Í Danmark blíva stór tiltøk sett í gongd, tá ið smittan rakar ein bý, har smittutalið er omanfyri 500 koronasmittaði pr. 100.000 íbúgvar, men í Norðoyggjum er smittutalið heili 5.859 pr. 100.000 íbúgvar og tað er 10 ferðir fleiri størri enn í Ishøj Kommune í Danmark, sum liggur ovast í smittutalið í løtuni í øllum Danmark.

Nøkur tiltøk eru sett í verk. Klaksvíkar Kommuna hevur sett tiltøk í verk, men hinar kommurnar í Norðoyggjum hava ongin tiltøk sett í verk.

Forstandi ikki ordiliga politikkin viðvíkjandi Koronu í Føroyum, fyri bara 5-6 mánaðum síðani, so vóru 8 smittaði í Klaksvík og alt bleiv avlýst og nú eru 372 smittaði og lítið og einki verður avlýst og lívið gongur sína vanligu gongd.

Nakrir stovnar eru stongdir og Skúlatrøð hevur sent skúlabørn til hús frá 4. flokki og uppeftir “Skúlaleiðslan á Skúlatrøð hevur somuleiðis boðað kommununi frá, at støðan er óbroytt. 1.-3. flokkarnir fara í skúla sum vant, meðan 4. flokkur og uppeftir framvegis eru heima og fáa fjarundirvísing”.

Kanska vit er komin til tað punkti, at øll skulu smittast og so skuldi verið liðugt við Koronu.

Símun á Høvdanum

​Her ein lítil tíðindistubbi frá Ritzau viðvíkjandi Korona støðuni í Ishøj Kommunu, sjá niðanfyri myndina.

​De seneste dage har budt på en kraftig stigning i antallet af coronasmittede i Ishøj syd for København.

Det betyder, at der er tiltag på vej, som kan risikere at ramme børn, unge, pædagoger og lærere.
De seneste syv dage har der været 136 smittetilfælde i kommunen.

 #Det er en ny situation, og det er en alvorlig situation
Ole Bjørstorp, Borgmester Ishøj, Ishøjlisten#

Det svarer til en incidens – antal smittede per 100.000 indbyggere – på 590, hvilket er det klart højeste i Danmark. På landsplan er tallet 138, viser tal fra Statens Serum Institut.

Den tidligere model for automatisk nedlukning af kommuner blev afskaffet i september, hvor coronavirus gik over til ikke længere at være en ikke-samfundskritisk sygdom.

Borgmester Ole Bjørstorp (Ishøjlisten) fortæller, at kommunen mandag skal drøfte, hvordan man skal få smitten ned. Det sker i dialog med Styrelsen for Patientsikkerhed.

– Det er en ny situation, og det er en alvorlig situation. Smitten er særligt blandt børn og unge op til 20-30-årsalderen. Især dem, der ikke har villet lade sig vaccinere.

– Vi er nødt til at gøre noget, når det ser sådan her ud, siger Ole Bjørstorp.

Les meira her: “Smitten stikker af i Vestegnskommune – nu er der tiltag på vej”

​​Mánadagin 1. november verður minningarhald teirra sjólátnu í Vágstúni í Klaksvík og á Syðradali.

Skráin:
Minningarhaldið í Vágstúni byrjar kl. 15.00.

Jóhanna C. Christiansen, forkvinna í Mentanarnevndini bjóðar vælkomin      

Felagssangur, Jesus kæri, før tú meg

Røða, Símun Absalonsen, grannskoðari

Kransar     
Klaksvíkar Býráð:                            Atli S. Justinussen, varaborgarstjóri

Føroya Landsstýri:                         Jacob Vestergaard, landsstýrismaður

Klaksvíkar Útróðrarfelag:               Jógvan Páll Steinberg, formaður

Klaksvíkar Arbeiðskvinnufelag:      Jastrid W. Niclasen, forkvinna           

Klaksvíkar Arbeiðsmannafelag:      Absalon Hansen, formaður

Felagssangur,  Mín Jesus lat mítt hjarta fá

Tøkk, Jóhanna C. Christiansen, forkvinna í Mentanarnevndini

Koronustøðan ger, at KFUM & K kortini ikki luttekur við kórsangi. Heldur ikki verður boðið til drekkamunn eftir minningarhaldið, sum siður annars er. 

Øll eru hjartaliga vælkomin til minningarhaldið, men heitt verður á fólk um at standa í góðari frástøðu. 

Skráin:
Minningarhaldið í Syðradali byrjar kl. 13.30.

M/F SAM fer úr Klaksvík kl. 13.00 og av Syðradali kl. 15.50. Bussur koyrir niðan til Syðradals kl. 13.20

Boðið verður vælkomin, Asbjørn Dahl Lómaklett.

Fyrsti sálmur: Slættasti sjógvur og brattastu bylgjur

Røða: Jóannes Hansen, miðnámslærari

-  Páll Østerø verðir minntur

Annar sálmur: Vit veltu og vit sáddu

Kransar verða lagdir

Triði sálmur: Takk, Guð fyri alt, sum hendi  

Endi við bøn: Jóannes Hansen

Tú alfagra land mítt

Eftir minningarthaldið, verður lítið hátíðarhildið í sambandi við, at minnisvarðin verður handaður Klaksvíkar kommunu.

Vegna koronustøðuna, verður ikki farið suður í skúlan aftaná!

Klaksvíkar Kommuna

Støðan við koronu ávirkar framvegis tænasturnar og tilboðini hjá Norðoya Bú- og Heimatænastu.

Leiðslan í NBH harmast sjálvsagt støðuna, men tekur øll neyðug atlit, so tilboðini skjótt kunnu gerast virkin aftur.

Til nærri boð koma, verður heitt á avvarðandi o.o. at fylgja tilmælunum, og at kunna seg um tilmælini, sum eisini liggja á heimasíðuni nbh.fo

Vitjandi á búeindum
Talið av vitjandi verður avmarkað til tvey fyri hvørt búfólk.

Eftir ráðgeving frá Koronuráðgevingini verður tað eisini soleiðis, at vitjandi skulu vera koppsett og hava negativa test, sum í mesta lagi er 48 tímar gomul.

Er talan um serligar umstøður, ber til at víkja frá hesum eftir avtalu við deildarleiðaran.

Vitjanin skal fara fram á kømrunum, og vitjandi vitja bert síni avvarðandi

Dagtilhaldið Sóljan
Stongt til 8. november.

Dagtilhaldið Búðatrøð
Stongt til 8. november.

Ven og Virka
Stongt til 8. november – tó ikki fyri teimum, sum eru til samdøgurðsrehabilitering.

Samskaparar
Framhaldandi steðgur við virkseminum í komandi viku.

Átøkini verða eftirmett mánadagin 8. november 2021.

Klaksvíkar Kommuna

Støðan við koronu ávirkar framvegis stovnarnar á trivnaðarøkinum. Nakrar broytingar kunnu henda, men í høvuðsheitum verða tiltøkini óbroytt komandi vikuna.

Kommunan harmast sjálvsagt støðuna, men tekur øll neyðug atlit, so tilboðini skjótt kunnu gerast virkin aftur. Í hesum tíðarskeiði bjóðar kommunan ansing í so stóran mun, tað letur seg gera í verandi umstøðum.
Dagstovnarnir
Dagstovnarnir halda fram at hava opið og veita tænastu í tann mun, tað letur seg gera.

Starvsfólk á dagstovnaøkinum verða eisini rakt av koronu í teirra egna heimaumhvørvi. Um dagstovnur manglar starvsfólk í einari stovu, kann leiðarin stytta um upplatingartíðina hjá viðkomandi stovu. Leiðarin boðar foreldrunum frá hesum beinleiðis.

Kommunala dagrøktin
Dagrøktin heldur fram at hava opið og veita tænastu í tann mun, tað letur seg gera. Tó hevur spælistovan framhaldandi stongt í komandi viku.

Frítíðarskúlin
Snjallabjalla verður framhaldandi stongd í komandi viku. Um broytingar koma her, verður tað fráboðað seinni.

Húsið
Húsið verður framhaldandi stongt í komandi viku.

Skúlatrøð
Skúlaleiðslan á Skúlatrøð hevur somuleiðis boðað kommununi frá, at støðan er óbroytt. 1.-3. flokkarnir fara í skúla sum vant, meðan 4. flokkur og uppeftir framvegis eru heima og fáa fjarundirvísing.

Mett verður um støðuna í seinnu helvt av komandi viku.

Klaksvíkar Kommuna

Veðurlagskreppan kann tykjast torskild og møtimikil. Men vit hava eisini orsøk til at vera bjartskygd. Í dag kunnu øll taka undir við, at grøna kósin ikki útilokar búskaparligum framburði. Eg eri vónríkur um, at heimsins leiðarar kunnu røkka ítøkiligum úrslitum, tá ið vit hittast í Glasgow komandi tvær vikurnar. Men meginreglan má vera, at kunnu vit ikki grundgeva sannførandi fyri, at vøkstur er burðardyggur, so er ikki talan um vøkstur.

Bárður á Steig Nielsen, løgmaður

COP26 veðurlagsráðstevnan byrjar sunnudagin, og veðurlagsorðaskiftið fer at seta sín dám í Glasgow komandi vikurnar. Vit skulu taka veðurlagsbroytingarnar í álvara, bæði av solidariskum og sjálvsøknum orsøkum.

Solidaritetur við umheiminum
Vit eru partur av einum størri heimi, har veðurlagsbroytingarnar longu elva til fleiri álvarsamar umhvørviskreppur: vatnstøðan hækkar, veðrið verður alsamt meira óstøðugt, og djóralív og vistskipanir ymsastaðni eru fyri hóttafalli. Hesar eru bara nakrar av fylgjunum, sum globala upphitingin hevur við sær.

At taka hond um veðurlagskreppuna og at minka um hesar vandarnar eigur at vera fremsta raðfesting hjá øllum heimsins leiðarum. Kreppan er global, men hon rakar lokalt. Vatnflóðir, ódnir, skógareldar og aðrar ógvusligar hendingar hava sett sín óunnliga dám ymsastaðni. Fyri summi kann kreppan tykjast fjar, abstrakt og óviðkomandi. Men veruleikin er, at hon hevur ítøkiliga ávirkan á gerandisdagin hjá milliónum av menniskjum.

Grøna sjálvsøkni
Kreppan fer eisini sum frá líður at ávirka meir her hjá okkum, og tí eiga vit eisini at taka hana í álvara av sjálvsøknum orsøkum.

Føroyar hava altíð verið ein siglandi tjóð. Sambandið millum oyggjar og sambandið út í heim hevur altíð verið eftir havinum. Kovin – tað sum vit skulu liva av – er eisini at finna í havinum. Søga, nútíð og framtíð okkara eru sostatt tengd at havinum, og tað eru veðurlagsbroytingarnar eisini. Hitnar sjógvurin, ávirkar tað okkum. Broytast havstreymar, vistskipanir, fiskastovnar og annað djóralív, ávirkar tað okkum. Tí er átrokandi neyðugt, at okkara partur ikki liggur eftir, tá ið heimsins lond royna at fáa bilbukt við kreppuni.

Føroyski veðurlagspolitikkurin
Vit fara ikki at liggja á latu síðuni. Orku- og veðurlagspolitikkurin krevur, at stórar og týðandi politiskar avgerðir verða tiknar komandi árini.

Landsstýrið er á gáttini at leggja sín orku- og veðurlagspolitikk fram. Okkara yvirskipaða mál er at minka útlátið av vakstrarhúsgassi í minsta lagi 30 prosent í 2031 í mun til 2010. Skulu vit røkka hesum máli, krevur tað umleið eina helvtarminking í mun til útlátið, sum tað var í 2020.

25 átøk eru nú á samráðingarborðinum í sambandi við orkuframleiðslu og -nýtslu, bygging og umvæling, ferðslu, handil og vinnu, býarmenning og náttúruvernd. Talan er um avmarkingar, gjøld og stuðul fyri at avtaka oljuriknar skipanir og at minka brúkið av HFC-gassi. Avmarkingar og gjøld eru ofta illa dámd politisk stýringaramboð. Men tey eru neyðug og effektiv fyri at halda kós og ferð móti orkuskiftinum. Tí er ynskiligt at fáa breiða semju um orku- og veðurlagspolitikkin.

Føroyar hava tikið undir við París avtaluni. Hetta inniber, at vit skulu gera alt vit kunnu fyri at avmarka veðurlagsbroytingar. Ítøkiliga snýr tað seg um, at jørðin ikki skal sleppa at hitna meir enn 1,5 stig samanborið við miðalhitan áðrenn ídnaðarkollveltingina. Skal hetta eydnast, mugu øll heimsins lond gerast CO2 neutral áðrenn 2050. Endamálið við COP26 er at finna út av, hvussu hetta skal gerast, og hvørji samsvarandi mál skulu setast fyri 2030.

Stjórnir, vinnulív og sivilsamfelagið mugu arbeiða saman fyri at finna út av, hvussu útlátið kann minkast munandi. Avbjóðingin, sum vit standa við, er ovurhonds stór og kemur at krevja luttøku frá øllum pørtum, eisini í Føroyum: Politisku skipanini, almennum myndugleikum – bæði lands og kommunalum stovnum, vinnufyritøkum, pensjónsfeløgum, íleggjarum og borgarum.

Vón fyri framman
Veðurlagskreppan kann tykjast møtimikil, men tað eru eisini orsøkir til bjartskygni. Menniskjað er atvoldin til veðurlagskreppuna, men eg eri sannførdur um, at menniskjað eisini kann loysa trupulleikan.

Eg eri vónríkur, millum annað orsakað av tøkniligu menningini og granskingini, sum seinastu árini hevur lagt dent á at finna skilagóðar grønar loysnir. Her kunnu Føroyar vera við, ikki bara sum royndarøki, men eisini sum virkin luttakari.

Fleiri privatar fyritøkur hava funnið út av, at skulu tær vaksa, mugu tær vaksa burðardygt. Í september fóru tólv føroyskar fyritøkur saman um átakið Burðardygt Vinnulív. Tær hava bundið seg til at fylgja vísindaligum tilmælum um at minka um útlátið við í minsta lagi 50 prosentum áðrenn 2030. Áræði hjá okkara vinnulívi er greið ábending um, at vit kunnu vaksa, og eiga at vaksa, hóast vit miðja móti eini grønari framtíð.

Vøkstur, sum ikki byggir á burðardyggar meginreglur, er ikki annað enn løtuvinningur. Stuttskygni og manglandi fyrilit fyri lívsgrundarlagnum hjá komandi ættarliðum, eru millum høvuðsorsøkirnar til tær avbjóðingar, sum vit nú standa við. Í dag eru mest sum øll á einum máli um, at grøna kósin ikki útilokar langskygdan búskaparligan framburð. Hesi hanga óloysiliga saman.

Vakstrarforum og grøna skiftið
Vakstrarforum er grundleggjandi partur av okkara ætlan um eitt grønt samfelag í heimsflokki. Skulu vit skapa virði í samfelagnum, uttan at gera okkum inn á førleikan hjá komandi ættarliðum at gera tað sama, so mugu vit kanna nærri, hvar burðardyggu vakstrarmøguleikarnir eru, og hvussu hugskot kunnu umsetast til veruleika.

Evsta endamálið við Vakstrarforum er at styrkja vælferðina og hækka um livistøðið, men at gera hetta á ein umhvørvisliga og búskaparliga burðardyggan hátt. Útgangsstøðið er, at kunnu vit ikki grundgeva sannførandi fyri, at vøksturin er burðardyggur, ja, so er als ikki talan um vøkstur.

Vakstrarforum hevur umboð frá vinnulívi, politisku skipanini, arbeiðstakarum, arbeiðsgevarum, kommunum, útbúgving og gransking, og hevur nú eyðmerkt seks vakstrarøki: Havið, kunningar- og samskiftistøkni, ferðavinnu, veitaravinnur, útbúgving og arbeiðsmarknað og grøna skiftið. Arbeiðsbólkar eru longu settir at arbeiða við fleiri av hesum økjum, og ætlanin er, at alt arbeiðið skal vera liðugt á sumri 2022.

Grøna orkan er vaksandi, og skjótt fer hon at vera upp í 65 prosent av samlaðu orkuframleiðsluni. Málið er, at øll orkuframleiðslan á landi skal vera grøn áðrenn 2030. Íløgurnar, sum skulu gerast í grøna orkuskifti, bæði á landi og sjógvi eru kostnaðarmiklar, men neyðugar. Orkuskiftið er ikki ein uppgáva fyri einstakar stovnar ella fyritøkur, men ein uppgáva, sum vit mugu lyfta í felag. Orkunýtslan á sjónum er ein avbjóðing, sum vit eisini mugu loysa. Nógv verður granskað í varandi orku til skip. Tí trúgvi eg eisini, at tað verður møguligt at tryggja, at skipini – so skjótt tøknin loyvir tí – gerast umhvørvisvinarlig.

Føroyar á odda
Vit skulu vera upp aftur meira framsøkin, tí grøna skiftið snýr seg um nógv annað enn orku. Grøna skiftið í breiðastu merking tvingar okkum at fara longur í okkara stremban eftir eini grønari framtíð. Í øllum virksemi – frá vøruframleiðslu til tænastur, frá bygging til innflutning og útflutning og annað – eru stórir møguleikar fyri at tillaga ella leggja um til eitt burðardyggari virksemi. Sum framleiðari av sjógæti eru vit í eini støðu har okkara tilfeingi er høgt virðismett. Eisini her skulu vit hugsa um, hvussu matframleiðsla og útflutningur verður partur av loysnini heldur enn av trupulleikanum. Vit at leggja seg fremst er nógv at vinna.

Síggja vit møguleikarnar fyri einum grønum skifti í øllum okkara virksemi, hava vit eisini møguleikan at leggja okkum á odda í grønu menningini. Gjøgnum koronukreppuna hava vit fleiri ferðir víst, hvussu skjótt vit duga at tillaga okkum, tá ið kreppa brádliga stingur seg upp. Veðurlagskreppan er øðrvísi. Hon er komin krúpandi á okkum gjøgnum longri tíð, men fyri tað er hon ikki minni álvarslig.

Hetta verður útgangsstøðið fyri føroysku COP26 luttøkuna komandi viku. Boðskapurin hjá mær til aðrar stjórnarleiðarar og luttakarar er greiður: Føroyar kunnu og Føroyar ætla sær at ganga á odda, og at vera partur av loysnini.

Løgmansskrivstovan

Bárður á Steig Nielsen

Í gjár vóru 71 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

3216 kanningar vóru gjørdar seinasta døgnið. Í løtuni eru 665 smittað í Føroyum

Heilsumálaráðið

Her endar heilt galið í Norðoyggjum, teir seinastu 14 dagarnar er pr. 100.000 íbúgvar talið og haldi tykkum fast heili 5.387 og tað má vera met í øllum Europa.

Í gjár vóru 81 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

3484 kanningar vóru gjørdar seinasta døgnið. Í løtuni eru 634 smittað í Føroyum.

Heilsumálaráðið

Landsstýrismaðurin í uttanríkis- og mentamál, Jenis av Rana, hevur lýst kunngerð um broyting í kunngerð um lestrarstuðul.

Broytingarnar innibera at:
Ásetta kilometratalið fyri farleið millum heimabústað og skúlan, sum er treyt fyri, at næmingar undir 18 ár kunnu fáa vistarhaldsstuðul, er broytt frá 50 km til 35 km.

Næmingar á háskúlum og eftirskúlum kunnu nú eisini ferðast ókeypis til og frá skúla við Strandfaraskipum Landsins.

Næmingar sum taka gymnasiala miðnámsútbúgving, ið er skipað sum liður í norðurlendskum samstarvi, og sum partvís er staðsett uttan fyri Føroyar, nú kunnu fáa útbúgvingarstuðul.

Seinastu árini hevur Miðnám á Kambsdali luttikið í norðuratlantiskum samstarvi, sum inniber, at miðnámsskúlaflokkur er stovnaður, har føroyskir næmingar luttaka saman við næmingum úr Danmark, Grønlandi og Íslandi. Skúlagongdin er skipað soleiðis, at næmingarnir skifta ímillum hesi londini, og teir ganga á Miðnámi á Kambsdali í eitt hálvt ár.

Við broytingini verða føroyskir næmingar, sum velja henda útbúgvingarmøguleika, javnsettir við næmingar, sum velja vanliga miðnámsskúlan í Føroyum.

Uttanríkis- og mentamálaráðið

Føroyar og ES nevndin eru komin á mál við samráðingunum um ein sáttmála, sum tryggjar, at føroyski atlimaskapurin í granskingar- og menningarsamstarvinum hjá ES, Horizon Europe, heldur áfram. Í sama viðfangi hava Føroyar og ES samráðst um ein rammusáttmála, sum gevur Føroyum møguleika at gerast partur av øllum samstarvsskráum hjá ES, ið loyva atlimaskap fyri lond uttanfyri ES.

Skráin hjá ES á granskingar- og menningarøkinum gekk út við árslok 2020. Tískil skuldi ein nýggjur sáttmáli gerast við ES um føroyskan atlimaskap komandi sjey árini.

Sum liður í eini nýggjari skipan hjá ES fyri atlimaskap hjá triðjalondum, skulu rammusáttmálar gerast, sum fevna um allar atlimaskapirnar.

Næsta stig í tilgongdini er, at avtalan verður samtykt av ES ráðnum og Løgtinginum. Sáttmálauppskotið verður eftir ætlan lagt fyri Løgtingið í vetur, og sáttmálin verður væntandi undirritaður til várs.

“Vísindasamstarvið við ES hevur stóran týdning fyri gransking og menning í Føroyum, tí samstarvið letur dyrnar upp fyri samstørvum og fígging í Evropa,” sigur Jenis av Rana, landsstýrismaður. “Tað er eisini eitt stórt framstig, at nýggi rammusáttmalin letur dyrnar upp fyri, at Føroyar kunnu fáa atlimaskap í øðrum ES samstarvsskráum sum útbúgvingarsamstarvið Erasmus+ og mentanarsamstarvið Creative Europe”.

Dagførdar treytir fyri samstarv fyri granskingar og menning
Atlimaskapurin í rammuskránni hjá ES fyri gransking og menning gevur møguleika fyri samstarvi og fígging av felags verkætlanum, og gevur góða atgongd til umhvørvi á evropeiska meginlandinum innan vísindi, gransking og menning.

Granskingar- og menningarsamstarvið er ein av høvuðstættunum í samstarvinum millum Føroyar og ES, og føroyska luttøkan er ment nógv síðani Føroyar fingu atlimaskap á fyrsta sinni í 2010.

Fíggjarligu treytirnar í nýggju avtaluni eru tillagaðar, so størri javnvág verður millum gjald og úrtøku. Í nýggja Horizon Europe sáttmálanum verður gjaldsfrymilin fyri summi atlimalond, harímillum Føroyar, broyttur til, at gjaldið verður javnað eftir ítøkiligu úrtøkuni.  

Víðkaðir møguleikar fyri samstarvi
Nýggi rammusáttmálin er ein týðandi liður í at víðka samstarvið hjá Føroyum við ES, tí sáttmálin gevur Føroyum møguleika at gerast partur av øllum samstarvsskráum, sum lond uttanfyri ES kunnu verða partur av.

Landsstýrið ynskir, at Føroyar eisini gerast partur av Erasmus+ og Creative Europe, ið eru útbúgvingarsamstarvið og mentanarsamstarvið hjá ES. Í vár sendi Jenis av Rana, landsstýrismaður, bræv til ES-nevndarlimin fyri gransking, útbúgving og mentan Mariya Gabriel, har skotið var upp at fara undir samráðingar um atlimaskap í Erasmus+ og Creative Europe.

Í svarinum frá ES-nevndarliminum verður fegnast um áhugan úr Føroyum. Víst verður á, at tá rammusáttmálin við ES er samtyktur, kann farast undir samráðingar um atlimaskap í Erasmus+ og Creative Europe, sum verður skipað við serstøkum protokollum til rammusáttmálan.

Meira kann lesast um Horizon Europe samstarvsskránna á heimasíðuni hjá Granskingarráðnum, sí her.

Uttanríkis- og mentamálaráðið

Nú koronatølini ígjøgnum alla vikuna eru vaksin, og eisini at tað serliga er her norðuri at vøksturin er, er avgjørt at eingin gudstænasta verður í Christianskirkjuni sunnudagin 31. oktober og mánakvøldið 1. november.

Eisini verður tann ætlandi kaféin fyri eldri mikumorgunin útsett av tí sama.

Tó verður kirkjuráðsvalið sum ætlað, í kirkjukjallaranum týsdagin 2. november, kl. 10 til 20.

Vøggusangurin fríggjadagin 5. november verður fluttur til fríggjadagin 12. november.”

Vónandi verður kirkjugongdin tikin upp aftur um eina viku, um smittutølini fara niður aftur”

Vinalig heilsan

Jógvan Ravnsfjall
kirkjuráðsformaður

Christianskirkjan