​Klaksvík Shuttle til Flogvøllin hvønn dag frá 26/06-2023

Vit fara at koyra shuttle soleiðis:

Klaksvík, Leirvík, og Gøta
Til FAE
RC 450 KL 08:20
SK 1778 KL 13:25

Av FAE
RC 453 KL 13:40

Prísurin verður 460 kr. pr. pax (Persón)

2 Tímar 30 minuttir á 1st. addressu í Klaksvík

Ring 353232 - ella send mail til [email protected]

TAXA

✝️ VÆLKOMIN til Pílagrímagudstænastu í Christianskirkjuni 🙏 leygardagin 24 juni kl 14.00.

Pílagrímagudstænastan er ætlað øllum, ið hava tørv á at hvíla eina løtu frá lívsins meldri. Fólk eru vælkomin at tendra ljós áðrenn ella eftir gudstænastuna og sita í kvirru eina løtu 🕯️ Aftaná gudstænastuna verður drekkamunnur í Kirkjukjallaranum ☕️

🌤️🌞Um viðrar, veður í hesum sambandi gongurtúrur kl 16.00 út í Grøv saman við teimum, ið hava áhuga 🚶🏿‍♂️🚶 Øll hjartaliga vælkomin 😀

Christianskirkjan

Fríggjadagin 23. juni er býráðsskrivstovan stongd vegna starvsfólkadag.

Borgarar, sum hava átrokandi boð, kunnu seta seg í samband við:

Um trupulleikar eru við vatnveitingini o.tl. fartlf: 225272 (Vatndeildin)
Um talan er um annað, so sum kloakkviðurskifti v.m. fartlf: 216488 (Vegadeildin)
Um tørvur er at fáa fatur á barnaverndartænastuni fartlf: 219181 (Barnaverndin)

Klaksvíkar Kommuna

TEY UNGU FLYTA INN Í ATLANTIS

Í næstum verður ungdómshúsið umskipað og flutt úr gamla Norðoyabanka og niðan í Atlantis, har tey ungu koma nærri skúlanum, frítíðarskúlanum og fleiri øðrum frítíðartilboðum í býnum.

Við flytingini fylgir eisini eitt leiðaraskifti, har Beinta Árnadóttir Gregersen verður sett í eitt ára verkætlanarstarv sum leiðari í Húsinum og fer at leggja virksemið har til rættis. Harumframt heldur biografurin fram í bygninginum. Tí virkseminum fer Beinta Gregersen somuleiðis at taka sær av, og verður hon sostatt leiðari fyri øllum virkseminum í bygninginum hetta fyrsta árið.

Ynski hevur leingi verið frammi millum býráðslimir um at flyta ungdómshúsið nærri miðbýnum og skúlaøkinum, og hetta hevur somuleiðis verið frammi í samband við ungdómsgranskinina, sum ungdómurin á Skúlatrøð tekur lut í annaðhvørt ár. Úrslitini av granskingini geva greiðar ábendingar um, at skipað frítíðarvirksemi við vaksnum leiðarum hevur stóran týdning fyri trivnaðin hjá børnum og ungum.

- Endamálið við Húsinum hevur frá byrjan verið at fremja trivnaðin hjá teimum ungu í kommununi, og í eina tíð hevur tos verið um at staðseta Húsið nærri Skúlatrøð og stadionøkinum, fyri at betur kunna samansjóða frítíðartilboðini til tey ungu. Tí eru vit ógvuliga spent uppá hesa verkætlanina, sum í veruleikanum hevur fleiri vinningar við sær, sigur Beinta Klakstein, forkvinna í Trivnaðarnevndini børn og ung.

Forkvinnan sipar millum annað til, at nýggja staðsetingin ger tað smidligari hjá teimum ungu at ferðast millum skúlan, Húsið og onnur frítíðartilboð, sum eisini eru staðsett í sama nærumhvørvi. Samstundis leggur flytingin upp til eitt tættari samband millum Húsið, stadionøkið og nýggja miðbýin, har nógv virksemi er.

Meira og fjølbroytt lív í Atlantis
At Húsið nú verður staðsett í Atlantis merkir eisini, at virksemi framyvir verður í bygninginum gjøgnum størri part av degnum, og at fermetrarnir verða betur gagnnýttir, tí virksemi verður í øllum trimum hæddum. Biografurin heldur fram í miðhæddini, meðan niðasta og ovasta hædd eru til virksemið hjá teimum ungu.

Harumframt ber framvegis til at hava aðrar framførslur í salinum í miðhæddini. Eitt nú kann sjónleikarafelagið brúka salin til sínar framførslur, inntil pallurin og nýggju møguleikarnir í spildurnýggja Mentanarhúsinum verður klárt at flyta inn í um fá ár.

Grunnurin Mentanarhúsið eigur Atlantis, og Signhild V. Johannesen, forkvinna, fegnast um, at meira fjølbroytt lív nú kemur í bygningin.

-  Samansjóðingin av mentanarlívinum og ungdóminum í býnum er at stórfegnast um, tí umframt at kunna gagnnýta bygningin í størri mun, so fáa vit eisini ungt lív í bygningin í gerandisdegnum, og tað kann bæði styrkja um trivnaðin hjá teimum ungu og um tað tilknýtið, tey fáa til býin, sigur Signhild V. Johannesen, forkvinna í stýrinum fyri Mentanarhúsið.

Ferð er nú um at koma á verkætlanina Mentanarhúsið. LOA-grunnurin kunngjørdi herfyri, at tey stuðla verkætlanini við níggju milliónum krónum, og í næstum verður sjálv byggingin og umbyggingin boðin út. Mentanarhúsið skal eftir ætlan vera klárt til nýtslu í 2020, og umframt ta verkætlanina eru eisini aðrar uppraðfestingar á mentanarøkinum ávegis.

Umvæla og flyta í næstum
Nýggja staðsetingin og umskipanin av Húsinum er júst samtykt av nevndum og býráð, og Beinta Á. Gregersen tekur við verkætlanarstarvinum sum leiðari í Húsinum og biografinum 1. apríl. Tá verður farið undir neyðugu umvælingarnar í Atlantis, og síðan verður Húsið flutt seinni í vár.

Kelda: www.klaksvik.fo

​SáH

Stóra evnið á Býráðsfundinum í kvøld er heilt sikkurt Biografurin, sum tey nú eru í holt við at bróta niður og stólar og annað er longu koyrt burtur,

Kringvarp Føroya hevði eitt innlegg um málið, har tey umrøddi um Klaksvíkar Kommuna yvirhøvur hevði heimild til at bróta alt niður og um Klaksvíkar Kommuna hevði fingið loyvið frá Kommunala eftirlitinum at gera tað, tí eykajáttan skal til og tað fer at kosta Klaksvíkar Kommunu umleið 3,7 milliónir fyri at yvirtaka Atlantis.

Eisini bleiv sett spurnartekin um heimildin var í ordan, tí tað skuldi tvær viðgerðir til, fyri at fara í gongd við at bróta alt niður, men tað segði borgmeistarin, at tað var tað, tí grunnurin Mentanaðarhúsið Atlantis hevði givið teimum loyvið til tað og so er brennandi spurningurin at fáa at vita, hvør situr í stýrinum nú? sjá aðrastaðni har grein er um Atlantis.

Oddmar á Lakuni sum er í samgonguni stemmar ikki fyri málinum og stemmar so Rógvi Jacobsen eisini ímóti, so fellur málið og Biografturin kann framhaldandi vera í Klaksvík.

Andstøðan kom við hesum broytingaruppskotinum: Broytingaruppskot frá Jógvani Skorheim: “Mælt verður til, at biografur framhaldandi verður í býnum, og at onnur betri, loysn verður veitt ungdómshúsinum”.

Tað fall, men tað hoyrist í býnum, at møguleikar eru fyri at teirra uppskot fær undirtøku í kvøld, spennandi verður at síggja.

Býráðsfundurin verður stroymdur og byrjar hann klokkan 17:30.

SáH

Her meira um málið, Húsið aftur undir eina lon

Frágreiðing um málið:
Málið varð fyrru ferð viðgjørt av býráðnum 25. mai 2023.

Fíggjarligar avleiðingar:
Sí frágreiðing frá umsitingini til fyrru viðgerð av málinum, dagf. 8. mai 2023, har fíggjarligu avleiðingarnar vóru nærri útgreinaðar.

Lógargrundarlag:
Eingin beinleiðis lóggáva er, sum regulerar virksemið í “Húsinum”, hvørs virksemi sostatt ikki hevur nakað beinleiðis lógargrundarlag. Men við tað at talan er um tilboð av almennum slag, sum bæði aðrastaðni í landinum og í grannalondum okkara verða fíggjað av kommunum, og við tað at hesi tilboð verða veitt øllum borgarum í viðkomandi málbólkum, er talan um almannagagnlig tiltøk, ið sostatt ikki eru í stríð við nakra lóggávu, og sum fella innan fyri kommunufulltrúnna.

Tilmæli:
Mælt verður til, at kommunan yvirtekur Atlantis eftir teimum í hesum tilmæli útgreinaðu treytum, og at kostnaðurin verður fíggjaður við eykajáttan, treytað av neyðugum loyvi frá kommunala eftirlitinum.

Mentanarnevndin 16. mai 2023:
Ein meirluti, JCC, ASB og GvK, tekur undir við tilmælinum, dagf. 08-05-2023. Ein minniluti, SVJ, tekur støðu á komandi býráðsfundi.

Trivnaðarnevndin Børn og Ung 16. mai 2023:
Ein meiriluti, EyÓP, JCC og ASB, tekur undir við tilmælinum, dagfest 08-05-2023. Ein minniluti, JS, TJL, tekur støðu á komandi býráðsfundi.

Fíggjarnevndin 23. mai 2023:
Ein minniluti, OáL, tekur ikki undir við tilmælinum, sum tað fyriliggur. Ein minniluti, TJL og JS, tekur støðu í býráðnum. Ein minniluti, KHJ og ASJ, tekur undir við tilmælinum, dagf. 08-05-2023.

Klaksvíkar Býráð 25. mai 2023:

Atkvøtt varð um soljóðandi broytingaruppskot frá Jógvani Skorheim: “Mælt verður til, at biografur framhaldandi verður í býnum, og at onnur betri, loysn verður veitt ungdómshúsinum”; tað fall við 4 atkvøðum fyri (JS, SVJ, TJL og ÓML) og 6 atkvøðum ímóti (KHJ, ASJ, GvK, JCC, EÓP og ASB);OáL atkvøddi ikki.

Atkvøtt varð síðani um tilmælið, dagf. 8. mai 2023; tað varð samtykt við 6 atkvøðum fyri (KHJ, ASJ, GvK, JCC, EÓP og ASB) og 5 atkvøðum ímóti (SVJ, TJL, JS, ÓML og OáL).

Klaksvíkar Kommuna

Skráin fyri býráðsfundin, hósdagin 22. juni kl. 17.30, er nú tøk.

Regluligu býráðsfundirnir eru almennir, og til ber eisini at stroyma fundin beinleiðis umvegis heimasíðuna hjá Klaksvíkar kommunu.

Skráin fyri býráðsfundin sæst her: Býráðsskráin 22. juni 2023
​
Klaksvíkar Kommuna

Fíggjarmálaráðið, Kommunala Arbeiðsgevarafelagið og Heilsurøktarafelagið hava í dag undirskrivað semju um nýggjan sáttmála.

Sáttmálin partanna millum gekk út 1. oktober 2022, og á fundi hin 26. oktober 2022 handaðu partarnir hvørjum øðrum sáttmálakrøv.

Talan er um eina 2 ára semju, ið byggir á lønarhækkan í prosentum.

Tann 1. oktober 2022 hækkar lønin 3,8%

Tann 1. oktober 2023 hækkar lønin 4,04%

Í semjuni eru eisini broytingar í ásetingunum í sáttmálanum um eitt nú starvslýsingar og sjúku, umframt broytingar í bólkaleiðaraviðbótini og viðbótini fyri frítíðarlegugjald o.a.

Harumframt fær lønarlyftið, sum samgongan hevur sett sær fyri at geva lægst løntu bólkunum á umsorganarøkinum, gildi tann 1. januar 2024.

Semjan sæst her.

Avtalan um lønarlyft sæst her.

Fíggjarmálaráðið

​Í dag høvdu vit vitjan av løgmanni, Akseli V. Johannesen, løgmansstjóranum, John Rajani, og løgmansritaranum, Pól Rosenmeyer Wolles. 

Prátað varð um virksemið á Klaksvíkar Sjúkrahúsi, vit fingu víst nakað av okkara virksemi og Høgni Kastalag frá FuglArk vísti runt í gomlu læknahúsunum, ið verða umvæld til fyrisiting og læknaviðtalu.

Tað er altíð gott at fáa vitjan, tað er hugnaligt og gevur okkum møguleika at greiða frá ymsum viðurskiftum, vísa okkara gerandisdag og mannagongdir.

Klaksvíkar Sjúkrahús

Mikumorgunin 21.juni er morgunsangur kl. 10.00.

Hanus á Gørðum hevur stutta andakt. Aftaná morgunsangin er kaffi og hugnalig samvera í kirkjukjallaranum. 

MORNING SONG WEDNESDAY MORNING  21TH' OF JUNE AT 10 AM
On Wednesday 21th' of June at 10 am we have morning song. Hanus á Gørðum will have a short devotion. After the morning song everyone is welcome for coffee/tea and a pleasant moment in the church basement.

Christianskirkjan

SUMMARFUNDUR: Á fundinum luttaka allir forsætisráðharrarnir í Norðurlondum. Serligur gestur á fundinum hesuferð er Justin Trudeau, forsætisráðharri í Kanada.

Í døgunum 25. og 26. juni tekur løgmaður lut á árliga summarfundinum hjá norðurlendsku forsætisráðharrunum. Fundurin í ár verður hildin í Vestmannaoyggjum. Á fundinum skulu forsætisráðharrarnir millum annað umrøða, hvussu til ber at styrkja um mótstøðuførið í samfelagnum í ljósinum av broyttu heimsstøðuni.

Norðurlendska stjórnarsamstarvið byggir á Norðurlendska ráðharraráðið. Á fundinum luttekur eisini aðalskrivarin í Norðurlendska Ráðharraráðnum. Norðurlendsku for­sætismálaráðharrarnir hava evstu ábyrgd av samstarvinum, eins og tað eru teir, ið seta nýggj mál á skrá.

Løgmansskrivstovan

Visti tú, at...
Í ár eru 50 ár síðan herviliga eldgosið í Vestmannaoyggjum í 1973, ið gjørdi stóran skaða. Eftir náttúruvanlukkuna spældu norðlendsku londini ein týðandi leiklut í arbeiðinum at endurreisa økið.