​Árni M. Dam í hevur verið fiskiskipari í mong ár og var við til at gera fiskivinnulógina í 1996 og var sum einasti royndir fiskimaður við í Nýskipanarbólkinum. Hann sigur millum annað, at tað er ein stór misskiljing tá tað verður sagt at stovnarnir verða betur røktir undir eini kvotaskipan. Har kvotur eru ásettar, verður í meðal fiskað munandi minni, enn áðrenn kvotur vórðu ásettar. Víðari sigur hann, at samanbera Barentshavið og føroysku grunnarnar er nærum tað sama, sum at samanbera landbúnaðin í fjallalandinum Sveis við landbúnaðin í landbúnaðarlandinum Póllandi. Eisini vísir hann á, at fiskidagaskipanin er ein etisk røtt skipan og kann saktans stýra fiskiskapinum líka væl ella betur enn kvotur, men ein fortreyt er, at hon má stillast rætt.

Les her brot úr tí sum Árni M. Dam skrivaði í Nýskipanaralitinum á síðu 245-246

Tað hevur ofta verið ført fram, at tað er nógv betur at stýra fiskiskapinum við kvotum. Víst verður til, at nøkur av okkara grannalondum hava megnað at hildið t.d. botnfiskastovnarnar nógv størri enn okkara við Føroyar. Eitt, ið hevur verið víst á sum sera góð umsiting, er t.d. toskastovnurin undir Íslandi. Her má vist talan vera um eina misskiljing, tí besta veiðan hjá íslendingum av toski, er sjáldan ella ongantíð komin upp á at tað sum eingilskmenn fiskaðu sum miðalár yvir longri tíðarskeið.

At samanbera skipini, ið fiska í Barentshavinum við tey, sum fiska undir Føroyum er heilt burturvið, tí at kvotan í Barentshavinum er keypt við, at vit gjalda við uppsjóvarfiski og fáa síðani rættindi at veiða botnfisk í Barentshavinum. At fara og gera samanbering av rakstrinum hjá skipum undir so ymiskum fortreytum gevur onga meining.

Veiðiøkini í Íslandi, Noregi, í Barentshavinum o.s.fr. eru heilt ymisk frá veiðiøkjunum undir Føroyum. Í Barentshavinum kanst tú toga í dagavís uttan at broyta kós, og hava nærum sama %-býti av fiskasløgunum í veiðuni.

Undir Føroyum er heilt øðrvísi. Skapið av botninum í Føroyska økinum ger, at tað er ein sera lítil partur, har tú fært tey fiskasløgini, sum hava ein skjótan vøkstur, so sum tosk, hýsu og upsa. Botnformur og samanseting broytist alla tíðina soleiðis at sera torført er at fiska beinleiðis eftir einum ávísum fiskaslagi t.d. toski ella hýsu. Eitt tog ella ein seta kann hava eitt ávíst %-býti av fiskasløgum og um toga ella sett verður aftur í slóðina, so kann %-býti verða heilt øðrvísi.

Verða kvotur nýttar at stýra fiskiskapinum við soleiðis, at eitt ávíst tonsatal skal fiskast av hvørjum fiskaslagi sær, so má fiskiskapurin støðga, tá ið kvotan er rokkin.

Hettar ger, at í blandingsfiskiskapi er sera stórur vandi fyri “High grading”, á Landgrunninum og á Føroyabanka. Bæði tá tosað er um at sortera smærri fisk frá og tá tey skjótu skiftini eru millum toskastovnin og hýsustovnin, sum er nærum ómøguliga at taka hædd fyri, í eini kvotaásetanini. Hetta vita allir, ið hava veitt undir Føroyum. Hetta var eisini tað, ið hendi undir royndini við kvotum í 1995.

Verður nýggj skipan gjørd við kvotum, har ongi veiðiloyvir eru, so er vandin upp aftur størri fyri “High grading”, tá einki kontroll er við veiðuorkuni.

Har sum kvotur eru ásettar hava loyvini minkað skjótt, og í takt við, at loyvini fækkast hevur insitamentið fyri at blaka fisk út aftur, tí hvørt loyvið hevur havt nokk av kvotu. Tó so kortini er tað sera sannlíkt, at stór útblaking er, tí har kvotur eru ásettar, verður í meðal fiskað munandi minni, enn áðrenn kvotur vórðu ásettar.

Hesin trupulleikin er ikki til staðar, um fiskidagar verða brúktir, og tá er ikki neyðugt við loyvum.

Fiskidagaskipanin er ein etisk røtt skipan og kann saktans stýra fiskiskapinum líka væl ella betur enn kvotur, men ein fortreyt er, at hon má stillast rætt.

Í samband við at í dag er tjóðardagur í Grønlandi flaggar Politistøðin í Klaksvík við Grønlendska, men hesaferð í hálvari stong.

Flagga verður í hálvari stong eftir sygilgu vanlukkuna seinasta vikuskiftið, har fýra fólk lótu lív og nógv hús blivu tikin út á sjógv av flóðalduni, har nógv eru blivin heimleys og sum rakti bygdina Nuugaatsiaq sera hart.

Landsstýrisformaðurin Kim Kielsen heitti á øll um at flagga í hálvari stong á tjóðdeginum, við at vísa samkenslu fyri tey sum lótu lív og er hetta orsøkin til at almennu bygningarnir í Føroyum flagga í hálvari stong í dag.

Vit øll í Klaksvík vísa samkenslu við tykkum í Grønlandi.

SáH

HJÁLP TIL GRØNLANDS: Løgmaður hevur í samráð við landsstýrismannin í uttanríkis- og vinnumálum, sum umsitur játtina, gjørt av at veita Grønlandi tvær milliónir krónur.

Føroya landsstýri fer at lata tvær milliónir krónur til Grønlands, har ógvuslig flóðalda hevur rakt um vikuskiftið. Løgmaður hevur í dag verið í sambandi við Kim Kielsen, landsstýrisformann, og boða honum frá um hjálpina úr Føroyum.

- Í telefonsamrøðu við grønlendska landsstýrisformannin bar eg fram vegna Føroya fólk okkara samhuga við grønlendska fólkinum í hesari sváru støðu. Eg boðaði Kim Kielsen frá, at vit alt fyri eitt eru til reiðar at hjálpa við tveimum milliónum krónum. Grønlendski landsstýrisformaðurin takkaði fyri. Tað er mín vón, at okkara íkast kann gera ein mun í Grønlandi, sigur Aksel V. Johannesen, løgmaður.

Løgmaður hevur í samráð við landsstýrismannin í uttanríkis- og vinnumálum, sum umsitur játtina, gjørt av at veita Grønlandi tvær milliónir krónur.

Kelda: www.lms.fo

​SáH

​Á samkomu fríggjakvøldið fekk Alzheimerfelagið vitjan av okkara góðu stuðlum, Jonhard Larsen og Pól Sundskarð og við sær høvdu teir eina stóra gávu til felagið, ein kekk á 182.000 kr, sum teir handaðu Maluni Mohr, forkvinnu.
​
20. mai runnu teir báðir alla leiðina úr Havn til Klaksvíkar fyri at stuðla Alzheimerfelagnum og fekk tiltakið sera góða undirtøku frá fólki, sum stuðlaðu sera væl og vit ynskja at siga so hjartaliga takk fyri stuðulin!

Kelda: Alzheimerfelagið

​SáH

Ikki so gali lutakast fyri KÍ. Vit skulu ein túr til Svøríki og spæla ímóti AIK. Hetta er ikki ein langur túrur og væntandi vera tað nógvir áskoðarar, sum fara tann túrin.

Dystirnir vera spælir 29. juni úti og 6. juli heima.

SáH

So er at vóna at tað almenna Føroyar gerð tað sama sum Inger Støjberg og noktar hesum monnum, at seta føturnar á Føroyska jørð, nú Islam so spakuliga kemur inn í okkara land. Hetta skrivar Inger Støjberg á sín Facebook vanga:

Disse to hadprædikanter er fra i dag nægtet adgang til Danmark:
Khalid Yasin
Muhammad Raza

Det vil sige, at hadprædikantlisten nu omfatter otte hadprædikanter, og der vil komme flere til hen ad vejen.

Vi skal ikke lægge jord til hadprædikanter, der forsøger at omstyrte vort land. Som det første land i verden, nægter vi offentligt navngivne hadprædikanter adgang, og det har jeg det rigtig godt med. De vil blive afvist og sendt ud igen, hvis de forsøger at indtrænge i Danmark.

Hattin av fyri Inger Støjberg.
​
SáH

Hetta er sera spennandi og ræðandi at hyggja eftir, tí har er ein maður í einum av niðaru hædd, sum ikki sleppur út og sløkkiliðsfólkini hava ikki fingið hann út enn.

​Eldurin byrjaði fyri góðum 5 tímum síðani.

Bygningurin er í 24 hæddum og onki er upplýst um nøkur fólk eru deyð enn, men væntandi verður deyðstali stórt, tí eldurin byrjaði í ein av niðaru hæddunum.

Right Side sendir live, klikk link her "Eldur háhús London"

SáH

Fyrstu pisurnar í ár vórðu Anita Petersen, sum hevur gingið á fyrireikingarbreytini og Sigrid Eysturdal Justesen, sum hevur gingið á náttúrubreytini.

Tað var ein ovurfegin Anita, sum fekk húgvuna á høvdið í morgun. 23. apríl gjørdist hon mamma, og hóast lítla dóttirin ikki er meiri enn 7 vikur hevði Anita sett sær fyri at gjøgnumføra próvtøkurnar. – Eg havi haft ein góðan mann hesar dagarnar, sigur hon flennandi og greiðir víðari frá, at nú fer hon heim at njóta familjulívið, summarið og barsilstíðina.

​Sigrid var somuleiðis glað og lættað. Hon fer nú at leggja alla sína orku í rógving, og á Ólavsøku fer hon at halda summarfrí. Síðani umhugsar hon at taka eitt sabbatár, har hon fyrst og fremst ætlar sær at arbeiða og møguliga fer hon eisini út at ferðast, greiðir hon frá.

Sigrid og Anita vóru uppi í lívfrøði, og tað var Jákup Eyðun Joensen, lærari, sum setti húgvurnar á høvdið og Jákup í Horni var sensor.

Vit ynskja teimum hjartaliga tillukku.

Kelda: Miðnám á Kambsdali

​SáH

Tjóðarhátíð Føroya er ein myndandi partur av samleika Føroya. Ólavsøkudag verður Løgtingið sett, og ein nýggj tingseta byrjar. Tingfólk, landsstýrisfólk og embætisfólk ganga saman við prestunum skrúðgongu úr Løgtingshúsinum oman í Havnar kirkju. Eftir gudstænastuna verður gingið niðan á Tinghúsvøllin, har kórsangur setur dám á løtuna. 

Skrúðgongan er ein rík siðvenja. Myndin er talandi. Tann politiska skipanin og Fólkakirkjan hava tað til felags, at vit byggja land, menna landið og skapa virðir og innihald í lívi fólksins. Talan er um tilvitað samstarv, har politiski myndugleikin og kirkjan vara av hvør síni uppgávu og virða rættin hvør hjá øðrum á givnum málsøki. 

Tað er tann elsti av teimum yngru prestunum í embæti í føroysku fólkakirkjuni, ið ikki hevur prædikað á ólavsøku, ið prædikar ólavsøkudag. Ikki færri enn 8 sóknarprestar standa í røðini at prædika á fyrsta sinni ólavsøkudag. Elstur av teimum við atliti at starvsaldri er Anne Mette Greve Klemensen . 

Anne Mette tók við kallinum sum sóknarprestur í Fuglafjarðar prestagjaldi í januar 2011. Hóast hon er av donskum uppruna, er hon væl kend við føroysk viðurskifti og tað føroyska málið. Hon er gift við nólsoyingum Leif Hansen, ið er ein av urguleikarunum í Vesturkirkjuni 

Vit ynskja Anne Mette gleði, eydnu og Harrans signing við prædikuni og gudstænastuni á tjóðardegi Føroya. Á ólavsøku hátíðarheldur kirkjan, at tíggju ár eru liðin síðan málsøkið Fólkakirkjan varð yvirtikið.

Kelda: Fólkakirkja

SáH