NP
Norðoya Portalurin
  • Heim
  • Tíðindi
    • Uppskriftir
    • Heilsa
    • Sjótíðindi >
      • Myndir Fiskivinnan
    • Kunngerðir og Merkisdagar
  • Ítrottur
    • Flogbóltur >
      • Flogbóltur myndir
    • Fótbóltur >
      • Fótbóltur myndir
    • Svimjing >
      • Svimjing myndir
  • Politikkur
  • Vinna
    • Lýsingar
    • Lýsingar Norðoya Portalurin og News.fo
  • Tónleikur og Mentan
  • Kontakt
  • Símun á Høvdanum
  • Myndir
    • Myndir
  • Ymiskt
    • Bloggurin
    • Jokes
  • JáH (y) til minnist
  • Blog
  • Heim

​Luksusdjór - Nýggjur djórahandil á netinum

30/8/2016

Comments

 
Billede
Nethandilin, ið eitur Luksusdjór, selur vørur til hundar og kettur. Í vøruúrvalinum er m.a. fóður, góðbitar, hálsbond, leiðibond, leikur og skálir.

Til ber at fáa fóður ið er kornfrítt, hveitifrítt og gluten frítt. Hettar hóskar seg væl til hundar við sartum maga, samstundis sum tað minkar um vandan fyri fóður-allergi.

Eisini er spennandi úrval av vørum til feldrøkt, so sum sjampo av merkinum Pet Head, ið er gjørt av stovnarunum av Bed Head, ið fæst í nógvum hárfríðkanarstovum, bæði í Føroyum og uttanlands.

Vørurnar eru á goymslu í Sørvági og kunnu sendast við Posta ella heintast í Sørvági, Tórshavn ella Klaksvík.

Tað er Louisa Golightly í Sørvági ið hevur handilin.

Handilin kann vitjast á www.luksusdjor.fo

Comments

​Seðlarnir koma út nú klokkan 08.00

28/8/2016

Comments

 
Billede
Karl Johansen sigur, at tað vóru 67 hvalir í Hvannsundsgrindini ígjár og var hon 568 skinn. Tað verður býtt í drápspartar og í drápinum vóru 350-400 fólk.

Skorið verður upp norðanfyri Kryving í Klaksvík, so nú er at skunda sær, um ein hevur skrivað seg upp.

SáH

Comments

Enn er trygdin á sjónum ikki nóg góð

22/8/2016

Comments

 
Billede
Í farnu viku skipaðu Annbjørg á Høvdanum og manningarfeløgini fyri ráðstevnuni Trygd á sjónum. Hetta var í sambandi við Sjómannadagarnar í Klaksvík.

Her var nógv ymiskt tilfar lagt fram um støðuna í Føroyum og í grannalondum okkara, bæði um søguligu gongdina og støðuna í dag.

Annbjørg á Høvdanum staðfesti í framløguni av kanning, sum hon hevur gjørt, at talið av óhappum og vanlukkum er minkað munandi, men at tað er nógv eftir, sum kann gerast betri. Her er talan um átøk av ymsum slag, bæði í mun til lóggávu, endurnýggjan av fiskiflotanum og um hugburð, kunning og upplæring. Hon endaði framløguna við at vísa ein stuttan kunningarfilm og legði fram tríggjar faldarar, sum eru gjørdir til ymsar skipabólkar.

Les meira HER

Kelda: Gransking.fo

Comments

Neyðugt við átøkum fyri at bøta um trygdina

22/8/2016

Comments

 
Billede
Neyðugt er við átøkum fyri at bøta um trygdina umborð á føroyskum fiskiskipum. Tað sigur landsstýrið, nú umfatandi kanning staðfestir, at arbeiðsvanlukkur henda fýra ferðir so ofta umborð á fiskiskipi sammett við arbeiðsmarknaðin annars, meðan deyðsvanlukkurnar eru 30-40 ferðir títtari enn á landi.

Fleiri hava kanska havt ta fatan, men nú er tað skjalprógvað: Dekkið á fiskiskipi er vandamiklasta arbeiðsplássið. Annbjørg á Høvdanum, vinnusálarfrøðingur, hevur skrásett og greinað allar arbeiðsvanlukkur á fiskiskipi síðan 1972. Úrslitini vórðu løgd fram á Sjómannadøgunum.

Les meira HER

Kelda: KVF


Comments

​Væleydna fiskikapping í gjárskvøldið

20/8/2016

Comments

 
Billede
Tað vóru nógv børn til fiskikappingina á Kósabrúnni í gjárskvøldið. Mett var at umleið 1000 fólk sum luttóku og veðrið var avbera gott.

Ein genta í skúlaaldri gjørdist sannur fiskakongur, hon fiskaði umleið 24 kilo og gjørdist hon best av øllum, men vinningar vera givnir til børn í skúlaaldri og børn undir skúlaaldri, bæði til gentir og dreingir og vera nøvnini avdúkaði á pallinum úti í Klaksvík seinni ídag.

Stuttligt at síggja hvussu øll stríddist fyri at blíva best og aftaná fingu børnini ókeypist sunkist og Twix, sum Silvi og sjórænarin Stampe býttu út.

Svimjifelagið Ægir hjálpi til, har øll nevndin var til staðar og býttu út agn og aftaná vigaði tey allan fongin og tað bleiv til ein heilan fiskakassa og nakað afturat. Seiðurin var sera stórir í ár, men fongurin var eitt sindur minni enn seinasta ár.

SáH 

Comments

Álopið á Nice hevur nú kravt 86 mannalív!

19/8/2016

Comments

 
Billede
Ein maður hevur latið lív afturat, so at deyðstalið á teim deyðu er komið uppá 86 - eftir álopið á Nice í Fraklandi í juli í ár.

10 børn lótu eisini lív av álopinum, tá ið ein maður koyrdi inn í eina mannamúgvu við einum stórum lastbili.

JáH (y) 19.08.2016

Comments

Svimjikapping á Vánni leygardagin

17/8/2016

Comments

 
Billede
Svimjifelagið ÆGIR skipar fyri svimjikapping tvørtur um Vánna leygardagin kl. 15.25.

Tilmelding hjá Ægir á tlf. 273200 ella meyl [email protected] att: svimjikapping Vánna.

Heiðursmerkir vera givin.

​ ÆGIR

Comments

Mikudagin: TEMAdagur fyri sjómenn og onnur áhugaði - trygd á sjónum

16/8/2016

Comments

 
Billede
MIKUDAGIN 17. AUGUST

TEMAdagur fyri sjómenn og onnur áhugaði - trygd hjá sjófólki

Skrá:

09.00 Vælkomin

09.05 Jógvan Skorheim, borgarstjóri setur dagin.

09.20 Annbjørg á Høvdanum, vinnusálarfrøðingur leggur fram úrslit um vanlukkur hjá sjómonnum meldaðar til vanlukkutryggingarráðið frá 1972 -2014 og greiðir frá, hvat hesi tøl siga okkum.

10.00 Pausa við morgunmati

10.30 Trygd á sjónum innan Føroysku sjóvinnuna – Ragnar Ludvig, leiðari á Sjónám.

11.00 Fyribygging av arbeiðsvanlukkum í fiskivinnuni – Tað ger mun! Jørgen Møller Christiansen, seniorforsker, Center for Maritim Sundhed og Samfund, Syddansk Universitet, Danmark.

11.30 Helse og arbeidsmiljø i fiskeflåten - Seniorforsker Ingunn M. Holmen, SINTEF Fiskeri og havbruk, Norge. 12.00 Døgurði á staðnum - ókeypis

13.00 Trygdar venjingar – ger tað nakran mun í lívinum hjá einum sjómanni? Hilmar Snorrason, skipari og skúlastjóri á Maritime Safety and Survival Training Centre ICE-SAR, Ísland.

13.30 Frágreiðing frá Grími Hammer, ið er blivin avlamin vegna arbeiðsskaða, sum kundi verið umgingin, um trygdin og arbeiðsumstøðurnar vóru betur.

14.00 Kaffi støðgur

14.15 Høgni Hoydal, Minestry of Fisheries

15.45 Annbjørg á Høvdanum endar dagin.

19.00 Pallborðsfundur við yvirskriftini “Trygdar- og heilsu politikkur fyri føroyskar sjómenn anno 2016”. - Í panelinum sita Anfinnur Garðalíð vegna manningarfeløgini, eitt umboð fyri reiðarafeløgini, Pál Weihe, yvirlækni á Deildini fyri Arbeiðs – og Almannaheilsu, Høgni hoydal landsstýrismaður í fiskivinnumálum, og Ragnar Ludvig leiðari á Sjónám.

Eisini verða borð við upplýsandi tilfari frá luttakandi londunum og ein sølubásur við persónligari trygdarútgerð.

Comments

Skráin fyri Føroya Sjómannadag 2016

13/8/2016

Comments

 
Billede
​Skráin fyri Føroya Sjómannadag 2016

Føroya Sjómannadagur hevur til endamál at nøra og varðveita áhugan fyri fiskivinnuni á sjógvi og á landi, og at kveikja áhuga fyri tí ið hevur við sjógvin at gera. Hetta verður gjørt uppá ein hugnaligan, gevandi og rúsfríðan hátt, so at familjur og fólk í øllum aldursbólkum kunnu njóta gleði av hesum tiltaki.
Eins og undanfarin ár eru vit í tøttum samstarvið við Havstovuna, um kunnandi átøk sum framløgum av granskingar úrslitum hjá Havstovuni.
Alt er ókeypis og sum sæst í skránni so er dentur lagdur á at kunna og skúla fólk í føroyskari mentan, mæti, virðisgrundarlagið og politiskari mentan við opnum og mennandi orðaskifti um føroysku fiskivinnuna o.a.
Føroya Sjómannadagur 2016 er ognað siglingarmanninum, Poul Poulsen Nolsøe (Nólsoyar Páll)
Páll fór í 1798 at sigla við skipum hjá Det økonomiske Velfærds Selskab; kom á Havnina í mai sum stýrimaður á Charlotte, og nú, hann hevði fingið borgaraskap sum skipari í Keypmannahavn, kom hann 12. september 1798 til Føroya sum skipari á briggini Patriotisme, sum hevði vøru til handilin. 12. september 1799 var Páll aftur á Havnini við vøru til handilin, nú sum skipari á barkini Thetis.

Nógvar frásagnir eru frá sigling Páls úti í heimi – summar trúligar uttan at vera vitnisfastar, aðrar meira ævintýrkendar. Tó eru til tvey álítandi skjøl frá hesum árum. Annað er bræv Páls frá 1806 til rættin í Havn, har hann nevnir lond, hann sum skipari sigldi uppá. Aðrastaðni vita vit, at hann sigldi fyri stórt amerikanskt handilshús millum Amerika og Evropa. Við hesum upplýsingum saman við vitan okkara um forna sigling um Atlantshav, sum í veruleikanum fór fram eftir somu meginreglum sum sigling Kolumbusar, verður roynt at siga frá, hvussu Nólsoyar Páll sigldi tey árini, tá ið eingin frætti frá honum.

Í 1808, tá ið hungursneyð hótti føroyingar, fór Nólsoyar Páll sum kunnugt til Danmarkar eftir korni við skipi sínum Royndini fríðu. Nær Skagen tók bretska herskipið Fury Royndina, ið skuldi gerast vrak. Páll og menn hansara vórðu tiknir fangar og sótu umborð í bretskum fangaskipi í Gøteborg, til teir loksins sluppu til London at tala sína søk, og har teir síðan fingu nýtt skip. Skjøl úr Oslo, sum vit hava fingið innlit í, vísa greitt, at Royndin fríða fór ikki so illa, sum higartil hildið. Royndin fríða sæst dagstevndan dag seta inn í navngivna norska havn ávegis til Bretlands sum krígsfongur


ØLL TILTØK Á FØROYA SJÓMANNADEGI ERU ÓKEYPIS!


SKRÁ:

MÁNADAGIN 15. AUGUST

19.00

Archibald Black greiður frá endurbyggingini av garðinum hjá Nólsoyar Páll á Biskupstøð.

Framløgan verður í Norðoya Sparikassa


TÝSDAGIN 16. AUGUST

19.00

Símun Absalonsen, sum starvast hjá grannskoðanarvirkinum NUMO, fer týskvøldið kl. 19:00, at hava fyrilestur í Norðoya Sparikassa í Klaksvík um búskaparligu gongdina hjá útvaldum skipabólkum í føroyska veiðiflotanum og um møguleika teirra í sambandi við eina nýggja fiskivinnuskipan.


MIKUDAGIN 17. AUGUST

TEMAdagur fyri sjómenn og onnur áhugaði - trygd hjá sjófólki

Skrá:

09.00 Vælkomin

09.05 Jógvan Skorheim, borgarstjóri setur dagin.

09.20 Annbjørg á Høvdanum, vinnusálarfrøðingur leggur fram úrslit um vanlukkur hjá sjómonnum meldaðar til vanlukkutryggingarráðið frá 1972 -2014 og greiðir frá, hvat hesi tøl siga okkum.

10.00 Pausa við morgunmati

10.30 Trygd á sjónum innan Føroysku sjóvinnuna – Ragnar Ludvig, leiðari á Sjónám.

11.00 Fyribygging av arbeiðsvanlukkum í fiskivinnuni – Tað ger mun! Jørgen Møller Christiansen, seniorforsker, Center for Maritim Sundhed og Samfund, Syddansk Universitet, Danmark.

11.30 Helse og arbeidsmiljø i fiskeflåten - Seniorforsker Ingunn M. Holmen, SINTEF Fiskeri og havbruk, Norge. 12.00 Døgurði á staðnum - ókeypis

13.00 Trygdar venjingar – ger tað nakran mun í lívinum hjá einum sjómanni? Hilmar Snorrason, skipari og skúlastjóri á Maritime Safety and Survival Training Centre ICE-SAR, Ísland.

13.30 Frágreiðing frá Grími Hammer, ið er blivin avlamin vegna arbeiðsskaða, sum kundi verið umgingin, um trygdin og arbeiðsumstøðurnar vóru betur.

14.00 Kaffi støðgur

14.15 Høgni Hoydal, Minestry of Fisheries

15.45 Annbjørg á Høvdanum endar dagin.

19.00 Pallborðsfundur við yvirskriftini “Trygdar- og heilsu politikkur fyri føroyskar sjómenn anno 2016”. - Í panelinum sita Anfinnur Garðalíð vegna manningarfeløgini, eitt umboð fyri reiðarafeløgini, Pál Weihe, yvirlækni á Deildini fyri Arbeiðs – og Almannaheilsu, Høgni hoydal landsstýrismaður í fiskivinnumálum, og Ragnar Ludvig leiðari á Sjónám.

Eisini verða borð við upplýsandi tilfari frá luttakandi londunum og ein sølubásur við persónligari trygdarútgerð.

HÓSDAGIN 18. AUGUST

Kl. 19.00

Politisk hólmgonga millum Høgna Hoydal og Jacob Vestergaard um fiskivinnupolitikkin í dag og í framtíðini. Jón Brian Hvidtfeldt er vertur.

Teir kjakast um fiskivinnupolitikkin í dag og fráboðaðu nýskipanina. Eisini viga teir royndaruppboðssøluna í summar.

Hólmgongan verður í Skúlanum á Skúlatrøð.


FRÍGGJADAGIN 19. AUGUST

18.00

Fiskikapping á Kósabrúnni
Stór fiskikapping á Kósabrúnni fyri bæði gentur og dreingir.

Børnini skulu sjálvi hava tráðu við. Agn verður útflýggja á bryggjuni.

Silvi vitjar og børn og vaksin fáa kakao, sunnkist og góðgæti.

Vinnararnir av sjálvari fiskikappingini verða heiðraðir á stórapalli á Sjómannadegnum leygardagin 20. august.

19.00

Stórt Vatnkríggj millum bátar og skip
Skip og bátar leggja at Kósabryggjuni og taka fólk umborð og síðani verður kríggjast millum bátarnar á Vánni. Sløkkilið og bjargingarfeløg úr øllum landinum luttaka í vatnkrígginum.

ØLL SKULLU VERÐA Í BJARGINGARVESTI.

Kaptain Gardar Vatnkríggj
Á vestursíðuni frammanfyri Northern Fish Cold Storage, skipar Kaptain Gardar fyri vatnkríggið fyri smærri børn og tey sum ikki ynskja at verða umborð á bátunum.

Kaptain Gardar og aðrir sjórænarar krógva seg inni í eini stórari borg á bryggjuni og verja seg móti børnum við eini stórari vatn kanón.

Tilmelding til fiskikapping og vatnkríggj, er í deildunum hjá Norðoya Sparikassa kring um í landinum. Seinasta freist at melda til er fríggjadagin 19. august kl. 15:00.

Tey sum tekna seg í høvuðsdeildini hjá Norðoya Sparikassa í Klaksvík, fáa eina vatn-sproytu (avmarkað nøgd)

Øll - bæði børn og vaksin, sum luttaka í vatnkrígnum, kunnu roknað við at gerast dýggj vát og tí er umráðandi, at hava heit klæði við.

22.00

Bólkar frá Dávavirkinum hava
Konsert í Klaksvíksgarðinum
DJ Jóan Magnus Magnusson

Quarter to Three

Jens Marni Band

Vinir

LEYGARDAGIN 20. AUGUST
09.00

Føroysku træseglskipini og timbur motor- og útróðrarbátar hittast á Pollinum og seta segl. Stóru útróðrarbátarnir og onnur før sigla aftaná.

Seglskipini koma á Klaksvík og leggja at bryggju innast í krókinum við langu-kaj. Jóhanna TG 326, Westward Ho, Dragin.

Útróðrarbátar úr Svínoy

Í kjalarvørrunum av sluppunum, koma gomlu útróðrarbátarnir úr Svínoy rógvandi. Teir verða drignir upp á kajuna og standa til framsýning niðan fyri gomlu smiðjuna ”Ídni”.

11.00 – 17.00

UMBORÐ Á JÓHANNU verða tveir róðursmenn við stýrisvølin, sum eru ílatnir gomul sjóklæðir, hesir greiða frá, hvussu róðursmaðurin stýrir við stýrisvølinum eftir kumpass, greiðir frá um veður og vind, seglføring, - vísir fram gamlan fiskireiðskap sum ongul, stein, fiskisnøri við teini, blýggj lodd, súlu, vaðbein í lúnning, lippukassan o.a. Fólk kunnu eisini sleppa at kasta snøri.
UMBORÐ Á WESTWARD HO verða tveir mans ílatnir føroyska húgvu, skipstroyggju, stivlar/tuflur og vøttir - hjálpa fólki at hála t.d. fokkuna ella mesanin - upp og niður, leggja undir lippuna, halda tørn og seta fast á kuffilnaglan. Síðani at gera fallið upp.
UMBORÐ Á SKÚLASKIPINUM DRAGIN verður Kahúttin rigga um til skúlastovu við øllum tólum og undirvísingartilfari, sum næmingarnir vanliga nýta. Greitt verður frá, hvussu vit ígjøgnum árið nýta skúlaskipið til undirvísing. Eisini ber til at heysa okkurt segl upp og niður.
10.30

Merkið vundið á stong

Manningin sum hevur longstu leið til Føroya Sjómannadag, gongur í tigandi skrúðgongu við Merkinum millum sín. Tjóðsangurin sungin og Merkið vundið á stong.

Eftir tjóðsangin bjóðar Føroya Sjómannadagur til

Stórt kaffiborðið.

10.45

Jógvan Skorheim, borgarstjóri, bjóðar vælkomin.

Høgni Hoydal, landsstýrismaður í fiskivinnumálum, setur Føroya Sjómannadag og handar bestu skipum og bátum í Føroyum, heiðursmerki.

11.00 – 18.00

Listaframsýningar.

Lydia Petersen, Magna Auðunsson, Maria Mørkøre og Hanus Lind Sørensen sýna fram málningar í Spaniastovu.

Edward Fuglø hevur opið atelier í gomlu Sýslumannshúsunum.

11.00 - 17.00

Framsýning av gomlum motorum hjá Norðoya Motorsavnið.

Framsýning av gomlum Bensinmotorum og gomlum páhangarum frá 1932 og fram til 50ini

Vardi verkstaðurin á Brekku og virkis- og tilhaldsstaðið Gloym meg ei, sýna fram í kjallaranum hjá Berglon.

11.00-18.00

Norðoya Fornminnasavn opið

11.00 – 19:00

Rógving fyri børn og ung á flakum í grunnum hyli á bryggjuni.


12.30 – 16.00

FØROYA ÁTILIGASTA FISKABORÐ
JFK bjóðar Fish & Chips: Fiskurin er fyrstaflokksvøra frá GADUS, og Chips verður framleitt úr nýggjum eplum úr Skotlandi, sum eru serliga væl egnaði til endamálið.

Kokkarnir, Gavin og Craeg, frá matstovuni, Papas Barn í London, sum seinastu árini hava verið støðugt millum topp 10 av bestu Fish&Chips kokkunum í Stórabretlandi, standa fyri matgerðini.

Grillaður laksur frá Bakkafrost

Grillaðir grindabúffar

Fiskasúpan

Tari – Grønmeti úr sjónum

Á sjómannadegnum hevur tú møguleika fyri at sansa smakkin av tara og læra, hvussu lættliga tú kanst brúka grønmeti í sjónum í matgerðini.

Húsarhaldsskúli Føroya saman við TARI við Agnes Mortensen bjóða spennandi smakkiroyndir við tara.

ALT ÓKEYPIS.


13.00 – 17.00

Opið skip umborð á Brimli. Manningin bjóðar heitar vaflur og Kakao.

13:00 – 17.00

Kaptain Gardar & Stampi skipa fyri SKEIÐI FYRI LÍTLAR SJÓRÆNARAR .

Børn undir og í skúlaaldri kunnu royna sýni kynstur sum Sjórænarar.

Øll, sum klára royndirnar, fáa eitt diplom frá Kaptain Gardar & Stampi.

13.00 – 17:00

Føroyameistarakapping – Kassastabling

Norðoya MC skipar fyri

13.00 - 17.00.

Opið hús á Looknorth.

Til ber at síggja hvussu framleitt verður EPS (flamingo) og hart plast.

Víst verður runt á virkinum og Looknorth bjóðar kaffi og vaflur.

13.00 - 17.00

Ókeypis kramarísar.

Føroya Sjómannadagur bjóðar ókeypis kramarísar til børn og vaksin.

13.00 – 17.00

Norðoya bjargingarfelag hevur opið skip umborð á bjargingarbátinum Ziska

13.00 – 17.00

Blái króssur deilir ókeypis ballónir út til børn.

13.00 – 17.00

Tryggingarfelagið Føroyar, Fólkaheilsuráðið og Klaksvíkar Sjúkrahús skipa fyri heilsuátakið, har tað millum annað verður møguleiki hjá fólki at fáa máta feittprosent, BMI, blóðtrýst og lungnaorku, inni í stóra tjaldinum.

13.00 – 17.00

Kendi havrógvarin, Liver Nysted, flótar Royndina Fríðu, hjá Nólsoyar Páll, og siglur á Vánni við børnum.

13.00-17.00

Action á sjónum:
Uppliving fyri lívið – bæði fyri børn og vaksin -Túrar við speedbátum, sum ganga 70 míl. …. ÓKEYPIS!!!

13.00 – 17.00

Silvi skipar fyri fiskidammi í stóra tjaldinum.

13.15

Skera upp grind
Grindamanna Felagið vísir hvussu hvalir verða skornir upp.

Frásøgumaður greiður frá baði á føroyskum og enskum.

13.15

Føroyameistarakapping - køkukapping

Kakurnar kunnu latast inn í stóra tjaldinum ímillum kl. 12 og kl. 13.15.

Kakukappingin byrjar við at tríggir bakarar í Klaksvík døma kakurnar og geva stig sum telja ávikavist 30, 20 og 10 atkvøður.

Nr. 1, 2 og 3 fáa medalju umframt ein flottan vinning.

13.30

Bjargingarroynd við Tyrluni hjá Atlantic Airways og Norðoya Bjargingarfelag.

Samstundis hevur Klaksvíkar Sløkkilið venjing.

Kl. 14:00 til 18:00

Listaframsýningin við Eyðun av Reyni er opin í Gamla Seglhúsinum

14.00 – 19.00

Silja-Star siglir frá Langu-kaj til Kópakonuna í Mikladali við ferðaleiðara.

Túrurin tekur uml. 50 min. frá tí farið verður úr Klaksvík til lagt verður at bryggju aftur í Klaksvík.

Siglt verður frá Langu-kaj kl. 14:00, kl. 15:00, kl. 17.00 og kl. 19:00!

14.00

Klaksvíkar Dansifelag

skipar fyri føroyskum dansi á bryggjuni.

14.30

Norðoya Sparikassi skipar fyri Familjukonsert

við Rakul Ró frá bólkinum ”Kular Røtur” og Mariu á Lakjuni. Eisini vitjar Silvi.

15.00

Skipalista-Quizzin – spurnarkapping

15.25

Svimjikapping á Vánni
Svimjifelagið ÆGIR skipar fyri svimjikapping tvørtur um Vánna. Tilmelding hjá ÆGIR.

Kappast verður í bólkum: Menn, Kvinnur (25 ár og eldri), Dreingir og Gentur (undir 25 ár)

15.45

Føroyameistarakapping – Trolbøting

16.30

Togtogan millum skipsmanningar

Tilmelding á pallinum, 8 persónar pr. lið.

17:00

Føroyameistarakapping – Vinda hespur upp í noða. Kappingin er fyri pør

17:30

Føroyameistarakapping – Halda dregg

17.45

Mr. Country
Jens Lisberg, Georg eystan Á og Sámal Lindenskov, syngja og spæla sjómannsvísir
18.15

Føroyameistarakapping – Sjómannstak

18.45

Føroyameistarakapping - Agnskering

19.00

Føroyameistarakapping í Egning

Eftir egnikappingina skipar Hans Hjalti Skaale fyri felagssangi við sjómansvísum í stóra tjaldinum


22.00 – 02.00

ALMENNUR DANSUR Í STÓRA TJALDINUM Á BRYGGJUNI


SUNNUDAGIN 21. AUGUST:
11.00

Sjómansguðstænasta í Christianskirkjuni.

Marjun Lómaklett, prestur prædikar.

14:00 til 18:00

Listaframsýningin við Eyðun av Reyni er opin í Gamla Seglhúsinum.

Kelda: www.sjomannadagur.fo

SáH

Comments

51 deyð av luftálopið í Aleppo

13/8/2016

Comments

 
Billede
Minst 51 sivil, har ímillum 4 børn, eru dripin av luftálopum, sum framd vóru í Aleppo ígjár, veit SOHR (Syrian Observatory for Human Rights) at siga frá.

JáH (y) 14.08.2016
Kelda: NTB​

Comments
<<Previous
    Picture
    Billede
    Billede
    Billede

    Greinar

    May 2025
    April 2025
    February 2025
    January 2025
    December 2024
    November 2024
    October 2024
    September 2024
    August 2024
    July 2024
    June 2024
    May 2024
    April 2024
    March 2024
    February 2024
    January 2024
    December 2023
    November 2023
    September 2023
    August 2023
    July 2023
    June 2023
    May 2023
    March 2023
    February 2023
    January 2023
    December 2022
    November 2022
    October 2022
    September 2022
    August 2022
    July 2022
    June 2022
    May 2022
    April 2022
    March 2022
    February 2022
    January 2022
    December 2021
    November 2021
    October 2021
    September 2021
    August 2021
    July 2021
    June 2021
    May 2021
    April 2021
    March 2021
    February 2021
    January 2021
    December 2020
    November 2020
    October 2020
    September 2020
    August 2020
    July 2020
    June 2020
    May 2020
    April 2020
    March 2020
    February 2020
    January 2020
    December 2019
    November 2019
    October 2019
    September 2019
    August 2019
    July 2019
    June 2019
    May 2019
    April 2019
    March 2019
    February 2019
    January 2019
    December 2018
    November 2018
    October 2018
    September 2018
    August 2018
    July 2018
    June 2018
    May 2018
    April 2018
    March 2018
    February 2018
    January 2018
    December 2017
    November 2017
    October 2017
    September 2017
    August 2017
    July 2017
    June 2017
    May 2017
    April 2017
    March 2017
    February 2017
    January 2017
    December 2016
    November 2016
    October 2016
    September 2016
    August 2016
    July 2016
    June 2016
    May 2016
    April 2016
    March 2016
    February 2016
    January 2016
    December 2015
    November 2015
    October 2015
    September 2015
    August 2015
    July 2015
    June 2015
    May 2015
    April 2015
    March 2015
    February 2015
    January 2015
    December 2014
    November 2014
    October 2014
    September 2014
    August 2014
    July 2014
    June 2014
    May 2014
    April 2014
    March 2014
    February 2014
    January 2014
    December 2013
    November 2013
    October 2013
    September 2013
    August 2013
    July 2013
    June 2013
    May 2013

    RSS Feed

Powered by Create your own unique website with customizable templates.