​Eitt sera hugnalig løta í Røktarheiminum ídag, tá ið Emma Jacobsen fylti 100 ár. Her nakrar myndir frá hátíðarhaldinum, sjá niðanfyri:

​SáH

Í dag fyllir elski KÍ fjepparin Emma Jacobsen 100 ár. Hon er mamma Eiler og Steinbjørn Jacobsen, kempurnar á 66 liðnum og sum hava vunnið nógv FM heitir heim til Klaksvíkar.

Eisini er hon omma Stig Eltør og langomma Jákup Andreasen og skal tað ikki vera lygn, so er hon ein av størstu fjepparum hjá Barca spælarnum Messi.

Formaðurin hjá KÍ Tummas Lervig var eisini í Røktarheiminum í dag og heilsaðu uppá Emmu og ynski henni tillukku við degnum frá KÍ og hevði hann eina serstaka gávu við til hana, har allir KÍarnir á Betri liðnum høvdu skrivað teirra undirskrivt á troygguna og eisini høvdu teir prenta Emma 100 á troygguna.

Sera hugnalig løta í Røktarheiminum ídag. Tummilin upp fyri Emmu og KÍ, stórt tillukku herfrá.

SáH

Ein maður úr Sýria er handtikin í Berlin í Týsklandi - mistonktir fyri at planleggja eitt terror-álop á Ísrael.

Maðurin planlegði at brúka kemiskevnir í álopinum og hann hevði eisini fingið onnur at hjálpa sær við álopinum, skrivar tann týska ávísin Bild.

JáH (y) 28.09.2018, N. Greenwich

Kina hevur avrættað eina kvinnu fyri at eld á eini hús - har hon arbeiddi, sum barnagenta.

Trý børn og mamma teirra lótu lív av eldinum, sum barnagentan hevði ásett.

Avrættingin hendi síðsta fríggjadag, skrivar NTB.

JáH (y) 28.09.2018

TRYGD Í TUNLUM: Í fjør undirskrivaðu Landsverk og P/F El Service sáttmála um at fáa gjørt eina trygdarskipan í Sumbiartunlinum. Teknikkhús er nú gjørt uttan fyri tunnilin, og í dag verða fyrstu ljósini í loftinum tendrað.
Sum liður í ferðslutrygdararbeiðinum at fáa øllum tunlum í Føroyum neyðuga trygdarútgerð, gjørdi Landsverk í fjør eina avtalu við El Service um at fáa sett upp eina trydarskipan í Sumbiartunlinum.

Avtalan fevnir millum annað um at seta upp ljós, trygdarskáp, eldsløkkjarar, telefonir og vakmyndatól inni í tunlinum og teknikkhús og bummar uttanfyri. Tá alt hetta er gjørt, verður trygdarútgerðin í Sumbiartunlinum á sama trygdarstøði sum tann í Viðareiðistunlinum.

- Vit hava lagt okkum eftir at finna eitt hóskandi trygdarstøði til føroyskar tunlar, har fyrilit millum annað verður tikið til ferðsluna. Vit meta, at hetta er eitt hóskandi støði til tvíbreytaðar tunlar, har ferðslan er lág, sigur Fríðrik Heinesen, verkfrøðingur á Deildini fyri Infrakervi á Landsverki.

Afturat oman fyri nevndu trygdarútgerð, verður ein sonevnd SRO-skipan eisini sett upp í Sumbiartunlinum, ið er ein trygdarskipan, sum tryggjar beinleiðis samband við Landsverk og Alarmsentralin hjá Politinum umvegis alarm og sjálvvirkandi steinging av tunlinum.

Í dag verður so fyrsti partur av ljósskipanini tendraður, ið merkir, at triðja hvørt ljós nú lýsir í Sumbiartunlinum. Næsta stig verður at seta upp neyðskáp, eldsløkkjarar og telefonir. Trygdararbeiðið verður, sum nevnt, gjørt í stigum yvir nøkur ár, og tíðarætlanin er treytað av játtan til uppgávuna. Samlaði kostnaðurin fyri hesa verkætlan er umleið 10,5 milliónir krónur.

Fakta 
Sumbiartunnilin varð tikin í nýtslu í 1997 og er við sínum 3.240 metrum longsti landtunnil í Føroyum. Tunnilin er tvíbreytaður við eini samlaðari koyribreidd á 5, 5 metrar. Fríhæddin á tunlinum er 4,3 metrar. Í Lopra liggur tunnilsmunnin í umleið 55 metra hædd, meðan hann í Sumba er oman fyri 100 metra hædd. Sí annars samlað yvirlit yvir tunlar í Føroyum, klikk her: "Vegatunlar í Føroyum"

Kelda: www.lv.fo

SáH

​Tað finnast ongir sannleikar – bara tulkingar. Soleiðis segði týski heimspekingurin, Friedrich Nietzsche, langt áðrenn tað gjørdist modernað at tosa um fake news, tað post-faktuella samfelagið og ekkorúm í cyberspace. Menniskju hava altíð verið ósamd, og demokratiið snýr seg júst um at liva saman í friði og náðum, hóast vit eru ósamd um lívsins stóru og smáu spurningar. Tú hevur tíni virðir – og eg havi míni. Tú hevur tíni sjónarmið – og eg havi míni. Hinvegin byggir øll okkara útbúgvingarskipan á ta fatan, at vísindi og gransking slóða fyri nýggjari vitan, sum gevur okkum eitt felags grundarlag at standa á. Men er øll vísindi ikki svikalig? Hví skulu vit hava álit á gransking, tá granskarar eisini eru ófullkomin menniskju, sum mangan hava mistikið seg? Finst nakar objektivur sannleiki? Finnast nøkur fakta, sum øll rætthugsandi menniskju eiga at góðtaka?

Fríggjadagin kl. 15.00 fara tveir granskarar á Fróðskaparsetri Føroya, Magni Mohr og Heini í Skorini, at skifta orð um vitan og vísindi í Føroyum anno 2018. Rógvi Olavson, journalistur, fer at halda teir til eldin og prika teir eitt sindur.

Hetta tiltakið er partur av Vísindavøkuni 2018, sum verður í Sjóvinnuhúsinum fríggjadagin 28. september.

Tiltakið byrjar kl. 15 við móttøku við øli og sodavatni frá Føroya Bjór og Ocean Spaghetti frá TARI – Faroe Seaweed.

Síðani verður samrøðan millum Magna Mohr og Heina í Skorini á skránni.

Aftaná hetta verður handan av ársins Miðlaheiðursløn fyri almenna miðling av gransking. Ein dómsnevnd hevur viðgjørt innkomnu uppskotini og mett um, hvør skal hava heiðurin í ár. Saman við heiðursbrævi fær móttakarin 5.000 kr.

​Kelda: Gransking.fo

Tvær nýggjar ákærur eru nú komnar framm ímóti valevninum hjá Trump til Hægstarættin, Brett Kavanaugh, skrivar CNN.

Kavanaugh er spurdir um tær, men noktar seg sekan í báðum. Nú er talið av ákærum ímóti Kavanaugh.

Tann eina ákæran snýr seg um, at hann hevði gjørt seg inn á eina kvinnu, sum hann date'aði í 1998 og hin snýr seg um neyðtøku í einum báti í 1985. Alt hetta og sikkurt meira enn so - áðrenn stemmast skal um Brett Kavanaugh fríggjadagin.

JáH (y) 27.09.2018

Í Keypmannahavn eru tveir persónar handtiknir - eftir at hava verið granskaðir í longri tíð, upplýsir løgreglan úr Keypmannahavn.

Teir eru ákærdir fyri at hava viðvirka til roynd av terrorismu í útlondum. Teir eru mistonktir fyri at vera ein partur av einum netverki, sum er tilknýtt til IS.

JáH (y) 26.09.2018

Sjálvt um kvinnan, Christine Blasey Ford, hevur ákært valevni hjá Trump, Brett Kavanaugh fyri at hava gjørt seg inn á seg seksuelt - so skal stemmast um Kavanaugh fríggjadagin til at vera dómari í Hægstarættinum í Amerika.

Tað løgna við tí heila er, at ímorgin skal Christine Blasey Ford forsvara sína ákæru ímóti Kavanaugh í rættinum.

Sjálvur noktar Kavanaugh, at hava gjørt seg inn á hana og tað er ikki sannlíkt, at hon fer at fáa viðhald í rættinum, tá ið hetta er ein hending, sum hendi í 80'unum.

JáH (y) 26.09.2018

Skemtarin frá The Cosby Show, Bill Cosby hevur fingið straff - og skal til at sita í fongsul í 3 - 10 ár fyri seksuellan ágang ímóti Andreu Constand í 2004. Yvir 50 aðrar kvinnur hava eisini ákært Cosby fyri at hava neyðtikið tær, men tær hava ikki fingið viðhald í teirra útsøgnum.

​Les eisini: Rættarsakin hjá Cosby byrja aftur

Umframt, at 81 ára gamli Cosby kann enda í fongsul í 10 ár, so er hann eisini dømdur fyri alment at vera ein "seksuellir greðingur", sum inniber - at tað kemur at vera registerar so leingi maðurin er á lívið og so skal hann eisini fáa hjálp fyri hetta - restina av lívinum.

Bill Cosby varð einsamallur í rættinum, tá ið hann bleiv dømdur. Enntá konan hjá honum, 74 ára gamla Camille Cosby varð ikki til staðar, tá ið hann bleiv dømdur. Cosby sjálvur hevði onga viðmerking til dømingina hjá dómaranum.

Fleiri kvinnur, sum Cosby er ákærdir fyri at hava neyðtikið - stóðu við liðuna hjá Constand, tá ið dómurin bleiv lisin upp og sjálv er Andrea Constand vorðin til ein frontfigurir í rørsluni "metoo" eftir fyrru døming hjá Steven O'Neill. Fleiri "metoo" kvinnur klappaðu í rættinum í Montgomery í Norristown, tá dómur bleiv lisin upp.

JáH (y) 26.09.2018