Mikumorgunin 01. februar er morgunsangur kl. 10.00. Marjun Lómaklett hevur andakt. Aftaná morgunsangin er kaffi og hugnalig samvera í kirkjukjallaranum.

MORNING SONG WEDNESDAY MORNING 01TH' OF FEBRUARY AT 10 AM
On Wednesday 01th' of February at 10 am we have morning song. Marjun Lómaklett will have a short devotion. After the morning song everyone is welcome for coffee/tea and a pleasant moment in the church basement.

​Christianskirkjan

​Farna vikuskifti bjóðaði Integratiónsnevndin hjá Klaksvíkar kommunu ókeypis skoyting, kakao og bollar á Biskupstorginum. Í alt vóru 50 litrar av kakao hitað, og deilt út til køldu gestirnar.

Tiltakið er liður í integratiónsarbeiðinum, har ein av uppgávunum hjá nevndini m.a. er at skapa trivnað og virka fyri, at tilflytarar verða betur integreraðir í samfelagið. Tiltakið hevur verið afturvendandi, tí skipað varð fyri líknandi tiltakið í desember 2021, og var tað somuleiðis sera væl eydnað.

Í desember takkaði David Im fyri seg, sum limur í integratiónsnevndini. Fyri hann kom Reni Heimustovu, ið er ættað úr Indonesia, og hevur búð í Føroyum síðan 2019.

Tey, sum manna nevndina, eru:
Karl Johansen, borgarstjóri, og Jógvani Skorheim umboðandi býráðið. Hini í nevndini eru: Marjun Lómaklett, Catherine Steinberg, Heini Z. Dahl, Daria Zellmer og Reni Heimustovu.

Fleiri myndir klikk link her: https://www.klaksvik.fo/news/5437/hugnalig-lota-vid-skoytubreytina

Klaksvíkar Kommuna

Dennis Holm, landsstýrismaður í fiskivinnu- og samferðslumálum, hevur lýst kunngerðina um veiðu eftir lodnu í íslendskum sjógvi, sum er komin í gildi í dag 25. januar 2023.

Sambært kunngerðini kunnu fiskifør undir føroyskum flaggi fram til 30. apríl 2023 fiska 10.920 tons av lodnu í íslendskum sjógvi.

Fram til og við 17. februar 2023 kunnu føroysk skip tilsamans landa í mesta lagi 8.190 tons til frystingar uttan fyri Ísland, ella frysta umborð.

Eftir 17. februar 2023 er loyvt føroyskum skipum at landa tilsamans í mesta lagi 4.000 tons til frystingar uttan fyri Ísland, ella frysta umborð.

Kunngerðin um veiðu eftir lodnu í íslendskum sjógvi kann lesast her: Kunngerðablaðið A (kunngerdaportalur.fo)

Fiskivinnu- og samferðslumálaráðið

​Her síggja tit eitt lítið filmsklipp av nýggja kappróðrarneystinum.

Fróði Waag vísir okkum runt í snotuliga neystinum og í dag klokkan 16:00 verður alment móttøku har øll eru vælkomin.

Eitt av mínum hjartamálinum í Klaksvíkar Býráð og sum gamal rógvari við Páll Fanga, so eru sera stoltur av nýggja neystinum, stórt tillukku Klaksvíkar Róðrafelag, SO ER TAÐ GJØRT, Sjá filmsklipp herundir.

SáH

Mikudagin 25. januar kl. 16.00 verður almenn móttøka í samband við, at nýggja kappróðrarneystið verður tikið í nýtslu.

Tey, sum halda røðu, eru Karl Johansen, borgarstjóri, Jóhanna Christiansen, forkvinna í mentanarnevndini og umboð fyri Klaksvíkar Róðrarfelag. Eisini er tónleikur á skránni og okkurt lætt ábit á fáa.

Øll eru hjartaliga vælkomin.

Klaksvíkar Kommuna

Í dag og í morgin fáa umleið 1700 borgarar í Klaksvíkar kommunu møguleika at svara spurningum um teirra trivnað í kommununi, og somuleiðis hvat borgarar halda um tænasturnar, sum kommunan veitir.

Hetta er fyrstu ferð, at Klaksvíkar kommuna fer undir eina so umfatandi kanning, har borgarin fær høvi at koma til orðanna.

Karl Johansen, borgarstjóri, sigur, at hetta er ein ómetaliga spennandi verkætlan.
- Kanningin fevnir bæði um tænastur, sum kommunan sjálv veitir, eins og umstøðurnar at búleikast í kommununi sum heild. Kanningin er tískil ógvuliga viðkomandi fyri arbeiðið hjá býráðnum og fyrisitingini, í samband við at nýggjar tænastur verða mentar, ella verandi tænastur verða bygdar út.

- Teir flestu borgararnir hava ynskir og upplivingar, sum vit vóna at fáa størri innlit í og síðani brúka í arbeiðinum at skipa virksemið í kommununi.

- Vit hava eisini fingið kanningina umsetta til enskt, soleiðis at tey, sum hava trupult við at lesa føroyska málið, eisini fáa luttikið, sigur Karl Johansen, sum vónar, at undirtøkan fyri kanningini verður góð.  

Tað er fyritøkan Lóður, sum stendur fyri kanningini.

Svarast skal innan 14 dagar, tað vil siga í seinasta lagi mánadagin 6. februar.

Klaksvíkar Kommuna

Í farnu viku vitjaði Dennis Holm, landsstýrismaður í fiskivinnu- og samferðslumálum, á VØRN. Stjórin, Óli Hans Olsen, tók ímóti, og saman við starvsfólkum á stovninum varð kunnað um arbeiðsuppgávurnar og ætlanirnar, sum VØRN arbeiðir við.

VØRN er ein av týðandi stovnunum í landinum, sum bæði hevur ábyrgdina av fiskiveiðieftirliti við føroyskum og útlendskum fiskiskipum í føroyskum sjógvi og føroyskum fiskiskipum, sum fiska uttan fyri føroyskan sjógv. VØRN hevur eisini ábyrgdina av MRCC, sum m.a. hevur ábyrgdina av leiting og bjarging á føroyskari havleið. Eisini er Veðurstova Føroya deild undir VØRN.

Samgongan hevur sett sær fyri at styrkja VØRN og ítøkiliga eisini at økja um eftirlitið og uppraðfesta eygleiðarar umborð á fiskiskipum.

Fiskivinuu- og samferðslumálaráðið

​Maverick Barr hevur verið stongt í nakrar mánaðar, men í dag letur Maverick Barr upp aftur.

Hølini eru illa farin, nú tey hava verið leigaði út, men vit byrjað í smáum aftur og so fara vit at royna at gera hølini tíðarhóskandi.

Ætlanin er at byrjað upp á okkurt nýtt, men í fyrsta umfarið verður koyrt sum higartil.

Maverick Barr bleiv leiga út tann 10. mai 2021 og gekk leigusáttmálin út tann 1. januar 2023.

Nú má ein seta seg í tingini aftur og vónandi taka viðskiftafólkini væl ímóti at Maverick Barr aftur gerst partur av Klaksvík og býarlívinum her.

Maverick Barr hevur altíð verið ein KÍ barr og tað fer hon framhaldandi at vera, vit eru blá og hvítt. 

Ætlanin var at broyta navnið til Varpið, men tann ætlanin er slept, kanska býtt at gera sama feilin sum Mentunarhúsið og at fara at stríðast við Klaksvíkar Kommunu um eitt navn, vit eiga navnið Varpið, men tað hoyrir heima har Varpabrúnnin er og tað vita allir klaksvíkingar.

Vit síggjast í Maverick klokkan 17:00 í dag.

SáH

​Ávaring.
Boða er frá fleiri áarlopum kring landið, nú blot er komi í.

Landsvegurin í Kollfjarðadali millum Effo og Leynatunnilin er stongdur av somu orsøk, og sambært Landsverk verður ikki koyrandi aftur fyrr enn eftir kl. 05.

Føroya Politi

Allur vesturheimurin heldur ondini og bíðar í spenningi eftir,  hvat fer at henda í orkuspurninginum.  Hevur vesturheimurin  nóg mikið av olju og gassi í framtíðini ?

Norra og Bretlandi  hava sæð álvaran í eyguni og hava  sett meir ferð á oljuleiting og Týskland fer at víðka um kolavinnuna.

Londini rundan um okkum hava sæð álvaran og handla. Spurningurin er, hvat gera vit í Føroyum fyri at verða við til at bjarga Europa úr orkukreppuni.

Sitandi samgonga hevur júst gjørt eitt samgonguskjal, har  stóru linjurnar fyri politikkin komandi 4 árini eru lagdar,  men har er  ikki eitt orð um oljuleiting. Ikki eitt orð um eitt stórt mál, sum kann koma at fáa stórar avleiðing fyri allan vesturheimin. Eisini okkum her í Føroyum .

Tí verður hesin fyrispurningurin settur til landsstýrismannin í vinnumálum Høgna Hoydal.

Elsebeth Mercedis Gunnleygsdóttur
Løgtingslimur

Fólkaflokkurin