Klokkan 16:20 kom norska ferðamannaskipi Gann á Klaksvík. Teir løgdu við bryggju hjá NFCS, nú kajin er tøk og ongin fiskiskip landa, tí flakavirkið er í summarferiu.

Gann er ikki av teimum heilt stóru ferðamannaskipinum, teir kunnu hava 371 ferðafólk við og er tað 108,6 m langt og 16.5 m breitt.

Tey flestu av ferðafólkunum koma frá Norra og eru tey tilkomin fólk.

Gann liggur í Klaksvík til einaferð í kvøld og tá verður farið víðari á ferðini.

Vælkomin til Klaksvíkar Gann.

SáH

​Tað vóru sera nógv fólk í Tórshavn úti Ólavsøkuaftan, veðrið var av tí allerbesta og hevði Politið nógv at gera, men tíbetur var eitt álvarsligt, onkur var komin til at meisla seg, tí tey høvdu fingið ov nógv at drekka. Onkur bleiv koyrdur heim, men ongin endaði í klivanum í Klaksvík.

Politiið takkar samarittunum fyir teirra hjálp og rósar teimum fyri gott arbeiðið.

SáH

​Havi sitið á Føroya Løgtingi síðani 2008. Í løtuni eri eg í farloyvi frá mínum løgtingssessi, ti eg siti sum borgarstjóri. Í dag er síðsta skrúðgonga hjá hesum Tinginum, og fái eg tiverri ikki møguleika at ganga hesa síðstu skrúðgongu.

Skrúðgongan hevur altið havt ein heilt serligan týdning fyri meg, har vit uttan politiskan lit ganga i takt og virða okkara aldargamla Ting.

Eftir øllum at døma fer løgmaður at skriva út val i dag. Ongin veit hvør fer at manna okkara komandi løgting, men spennandi verður hvussu myndin verður i komandi skrúðgongum.

Min vón er, at vit fáa eitt gott, siðiligt og konstruktivt valstríð, og at tað verður ein góð manning, ið verður vald við góðum áralagi. Sjálv havi eg tikið avgerð at endurvinna min egna tingsess fyri Fólkaflokkin.

Góða Ólavsøku og gott val

Annika Olsen
Valevnið hjá Fólkaflokkinum til Løgtingsvalið 2019

Her filmsklipp frá KVF, tá ið Ólavsøkan 2019 bleiv sett, klikk her “Ólvasøkan 2019 verður sett”

​

Hamranes og Breiðanes komu til Klaksvík beint eftir klokkan seks í morgun. Deiligt at síggja skip aðrastaðni landa í Klaksvík og tey skulu vera hjartaliga vælkomin.

Teir byrjaði túr tann 18. juli og hava partrola á Munkagrunninum.

Veiðan bleiv boðin út til Fiskamarknaðin Føroyar og hava teir 200.000 pund mest upsi.

SáH