Klaksvíkar kommuna gav 27. jan. 2022 Útistovuhaga v. Oddmar Gullaksen tíðaravmarkað undantaksloyvi at taða á matr.nr. 1649a fram til 7 feb. 2022.

Undantaksloyvið er givið við heimild í kunngerð nr. 72 frá 29. mai 2012 um taðing. Víst verður til §6, stk. 3, har stendur, at kommunan kann í serligum førum geva einum ábyrgdara tíðaravmarkað undantaksloyvi til at taða.

Undantaksloyvið er givið við teirri treyt, at allar avmarkingar í kunngerðini annars verða hildnar.

Klaksvíkar býráð 27. januar 2022

Klaksvíkar Kommuna

Í gjár vóru 526 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

2092 kanningar vóru gjørdar seinasta døgnið. Í løtuni eru 4760 smittað við korona, fýra eru innløgd við korona, eingin innlagdur vegna korona, og 18 eru deyð við korona í Føroyum.

Heilsumálaráðið og Føroya Landsstýri

Línuskip. Trý ísfiskalínuskip er undir Føroyum, tey landa møguliga síðst í vikuni, ella fyrst í aðru viku. Fimm frystilínuskip eru undir Føroyum og tvey við Ísland.

Útróður: Streymurin verður harður, og veðri verður umskiftandi alla vikuni. so tað verður vantandi ikki nógv av útróðri.

Djúpvatnstrolarar: Ein er til fiskarí eystanfyri.

Partrolarar: Fýra pør eru til fiskarí, tey eru øll nýliga byrja túr. so tey landa síðst í vikuni ella fyrst í aðru viku. Fiskiskapurin er ikki góður

Trolbátar: Allir liggja við bryggju.

Garnaskip: Eitt garnaskip er norðanfyri og fiskar svartkalva, og eitt er sunnanfyri og fiskar havtasku. Fiskaríið er brúkiligt. Tey landa mánadagin.

Fiskamarknaður Føroyar

Í gjár vóru 486 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

2187 kanningar vóru gjørdar seinasta døgnið. Í løtuni eru 4759 smittað við korona, fýra eru innløgd við korona, eingin innlagdur vegna korona, og 18 eru deyð við korona í Føroyum.

Heilsumálaráðið og Føroya Landsstýri

Í gjár vóru 575 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

2496 kanningar vóru gjørdar seinasta døgnið. Í løtuni eru 4791 smittað við korona, ein er innlagdur við korona, eingin innlagdur vegna korona, og 18 eru deyð við korona í Føroyum.

Heilsamálaráðið og Føroya Landsstýri

Tað verður gjørt nógv burtur úr storminum Malik í Danmark og tey fyrireika seg nú av øllum alvi til at møta Malik.

Tíðindasendingar biðja fólk vera varin og taka alt leyst upp og væntandi rakar hon Danmark um miðdagsleitið í dag og Malik hasar ikki av aftur fyrrenn sunnumorgunin.

Hetta verður ein av teimum haraðastu storminum í Danmark í 4-5 ár verður boðað frá. Væntandi vera nógvir skaðar á hús og annað og nógv trøð fara um koll í nógva vindinum og tað kann eisini leiða til at vegir og annað verður stongt.

Lat okkum vóna at tað ikki verður so ringt og ansi nú væl eftir tykkum í Danmark.

​SáH

Klokkan 15:00 í dag lat Norðoya Bátafelag hølini upp á Roykivirkinum.

Nógv fólk vóru samankomin og helt Jóhanna Hansen, forkvinna í Norðoya Bátafelag røðu og takkaði Rasmussen familjuni fyri vælvild at tey eru sloppin inn í hølini á Roykivirkinum, eisini takkaði hon Klaksvíkar Kommunu fyri góðan stuðul og góðan samspælari og takkaði hon serliga Atla Justinussen formann í Havnanevndini og Jóhannu Christiansen forkvinna í Mentanevndini fyri gott samstarv, hoyr taluni herundir.

Atli S. Justinussen segði eisini nøkur orð og takkaði hann eisini Norðoya Bátafelag fyri gott samstarv og segði hann, at 1 millión eru avsettar til at fara í gongd við eitt nýtt bátahús í Klaksvík og gav hann Norðoya Bátafelag 10.000,00 kr. í gávu frá Klaksvíkar Kommunu og tað var forkvinnan sera glað fyri.

Eisini bátafólk frá Tórshavn vóru komin norður at heilsa uppá og aftaná var høvi hjá fólkunum at tekna seg sum lim í Norðoya Bátafelag og tað vóru fleiri sum gjørdu tað.

Ein sera hugnalig løta í snotuligu nýggju hølinum hjá Norðoya Bátafelag. Tillukku við hølinum.

​Í nevndini í Norðoya Bátafelag sita:
Jóhanna Hansen, forkvinna
Karl Olgar Joensen, næstformaður
Sigmar Høgnesen, skrivari
Janus á Tjaldrafløtti, kassameistari
Marni Isaksen, nevndarlimur
​
SáH

​Nakrar av okkara útróðrarbátum vóru til útróðrar í dag. Teir royndu við línu eystanfyri og norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 37.058 tilsamans, tað mesta var hýsa og toskur.

Bestir í dag gjørdist Norðsøki, teir høvdu 10.432 pund, tað mesta var hýsa og toskur, 7.550 pund hýsa, 2.596 pund toskur og restin annað fiskaslag, sjá sølurnar herundir.

Landa bleiv í Klaksvík og Hvannasundi.

SáH

BRANDUR – ( KG 557 )HVANNASUNDS HAVN-28-01-2022   2.758
STAKKAVÍK – ( KG 748 )NFCS-28-01-2022   1.793
KALLANES – ( FD 590 )SJÓGÆTI-28-01-2022   3.790
SLÆTNATINDUR – ( FD1053 )NFCS-28-01-2022   1.430
NORÐSØKI – ( KG 538 )NFCS-28-01-2022   5.216
LÍÐHAMAR – ( KG 602 )NFCS-28-01-2022   3.542

Landsstýrið hevur latið 500.000 kr. í neyðhjálp til neyðstødd í Armenia og Nagorno-Karabakh økinum gjøgnum felagsskapin Mission10forty.

Endamálið við neyðhjálpini frá landsstýrinum er at veita vetrarhjálp (klæðir, hitaovnar o.l, bjálving, hurðar, vindeygu, bøta taklekar o.l.) til familjur, ið hava størstan tørv á hjálp. Harumframt fer partur av neyðhjálpini til at byggja eitt hús at hýsa familjum, ið eru vorðnar heimleysar orsaka av stríðnum.

Ófriður hevur leingi valdað á markinum millum Armenia og Aserbadjan, og í umstrídda Nagorno-Karabakh. Nagorno-Karabakh er eisini eitt av fátækastu økjum har um leiðir og vandi er fyri, at fleiri ikki klára at hóra undan, nú veturin herjar. Orsaka av stríðnum í Nagorno-Karabakh eru nógv vorðin heimleys og børn foreldraleys. Tørvurin á hjálp er tí stórur og serliga hjá børnum og ungum. Vegna stríðið eru flestu hjálparfelagsskapir farnir úr økinum, og í løtuni virka bara tveir hjálparfelagsskapir har, har Mission10forty er sjálvur annar.

Mission10forty er danskur hjálparfelagsskapur, ið hevur røtur í hjálparfelagsskapinum MissionØst, ið m.a. hevur virkað í Armenia í 30 ár. Felagsskapurin hevur tí drúgvar royndir í økinum og samstarvar við lokalar felagsskapir og myndugleikar.

Uttanríkis- og Mentamálaráðið

Semja er í dag gjørd millum Fysioterapeutfelag Føroya og Ergoterapeutfelagið øðrumegin og Fíggjarmálaráðið og Kommunala Arbeiðsgevarafelagið hinumegin um nýggjan sáttmála fyri tíðarskeiðið frá 1. oktober í 2020 til tann 1. januar 2023.

Semjan hevur við sær, at lønirnar hækka 2,05% 1. januar og 1,25% 1. oktober í 2021. Tann 1. januar 2022 lækkar eftirlønargjaldið úr 15,8% niður í 15%, og samstundis verður skalagongdin og harvið endalønin broytt.

Aðrar tillagingar av sáttmálanum eru eisini avtalaðar.

Fíggjarmálaráðið