Leiðarin hjá Senatinum hjá Demokratinum, Harry Reid hevur alment úttalað seg, at leiðarin hjá FBI, James Comey kann hava brotið lógina við at hann opnaði sakina aftur hjá Hillary Clinton ...

Les eisini: FBI stjórin hevur gjørt tað lort ..!

Eg skrivi til tín, at stjórnin hjá tær kann hava forbrotið seg inn á "Hatch" lógina. Við tað, sum tú longu hevur gjørt, so kanst tú hava forbrotið teg inn á lógina, hevur Reid skrivað til stjóran hjá FBI, James Comey. Men James Comey hevur ikki givið Reid nakað aftursvar enn.

"Hatch" lógina í Amerika sigur frá, at FBI hevur ikki loyvið at blanda seg inn á ta amerikanska valið og kanska serliga eru ymisk fólk í øðini inn á, at júst nú velur FBI at gera okkurt við sakina. Men tað gongur also báðar vegir, tí tað kann eisini tykist løgið, at elligamlar upptøkur av Donald J. Trump finna vegin framm so seint inni í tí amerikanska valstríðnum.

Hetta er tað skitnasta Valstríðið í Amerikanskari Søgu og serfrøðingar meta, at Amerika verur ongatíð tað sama aftur, eftir hetta valstríð.

JáH (y) 31.10.2016

Terrorbólkurin IS (Islamiskur Statur) sigur seg, at standa aftanfyri drápi av tí 16 ára gamla dronginum, sum lat lív fyri tveimum vikum síðani.

Drongurin bleiv stungin av knívi og doyði seinni á sjúkrahúsinum av skaðunum og roynt bleiv eisini at drukna dámuna hjá honum. Brotsmaðurin er ikki funnin enn og løgreglan í Týsklandi leitar enn eftir brotsmanninum.

Tíðindablaðið Beit-Zeitung skrivar, at IS átekur seg skyldina fyri kníválopinum í Týsklandi.

JáH (y) 30.10.2016

Liðugt er ikki at telja upp enn í Ísland, men tann nýggji flokkurin Piratarnir sær út til at fáa eitt kanón gott val í Íslandi, har teir uppáverandi tíðspunkt hava eina framgongd uppá 9,4 % - sum svarar til, at Piratarnir fáa 6 eyka sætir í Altinginum, ímeðan 5 flokkar fara at detta vekk.

Men tey telja upp í fulldrøn í Íslandi enn og vit fara at skriva eina grein um málið, tá ið tað er liðugt at telja upp har.

JáH (y) 30.10.2016

Norðoya Portalurin varð ein túr í morgun í Klaksvík fyri at peila av - hvussu valplakatir vóru runt um Klaksvíkina ...

Men har vísti tað seg, at tað einans vóru tveir flokkar, sum stilla upp til hetta Kommunuvalið í Klaksvík, nevniliga Fólkaflokkurin og Nýtt Sjálvstýri.

Fólkaflokkurin hevur yvirlutan uppá núverandi tíðspunkt av plakatum, tó at stóra plakatin hjá Nýtt Sjálvstýrinum er sera fangandi. 

Og tað er sera løgið, at flokkarnir Javnaðarflokkurin og Sambandsflokkurin ONGA plakat hava koyrt upp enn, tí nú eru bert 9 dagar eftir til Kommunuvalið 2016 og ein krevur at vera eitt sindur sjónligur, um ein skal hava nakran sum helst møguleika at sleppa inn aftur.

Í Havnini hinvegin er býurin smekkfullir av plakatum og serliga tær stóru plakatirnar av Heðini Mortensen vekja stóran ans í Havnini. Nær flokkarnir, Javnaðarflokkurin og Sambandsflokkurin fara at vakna í Klaksvík og smekka nakrar plakatir upp - er so ein heilt annar spurningur!

JáH (y) 29.10.2016

Ísamband við at KÍ spælir síðsta dystin í hesum kappingarárinum, so letur Maverick barr upp kl. 11.30 ímorgun.

Upphitingin verður til kl. 13.00  og dysturin í Fuglafirði byrjar kl. 14.00.

Vit ynskja KÍ góða eydnu og takka fyri eitt fantastiskt ár.

​SáH

Vindmyllurnar í Húsahaga verða nú lýstar upp við føgrum ljósi um kvøldarnar fyri at seta ein serligan dám á vindmyllulundina 

SEV hevur ljóssett nakrar av vindmyllunum í Húsahaga fyri at skapa eitt sertakt huglag í vindmyllulundini. I fyrstu atløgu er talan um tríggjar vindmyllur, har ljóskastarar varpa ljós á myllurnar í ymiskum litum.
 
Fyrstu ljóssetingarnar verða framdar í einari royndartíð, har kannað verður eftir, hvussu ljóskastararnir avirka t.d. fuglalívið í umhvørvinum.
 
Koplingarstøðin í Húsahaga er eisini byggilistarliga lagað eftir landslagnum, og umframt tann tøkniliga leiklutin hjá støðini, eru bygd undirvísingar- og sýningarhøli at eygleiða vindmyllurnar og framleiðsluna.
 
SEV metir tað sum sína skyldu at gera ábøtur, har elfelagið á ein ella annan hátt hevur ávirkað nærumhvørvið. Elfelagið roynir at fríðka og fáa tað besta burturúr, har inntriv eru gjørd í náttúruna í áhaldandi strembanini eftir grønari orku.
 
Í Neshaga hevur SEV gjørt snotuligar vegir, beinkir, borð og eitt vindskýli, sum sólin sær inní allan dagin, har niðasti parturin av vindmyllunum er grønur á liti fyri at fáa vindmyllurnar at fella inn í landslagið.
 
Eyðun Eliasen, arkitektur, hevur staðið fyri tí fagurfrøðiliga partinum bæði í Húsahaga og Neshaga.

Kelda: www.sev.fo

SáH

Rigmor Dam, landsstýriskvinna í mentamálum, og Sirið Stenberg, landsstýriskvinna í heilsu- og innlendismálum, fegnast í dag um, at Løgtingið nú hevur endaliga samtykt, at Glasir verður hitað bæði við jarðhita og fjarhita.

- Landið skal vera grøna fyrimyndin, og samgongan hevur sett sær sum mál, at allir nýggir bygningar skulu hitast við grønari orku. At Glasir fær grøna orku er ein sigur fyri Føroya framtíð, tí framyvir fer ongin at góðtaka, at almennir nýbygningar verða hitaðir við olju, sigar landsstýriskvinnurnar báðar.

Við grønu orkuloysnini verður  80 prosent av nýggja skúladeplinum í Marknagili í Havn hitað upp við jarðhita og 20 prosent við fjarhita. Kostnaðurin fyri hesa loysnina er 8 mió. krónur.

Kelda: Logting.fo 20.10.2016

​Svara hesum spurningum harra Borgmeistari

Opinleiki, gjøgnumskygni & framskygni, er motto hjá hesari samgonguni. Vit kunnu royna at seta borgmeistarnum Jógvan Skorðheim í Klaksvíkar Býráð hesar spurningar viðvíkjandi opinleika og gjøgnumskygni? og vónandi svarar hann okkum teimum ídag ella ímorgin. Hesin spurningar blivu settir 6. oktober, men eru ikki svaraðir enn?

1. Sjóhitin, heldur tíðarætlanin og hvussu nógv er avsett til sjóhitan og hvussu nógvir pengar eru brúktir til sjóhitan higartil?
2. Skúlatrøð, heldur tíðaræltann og hvussu nógv er avsett til Skúlatrøð og hvussu nógvir pengar eru brúktir til Skúlatrøð higartil?
3. Miðbýarætlanin, heldur tíðarætlanin og hvussu nóg er avsett til miðbýarætlanina og hvussu nógvir pengar eru brúktir til Miðbýarætlanina higartil?
4. Grundstykkini á Fossum tøk í 2017, kanst tú játtað, at grundstykkini á Fossum eru tøk næsta ár og kanst tú fáa ein býarverkfrøðing í Klaksvíkar Kommunu at játtað tað? ella er hetta bara eitt vallyftið, sum tit als ikki klára at halda.
5. Heitt evnið júst nú, hví fór Karl Jákup Ósa úr starvið síðsta fríggjadag? (30. november 2016)

Havi fleiri aðrar spurningar, sum vit borgarar í Klaksvík vilja hava svar uppá, men teir koma seinni, eitt nú um 50 metur hyl, Atlantis, Sjónleikarafelagið, Norðoya Frítíðar og Ítróttarráð, Grótbrot, Vegirnir, vinnu og mentastjórin, umstøðurnar á Stongunum, um grundstykkini á Hjalla osv. osv.....

Hatta var Opinleikin og gjøgnumskygni hjá hesari samgonguni í Klaksvíkar Býráð. Borgmeistarin vildi ikki upplýsa borgarnum í Klaksvík, hvussu tað veruliga stendur til í okkara býi. Eg kundi eisini spurt, hvussu stórar hava útreiðslurnar hjá Klaksvíkar Kommunu verið higartil í ár ímun til inntøkurnar, sum vit vita eru methøgar, men hvussu við útreiðslunum harra Borgmeistari? 

Komi eg inn í Klaksvíkar Býráð tann 8. november, so skal alt leggjast á borið og borgarnir í Klaksvík skulu síggja, hvussu tað veruliga stendur til hjá okkara Kommunu. Tí er tað sera týdningarmikið, at tit fara á val tann 8. november og velja Símun á Høvdanum inn, tí so verður tað gjørt.  

Símun á Høvdanum

Minst ein av hackaðu email'unum frá Wikileaks vísa, at Qatar hevur donera yvir 6,7 milliónir krónir til Clinton kampagnuna.

Hóast at Hillary Clinton hevur alment sagt, at útlendskir stuðlar ikki skuldi ávirka hana, ímeðan hon stóð á postinum sum Uttanríkismálaráðharri, veit Reuters at siga frá. Í email'inum frá 2012 stendur eisini skrivað, at stuðulin frá Qatar til Hillary skuldi vera til føðingardagin manni hennara, Bill Clinton.

Email-skandalan hjá Hillary Clinton hevur eisini við sær, at fleiri amerikanara byrja at ivast í tí amerikanska trygdarsysteminum, sum Donald Trump eisini ger sær dælt av í sínum valstríðið.

JáH (y) 15.10.2016