Ruth Vang bleiv ikki átala av Løgtingsformanninum, tá ið hon í hennara talu, samanbar uppskotið hjá Fólkakflokkinum, um uppskot til broyting í løgtingslóð um meirvirðisgjald og løgtingslóg um áseting av skatti (Heimavirki) við Ayatollah Khomeini í Iran.

Ruth Vang samanber Fólkaflokkin við prestastýrið og Ayatollah Khomeini og tað skuldi hon ikki havt sagt og hon hevði stórar trupuleikar at tosað seg úr støðuni aftur. Hví hon kom við Ayatollah Khomeini í hennara røðu, má hon bøta sjálv fyri, men tað var total langt úti.

Ruth Vang segði eisini at heimavirkið var ein hóttan ímóti allari vinnuni í Føroyum og tískil var hon ímóti uppskotinum.

SáH

​Eg veit ikki hvat eg skal siga, men hetta er heilt fantastiskt, segði leiðarin á barnaheiminum í Uummannaq Ann Andreasen, tá ið hon fekk handa P2 heiðurin fyri “Årets ildsjæl” í gjárskvøldið í Tónleikarahúsinum í Aalborg.

Ann Andreasen vann P2 heiðurin sum “Årsets ildsjæl” fyri sítt stóra arbeiði innan traumatiskarum børnum í barnaheiminum í Uummannaq í Grønlandi, har hon til dagligt arbeiðir.

Tað var ein rørd Ann Andreasen, sum fekk handa heiðurin og hon takkaði øllum, sum hava hjálpt til á barnaheiminum og hon mundi ikki blivin liðug at takka so glað var hon fyri heiðurin, sum hon og børnini á barnaheiminum høvdu fingið og endaði hon taluna við at takka áhoyrarnum, uttan tykkum, so var tað ongin tónleikur.

Vit á News.fo og Norðoya Portalinum ynskja Ann Andreasen stórt tillukku og tað gerð heldur einki, at vit siga, at tú ert Klaksvíkskvinna, dóttir til Karl og Mariu Andreasen.

Her kunnu tit síggja handaðina, klikk her, “Rørt prisvinder: Jeg ved ikke, hvad jeg skal sige”.

SáH

Tað sær út fyri okkum, sum standa uttanfyri Klaksvíkar Kommunu, at har als einki skil er á okkara kommunu í løtuni og har flýtur alt runt í býnum, nevnast kunnu Rennibreytin, Skúlatrøð, Vøllurin, Parkeringsøkið niðanfyri vøllin, Garðavegurin, Vegurin við Oman Reyðhús og Traðarók, Spæliplássið á Jørundsgøtu, Bollafrabrikkin, Ídni, Biskupstorgi, Sjóvarhitin, vegirnir runt býnum, kavaruddingin, inni spælihøllin, útbyggingin á Fossum osv. osv… Ein kann spyrja, hvør hevur ábyrgdina av Klaksvíkar Kommunu nú og hvør skal betala fyri alt hetta óskili, tí hetta fer at kosta okkum borgarnum nógvar milliónir í meirkostnað, tá ið øll arbeiðið í býnum vera útsett í mánaðarvís ella rættari sagt í áravís.

Enn einaferð varð Biskupstorgi umrødd í Dag & Viku og reint út sagt, har er slett onki skil á, tann verkætlanin verður útsett mánað eftir mánað og Jógvan Skorheim  borgmeistari sleppur at siga akkurát tað hann hevur hug til við Dag & Viku og tað sær út sum at hann hevur mist tamarhald á støðuni. Taparnir í hesum spælinum, eru tey sum bíða at sleppa at leiga hesar íbúður og tey fáa ongar upplýsingar frá Klaksvíkar Kommunu.

Tit kunnu sjálv gera tykkara meting um okkara borgmeistara og hansara leiklut viðvíkjandi Biskupstorgi, her innleggið frá Dag & Viku í gjár, klikk her, “Biskupstorg dregur út”.

Her nakrar greinar um Biskupstorgi:

Dimma skrivar 29.08.2018: Enn ivasamt hvussu Biskupstog skal fíggjast

News skrivar 21.07.2018 Spurningar viðvíkandi Biskopstorg?

Norðlýsið skrivar tann 05.02.2019 Kommunala fíggjareftirlitið “spyr inn til” mál hjá Klaksvíkar Kommunu

Norðlýsið skrivar tann 12.11.2018 Sjálvsognarstovnur hjá Klaksvíkar Kommunu yvirtekur handilshølini í miðbýnum fyri 25 mió. kr

Her reglugerðin fyri Biskupstorgi, klikk her, “Reglugerð fyri Miðbýarfelagið Biskupstorg”

Har ruggar ikki alt rætt í Klaksvíkar Kommunu, tað havi eg sagt í langa tíð.

SáH

​TUNNILSVERKÆTLAN: Landsverk skipaði fyrr í kvøld fyri borgarafundi í Sólaris í Húsavík, har kunnað varð um komandi tunnilsverkætlanina til Dals. Hóast veðrið ikki var av tí besta i dag, var kortini væl møtt, so ikki kann sigast annað enn, at verkætlanin hevur stóran áhuga millum fólk.

Nógv hevur verið kjakast aftur og fram um smærru tunlarnar, ið eftir ætlan skulu gerast kring landið næstu árini. Hvør skal gerast fyrst, næst, hvør skal ikki gerast, og hvør skal byggja teir? Í nýggjastu Samferðsluætlanini  fyri Føroyar 2018-2030 eru greið faklig tilmæli frá Landsverki um, hvørjar størri íløgur skulu gerast næstu árini, og í hvørjari raðfylgju hesar eiga at verða gjørdar. Ein av teimum verkætlanum, sum er raðfest heilt frammaliga, er nýggja farleiðin til Dals.

Verkætlanin at gera tunnil til Dals hevur verið ávegis leingi. Vegurin til Dals er smalur, og liggur longsta teinin á eini hill, har steyrrætt er í havið øðrumegin og høgt upp fyri hinumegin. Trupulleikar eru av, at tað rýður undan vegnum, og at grót kemur oman á vegin úr erva.

Tá raðfestast skal vegatøkniliga og av trygdarávum, hevur Dalstunnilin tí fingið eina hægri raðfesting enn aðar tunnilsverkætlanir av hesum slagi. Ætlanin er, at tunnilstoymið hjá Landsverki skal gera tunnilin.

Á borgarafundinum í Húsavík í kvøld kunnaði verkætlanarleiðarin hjá Landsverki, Fríðrik Heinesen, um tunnilsverkætlanina, hvat ætlanin er at gera, hvørjar avbjóðingar kunnu vera og eisini nakað um, hvussu arbeiðið á staðnum fer at ávirka í økinum.

Talan er um ein 2.200 metra langan og 8 metur breiðan tunnil, og afturat tunlinum skulu eisini gerast 200 metrar av vegi húsavíkarmegin og 100 metrar av vegi dalsmegin. Síðan skulu umleið 3.000 metrar av vegi afturat breiðkast. Tá øll loyvir eru komin upp á pláss, verður byrjað at gera ein arbeiðsveg í Húsavík og at fyrireika lendið inni við tunnilsmunnan. Arbeiðið at gera tunnilin fer at taka um fýra ár, treytað av at nøktandi játtan fæst til endamálið.

Um Landsverk stendur fyri arbeiðinum, verður mett, at Dalstunnilin við tilhoyrandi vegum fer at kosta millum 75-85 mió. krónur. 11 fólk eru knýtt at tunnilsliðnum hjá Landsverki.

Framløgan, sum Fríðrik Heinesen, helt á borgarafundinum, kann takast niður her

Útvaldar tekningar kunnu takast niður her

Um nakar ynskir at vita meira um hetta evnið, kann viðkomandi seta seg í sambandi við Armgarð Steinhólm, leiðara á Deildini fyri Infrakervi, t-post: [email protected], tlf. 290 891.

Kelda: LV

ÚTBJÓÐING: Seinnapartin í dag var lisitatión á Landsverki í sambandi við gerð av nýggjum Hvalbiartunli. Trý feløg vóru undangóðkend at bjóða, og lægsta tilboðið eigur Articon & LNS, sum vilja gera nýggju farleiðina millum Hvalba og Trongisvág fyri stívar 236 mió. krónur.

​Í september í fjør bjóðaði Landsverk arbeiðstakarum at søkja um undangóðkenning til at byggja nýggjan Hvalbiartunnil. Trý feløg vórðu undangóðkend, sum eru J&K Petersen, Articon og NCC.

Klokkan 13 í dag var lisitatión á Landsverki, og inn komu tvey tilboð frá tveimum av undangóðkendu arbeiðstakarunum.

Lægra boðið eiga Articon, sum vilja gera arbeiðið fyri stívar 236 milliónur krónur. Hægra tilboðið eigur J&K Petersen, ið bjóðar seg fram at gera verkætlanina fyri slakar 318 milliónur krónur.

Nýggi tunnilin verður gjørdur frá Gjánhamri í Trongisvági til Niðastabotn í Hvalba, og landsvegir verða gjørdir frá tunnilsmunnanum trongisvágsmegin til verandi landsveg í Trongisvági og frá tunnilsmunnanum hvalbiarmegin til Nesveg, tætt við brúnna um Kjógvavatn.

Landsverk sum byggiharri og LBF sum ráðgevi fara nú undir at kanna tilboðini, og síðani taka støðu til tey. Kostnaðarmetingin av arbeiðstakaraútreiðslunum er 242 mió. krónur.  

Fakta um nýggjan Hvalbiartunnil
Tunnilslongdin verður 2,5 kilometrar, tilkoyringarvegurin trongisvágsmegin 1,4 kilometrar, og hvalbiarmegin 2,4 kilometrar. Samlaði kostnaðurin fyri er sambært verklagslógini 272 milliónir krónur. Umframt arbeiðstakaraútreiðslur fevnir samlaða játtanin eisini um prosjektering, prosjektleiðslu, ráðgeving, eftirlit, elarbeiðstøku og annað.

Fakta um verandi Hvalbiartunnil
Hvalbiartunnilin, sum var tikin í nýtslu í 1963, er elsti tunnil í Føroyum. Nakrar dagføringar eru gjørdar, men tunnilin er lágur og einbreytaður. Bæði tunnil og vegur liggja høgt, eins og vegurin eru smalur og í brattara lagi. Tunnilin lýkur ikki dagsins krøv til trygd, dygd og ferðslu, eins og farleiðin er ein forðin fyri vinnumenning og útbyggingum í bygdunum norðan fyri tunnilin.

Niðanfyri eru myndir frá lisitatiónini á Landsverki í dag.

Kelda: lv.fo

​SáH

​Pison Hevur Rokast Norðan Fyri Føroyar Og Landar Nú Til Kósina

Klokkan 10 í morgun kom Pison aftur til Klaksvíkar og hava teir rokast norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 154.680 pund, tað mesta var toskur, sjá søluna herundir.

Pison fór túr leygardagin tann 26. januar og landa blívur júst nú til Kósina.

SáH

Danski ráðharrin vil fegin kunna seg um føroyskan eldrapolitikk

Í morgin, týsdag, kemur Thyra Frank at vitja Eyðgunn Samuelsen, landsstýriskvinnu í almannamálum. Thyra Frank, sum er danskur eldraráðharri, vil fegin kunna seg um, hvussu føroyski eldrapolitikkurin er skipaður.

Meðan Thyra Frank er í Føroyum, fer hon fyrst at vitja Kommunufelagið, har stjórin fer at greiða frá um eldraøkið í Føroyum. Hon fer eisini at vitja fleiri kommunur: Klaksvíkar Kommunu, Eysturkommunu, Tórshavnar Kommunu, Vága Kommunu og Sørvágs Kommunu. Allastaðni fær hon høvi at síggja stovnar eins og hon fær kunning um, hvussu tær ymisku kommunurnar skipa sín eldrapolitikk.

Vitjanin hjá Thyru Frank varir til hósdagin, 7. februar.

​SáH

Koyrdi ein túr kl. 06:00 í morgun og fór ein rundtúr í Klaksvík og tað er øgiliga hált og glerstoytt runt alla Klaksvíkingina.

Gravmaskinurnar hjá Klaksvíkar Kommunu eru úti og grava og eisini verður salta, men vegirnir eru sera hálir og tað sirmar eisini og tískil er illa koyrandi.

Eg fór niðan eftir Biskostøbrekkuna, komin næstan niðan á Garðavegin, so kláraði bilurin ikki longur og eg gleið spakuliga oman eftir alla brekkuna og endaði aftur á N.P.Gøtu og tíbetur vóru ongir bilar á vegnum, so einki hendi.

So ansa tykkum sera væl í ferðsluni í morgun. 

Tá ið so hált er í Klaksvík, so er eisini hált runt Føroya land, so bilførarar runt landi, ansi tykkum.

SáH

Stórt hátíðarhald var í gjárskvøldið á Spinnarínum í Klaksvík, har listaheiðurslønin Nólsoyar Páls 2019 bleiv handað og var tað Archibald Black listamaður, hondverkarin og bøndin, sum fekk heiðurslønina.

Listaheiðurslønin var upp á 75.000,00 kr. og er hon latin frá vinnulívinum í Klaksvík og Klaksvíkar Kommunu.

Nógv fólk vóru komin saman í Spinnarínum og var tað ordiligur hátíðardámur, har røður, live tónleikur og annað undirhald og alt riggaði avbera væl. Hølini vóru pyntaði og tað hetta ein serliga dám til stóra tiltakið. Eisini stroymaði KVF beinleiðis frá hátíðarhaldinum, so Føroya fólk kundi fylgja við.

Vit ynskja Archibald Black hjartaliga tillukku við listaheiðurslønini.

Her eitt filmsklipp frá Archibald Black um hansara lív, sum KVF hevði tikið upp tann 18-01-2018, klikk her, “Archibald Black”.

SáH