Klokkan umleið fýra ínátt bleiv boðað frá stórum eldi í einum sethúsum á Bøgøtu.

Sløkkiliðið, politi og sjúkrabilar vóru skjót á staðnum og í løtuni sløkkja teir tað síðsta.

Alt mannskapi hjá Sløkkiliðnum var boðsent og góðan tíma aftaná fekst tamarhalda á eldinum, men tað er enn eldur í húsinum.  

Norðoya Portalurin var á staðnum, her nakrar myndir og fleiri vera lagdar út seinni.

SáH

Norðoyar Portalurin var forbí Ósaskúlanum kl. 19.00 ígjárskvøldið og hugdi eftir framsýningini hjá kvøldskúlanum og tá vóru nøkur fólk og vitjaðu.

Tosaði vit onkrum, sum vísti fram og segði viðkomandi, at nógv fólk høvdu verið til framsýningarnar í ár.

Skráin var hendan:

15:00 Framsýningin letur upp
15:00 Heilsukafé'in er opin í niðastu hædd
16:00 Harmonikutónar
16:45 Próvhandan
17:00 Linedansur
20:00 Framsýningin letur aftur

Kvøldsskúlin ferð nú í summarfrí og so verður byrja aftur einaferð, tá ið skúlarnir byrja aftur í august/september.

Her nakrar myndir frá framsýningini ígjár.

SáH 

Frá at hava eina viku, har næstan varð summar - so sær út til, at vit hava fingið ein nýggjan vetrardag og Landsverk boðar frá hálku kring alt landið:

Hálku fráboðan:

Gjáarskarð - 06:37: Boðað verður frá hálku.
Vatnsoyrar - 06:37: Boðað verður frá hálku.
Oyggjarvegur við Norðadalsskarð - 06:37: Boðað verður frá hálku.
við Velbastaðháls - 06:37: Boðað verður frá hálku.
Sandoy, á Brekkuni Stóru - 06:37: Boðað verður frá hálku.
Ørðaskarð, Fámjinsvegurin, - 06:26: Boðað verður frá hálku.
Kambsdalur - 06:38: Roknast kann við hálku .
Heltnin, Oyndarfjarðarvegurin - 06:38: Roknast kann við hálku. 
Runavík - 06:38: Roknast kann við hálku. 
Norðskálatunnilin, Eystanfyri - 06:37: Roknast kann við hálku .
Streymnes - 06:38: Roknast kann við hálku. 
Høgareyn - 06:37: Roknast kann við hálku. 
Sandavágshálsur - 06:37: Roknast kann við hálku. 
Kaldbaksbotnur - 06:37: Roknast kann við hálku. 
Sund - 06:38: Roknast kann við hálku. 

Fá meira at vita um veðrið við at trýsta her

Leygardagin tann 25.apríl kl.15.30 verður flaggdagshald í Vágstúni, har Petur Martin Hansen flytur fram røðu

Um ikki viðrar, verður haldið í KFUM & K.

Aftan á hátíðarhaldið bjóða KFUM- og KFUK-skótarnir "flaggdagskaffi" í KFUM & K. Har verður eisini skipað fyri mat- & køkutombola.

Vegna fyrireikarnar 
KFUM- & KFUK-skótarnir og Skótalið Nólsoyðar Pálls

Kelda: www.klaksvik.fo

SáH

Hósdagin 23. apríl fingu 1.079 umsøkjarar at vita, at teir kunnu byrja á miðnámi. Hetta svarar til, at 92% av umsøkjarunum kunnu fara undir eina miðnámsútbúgving. Av hesum eru 54% gentur.

Á gymnasialu útbúgvingunum eru samanumtikið fleiri gentur enn dreingir, meðan dreingir eru í meirluta á yrkisútbúgvingunum.

Á yrkisútbúgvingarøkinum hevur útbúgvingin innan fyrisiting, handil og skrivstovu flestar umsøkjarar, 65% eru gentur. Næst hesari koma el og hárfríðkan, og eru hesar so at siga óblandaðar, tá tað snýr seg um kyn. 

Seinastu árini eru nýggj tilboð komin á yrkisútbúgvingarøkinum, sum serliga venda sær til gentur, og tí eru alsamt fleiri gentur, sum eisini søkja inn á hesar.


Les meira HER

Kelda: Mentamálaráðið

Landsstýrið hevur á fundi gjørt av at lata eina millión krónur at hjálpa støðuni við flóttafólkum við Miðjararhavið.

- Støðan við Miðjararhavið er álvarsom og ein stór avbjóðing. Við hesum fíggjarliga stuðli vísa vit, at Føroyar eru til reiðar at taka ábyrgd í altjóða samfelagnum, sigur Karsten Hansen, landsstýrismaður í neyðhjálparmálum.

Les meira HER

Kelda: Heilsumálaráðið

Beint eftir kl. 11.00 fór stóri alarmurin frá í Klaksvík. Har politi, sløkkiliðsbilar og sjúkrabilar fóru ýlandi ígjøgnum býin. Fyrst til Norðoyatunnilin, men so við fúkandi ferð norður til Árnafjarðatunnilin, har hildu var, at eldur var í einum bili.

Lukkutíð var tað bara roykur og ongin mansskaðið var. Bilurin stóð beint uttanfyri tunnilsmolan, tá ið Norðoya Portalurin var á staðnum og tá vóru menn og kannaði bilin.

SáH
 

Talið av fólki, ið leita sær viðgerð vegna sterkari narkotisk rúsevni er vaksandi. Í fjør høvdu 15% av teimum, ið vóru í viðgerð á Blákrossheiminum, brúk fyri hjálp vegna misnýtslu av sterkari rúsevnum.  

Ársfrágreiðingin hjá Blákrossheiminum fyri 2014 er komin út. Hon vísir millum annað, at tað eru fleiri og fleiri, ið leita sær hjálp vegna misnýtslu av sterkari evnum. Í fjør var talið 15% í mun til 12% árið fyri. Og hyggja vit yvir eitt longri tíðarskeið, so er hetta talið nógv vaksið, sigur Olga Magnussen, leiðari á Blákrossheiminum. 

Tá ið talan eru um hvat slag av rúsandi evnum, fólk gerast bundin at, er ein munandi broyting farin fram tey seinastu árini. Tó so alkohol er framvegis nógv tann stórsti trupulleikin. Hagtølini á Blákrossheiminum vísa, at fólk, sum eru bundin at ymiskum rúsandi evnum, eisini eru bundin at alkohol. 69% av teimum, sum vóru í viðgerð í 2014, høvdu trupulleikar av alkohol, í mun til 63% í 2013. Hini 31% umboða tey, hvar alkohol var blandað saman við øðrum rúsevnum. Í 2013 var hetta talið 37%. 

Les meira HER

JáH (y) 23.04.2015
Kelda: Blái Krossur

Ídag fyllir Norðlýsið 100 ár og har vóru nógv fólk og vitjaði ímorgun.

Stjórin John William Joensen fekk orðið fyrst og ynski øllum at vera vælkomin.

Aftaná fekk borgmeistarin Jógvan Skorheim orðið og segði hann, hvussu stóran týdning Norðlýsið hevði havt og hevur fyri Klaksvíkinga.

Har var pinnamatur at fáa og klokkan 14.00 ídag verður borðreitt við grillaðum "grísið". Norðoya Portalurin ynskir Norðlýsinum, Hjartaliga tillukku við 100 ára degnum og vóna vit at tit halda áfram 100 ár afturat. Her nakrar myndir frá hátíðarhaldinum, sjá niðanfyri.

SáH

Slóðbrótarin Klaksvíkar Sjúkrahús, hevur stríðs ígjøgnum øll síni ár, við at fáa síni rættindi við at dríva eitt Sjúkrahús. Har denturin hevur verið, at gjørt tað so liviligt sum gjørligt, fyri okkara sjúklignar, sum eru innlagdir og hava fingið læknahjálp her norðuri.

Hin parturin Landssjúkrahúsið, hevur klandrast øll árini og bara forlanga, forlanga, forlanga og fingið eykajáttan eftir eykajáttan., men einki er gott nokk og teir klandast enn.

Einasta tey eru samd um har suðuri, er at niðurleggja okkara vælvirkandi Sjúkrahús her norðuri, tá eru øll samd, men ein kann spyrja hví vilja tey tað? man tað ikki vera øvundsjúkheit?, tann sjúkan er sera ring at basa. 


Tey skuldi staðinfyri komu norður og lært seg, hvussu man drívur eitt Sjúkrahús, har sjúklingur er í fokus og ikki sum har suðuri, har yvirlæknaðir eru í fokus.

Tann 24. oktober 1988 hevur Dagblaðið grein um søguna hjá Klaksvíkar Sjúkrahús til 1980, sjá niðanfyri:

SáH