og kaffi.

Hans Andrias Jacobsen spældi nøkur kend løg hjá sær sjálvum og nógv ung komu at lurtað eftir honum.

Her nakrar myndir frá kvøldinum:

SáH

Í fiskivinnuhøvuðsstaðnum í Føroyum hevur Fólkaflokkurin sett endaspurtin inn til Fólkatingsvalið. 

Elesbeth Mercedis Gunnleygsdóttur hevur tær flestu og størstu plaktirnar í býnum og tann størsta er á Fólkaflokshølinum á Bøgøtu.

Í kvøld kl. 19.30 verður suppa at fáa í Fólkaflokshølinum og kl. 20.30 verður livandi tónleikur við Hans Andrias Jacobsen, so væntandi vera tað nógv fólk, sum koma á gátt hjá størsta flokkinum í Norðoyggjum.

Her myndir frá teirra kampagnu.

SáH

Hósdagin á Norðoyastevnu var barnafagnaður á Djúpumýri í Klaksvík.

Børnini hugnaði sær óført og høvdu tey latið seg í búnar og summi høvdu eisini málað seg. Onkur var Pippi og onkur annar var ein sjórænari.

Her nakrar myndir frá tiltakinum, sjá Niðanfyri.

Hetta er eitt stórt framstig fyri okkum brúkarar. Nú kann man logga seg inná heimabankan frá øllum teldum og allastaðni.

Fyrr kundi man bara brúka eina teldu, fyri at sleppa inná heimabankan, men ímorgun have eg roynt NemID heima við hús og tað virkar einastandandi.

Hetta gevur okkum stórar møguleikar, har vit kunnu gera flytingar allastaðni og trygdin er eisini munandi betur.

SáH