​Eingin tilburður staðfestur í gjár

Eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum.

184 kanningar vórðu gjørdar, og allar eru liðugt greinaðar. Tilsamans eru nú gjørdar 230.656 kanningar.

658 persónar hava fingið staðfest smittuna í Føroyum. 657 persónar eru staðfestir frískir aftur. Higartil er ein persónur deyður við koronu í Føroyum.

Sostatt er eingin persónur smittaður í løtuni.

Heilsamálaráðið

Eitt tað fyrsta hendan samgongan í Klaksvíkar Kommuna er ígongd við at gera, er at oysla skattapengarnar hjá okkum burtur.

Ístaðinfyri at leita eftir teimum 15. millióninum, so ætlar Klaksvíkar Kommuna at stemma eina eykajáttan ígjøgnum uppá 7.839.573,31 kr. í dag, so at niðara hæddin fer at kosta okkum skattaborgarnum 22.839,573,31 kr. bara fyri at nakrar privatar fyritøkur skulu leiga seg inn har og vit skulu gjalda fyri at gera hølini hjá teimum.

Tá ið meirilutin kundi stoppa spælilandinum og spýta pengarnar til eitt nýtt skýlið, so er tað eitt sindur løgið at meirlutin í Klaksvíkar Kommunu ikki kann steðga við veghæddini á Biskupstorginum?

Lat okkum fylgja við í dag, spennandi at vita, hvat Fólkaflokkurin í Klaksvíkar Kommunu ætlar at stemma, um teir framvegis ætla at oysla skattapengarnar burtur í Klaksvíkar Kommunu.

Stroymingin sæst á heimasíðuni hjá Klaksvíkar Kommunu, klikk link her “Býráðsfundur 25-02-2021”.

Her mín hjartans meining.

​SáH

Mynd frá sendingini “Handilshølini eru gapandi tóm”, sjá sendingini herundir.Ikki er hoyrt nógv um innleggið tann 12. februar í Dag & Viku um “Handilshølini eru gapandi tóm”, har 15 milliónir, sum vóru oyramerktar til Biskopstorgi, eru blivnar burtur í Klaksvíkar Kommunu og eru brúktar til okkurt annað og ongin veit hvar pengarnir eru?

Kann man nú avseta pengar til eina SVIMJUHØLL og brúka pengar til ein ROSSAHANDIL, er tað soleiðis at undanfarna Býráð hevur arbeitt?

15. milliónir eru burtur og eru tær brúktar í heimildarloysið, so skal tað fáa fylgur fyri viðkomandi og pengarnir skulu finnast aftur. Tað kann ALS ikki góðtakast at FÓLKAFLOKKURIN, SAMBANDI OG TJÓÐVELDI skulu aftur fara og brúka 15. milliónir uppá niðastu hæddina á Biskopstorginum, so upphæddin verður 30 milliónir.

Vit skattagjaldara skulu ikki gjalda 30 – 50 milliónir til handilshølir í Biskopstorginum, har undanfarna Býráð hevur brúkt pengarnar og ongin veit hvar pengarnir eru brúktir til, sjá filmsklipp herundir, har eg sigi mína hjartans meining og hygg eftir óskilinum í Klaksvíkar Kommunu tey seinastu 8 árini, hetta er bert eitt mál av nógvum, nevnliga BISKOPSTORGI. KVF hevur fylgt eitt sindur við óskilinum á Biskopstorginum, sjá innlegg herundir, synd at siga at Norðlýsið hevur gjørt tað sama, ein kann gita hví?

Men nú skal skil fáast á Klaksvíkar Kommunu við Karl Johansen við róðrið og Fólkaflokkinum í samgonguni, SO VERÐUR TAÐ GJØRT!!!!!

​SáH

http://kvf.fo/leita?page=/leita&keywords=handilsh%C3%B8lini&sort=0

http://kvf.fo/netvarp/sv/2020/05/26/20200526biskupstorg

http://kvf.fo/greinar/2020/05/22/fult-vidhald-i-malinum-um-biskupstorg

http://kvf.fo/netvarp/sv/2019/03/08/20190308kunnuflytainn1mai

http://kvf.fo/greinar/2019/02/20/nogvir-rykkjarar-einki-svar-enn

​http://kvf.fo/netvarp/sv/2018/11/13/20181113sjalvsognarstovnurfiggjarkeyp

Nýggjastu tølini hjá Landslæknanum vísa, at eingin nýggjur smittutilburður varð staðfestur í gjár.

388 kanningar vórðu gjørdar, og allar eru liðugt greinaðar. Tilsamans eru nú 228.419 kanningar gjørdar.

Tilsamans hava 658 persónar fingið staðfest smittuna í Føroyum. 654 persónar eru staðfestir frískir aftur. Higartil er ein persónur deyður við koronu í Føroyum. Sostatt eru tríggir persónar smittaðir í løtuni.

Eingin persónur er í løtuni innlagdur á Sjúkrahúsverki Føroya í sambandi við koronusmittu.

Heilsumálaráðið

Klokkan 04:15 kom Sjúrðaberg aftur við fullari last.

Vit vóru nøkur sum tóku ímóti og havnameistarin var kárur at taka ímóti endanum.

Sjúrðaberg hevur 455 tons av flaki og hava teir roynt í russiskum og norskum sjógvi.

​Teir byrjaðu at sigla heim tann 14. februar.

Teir fóru avstað tann 1. desember og skipari var Rólvur í Norðnastovu.

Vit ynskja skipara og manning vælkomin heim.

Her filmsklipp og myndir tiknar í morgun tann 18.02.2021.

SáH
​

​Eingin tilburður staðfestur í gjár

Nýggjastu tølini hjá Landslæknanum vísa, at eingin nýggjur smittutilburður var staðfestur í gjár.

230 kanningar vórðu gjørdar, og allar eru liðugt greinaðar. Tilsamans eru nú 227.025 kanningar gjørdar.

Tilsamans hava 657 persónar fingið staðfest smittuna í Føroyum. 653 persónar eru staðfestir frískir aftur. Higartil er ein persónur deyður við koronu í Føroyum. Sostatt eru tríggir persónar smittaðir í løtuni.

Eingin persónur er í løtuni innlagdur á Sjúkrahúsverki Føroya í sambandi við koronusmittu.

Heilsumálaráðið

​

Jákup Sverri kom á Klaksvík í gjárskvøldið og í morgun fór eg við rundstykkum frá Jórun umborð á Jákup Sverra, nú tað er Valentines dagur.

Skiparin Rúni Niclasen var sera blíður og bjóðaði mær kaffi. Aftaná vísti hann mær runt alt skipi, eitt sera vakurt og sera vælútgjørt skip, sjá filmsklipp og myndir herundir.

Nú Jákup Sverri var komin á Klaksvík og teir dámdi sera væl havnina, so bjóðaði skiparnum Rúna Niclasen, at Klaksvík skuldi vera heimstað hjá Jákup Sverra í framtíðini og tað hevði hann einki ímóti, so her eitt uppskot til Klaksvíkar Kommunu, bjóða Jákup Sverra at hava heimstað í Klaksvík, tað hevði hóska væl fyri Klaksvíkar Havn, at hava Jákup Sverra heimahoyrandi í Klaksvík, vit eru jú fiskivinnuhøvuðsstaðurin í Føroyum.

Takk fyri góða og læruríka rundvísing Rúni Niclasen.

SáH

ANRU hevur landað 56.000 pund hjá Snarfrost í morgun.

35.000 pund av toski, 20.000 pund av hýsu og 1.000 pund av øðrum fiskasløgum.

Lastin á ANRU tekur annars um 45.000 pund, so fiskur var allastaðni umborð – sjálvt í koyggini hjá skiparanum.

Teir hava roynt vestanfyri, og hava verið úti í fimm og eitt hálvt døgn, so talan er um ein heilt góðan túr.
– í mun til fiskiskapin seinastu tíðina er talan um ein roktúr, serliga sæð í ljósinum av, at stórsti parturin av veiðini er toskur.

Hýsan hjá ANRU er seld beinleiðis til keypara og restin av fiskinum varð seld umvegis Fiskamarknaðin, sjá søluna herundir.

Myndirnar hevur Gundur Sørensen tikið. Takk fyri
myndirnar ANRU.

SáH

ANRU – ( KG 730 )MIÐVÁGS HAVN (SNARFROST)06-02-202111-02-202117.782

Ferðavinnan er skjótast vaksandi vinna í heiminum mongu seinastu árini. Áhugaverdi parturin fyri føroyingar eru ferðafólkini, sum vilja hoyra um sagnir, søgu og síggja náttúru. Sum støðan er í dag, er Klaksvík ikki til reiðar at taka ímóti hesi avbjóðing. Her mangla tilboð bæði til føroyingar og ferðafólk. Tiltøk eru tó undir fyrireikan, og at tað loysir seg, tað er Kópakonan í Mikladali eitt talandi dømi um, ein sólskinssøga úr Kallsoynni.

Í hesum døgum hava menn stovnað áhugabólk og vilja grava fornu toftirnar fram uppi á Grundum (Skalvalopini). Hugsast kann, at eftir kanningar og útgrevstur, verður býlingurin endurreistur og kann soleiðis økja um søguligu tilboðini. Við íblástri frá hesum og øðrum kann Norðoya Fornminnissavn økja um sín leiklut og taka lut í hesum tilboðum.

Áhugafelagið Nólsoyar Páll fer ein av fyrstu døgunum at søkja um at fá søguliga økið niðri á Biskupsstøð  vestureftir ímóti Ósánni sum eitt «Søguligt varðveitingarøki». Ætlanin er at halda fram við verkætlanini kring hús Nólsoyar Páls. Gøtan fram við fjøruni heldur fram við brúgv yvir um Ósánna til handilskjarnan undir íbúðunum, og síðani er ætlanin at endurbyggja aldargomlu neystini. Stórt steinsett torg verður gjørt á staðnum, hetta loysir upp fyri plássi hjá brúkarum kring økið. Vælt verður um Biskupsstøðina við timbri, eins og Tingstøðin verður endurbygd. Hetta samlar fólk og skapar trivna á økinum. Bert manglandi hugsjón gevur hesum avmarkingar. At seta verkætlanina Biskupsstøðgarðin undir skuggan av einum stórum bygningi, sum fyllir alt økið á staðnum, gevur onga meining.

Tíðliga í miðøld ella fyrr stóðu neyst, ið hoyrdu til Gerðar, á hesum øki. Her var Tingstøðin, har fólk í Norðuroyggjum løgdu at við báti, eftir at Vártingið var flutt oman av Køtlunum heim í Innistovu í Vági. Her var partur av úthandlinum í Klaksvík, sum einasti kvinnuligi leiðari í Føroyum, Karin Biskupsstøð, stóð fyri. Seinni gifti hon seg við Kjølbro, og stovnaðu tey á staðnum fyritøkuna Kjølbro. Her skulu staðarnøvn, bygningar og søgan varðveitast, sum eitt søguligt tilboð til føroyingar og ferðamannin.

Her á staðnum verður talan um tvey neyst, dupultneystið hevur trimpul og er í tveimum hæddum. Hugsa vit okkum, at síðurnar eru lagaðar við gróti, takið hevur flag, suðurendin móti steinsetta torginum er úr timbri, so verður endin móti vágni bindingsverk við glasi og panoramútsýni. Her kundi t.d møguleiki verið fyri Café við lættverðum.
Um Áhugafelagið Nólsoyar Páll verður fyriskipari, er mett, at hetta kann gerast fyri ein rímuligan penga.

Møguleikarnir, sum hetta økið hevur fyri býin, trivnaðin og ferðavinnuna, eru sera stórir og kunnu ikki metast saman við ein skúla, Hetta hava ávísir býðráðslimir trupult við at skilja, ella eru tað aðrar orsøkir til hetta?

Tað er týðiligt, at borgararnir í Klaksvík hava áhuga í hesum máli, tað vísti skrivið um staðsetingina av Húsarhaldsskúla Føroya í oktobur mánaði 2020. Málið var ongantíð umtalað til seinasta býráðsval, tó at tað var viðkomandi. Sjálvstýrisflokkurin brúkti stóra orku upp á sín avrikslista, men segði ikki eitt orð um Húsarhaldsskúlan. Tey í seinastu býráðssetu, sum vóru fyri staðsetingini av Húsarhaldskúlanum, fóru helmingin aftur í atkvøðum ella vóru ikki afturvald. Atli Justinussen er einasti eftir frá seinastu býráðssetu, sum ikki atkvøddi fyri staðsetingini av Húsarhaldsskúlanum, hann bleiv toppskorari hjá fólkaflokkinum. Hetta er ikki øll frágreiðingin men ein partur av henni.

Hóast fleiri ferð er spurt eftir grundgeving fyri staðsetingini av Húsarhaldsskúlanum, sær tað ikki út til, at býráðslimir tora at standa við ábyrgdini og grundgeva.

At gera eitt mistak er menniskjaligt, at rætta tað gevur áræði og styrki. 
At gera eitt mistak og verja tað er fáfongd og orsøk til onnur mistøk.

Hetta er ein áheitan á býráðið um at staðseta Føroya Húsarhaldsskúla á einum øðrum og meira hóskandi staði. Havandi móttøkuna av skrivinum í huga, verður eisini umhugsað millum annað at hava opið hús á Biskupsstøðgarðinum at savna undirskriftir sum mótmæli.

Archibald Black Facebook 05.02.2021

Maverick Barr letur upp klokkan 18:00 í dag. Vit fara at hita upp til lokaluppgerðina ímillum Tottenham – Chelsea, sum byrjar klokkan 20:00

Her skráin fyri í kvøld:
Kl. 17:00 FC Midtjylland – Sørderjyske
Kl. 19:00 FC Nordsjælland – Brøndby IF
Kl. 20:00 Tottenham – Chelsea

Grillin letur eisini upp klokkan 18:00 og verður tað Tórður Sóleyðarson sum verður grillmaster. Ynskja tit at bestilla via telefon, ring 454570.

Vit síggjast í Grilluni hjá Símun ella Maverick Barr. Koyr á Tottenham.

SáH