Vit hita upp frá klokkan 16:00 og hjá okkum kostar ein bip bara 30,00 kr. tað er well. Eisini hava vit skaffa okkum eina útibarr frá Føroya Bjór og veðurmaðurin hevur lovað gott veður í morgin, so hví ikki njóta eina kalda í tí góða veðrinum.

Síðst KÍ leikti var Maverick sera væl vitja og tað var einastandandi gott lív í og tað føldist næstan sum man var á vøllinum í Budapest. Øll vóru við uppá tað og tað bleiv ein søguligur sigur, heili 3-0.

Dysturin í morgin verður vístir bæði á loftinum og stór skerminum, so tað er bara at koma forbí og tað BESTA, tað er ókeypist at koma inn.

Vit síggjast í Maverick til ein rimmar dyst. Koyr á KÍ.

Maverick Barr vísir sjálvandi KÍ - Ferensczvarosi beinleiðis í kvøld og fara vit at hita upp frá klokkan 16:00.

Kringvarp Føroya byrjar at senda klokkan 19:35 og plagar at vera sera nógv fólk í Maverick til beinleiðis dystir og tískil vísa vit eisini dystin á loftinum.

Kom forbí og heppa KÍ til sigurs og eitt gott, tað er ókeypist at koma inn í Maverick.

Koyr á KÍ og vit siga ikki tað sum formaðurin í KÍ Tummas Lervig segði í Útvarpinum í morgun, at KÍ tapir dystin, NEI vit VINNA dystin.
 
Vit eru øll blá í kvøld.

Koyr á KÍ, vit síggjast í Maverick.

Norðoya Bátafelag skipar fyri bátatreffi hetta vikuskiftið. Byrjað verður í dag og endar bátatreffi sunnumorgunin við morgunmati. ´

Nógv er á skránni, eitt nú regattasigling, tónleikur, felagssangur, grillað, morgunmatur o.a. Skráin er hendan:

Skráin fyri bátahugna í Klaksvík 2023

Fríggjadagur 7. Juli:
Hugni við felagssangi í tjaldinum kl 20.00

Leygardagin 8. Juli:
Morgunmatur í tjaldinum kl 9 til 11.
Regattasigling frá Húsar á Kallsoynni kl 14.00 (Ættin og sjóvarfallið avgerð hvar frá)
Koma til kei umleið kl 15.00
Tónleikur á økinum kl 15.30
Grillað til øll kl 17.00
Hugni í tjaldinum, bátsfólk framføra.

Sunnudagur 9. Juli:
Morgunmatur kl 9.30

Møguligar broytingar og kunning verur á Facebook síðuni hjá Norðoya Bátafelag, klikk her: Norðoya Bátafelag

Norðoya Bátafelag

Her uppdateraður listi yvir bátarnar:
1 Vágslíð
2 Gaia
3 Tóra
4 Emma
5 Skarven
6 Ria M
7 Botnstindur
8 Mulli
9 Elin
10 Sóley
11 Ásla
12 Glettingurin
13 Bøllur
14 Marita
15 Tvey Syskin
16 Duritana
17 Siesta
18 Jóhanna KG
19 Baranda
20 Sumbian
21 Mika
22 Eilin 23
Sir Hamprey
24 Orion
25 Valkyrian
26 Heidi P
27 Biskurin
28 Malou
29 Jóhanna TN
30 Corona
31 Jonna
32 Auriga
33 34 Coralia
41 Meranti
42 Pluto
43 Jacquelin
44 Elin H

​☘️ KOM VIÐ ESMAR Á FJALL Á VIÐAREIÐI ☘️

Tann 8. juli hevur tú møguleikan at uppliva ein autentiskan føroyskan fjalldag í royting. 

Royting sum okkara forfedrar gjørdu tað, so at siga uppá gamla mátan 🤩

Byrjað verður í seyðahúsinum hjá Esmar, og so verður farið til fjals at reka. Seyðurin verður rikin í rætt, royttur og fær heilivág áðrenn hann verður sleptur aftur.

Aftaná verður smurt breyð við føroyskum viðskera og drekkamunnur. 

Túrurin tekur 5-6 tímar og kann bíleggjast á https://hiking.fo/products/325/kom-vid-a-fjall-8-juli  🥰

Norðoya Kunningarstova

Aftur í ár er Klaksvíkar kommuna farin í hernað ímóti skøruni. Tí er brúk fyri øllum góðum kreftum í arbeiðnum at burturbeina skøruna. Kommunan heitir á borgarar um at hjálpa til við hesum átakinum, við at burturbeina skøruna á sínum egna stykki.

Hvussu skal eg gera?
Skøran skal takast upp við rót - um hetta ikki letur seg gera, skal hon skerast av niðri við rótina, koyrast í ein posa og burturbeinast. Skøran nørist skjótt og flytur seg um mørk, tí er tað eisini neyðugt at fara útum egið stykkið at skera og royna at fáa alla skøruna burturbeinda.

Við at taka blomstrini og burturbeina tey, so eru ongin fræ at nøra seg, og um vit áhaldandi taka plantuna, so fær rótin ikki føði og doyr.

Burturkastið skal út í Endurnýtsluna hjá kommununi, har ein bingja er sett til endamálið.

Heitt verður á borgarar um at syrgja fyri, at so lítið av mold sum møguligt fylgir við plantuni, tá ið hon verður burturbeind.

Veðurlagið er til vildar hesar dagar, og tí skal átakið við at burturbeina hesa plantu raðfestast nú.

Klaksvíkar Kommuna

Boðað verður frá at býráðsskrivstovan er stongd í tíðarskeiðinum 15. juli – 6. august 2023. í hesum tíðarskeiðnum verða bert tey mest neyðugu og átrokandi málini avgreidd.

Borgarar, sum hava átrokandi boð til kommununa hetta tíðarskeiðið, kunnu seta seg í samband við.:

Eru trupulleikar við vatnveitingini o.tl. tel. 225272 (Vatndeildin)

Annað, so sum vegir, kloakk v.m, tel. 216488 (Vegadeildin)

Barnaverndartænastan tel. 219181 ella [email protected] (Barnaverndin)

​Aðrir fyrispurningar kunnu sendast til [email protected].

Klaksvíkar Býráð

6. juli byrjar súkkluferðin hjá Team Rynkeby, og aftur í ár er fráferðin úr Klaksvík

Súkkla verður frá Helnabrekku kl. 11.15, men áðrenn fráferðin verður skipað fyri stuttari hugnaløtu við tónleiki, røðum og ábiti. Børn úr dagstovninum, Blákollan selja myndlist og lata stuðulin til Team Rynkeby. Eisini verða tvær gávuhandanir. 

Nakrar ungar gentur í aldrinum 8-10 ár hava havt ein serligan handil, har innkomni peningurin fer til Team Rynkeby og Dr. Margrethu barngarður letur eisini eina upphædd fyri sølu, sum børnini hava havt.     

Kl. 10.30 byrjar tiltakið. Jóhanna Christiansen, forkvinna í Mentanarnevndini, og Hervør Nolsøe,
umboðandi Team Rynkeby, halda røður og aftaná verður bjóðað kaffi og lagkøka í Smæruni. Eisini verður okkurt gott til børnini. 

Kl. 11.15 byrjar ferðin til París.