BETRI HEILSU OG LONGRI LÍV ?
Vit fáa nógvar óneyðugar fólkasjúkur av skeivum lutfalli millum Omega-3 og 6 feittsýrur.

Vanligur kosturin nú á døgum gevur skeiva javnvág, so vit eta okkum í sjúku støðu (ósunn).

FÓLKASJÚKA OG INFLAMATIÓN
Ov nógv av Omega-6 forðar kroppinum at virka so væl, sum hann skal.

Skeiva javnvágin í feittsýrunum er ein opin innbjóðing til inflamatón (bruna) í likaminum.

Slíkar bruna støður kunnu elva høgt blóðtrýst, høgt kosterol, blóðtøppar, diabetes, krabbamein, gikt, demens, skjóta aldran og eitt ótal av sjúkum.

VIT ETA 9 FERÐ OV NÓGV OMEGA-6
Hvørja ferð vit eta eina nøgd av Omega-3 eta vit vanliga 9 til 10 ferð meir av Omega-6.

Orsøkin er kosturin, sum vit nú á døgum hava atgongd til, ella fyri tað mesta eta.

Granskarar meina, at í steinøldini gav maturin lutfallið 1:1 á Omega-3 og 6 feitsýrunum.

Í 1960 var lutfallið á Miðarhavsoynni Kreta eisini 1:1, so munandi broytingar eru hendar við matinum síðan.

Arvaeginleikar okkara broytast seint og hava ikki tillaga seg broytta matin, tí skulu vit hjálpa kroppinum.

BØT JAVNVÁGINA Á FEITTSÝRUNUM
Feittsýrurnar í kroppinum hava størri týdning enn nógv gáa um.

Við at bøta um javnágina millum feitsýrurnar minkar vandin fyri fólkasjúkum munandi.

Dømir eru um, at fólk sleppa av við ávísar sjúkur, um bøtt verður um javnágina.

Meir um hetta nú hóskvøldið 30. Apríl kl. 20:00 í Leikalund, Klaksvíksvegur 86, Klaksvík.

Tiltakið “Javnviga feittsýrurnar” er ókeypis og øll eru vælkomin.

Fráfaringaraldurin hjá teimum, sum arbeiða hjá Klaksvíkar Kommuna skal vera 70 ár - og tað hevur umsitingin hjá Klaksvíkar Býráð júst samtykt.

Eisini varð havt í huga á fundinum tann 28.04.2015, at tað kann gerast dýrari fyri kommuna, at hava eldri fólk verandi, tá teirra lønarannicitet'ur er nakað væl hægri enn hjá teim ungu, sum søkja sær arbeiði hjá Klaksvíkar Kommunu.

Orsøkin til hetta uppskot er, at eldraøkið nú er flutt til kommunurnar, og Klaksvíkar kommuna í hesum sambandi hevur yvirtikið áleið 150 starvsfólk frá tí almenna, har fráferðaraldurin er 70 ár. 

JáH (y) 30.04.2015
Kelda: Klaksvíkar Kommuna

Klaksvíkar kommuna vil fegin bjóða øllum at verða hjartaliga vælkomnum til ókeypis tiltakið í Skúlanum við Ósánna leygarmorgunin 2. mai kl. 10.00, har David Im fer at leggja fram kanningarúrslit síni og integrasjóns politikkin sum júst er orðaður, fyri kommununi og øðrum áhugaðum.

Vit hoyra frá gestarøðarum, sum fara at tosa um integrasjón og um egnar upplivingar í hesi tilgongdini.

Eftir framløguna verður høvi at royna mat úr Filipsoyggjunum, Póllandi, Serbia, Meksiko, Pakistan og Argentina, sum eru nøkur av londunum umboðaði í kommununi. Maturin er ókeypis og tað er avmarkað nøgd.

Tá ið vit hava etið, verða borð sett up við umboð frá ymisku londunum. Hetta soleiðis at vit kunnu vitja ymisku londini, umboðaði í kommununi, tosa við umboðini um land, søgu og mentan teirra, og um lív teirra í Føroyum.

Vegleiðandi skrá fyri haldið:

10.00 Haldið byrjar
10.15 Vælkomurøða, David Im, verktætlanarleiðari
10.20 David Im handar borgarstjóranum integrasjónspolitikkin
10.25 Jógvan Skorheim, borgarstjóri, heldur røðu og handar landsstýrismanninum integrasjónspolitikikin
10.35 Jóhan Dahl, landsstýrismaður, heldur røðu
10.50 David Im hevur framløgu um tilgongdina, úrslit og politikkin
11.15 Erika Anne Hayfield, Assistant Professor in Social Sciences, heldur røðu
11.40 Erik Nielsen, tilfluttur klaksvíkingur, heldur røðu
12.00 Steðgur
12.15 Døgurði
13.15 Tilflytarabásar vísa fram lutir úr teirra heimlandi, sum høvi verður at síggja og vitja
14.30 Tiltakið endar

Tað hevði glett okkum sera nógv, um tað lá fyri hjá mongum at koma.

Kelda: Klaksvíkar Kommuna

Í gjárkvøldið skipaði Sendistova Føroya í London fyri flaggdagshaldi.

Flaggdagshaldið í London, sum Sendistova Føroya skipar fyri á hvørjum ári, savnar vanliga nógv fólk. Í ár vóru sløk 150 fólk.

Fleiri umboð úr diplomatiska kervinum í London, umboð úr vinnulívinum, embætisfólk, føroyskir útisetar og  føroyavinir vóru millum gestirnar. 
 
Á flaggdagshaldinum flutti løgmaður fram røðu.

Hann vísti millum annað á sterku søguligu sambondini millum Bretland og Føroyar, okkara sterku handilssambond við bretska marknaðin, um búskaparvøksturin í Føroyum og blómandi ferðavinnuna.  

Flaggdagsrøðan hjá løgmanni kann lesast her

Nú beint eftir miðdag varð arbeiðið at byggja nýggju perlutrappuna sett í gongd. Samstundis var skelti avdúkað, sum vísir arbeiðstakararnar og hvussu endaliga arbeiðið kemur at síggja út. Til avdúkingina vóru Heðin Mortensen, borgarstjóri, Tróndur Sigurðsson, formaður í byggi- og býarskipanarnevndini, umboð fyri Zeta Arkitektar og Andrias Berg, entreprenørur.

Sjá fleiri myndir HER

JáH (y) 29.04.2015
Kelda: Tórshavnar Kommuna

Á hvørjum ári ber til at søkja um útoyggjastuðul. Útoyggjastuðulin hevur til endamáls at stuðla tiltøkum, sum eru mennandi fyri útoyggjar. Landsstýriskvinnan í almannamálum, Annika Olsen, hevur eftir tilmæli tikið avgerð um stuðla 12 verkætlanum og tiltøkum í 2015.

Millum tær umsóknir sum hava fingið játtað stuðul er ein verkætlan, sum skal staðfesta, hvussu ein heilsufrøðiliga góðkendur hjallur eigur at vera. Hvat skal til, fyri at fáa ein brúktan hjall góðkendan av Heilsufrøðiligu Starvsstovuni, eftir nýggju matvørulógini. Úrslitið skal brúkast til at dagføra jarðarbrúkið á útoyggj, og sum kunning og dokumentatión á ráðstevnuni “Ræst í oktober 2015”. Tað er Útoyggjafelagið, sum stendur fyri verkætlanini.

Ein onnur verkætlan, sum eisini hevur fingið stuðul undanfarin ár, og nú fær stuðul at gera verkætlanina lidna, er at gera eitt Hagreiðingarhús í Hattarvík. Endamálið við Hagreiðingarhúsinum er at menna umstøðurnar á staðnum, soleiðis at tað verður møguleiki fyri at hagreiða framleiddar vørur á garðinum. Tað er Símun Gullaksen, festari, sum stendur fyri verkætlanini. Væntandi ber til at víðka virksemið til at slátra og hagreiða fyri onnur seyðahald í oynni, við víðari sølu fyri eyga. Festarin samstarvar við Heilsufrøðiligu Starvsstovuna, um at fáa eina góðkenning av húsinum, sum sláturhús.

Onnur sum fáa stuðul eru m.a.; Verkætlanin “Gist og List í Mykinesi”, Bátasavnið í Svínoy, Útoyggjafelagið til virksemi felagsins, og stuðul at endurreisa niðurdottin torvhús í Svínoy og til at varðveita neyst og bátar í Skúvoy.

Tilsamans fekk Almannamálaráðið 14 umsóknir, sum geografiskt eru býttar soleiðis:

• 2 umsóknir til verkætlanir í Fugloy,
• 3 umsóknir til verkætlanir í Svínoy,
• 3 umsóknir til verkætlanir í Kalsoy,
• 2 umsóknir til verkætlanir í Skúvoy og
• 2 umsóknir til verkætlanir í Mykinesi.
• Harumframt eru 2 umsóknir frá Útoyggjafelagnum.

Játtanin til útoyggjastuðul er í ár 770 tús. kr.

Ávísar treytir eru fyri at stuðul kann veitast. Stuðulin kann veitast einstaklingum, virkjum, feløgum, og kommunum.Útoyggjar sum koma undir hesa skipan eru: Fugloy, Svínoy, Kalsoy, Mykines, Hestur, Koltur, Skúvoy og Stóra Dímun. Í umsóknini skal m.a. greiðast frá hvat endamálið er við einstøku verkætlanini, hvussu hon verður framd í verki, og skal fíggjarætlan eisini fyriliggja.

Kelda: Almannamálaráðið

Higartil eru 19.000,00 kr. savnðar inn. Klaksvíkar Kommuna hevur latið 18.000,00 kr. inn og Maverick Barr hevur latið 1.000,00, men tit øll hava møguleika. Sendi eitt sms til 1940 við boðnum BARN, tá letur tú 50 kr. til endumálið.

Rás2 sendir beinleiðis frá Býráðshøllini í Klaksvík og har er fitt av fólki.

Her eru myndir frá tiltakinum í Klaksvík, sjá niðanfyri.

SáH

Húsini á Bøgøtu, har eldur kom í nátt - eru brend niður í grund (sjá mynd t.v.). Men húsini hava staðið tóm og ongin mansskaði varð orsaka av eldinum.

Nábúgvar til brenda húsið vóru bidnir, at rýma úr teirra húsum - tá fitt av vindi varð í morgun og vakthavandi ikki visti um eldurin fór at breiða seg.

Sjá fleiri myndir HER

Í løtuni verður húsið køla av, so at løgreglan og sløkkiliðsmenn kunna fara inn í brenda húsið fyri at finna útav, hví eldur kom í tey.

JáH (y) 28.04.2015

Tað var ikki sørt ein rørdir Brandmeistari Finn Hansen, tá ið eg tosaði við hann fyri løtu siðani, har hann stóð einasmallir ímllum leivdirnar av uppkølaðu húsinum, sum brendi ínátt og sum somuleiðis vóru hansara barnaheim.

Einasta hann segði. "Ja Símun, hatta var hart, at sløkkja sítt egna barnaheim".

SáH

Tað er ikki á hvørjum degi, at Norðoya Portalurin er á heimasíðuni hjá KVF, men tað eru vit so ímorgun.

KVF hevur tíðindastubba um eldin ínátt í Klaksvík og mynd frá Norðoya Portalinum.

SáH