Vit lurtað við stórum oyrum eftir okkara serkønu og tey geva okkum góð ráð viðvíkjandi Corona ella Covid 19, men eru øll ráðini góð nokk, tey hava mest sum øll sagt, bæði í Føroyum og í Danmark, at tað ikki er neyðugt at brúka trygdarmaskur, men her ein áhugaverd grein, sum sigur beint tað mótsatta, klikk her: “Universal mask-wearing is the most overlooked Covid-19 lifesaver”
​
SáH

​Í løtuni eru í alt 74 føroyingar staðfestir frískir, eftir at hava fingið staðfest coronasmittuna.

Tríggir persónar er innlagdur á Sjúkrahúsverki Føroya í sambandi við coronasmittuna.

Heilsumálaráðið tann 31. mars 2020 klokkan 07.40

Tað eru nú í alt 169 føroyingar, ið hava fingið staðfest corona-smittuna. Hetta byggir á í alt 4065 kanningarúrslit. Úrslitið fyri seks kanningar, ið vórðu gjørdar í gjár, verða greinað seinni í dag.

Tað upplýsir Landslæknin í morgun, nú seinastu kanningarúrslitini eru tøk.

Eftir at uppgerðin í gjáramorgunin varð almannakunngjørd, var komið eftir, at 167 og ikki 168 persónar høvdu fingið staðfest smittuna. Sostatt eru tveir persónar staðfestir smittaðir afturat seinasta samdøgrið.

Heilsumálaráðið tann 31. mars 2020 klokkan 07.35

Tey nýggjastu tølini upp á smittaði í USA er blivin munandi størri enn fríggjdagin.
Hægsta talið er frá New York, har heili 59.648 nú eru smittaði.

Her seinastu tølini, sum er uppgjørd tann 30.03.2020 klokkan 20:00

Seinstu tølini uppá smittaði í USA: 155,705 (+61,207 síðani fríggjadagin)
U.S.A. deyð: 2,810 (+1,368 síðani fríggjadagin)
U.S.A. Frísk: 4,913 (+4,100 síðani fríggjadagin)

Statirnir við hægstu Corona smittuni:
New York: 59,648
New Jersey: 16,636
California: 6,300
Michigan: 5,486
Florida: 5,473

Lond við hægstu Corona smittuni:
U.S.A.: 155,705
Italia: 101,739
Spania: 85,199
Kina: 81,439
Týskland: 64,527

Samlað fyri alla verðina: 766,336 smittaði / Deyð: 36,873

Kelda: Microsoft’s COVID-19 hagtøl

​SáH

Fuglberg og Skoraberg komu aftur kl. 04:20 í morgun við 250.000 pundum. Teir hava partrola eystanfyri Føroyar.

Teir landa í løtuni til Kósina og hava teir 250.000 pund, meginparturin upsi.

Teir byrjaði túr tann 20. mars.

SáH

Tað eru nú í alt 168 føroyingar, ið hava fingið staðfest corona-smittuna. Hetta byggir á í alt 3825 kanningarúrslit. Tað upplýsir Landslæknin í morgun, nú seinastu kanningarúrslitini eru tøk.

Sostatt eru níggju persónar staðfestir smittaðir afturat seinasta samdøgrið.

Í løtuni eru í alt 73 føroyingar staðfestir frískir, eftir at hava fingið staðfest coronasmittuna. Ein persónur er innlagdur á Sjúkrahúsverki Føroya í sambandi við coronasmittuna.

Heilsumálaráðið tann 30. mars 2020 klokkan 07.30

Skrivaði eina grein ígjár, har yvirskiftin var “Corona smittan ovurhonds stór í Norðoyggjum, hvat hendur?” Fleiri túsund fólk klikkaðu seg inn á greinina og har vóru meira enn 100 viðmerkingar á Facebook, har fólk søgdu sína meiningar, um hvat vit skulu gera við fyri at fáa ovurhonds stóra talið av smittaðum í Norðoyggjum niður.

Ígjár var bert ein handil opin í Norðoyggjum og har fóru sjálvandi skít fult av fólki at keypa og tað kann vera ein orsøk til at so nógv eru smittaði her norðuri? Hetta má broytast umgangandi, so at allir matvøruhandlar hava opið somu dagar, hetta minkar eisini munandi um smittuvandan.

Nøkur fólk hava skriva sína misnøgd á Facebokk, her nakrar viðmerkingar:
NÓGV fólk inni í handlinum 🤷🏼‍♀️ nakað at siga til at tølini eru høg í klax 🙈🤷🏼‍♀️
ja, færri handlar opnir tættari millum fólkini, soleiðis er tad bara 😷
og ongin mjólk at fáa 😭 osv. osv….

Í Danmark hava tey avgjørt, nú vit nærkast páskir, at broyta opningstíðirnar og hava tey broytt lógina og givið øllum matvøruhandlum loyvið at hava opið tveir dagar eyka á páskum, so ikki ov nógv fólk vera samlaði í teimum minni handlunum og á tann hátt minka um smittuvandan.

Hetta átti vit eisini gjørt í Føroyum og sera týdningarmikið at allir matvøruhandlar hava opið somu dagar.

​SáH

Klokkan var 10:00 í morgun tá ið Gadus legði at bryggju við NFCS. Ikki nógv fólk vóru á kajuni, nakrir bilar og tað var tað.

Jógvan á Lakjuni havnameistari tók ímóti endanum og so hildu allir mennirnir seg umborð, tí har sleppur ongin umborð, hetta skrivar ein av manningini á Facebook:

Har ein spyr hann, um teir sleppa í land og svarið var hetta: Ja, ongin trupuleiki, men vit landa bátin og gera hann kláran til komandi túr fyrst, tá vit so loksins eru farnir í land, fer hitt skifti umborð og avstað, tað sleppur ongin umborð meðan vit liggja við kei ❤️?

Gadus er fullfermdur, nakað yvir 740 tons. Teir fóru avstað 25. januar og hava teir fiska í norskum sjógvi.

Við eru 32 mans og skipari er John Fuglø.

Heimferðin hjá teimum hevur ikki verið nakað serligt, teir høvdu sera vánaligt veður teir fyrstu dagarnar, men so bleiv veðrið betri tá ið teir nærkaðist Føroyum. Teir fóru at sigla heim tann 23. mars, so tað tók teimum 6 dagar at koma heim.

Skipara og manning verður ynskt vælkomin heim.

​SáH

Í morgun komu nýggjastu tølini inn fyri smittaði fólk og har er Klaksvík køla svart.

Vit hava 39 smittaði og alt Suðurstreym hevur bert 78-82 fólk smittaði, so her má gerast okkurt í okkara økið.

Tann 24. mars vóru 29 smittaði í Klaksvík og tað talið gongur sera skjótt uppeftir og nú eru heili 39 smittaði nú vit skriva 29. mars. Haldi í hesum stóra talinum eru eisini tey sum eru staðfest frísk tald við, so her er heilt galið.

Halda fólk seg ikki inni, tá tey hava fingið staðfest smittuna Covid 19 og hví eru so nógv fólk smittaði í Norðoyggjum í mun til Suðuroynna, Norðsteymoy og Sandoy?, har talið er minni enn 3 smittaði í suðri og á Sandi og bert 5 smittaði í Norðsteymoy?

Her ruggar ikki alt rætt og her má gerast okkurt, tí so endar tað við, at vit hava helvtina av øllum smittaðum í Føroyum og tað er ikki gott nokk.

Hvat skal gerast er ilt at meta um, kanska man skuldi stongt undirsjóvartunnilin fyri allari ferðslu, so bert vinnan og sjúkrahúsverkið sloppið at koyra ígjøgnum og so stramma upp við, hvar tey sum hava staðfest Covid 19 smittuna eru? og almenningurin fekk at vita hvør er sjúkur?

Ein annar møguleiki er, at gera ein almennan Facebook bólk, har tey sum eru sjúk kunnu tasta seg inn og so kunnu vit fylgja við, nær tey vera frísk og vit kunnu hjálpa teimum, um tey trongja til hjálp. Á tann hátt kunnu vit basa smittuni, so vit øll í felag fáa stóra talið av smittaðum niður í Norðoyggjum á tað talið, sum er í suðri og sandi, nevnliga niðanfyri 3 smittaði.

SáH

Í løtuni eru í alt 70 føroyingar staðfestir frískir, eftir at hava fingið staðfest coronasmittuna. Sostatt eru seks føroyingar afturat staðfestir frískir seinasta samdøgrið.

Ein persónur er innlagdur á Sjúkrahúsverki Føroya í sambandi við coronasmittuna.

Heilsumálaráðið tann 29. mars 2020 klokkan 07.55