Grammy-stjórin Neil Portnow fer frá sum stjórin aftanfyri Grammy-prísirnar, sum er ein tann størsti prísur ein tónleikari kann fáa, skrivar NTB.

Portnow hevur boða frá, at hann gevst í 2019 sum stjóri - bert fáar mánaðir eftir, at Portnow hevur fingið stóran kritikk, eftir at hann hevði úttalað neiliga seg um kvinnuligar tónleikarar.

JáH (y) 01.06.2018

Forsetin úr Fraklandi, Emmanuel Macron segði ígjár til amerikanska forsetan, Donald J. Trump, at "eyka tollurin" uppá stál og aluminium er ólógligur.

Í telefonsamrøðuni segði Macron við Trump, at hann fór at gera tað soleiðis, at EU fór at svara uppá ein "reinan og greiðan" hátt, skrivar NTB.

JáH (y) 01.06.2018

CNN veit at siga frá, at tað amerikanska Rættarstýrið hevur síðan mai 2017 brúkt áleið 108 milliónir krónir um tað varð ein møgulig russisk innblandan í Forsetavalinum 2016.

Robert Mueller bleiv settur til at vera ein spesialgranskari í mai 2017, men tá hevði kanningin longu verið eina stund. Hansara lið av granskarum hava brúkt áleið 6 milliónir av hesum pengunum, skrivar also CNN.

Robert Mueller hevur nýliga sagt, at um Forsetin ikki vil seta seg niður og tosað við seg, so kann tað vera, at Mueller fer at kæra Trump, so at ein rættarsak verður í næstum. Kanningin hevur tikið drúgva tíð og amerikufólk byrja nú, at ilskast fyri, at ikki meira hendir í málinum hjá Mueller.

​JáH (y) 01.06.2018

Tað er í kvøld, at slagi skal standa og allir føroyingar sleppa sær ein túr í Atlantis, at hyggja eftir Norðoyastevnuteitinum: Endurreising.

Keyp billettir HER

Tað hevur ikki verið eitt slíkt Teitið í góð 13 ár í Atlantis og til Generalprøvan ígjár - hoyrdist týðuliga, at hetta er nakað, sum norðoyingar hava sakna nógv tey seinastu árini.

Fólkini lótu væl at og fingu sjónleikarnir at vita, at tey komu sera væl frá uppgávuni á pallinum og sketjurnar vóru "spot on".

Tað er nærum útselt til sýningarnir í kvøld (Kl. 19.00) - tó nakrar billettir eru eftir til sýningina Kl. 21.15, sum upprunaliga skuldi vera Kl. 21.00 - men tá ið Gekkurin er so stórur, sum hann er - bleiv valt at broyta seinni sýning til Kl. 21.15.

Til ber eisini at keypa sær billett ein tíma undan sýning í Atlantis og skula vit líka heilsa og siga, at vit gleða okkum til at síggja teg í Atlantis. Góða Norðoyastevnu, tit.

Sýningarnir vera:

Fríggjadag Kl. 19.00 og Kl. 21.12

Leygardag Kl. 19.00 og Kl. 21.00

Sunnudagin Kl. 18.00 og 20.00

JáH (y) 01.06.2018

​Í gjár, 30. juni, var ráðstevna um málmenning hjá børnum hildin á Læraraskúlahøllini. 

Tað var ein deild á norska »Høgskulen på Vestlandet«, sum hevði skipað fyri ferð til Føroya at vitja Námsvísindadeildina á Setrinum. Í hesum sambandi vóru tíggju stuttir fyrilestrar á skránni, sum allir snúðu seg um málmenning hjá børnum.

Norsku gestirnir greiddu frá norskari gransking um málmenning, og úr Føroyum vóru granskarar og fólk, hvørs arbeiðið onkurvegna er relevant fyri málmenning barnanna, sum greiddu frá.
​
Rigmor Dam segði gestunum frá um føroyska málmenningarárið. 

- Tað eru í høvuðsheitum tríggjar orsøkir til, at tað hevur týdning at fáa málmenningina á skrá. Fyrsta orsøkin er tað einstaka barnið og tess møguleikar, sum eru so sera tætt knýttir at málsligu førleikunum.  Næsta orsøkin er føroyska samfelagið og fólkaræðið, sum jú er grundað á at borgararnir eru væl fyri málsliga, so teir kunnu hugsa kritiskt og aktivt taka lut í orðaskiftinum. Triðja orsøkin er viðbrekna føroyska málið, sum í hesum døgum er undir stórum trýsti - serliga frá enskum, vísti landsstýriskvinnan á. 

Hon greiddi somuleiðis frá um Barnasangbókina, sum er í gerð, og um tær verkætlanir, sum hava fingið stuðul í 2017 og 2018, og sum á ymsan hátt fara at stuðla undir og fremja málmenningina hjá føroyskum børnum komandi tíðina.

Bæði tað, at 2018 er útnevnt at vera ár fyri málmenning hjá børnum, og arbeiðið við Barnasangbók Føroya, vakti stóran áhuga millum norsku granskararnar og tey lesandi.
​
- At tit alment standa saman og seta fokus á hetta týdningarmikla evnið, samstundis sum tit verja sangskattin og aktivt brúka hann sum ein lið í málmenning barnanna, er eitt framúr gott hugskot, sum vit í Norra bara kunnu øvunda. Ein almenn barnasangbók, sum verður latin í vøggugávu, er eitt savnandi átak, har øll kunnu vera við, og har tað eisini er lætt at variera torleikastigið, søgu fleiri av gestunum úr Norra. 

Kelda: Løgtingið

​Hvørjir eru vit? Rísflís er eitt nýggj fyritøka, og íverksetarirnir eru Filip og
Pætur Larsen. Vit hava báðir búð í Asia, og vilja nú koma við nýhugsandi og
spennandi skundverðanum, Rísflís, heim á føroyska marknaðin.

Hvat er ein Rísflís? Ein Rísflís kann samanberast við ein sushi-sandwich. Hon inniheldur rís, tara og eina fyllu. Rísflísin er ein heilsugóður skundverði, sum er framleiddur í Føroyum við góðum rávørum. Ein av okkara smakkum hevur royktan føroyskan laks frá Sjógæti, og heimagjørdan smyrjiost frá MBM.

Okkara konsept: Vit bjóða tríggjar smakkir til keyps í FAST í Gundadali:

1. Høsnarungi í karry
2. Royktum laksi við wasabi og osti
3. Avokado, leim og koriander

Smakkiroyndir: Vit bjóða smakkiroyndir fríggjadagin 1. Juni og mánadagin 4. Juni kl. 11.00 - 14.00, inntil einki er eftir. Øll eru hjartaliga vælkomin.

Prísur: Ein Rísflís kostar 35 krónur

Vitja okkum á á netinum:

www.risflis.com
www.facebook.com/risflis
@risflis_official á Instagram

Video lýsing: https://www.youtube.com/watch?v=wSonhhDR1g8
Annars eru vit til at fáa fatur á telefon 594500.

JáH (y) 31.05.2018
Kelda: www.risflis.com

​Sum framhald av ruddingini í brátt farnu umhvørvisdøgum, vóru fólk frá kommununi úti og ruddaðu við grabba í Ósánni og í fjøruni niðanfyri Føroya bjór í dag.

Kristian Eli Zachariasen, formaður í Umhvørvis- og býarskipanarnevndini sigur, at nógv verður lagt fyri at rudda og halda býin og kommununa reina og ruddiliga.

- Í samband við umhvørvisátakið vóru fólk røsk at rudda úti í býnum, men tað er neyðugt at halda stand hvønn dag, og kommunan skal ganga fremst í hesum arbeiðnum, og sjálvandi serliga, tá tað ræður um hesi størru tingini. Tað er ein týdningarmikil liður í at gera Klaksvíkar kommunu vakrari og meira umhvørvisvinarliga, sigur Kristian Eli Zachariasen.

JáH (y) 31.05.2018
Kelda: Klaksvíkar Kommuna 30.05.2018

Hon er kend fyri at brúka kjaft í teim almennu miðlunum og hevur skrivað nógv tossutt ting - men tá ið Roseanne Barr legði eitt rasistisk Twitter boð út, so hevði sendistovan ABC fingið nokk av henni og gav henni sekkin við brestin.

Hon skrivaði rastiskar viðmerkingar um Valerie Jarrett - har hon ímillum annað skrivaði at Muslimski Brøðrarskapurin og Planetin av Apum hava fingið eitt barn og tað barnið er VJ (Valarie Jarrett, red.).

Showið hjá Roseanne Barr fekk sostatt bert ein sesong - og eru sera mong, sum eru kedd av tí. Øll hava tikið sína frástøðu frá Roseanne Barr, sum nú roynir av øllum alvi, at biðja um umbering fyri tað hon skrivaði tann 28.05.2018 um Valarie Jarrett. Men forseint - showið Roseanne, sum hevði áleið 14 milliónir hyggjarar - er tikið vekk av skránni hjá ABC.

Nú byrjar fyri alvor at líkast - at tær flestu sýningarnir vera útseldar til Norðoyastevnuteitið 2018: Endurreising, sum verður í Atlantis.

Keyp billettir HER

Her er eisini talan um eitt projekt, sum hevur tikið drúgva tíð, at sett saman - við nógvum "gomlum" talentum á pallinum - umframt spírandi talentir, sum Klaksvíkar Sjónleikarafelag eru so heppin at eiga.

Her er bæði skemt & gaman, sangur og tvætl - umframt okkurt lokalt, sum tann vælkendi bonkurin á Túnatos. Her er bæði fyri tey gomlu og tey ungu og heilt sikkurt nakað - ØLL kunna "hygga" sær við á Norðoyastevnu. Undirritaði hevur tosað við fleiri fólk um Teitið - og øll eru einig í, at hetta hevur verið stórur saknur í. Um tú ikki hevur keypt tær billett enn, so ber tað eisini til at gera 1 tíma undan sýning ... væl at merkja um nøkur billett er eftir til tað tíð.

Vit gleða okkum at síggja í Atlantis ein av døgunum og verður samstundis ynskt tær eina avbera góða Norðoyastevnu.

JáH (y) 31.05.2018

Granskingarnevndin hevur á fundi 25. mai játtað stuðul til 10 nýggjar granskingarverkætlanir. Til samans eru játtaðar 7.246.591 kr. til verkætlanir á økjunum mentan, samfelag. náttúra og náttúrutilfeingi og heilsa.

33 umsóknir vóru um stuðul og søkt varð um í alt 24 mill. kr.

Stuðul er latin 4 ph.d.-verkætlanum og 6 øðrum verkætlanum. 6 kvinnur og 4 menn eru verkætlanarleiðarar. Hesi arbeiða á stovnum og feløgum í Føroyum og í Danmark.

Les meira HER

JáH (y) 31.05.2018
Kelda: Gransking.fo