Hendan myndin er tikin júst nú og vónandi vendir vindurin ikki meira til Froðba, tí so vera tey eisini noydd at fara til Miðnámsskúlan í Hovi ella til Hvalba. Vit vóna tað besta og ansi væl eftir tykkum har suðuri.

​SáH

Stórur eldur er júst nú í Varðanum Pelagic. Fyri góðum einum tíma síðani bleiv boða frá eldi í Varðanum Pelagic á Tvøroyri og í løtuni vera øll fólk í miðbýnum flutt burtur.

Hesa myndina hevur Rakul Joensen tikið 20 min. síðani og er hon stødd langt vekk frá Varðanum Pelagic, hon er stødd í Froðba, men sum sæst á myndini, so er sera nógvir roykir.

Øll skúlabørnini eru flutt úr skúlanum og eru tey við minnisvarðan í Sevmýri.

Og nú boðar politi frá, at øll fólk skulu fara frá húsum á Tvøroyri, Trongisvági og Líðini beinanvegin, tí roykurin er lívs vandamikil. Uppsamlingsstaðið er við Miðnámsskúlan í Hovi.

Útvarp Føroya fylgir gongdini og tað ljóðar sera álvarsligt. Lat okkum vóna tað besta fyri fólkini har suðuri.

​SáH

​Var tað nú eitt so gott hugskot, at byggja vardi bústaðarnar við Heygavegin í Danmark, nú vit síggja at húsaklædningur longu verður tikin niður og at byggifyritøkan Garpar eru í holt við at leggja nýggjan húsaklædning á.

Bústaðir skrivar á heimasíðuni hjá sær, um hesa byggiætlanina: At tær vardu íbúðirnar eru úrslit av samstarvi millum Bústaðir, Almannamálaráðið og donsku fyritøkuna Scandibyg, sum hevur bygt íbúðirnar. Tað serliga við hesi byggiverkætlan er, at bygningarnir vóru innfluttir av verksmiðju í Danmark. Hetta hevði við sær, at byggiarbeiðið gekk tvífalt so skjótt sum vanligt, tí sjálvur bygningurin varð gjørdur samstundis sum jørðararbeiði, fundament og innleggingar vórðu gjørd. 
Okkara samstarvsfelagar í verkætlanini eru Scandibyg og P/f Kanjon. 

Eitt tykist løgi, at um onkrir lekar ella at húsini eru ov illa bygd, hví gerð so ikki Scandibyg ella P/f Kanjon umbyggingina ella umvælingarnar?

Kanska Klaksvíkar Býráð gevur okkum borgarnum svar uppá, hvat hendir við vardi bústaðarnar við Heygavegin?

SáH

DMI lovar frá góðum veðrið í Klaksvík ídag. Tað verður ikki nógvur vindur, turt og nógv sól og upp í 10 hitastig.

Í kvøld og í nátt vera tað 3 til 6 hitastig.

Meira um veðrið, klikk her: "Veðrið hósdagin 08.06.2017"

SáH

Seks dripin í London í gjárskvøldið.

Klokkan beint yvir 22.00, var aftur eitt terror álop á Ongland, hesaferð var tað á "London Bridge" har ein vørubilur koyrdi við vilja inn í fólk. Fólk runnið fyri lívinum, men kláraði yvirgangsmennirnir at koyra fleiri fólk niður.

Aftaná koyrdi bilurin til Boruogh Market, har nógvar matstovir, barrir og diskotek eru, her hoppaði álopsmennirnir út úr vøruvogninum og byrjaði at stinga fólk niður við stórum knívum. Teir vóru tríggir í tali og góðar 8. min. eftir blivu allir álopsmennirnir dripnir av enska politinum, men tá høvdu teir klára at dripið minst seks fólk og yvir 30 blivu løstaði. Her beinleiðis myndir av hendingini, klikk herundir:

​

​Atli Danielsen verður fíggjarleiðari í Norðoya Sparikassa
Norðoya Sparikassi boðar frá, at Atli Danielsen er settur sum fíggjarleiðari (CFO) frá 1. juni 2017 við beinleiðis tilvísing til stjóran.

Atli Danielsen er 33 ára gamal og er útbúgvin HD-F og cand. merc. aud. frá CBS.

Hann hevur starvast í Norðoya Sparikassa síðani juni 2011.

Norðoya Portalurin ynskir Atla Danielsen hjartaliga tillukku við nýggja starvinum og vónandi gongst væl at reka Norðoya Sparikassa.

Kelda: NS

SáH

​Í dag, 02. juni, verður dansktføddi føroyski mannarættindardómarin, Jón Frederik Kjølbro, 50 ár. Hann er føddur og vaksin upp í Keypmannahavn hjá føroyskum foreldrum, Aldis og Jógvan Kjølbro sála, sum var sonur Ewald Kjølbro. Jón Frederik Kjølbro er langabbasonur navnframa vinnulívsmannin í Klaksvík, vanliga róptur Kjølbro, og hann er uppkallaður eftir langabbanum.

Jón Kjølbro fekk tíðliga í lestrartíðini stóran áhugað fyri løgfrøði. Hann arbeiddi í danska løgmálaráðnum í umleið 9 ár, har hann arbeiddi fyri tað mesta við mannarættindarmálum, sum altið hava havt hansara stóra áhuga. Í tíðarskeiðinum 1994-1996 var hann dómarafulltrúði í Føroyarætti, og seinni starvaðist hann sum dómari ávíkavist í Eystara Landsrætti og í Keypmannahavnar Býrætti.

UPPFYLTUR DREYMUR
Í januar mánaða í 2014 var Jón sjálvur triðji, sum Danska Stjórnin innstillaði millum kandidatarnar til dómarastarvið við Tann Europeiska Mannarættindardómstólin í Strasbourg, og tá hann fekk starvið sum dómari í mannarættindum, var tað ein dreymur frá lestrartíðini, sum gekk út.

Danska blaðið Politiken hevur eina trivaliga heilsan til føðingardagsbarnið undir heitinum: “Menneskerettighedernes bedste dommer.” Jón Kjølbro situr nú á fjórða ári sum dómari við mannaraættindardómstólin í Strasbourg, har hann hevur fimm ár eftir í starvinum, tá starvstíðin er sett til 9 ár. Politiken endurgevur í blaðnum í gjár hansara starvsfelagar, sum siga um Jón: Sitat: “Hann brennir fyri arbeiðinum við mannarættindardómstólin. Hann er besti dómari, sum Danmark eigur á sínum øki. Jón er óbundin í sínum hugsunnarhátti, hann er nærlagdur, dugnaligur og respekteraður!” sitat liðugt.

Jón sigur í samrøðu við politiken: “Tað er ein framíhjárættur at sita við dómstólin og taka avgerðir, sum hava víttfevnadi týdning. Hetta er ein sera stór ábyrgd, sum eg eisini havi gjørt mær fulkomuliga greitt! sitat liðugt.

FINGRAMERKIÐ
Jón Kjølbro setti sítt egna fingramerkið í Europeiska mannarættindarsøgu, tá hann skrivaði bókina, DEN EUROPEISKE MENNESKERETTIGHEDSKONVENTION. Bókin hevur høga umtalu í mannarættindarhøpi, har hon verður lýst sum ein klassikari innan mannarættindarløgfrøði. Bókin telur yvir 1300 blaðsíður.

FAMILJAN
Jón er giftur føroyskari kvinnu, Guðrun, sum er fødd og uppvaksin í Havn. Guðrun er dóttur Judit og Osvald Kjærbo, sála. Tey eiga tríggjar vaksnar synir. Jón segði við Politiken, at hann fór ikki til arbeiðis føðingardagin, men ynskti at halda 50 ára dagin við síni nærmastu familju.

Meðan Jón hevur sítt starv í Strasbourg, so rindar familjulívið sín egna prís, tí konan og børnini eru í Keypmannahavn. Men sum Jón sjálvur sigur við Politiken, at “hetta er ein annarleiðis háttur at liva uppá, men familjan heldur út. Alt hevur sín kostna, og er man ikki villugur at rinda, skal man heldur ikki royna seg!”

Tá Jón er í Keypmannahavn, er hann knýttur til Glostrup Frikirke, har hann og Guðrun hava sítt andaliga heim.

Jón Kjølbro og landsverkfrøðingurin, Ewald Kjølbro, eru brøður.

Kelduhjálp: Politiken 01.juni 2017 / DJØF forlag, innslag á heimasíðu um bókina “Den Europeiske Menneskerettighedskonvention.” / DJØF forlag, innslag á heimasíðu um “Jon Frederik Kjølbro:” / BT heimasíða, innslag: “Dansker valgt til dommer ved menneskerettighedsdomstol.”

Skrivað hevur: Poul Jóhan Djurhuus