Blog Archives - NP

Cafe Latté ella Sjóvinnan ?!?

31/3/2016

Undirhald og fyrisiting ella tænastudepil til sjóvinnuna. Cafe Latte ella vinna. Tað var spurningurin á kunningarfundinum, sum fyritøkurnar á Vestaru Bryggju skipaðu fyri í dag seinnapart á Reinsarínum.

Framløgan byrjaði við at seta spurningin, um vestara havnaøkið skuldi brúkast til undirhald og fyrisiting, heldur enn sum tænastudepil til sjóvinnuna. Víst varð til, at alt økið meira ella minni er ein tænastudepil fyri skip, og at alt virksemið er treytað av atgongd til bryggjukant.

Les meira HER

JáH (y) 31.03.2016
Kelda: Tórshavnar Kommuna

Borgarstjórin í Havn hitti Gullvinnaran

30/3/2016

Hann tekur fyrst eitt lakk, síðan eitt lop og at enda eitt langt lop. Tórur Mortensen hevur heilt serligar gávur, og tað prógvaði hann so dyggiliga herfyri, tá ið hann vann DM-gull í trístøkk. Seinnapartin var Heðin Mortensen boðin niðan á Tórsbreyt at hyggja eftir venjing hjá ítróttarfelagnum Hvirluni, sum ungi havnarmaðurin venur við.

Tórur venur alt árið á Tórsbreyt summarhálvuna, og trýstøkk er fremsta ítróttargrein hjá Tóri,

- Tórsbreyt bleiv tikin í nýtslu í 2008, og flottu úrslitini hjá Tóri og øðrum prógva, hvussu stóran týdning góðu umstøðurnar hava fyri frælsar ítróttir, sigur Heðin Mortensen, borgarstjóri.

Tórur Mortensen leyp 14,39 metrar og var 1,5 metrar framman fyri nærmasta kappingarneytan. Hann er fyrsti føroyingur, sum hevur vunnið DM-gull fyri vaksin.

- Vit kunnu vænta fleiri spennandi úrslit komandi tíðina, eitt nú á oyggjaleikunum á Gotlandi í 2017, sigur Eyðun Jakobsen, formaður í ítróttarfelagnum Hvirlan.

- Eg hoyri, at fleiri onnur eisini kunnu fara at gera vart við seg, og at vónir eru um, at fleiri gomul met verða tikin í ár eitt nú í 100 metrum hjá monnum, so hetta er ordiliga spennandi, sigur Heðin Mortensen, borgarstjóri, at enda.

Hvirlan venur alt árið fleiri ferðir um vikuna. Á myndunum síggjast ítróttarfólk hjá Hvirluni, sum øll hava møguleika at koma við til oyggjaleikirnar 2017.

Sjá meira myndir av tí HER

Kelda: Tórshavnar Kommuna 30.03.2016

IS planleggur álop á skúlar hjá jødunum

29/3/2016

Sky News veit at siga frá, at terrorbólkurin IS (Islamiskur Statur) fer at gera seg inn á eitt nú fólkaskúlum hjá jødum í Turkalandi.

Álopini eru planløgd at raka barnagarðar, skúlar og ungdómshús, veit also Sky News at fortelja frá álítandi keldum.

JáH (y) 29.03.2016

Rænt flogfar lent á Kypros

29/3/2016

Terroristar hava rænt eitt flogfar frá EgyptAir og sigt eisini at ein bumba er umborð á flogfarinum.

81 menniskjur eru umborð á flogfarinum, sum er lent á Kypros og enn vita tey ikki, hvat rænarnir krevja.

JáH (y) 29.03.2016

EgyptAir: Tað er yvirstaðið!

29/3/2016

Tað er yvirstaðið og ránarin av flogfarinum frá EgyptAir er handtikin. Tað vita keldur úr Kýpros at siga frá.

Mynduleikarnir fara at koma við eini nærri frágreiðing um hendingina í morgun, har Seif Eldin Mustafa hevði ránt eitt flogfar og segði við pilotin, at hann hevði eitt bumbubelti á sær og at hann vildi spreingja seg í luftina, um piloturin ikki lendi á Kýpros.

Um maðurin veruliga hevði eitt bumbubelti á sær - sigur søgan ikki nakað um enn, men eftir øllum at døma, so er maðurin handtikin og fleiri tíðindi vera skrivaði um hetta, tá ið vit vita eitt sindur meira.

JáH (y) 29.03.2016

Its over. The #hijacker arrested. #LarnacaAirport # Egyptair
— Cyprus MFA (@CyprusMFA) 29. marts 2016

EgyptAir: Ránarin eitur Seif Eldin Mustafa

29/3/2016

Fjølmiðlarnir hava nú fingið at vita hvussu ránarin av flogfarinum hjá EgyptAir eitur og navni hjá honum er Seif Eldin Mustafa.

Tey nýggjastu krøvini hjá honum er, at hann vil at forsetin úr Egyptalandi skal leyslata kvinnuligar fangar.

7 eru eftir í flogfarinum og enn roynir løgreglan at tosað við ránaran og enntá hevur løgreglan fingið fatur í hansara eks., sum eisini skal royna at tosað ránaran til fornuft.

Annars so flenti forsetin úr Kýpros Nicos Anastasiades, tá ið hann bleiv spurdir, um tað dragaði seg um onkra kvinnu, har hann so svaraði flennandi aftur: "Tað hevur altíð okkurt at gera við onkra kvinnu."

JáH (y) 29.03.2016

EgyptAir: Ferðandi eru enn umborð!

29/3/2016

BBC avsannar nú, at øll eru leyslatin og at einans rænarin er eftir í flogfarinum hjá EgyptAir.

Nú vil BBC vera við til, at sjey persónar eru eftir í flogfarinum - har 3 av hesum eru ferðandi.

Á myndini sæst ferðafólk, sum júst eru blivin leyslatin av rænaranum. Vit á Norðoya Portali fara at taka saman-um, tá ið vit vita eitt sindur meira.

JáH (y) 29.03.2016

EgyptAir: Eks. dáman á veg til flogvøllin!

29/3/2016

Flogrænarin hevur kravt, at hann vil sleppa at síggja eks. dámuna hjá sær og eftir øllum at døma, so er hon á veg til flogfarið, at tosað við svaka
eks. mannin.

Les eisini: EgyptAir: Tað kann vera persónligar orsøkir!

Enn er óvist - hví maðurin hevur rænt flogfarið og hví hann er farin so langt sum at ræna eitt flogfar - men ivaleyst so hevur hetta rán av flogfarinum frá EgyptAir - okkurt at gera við eks. dámuna.

JáH (y) 29.03.2016

EgyptAir: Tað kann vera persónligar orsøkir!

29/3/2016

Talan kann vera persónligar orsøkir, at rænarin hevur rænt flogfarið frá EgyptAir.

Reuters veit at siga frá, rænarin tveitti eitt bræv á lendingarbanan, har brævið varð skriva á arabiskum og at hetta bræv skuldi handast til hansara eks.

JáH (y) 29.03.2016

EgyptAir: Rænarin krevur politiskt friðskjól

29/3/2016

Tað seinasta nýggja er, at rænarin umborð á flogfarinum krevur ein umsetara og politiskt friðskjól.

Rænarin noyddi flogfarinum at lenda í Kypros - har hann hevði eitt sjálvmorðs-belti á sær og segði, at hann vildi sprongja seg sjálvan í luftina, um piloturin ikki lendi.

Umborð á flogfarinum hjá EgyptAir vóru 8 bretar, 10 amerikanara og ein íri. 4 starvsfólk frá EgyptAir eru enn umborð og fýra onnur ferðandi.

JáH (y) 29.03.2016