Tað sum hendir í politikki, hendir eisini innan kirkjugátt. Har fólk, sum eru vald á einum lista, hoppa yvir á listan hjá hinum, so fólk, sum hava valt hetta valevni, føla seg væl og viruliga tikin við buksinum niðri. Hetta hendi mikukvøldið, tá ið Kirkjuráðið bleiv skipa í Klaksvík.


Eitt valevni frá lista A, stemmaði saman við lista B og tískil bleiv Øssur Kjølbro valdur til formann og ikki Ísak Mikladal, sum fekk nógv flestar atkvøður, heili 94 stemmur og sum eisini var á vinnandi listanum lista A, sum fekk 5 nevndarsessin, ímeðan listið fekk 4 nevndarsessir og sjálvsagt átti listið A formannin.

Øssur Kjølbro fekk 67 stemmur og fekk næstflestar atkvøður á lista B, Jóhan Henriksen var toppskorðarin við 69 stemmur. Øssur fekk eisini minni stemmur enn nr. 2 á lista A, sum gjørdist Jacobina Heinesen, sum fekk 71 atkvøður, so her ruggar ikki alt rætt.

Ikki nokk við tað, at Ísak ikki bleiv formaður, hann fekk heldur ongan nevndarpost.

Ikki sørt, at ein gerst vónsvikin av tílíkum atburið, har vit øll á lista A stóðu saman (var sjálvir uppstillaður) og fingu nógv fólk at velja A listan, men so hendir tílíkt eftir valið, har ein hoppa frá og kann gera akkurát, tað henni listir.

Ísak Mikladal hevur gjørt eitt sera stórt arbeiðið innan Christianskirkjuni seinastu mongu árini og hevur eisini verið kirkjuverji, hatta hevði Ísak betur uppiborið.

Hesi blivu vald inn í nýggja Kirkjuráðið í Klaksvík mikukvøldið:
 

Øssur Kjølbro , formaður
Jacobina Heinesen, næstformaður og kirkjuverji
Jógvan Ravnsfjall, skrivari
Petur Jaacob Langaard, kassameistari
Ísak Mikladal
Jórun Høgnesen
Hans Michael í Mittúni
Maria Olsen
Jóhann Hendriksen


Eisini eru báðir sóknarprestarnir fastir limir í Kirkjuráðnum.

SáH

Gadus er akkurát farin at sigla heim.

Teir hava umleið 700 tons inni og væntandi vera teir í Klaksvík mánadagin tann 2. desember.

Hesin túrurin hevur verið longri enn hinir undanfarnu, men tað er gloymt júst nú, tí nú rokni eg við at manningin og tey heima, gleða seg nógv til at síggjast aftur og at halda jól saman heima.

Væntandi verður farið nýggjan túr einaferð ímillum jól og nýttár.

Vit ynskja Gadus eina góða heimferð.

SáH

Ígjár varð Jógvan á Høvdanum (yngri) signeraði teknirøðina hjá sær í Norðurlandahúsinum. Rættiliga nógv fólk vóru komin til tiltakið Bókadagar í NLH og eisini varð pláss fyri teknirøðini Totalt Langt Úti.

Tiltakið varð ókeypis og mong super góð tilboð vóru at fáa leygardagin - meiri fæst at vita um tiltakið við at fara inn á heimasíðuna hjá Norðurlandahúsinum www.nlh.fo

Sum vera man, so endar tiltakið sunnudagin (í dag)

NP

Í sambandi við útgávu av bókini “Føroysk Sálmaløg” við løgum eftir Knút Olsen
til sálmar og týðingar eftir Petur J. Sigvardsen verður sangløta í
Christianskirkjuni mikukvøldið 20.11.2013 kl. 19.30. 

Kórið í Christianskirkjuni fer at framføra 2 løg úr nýggja savninum. 

Kórið fer eisini at seta sín dám á sangløtuna annars – nakrir felagssangir
vera úr savninum, har kórið syngur saman við kirkjuliðnum. Kórið framførir
eisini eitt lag sum præludium saman við Kára Bæk, sum fer at spæla Obo til lagið
– og postludium saman við kirkjuliði og urguni - .


 Døtur Knúts, Jensina, Estrid og Anna Maria framføra eisini nøkur av nýggju løgunum. 

Andras Sólstein og Heri Jacobsen koma at luttaka við hornblástri. 

Knút Olsen og Petur J. Sigvardsen koma at greiða frá útgávuni, umframt at vit eisini fáa nøkur orð við á vegnum frá Hanus á Gørðum. 

Kaffi verður aftaná í kirkjukjallaranum – verið hjartaliga vælkomin.

Vakurt veður ímorgun. Hesar myndirnar eru tiknar Millum Hjalla í Klaksvík, sjá niðanfyri.

SáH

18. november byrjaði vakurt, har kavin datt spakuliga niður, men kl. 12.00 brast veðrið á og tað var ikki koyrandi runt Føroya land. Fleiri smávegis ferðsluóhapp vóru og ein sjúkrabilur frá Klaksvík, sum var á veg til Havnar, rendi á reyvina á einum lastbilið, men tíbetur hendi ongin fólkaskaðið.
Karl Johansen løgreglumaður  fór í Útvarp Føroya og heitti á bilførarnar, um ikki at koyra í hesum veðrinum, tí man sá ikki fra um nøsina.

Einir tveir tímar seinni, bleiv veðrið nógv betur, men tá frysti allir vegirnir til og teir bilarnir, sum ikki vóru væl skøddir, stóðu fastur og kundi ikki koma fram og tað stóðst trafikkproppar av hesum, so samanumtikið ein buldrasligur 18. november fyri okkum bilførarar. Her myndir frá degnum ígjár, sjá niðanfyri:

SáH

Jólasølan hjá okkum á Verkstaðnum á Brekku verður ídag leygardagin tann 16. november frá kl. 10.00 - 16.00.

Møguleiki verður eisini at keypa sær ein drekkamunn við onkrum afturvið.

Øll skulla vera hjartaliga vælkomin.

Vinarliga heilsan

Verkstaðið á Brekku

Kl. 18.25 er ein undansending til HM dystinum ímillum Ísland - Kroatia og dysturin byrjar kl. 19.00

Ísland hevur ongantíð verið so tætt við at koma við til eitt heimsmeistaraskap sum íkvøld. Vinna teir dystin, so hava teir eitt gott útgangstøðið til dystin týskvøldið í Kroatia.

Sjálvandi halda vit øll við Ísland íkvøld. Dysturin kann síggjast í Maverick, sum letur upp íkvøld kl. 18.00.

 SáH

 Føroya svakasta teknirøð er farin til prentingar og gongur sum ætlað, so er liðugt at prenta 20. november. 

Teknirøðin er teknað av teknaranum Jógvan á Høvdanum (yngra) sum hevur teknað svakar teknirøðir líka síðan hann varð smádrongur. Teknirøðin er hesaferð í farvum og er 52 síður. Seinast Jógvan gav eina teknirøð út varð í ár 2000 og tá varð teknirøðin ikki í farvum.

Sjálvur heldur Jógvan, at hetta er hansara meistaraverk og at ein ikki kann lata vera við at keypa (kanska) Føroya besta kummulesnað. Við í blaðnum er eisini ein plakat, sum ein kann hanga upp í kamaranum hjá sær.

Onnur ting eru eisini í blaðnum - eitt nú kanst tú lesa ymiskar skemtingarsamar greinar, sum eru frá veruleikanum - men mest av øllum so eru tað tær svøku & skemtingarsomu  teknirøðirnar hjá Jógvan á Høvdanum (yngra) sum vera at síggja í blaðnum.

Blaðið fæst til keyps í næstu viku á (nærum) øllum Magn støðum og Bókahandlum kring Føroya land og kemur at kosta einans 50 kr.

NP

Bungurnar á Bøgøtu, sum eru uttanfyri Rúsuna og Klaksvíkar Timburhandil eru møguliga ólógligar?

Nógv bleiv tosað áðrenn valið, at nú skuldi fáast skil á allar bungurnar runt Klaksvíkingina, men enn er ongin blivin koyrdar burtur, men nú frættist, at Klaksvíkar Kommuna verður noytt til, at koyra bungurnar uttanfyri Rúsuna og Klaksvíkar Timburhandil burtur.

Hetta tí, at løgreglan, brandbilar og sjúkrabilarnir ikki skula hava nakrar forðingar á vegnum, tá ið teir koyra útrikking frá Klaksvík og úr býnum, tí tað skal altíð vera ein farleið tøk, har ongar forðingar eru, so teir sleppa á ólukkustaðið skjótast gjørligt.

Tískil verður Klaksvíkar Kommmuna noytt at koyra tær bungurnar burtur. Vónandi verður ikki stoppa har, tí har eru nógvar bungur, sum eisini átti at verið koyrdar burtur, eitt nú tann norðasta á Jørundsgøtu, sum einki endamál hevur. Hon er alt ov høg og bilarnir botna í heilum, man kundi spurt, hví tann bungar er júst har?. Livst so spyrst.

SáH



.