Blái Krossur leggur seg ikki einans eftir at hjálpa teimum við beinleiðis trupulleikum av rúsdrekka. Væl vitandi um at rústrupulleikar hava eina ávirkan á meira enn bert persónin, ið drekkur, ynskir Blái Krossur eisini at bjóða hjálp til avvarandi, ið líða av rústrupulleikunum hjá einum av sínum nærmastu.

Les meira HER

JáH (y) 01.02.2015
Kelda: Blái Krossur

Stendur tað upp til tann vanliga borgaran - so skal seyðurin ikki sleppa at ganga á vegnum.

Vit spurdu tykkum fyrr í vikuni - um seyðurin skal sleppa at ganga á vegnum og har hava tey allerflestu svara nei. Onkur einkultir hevur svara ja.

Les eisini Hált at koyra & seyður á vegnum !!!

Tað kann eisini vera sera farligt at koyra til Havnar til tíðir - tí áðrenn ein veit av, so rennur seyðurin tvørturum vegin og oftað kann man vera ógvuliga nær við at renna á seyðin.

Hví seyðurin ikki við lóg verður hegnaður inni er kanska ein spurningur, sum vit oftað hava sett - her á Norðoya Portali. Men eitt er heilt víst og tað er, at skaðin kann jú vera deyðiligur, tá ein rennur á ein seyð við bili - deyðiligur fyri seyðin og bilførara, so hetta er ikki til stuttleikar, at vit gera slíkar greinar á Norðoya Portali.

JáH (y) 01.02.2015

Árliga verður tað dripið áleið 150.000 kópar í Grønlandi og sjálvt um tað hevði verið dripið tríggjar ferðir so nógv - so hevði tað stadivekk ikki verið farligt fyri kópastovnin.

Og Gørnland hevur eisini mist nógvan pening, síðan EU setti forboð í 2009 - at Grønland slapp at selja skinnini víðari í útlondum. Rokna verður við, at Inuit Sila hevur mist 350 milliónir í eksportpeningi - og tá skal so eisini havast í huga, at Grønland hevði í 2014 eitt undirskot uppá 275 milliónir krónir.

Syrgiligt má staðfestast, at ein grønlendsk traditión er í ferð við at detta burtur - grundað av óvitandi fólkum í EU - sum kanska heldur ikki seta sær stundir til at skilja tann grønlenska veiðumannin.

Tað skal eisini viðmerkjast at alt á einum kópi verður brúkt í Grønlandi og er sostatt ein týðandi partur av teirra mentan. Tað sum kann etast - verur etið og tað sum ikki kann etast - verður brúkt til klæðir.

JáH (y) 31.01.2015

Sambært Olivur Askham, so koyra býbussarnir ímorgun. Her ein mynd, tá ið tað var rokaligt á Helnabrekkur.

SáH

 Tað er hált og krapið í støðum um alt landið, og í erva er jarðrok í ælunum og vánalig koyrilíkindir eru á Vestmannavegnum.

 Boðað verður frá nógvum vindi:
Syðradalur - 06:07 Skrið, Í hvirlunum upp til 35.5 m/s. 
Gjáarskarð - 06:07 Stormur, Í hvirlunum upp til 36.0 m/s. 
Kambsdalur - 06:08 Hvassur vindur, Í hvirlunum upp til 27.8 m/s. 
Heltnin, Oyndarfjarðarvegurin - 06:07 Stormur, Í hvirlunum upp til 34.0 m/s. 
Norðskálatunnilin, Eystanfyri - 06:07 Skrið, Í hvirlunum upp til 32.7 m/s. 
Norðuri í Sundum, Kollafjørður - 06:07 Skrið, Í hvirlunum upp til 29.5 m/s. 
Sandavágshálsur - 06:07 Skrið, Í hvirlunum upp til 25.4 m/s. 
Mykines - 06:03 Stormur, Í hvirlunum upp til 33.1 m/s. 
Oyggjarvegur við Norðadalsskarð - 06:07 Skrið, Í hvirlunum upp til 31.0 m/s. 
við Velbstaðháls - 06:07 Skrið, Í hvirlunum upp til 28.1 m/s. 
Porkerishálsur - 06:07 Skrið, Í hvirlunum upp til 27.0 m/s. 

Hálku fráboðan:
Oyggjarvegur við Norðadalsskarð - 06:07: Boðað verður frá hálku.
við Velbstaðháls - 06:07: Boðað verður frá hálku.
Viðareiðisvegurin, á Leiti - 06:08: Roknast kann við hálku. 
Klaksvík, Gerðabøur - 06:08: Roknast kann við hálku. 
Gjáarskarð - 06:07: Roknast kann við hálku. 
Kambsdalur - 06:08: Roknast kann við hálku .
Gøtueiði - 06:07: Roknast kann við hálku .
Heltnin, Oyndarfjarðarvegurin - 06:07: Roknast kann við hálku. 
Runavík - 06:08: Roknast kann við hálku. 
Norðskálatunnilin, Eystanfyri - 06:07: Roknast kann við hálku .
Høgareyn - 06:08: Roknast kann við hálku. 
Sandavágshálsur - 06:07: Roknast kann við hálku .
Vatnsoyrar - 06:07: Roknast kann við hálku. 
Kaldbaksbotnur - 06:07: Roknast kann við hálku. 
Sund - 06:08: Roknast kann við hálku. 
Sandoy, á Brekkuni Stóru - 06:08: Roknast kann við hálku. 
Ørðaskarð, Fámjinsvegurin, - 05:37: Roknast kann við hálku. 
Porkerishálsur - 06:07: Roknast kann við hálku. 

Fá meira at vita um veðrið við at trýsta her

JáH (y) 30.01.2015
Kelda: Landsverk

Fólk vitja Býarbókasavnið sum ongantíð áður. Talið á vitjandi setir enn einaferð met, og fólk læna alsamt meira tilfar. 
  Árið 2014 hilnaðist væl. Býarbókasavnið í Havn er í dag sera væl vitjað. Í 2014 vóru 119.000 skrásettar vitjanir á Býarbókasavninum ella útvið 400 vitjanir um dagin, og eru tað 4.000 fleiri enn í 2013.

Les meira HER

JáH (y) 30.01.2015
Kelda: Tórshavnar Kommuna

Sjálvt um standurin í Sýria er sera vánaligur - har mammur & børn onganstaðnis hava, at búgva - so vilja vit Føroyingar ikki taka ímóti flóttum haðani.

Heili 80 % av teim spurdu søgdu NEI - ímeðan 20 % av søgdu ja. So ífylgi teim spurdu - so vilja vit also ikki taka ímóti flóttum og muga tey sostatt sigla sín egna sjógv.

JáH (y) 29.01.2015

Í dag eru sjeyti ár síðan, at russiskir hermenn bjargaðu fleiri 1000 fangum úr týningarleguni Auschwitz-Birkenau í Póllandi. Í fleiri londum verður dagurin brúktur til at minnast Holocaust, tá ið seks milliónir jødar vórðu týndir, meðan onnur lond hava víðkað dagin til eisini at fevna um onnur fólkadráp.

-Fólkadrápið undir seinna heimsbardaga verður ongantíð gloymt. Holocaust er ein tann mest ræðandi og ótespiliga brotsgerðin framd í søguni. Hetta var ein sorgarleikur, ið vit ongantíð mugu gloyma, so komandi ættarlið kunnu læra av søguni. Tíverri síggja vit framvegis, at ótespilig fólkadráp verða framd. Vit mugugjøgnum upplýsing ávara móti hugburði og atburði, sum kunnu føra til fólkadráp,sigur Kaj Leo Holm Johannesen, løgmaður.

1. november 2005 samtykti ST einmælt, við støði í Mannarættindasáttmálanum og Fólkadrápssáttmálanum frá 1948, at 27. januar skuldi vera altjóða minningardagur um Holocaust og øll onnur fólkadráp, frammanundan og síðan. Í Føroyum verður vanliga skipað fyri minningarhaldi hendan dagin.

Kelda: Løgmansskrivstovan 27.01.2015

Klaksvíkar Kommuna er ikki so galin kortini. Í dag er HJ Asfalt í holt við at koyra enn eina bungu burtur.

Sig so ikki tað, at tað hjálpir at siga sína meining. Nú havi eg fingið tríggjar bungur burtur í Klaksvík, tvær á Bøgøtu og ídag verður ein koyrd burtur á Jørundsgøtu.

Mátti hjálpa eitt sindur til.

Tað verður ein himmals lætti, at vitja mammu og pápa, nú hendan bungan verður burtur. 

Klaksvíkar Kommuna skuldi, nú teir eru íholt við bungur, minka bunguna, har spæliplássið er á Jørundsgøtu, hon er verðins hægsta bunga og kundi gott lækkast í helvt.

Tað endar við, at man fær sær ein Porche aftur, tí nú nærkast, at man kann koyra við honum í Klaksvík :)

Takk fyri Klaksvikar Kommuna, gott tit lurtað eftir mær onkuntíð.

SáH

Stemmingin er liðug og nógv tey flestu, sum hava stemma - vilja hava Aksel V. Johannesen sum Løgmann enn Kaj Leo Holm Johannesen.

So til komandi Løgtingsval kann roknast við, at ein stór broyting fer at vera - nú leiðarin fer at vera Javnaðarmaðurin Aksel V. Johannesen, sum hevur meldað út - at hann ikki hevur í tonkunum, at gera nakað samstarv við Fólkaflokkin.

Og tað merkir so eisini, at eitt komandi samstarv kundi verið ímillum Javnaðaraflokkin, Sambandsflokkin og enntá Tjóðveldisflokkin - men har vil Kaj Leo Holm Johannesen ikki ordiliga hava samstarv (also við Tjóðveldisflokkinum). So hvør flokkur fer at samstarva - so at Javnaðarflokkurin fær sín Løgmann ?!?

Vit gleða okkum longu nú til komandi Val - og eitt er so heilt víst og tað er, at broytingar eru fyri framman og allar broytingar eru kærkomnar. Vit á Norðoya Portali ynskja Aksel V. Johannesen hjartaliga tillukku við sigrinum yvir Kaj Leo Holm Johannesen.

JáH (y) 27.01.2015