Sólvit E. Nolsø, landsstýrismaður í almannamálum, hevur sent eitt lógaruppskot til ummælis, sum hevur til endamáls at veita foreldrum rætt til endurgjald fyri mista arbeiðsinntøku, um barn yngri enn 18 ár doyr, ella um barnið er deyðføtt.

Løgtingið hevur áður heitt á landsstýrið um at bera so í bandi, at foreldur, sum koma í hesa ringast hugsandi støðuna, skulu fáa møguleikan at syrgja, uttan at skula hugsa um at blíva sjúkrameldað, søkja um dagpening ella, at arbeiðsgevarin verður álagdur at rinda løn í langa tíð.

“Vit mugu sum samfelag geva foreldrum tíð og umstøður at syrgja”, sigur Sólvit E. Nolsø, sum væntar, at broytingin fer at vera ein hjálp hjá foreldrum í eini lívskreppu.
Sambært uppskotinum fara foreldrini at fáa rætt til endurgjald fyri mista arbeiðsinntøku upp til umleið 25.500 kr. um mánaðin, og endurgjaldið kann veitast í 6 mánaðir í part. Gongst sum ætlað, kemur broytingin í gildi 1. januar 2023.

Uppskot til løgtingslóg um broyting í løgtingslóg um almannatrygd og tænastur (Endurgjald fyri mista arbeiðsinntøku í sambandi við at barn doyr, stuðul til sjúkuútreiðslur og javning) sæst  HER

Almannamálaráðið

Løgtingið hevur einmælt samtykt, at løgtingslógin um dagpening vegna sjúku í sambandi við COVID-19 skal halda fram til og við 15. februar. Lógin, sum hevur virkað í útvið tvey ár, var annars sett at fara úr gildi 1. februar 2022, men Sólvit E. Nolsø, landsstýrismaður í almannamálum, legði fyrr í vikuni eitt uppskot fyri Løgtingið, um at leingja gildistíðina til 15. februar 2022.

Lóggávan er nú í samsvar við ætlanirnar hjá landsstýrinum, at Føroya fólk kann koma aftur til ein vanligan gerandisdag. Tann 15. februar verða tilmælini um sóttarhald broytt soleiðis, at bert tey, sum eru smittað, skulu í sóttarhald. Samstundis fara serligu COVID-19 ásetingarnar í dagpengalógini úr gildi. Tey, sum aftaná 15. februar verða smittað við COVID-19, verða tá fevnd av vanligum reglum um dagpening ella løn undir sjúku.

Almannamálaráðið

Kringvarp Føroya og aðrir Portalar í Føroyar gjørdi fyri nøkrum vikum síðani sera nógv burtur úr at ongin javnstøða er í Føroyum, tá ið tosað verður um politikk og reint út sagt rakkaði tey Fólkaflokkin niður, men í Klaksvíkar Býráð var næstan javnstøða á býráðsfundinum í gjárskvøldið.

Hevði Símun á Høvdanum ikki møtt upp, so hevði tað verið fleiri kvinnur enn menn á býráðsfundinum í gjárskvøldið, tí so hevði Herfrí Sørensen komi inn og hevði tað verið 6 kvinnur og 5 menn og tað hevði verið fyrsti ferð at tað hevði hent.  Í gjárskvøldið vóru tað 5 kvinnur og 6 menn. Tær vóru Gunvá við Keldu, Signhild V. Johannesen, Jóhanna Christiansen, Beinta Klakkstein og Annika S. Biskopstø.

​636 tilburðir í gjár og nú eru 4832 smittað, 2 innløgd og 18 deyð við korona

Í gjár vóru 636 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

2981 kanningar vóru gjørdar seinasta døgnið. Í løtuni eru 4832 smittað við korona, tvey eru innløgd vegna korona, og 18 eru deyð við korona í Føroyum.

Heilsumálaráðið og Føroya Landsstýri

Sjálvandi bleiv varpa ljós á orðið Varpið á Býráðsfundinum í kvøld, nú Símun á Høvdanum var kallaður inn til Býráðsfundin, vegna tað at Oddmar á Lakjuni hevði forfall.

Tummas Lervig prikaði eitt sindur við orðinum um grønu loysnina til nýggja mentanunarhúsinum í Klaksvík, sum hann kallaði Varpið og hann fekk sjálvandi eina viðmerking frá Símun, um navni er Varpið á nýggja mentunarhúsinum? og um Klaksvíkar Kommuna hevði fingið loyvið at brúka navni Varpið.

Annars hevur ikki verið hoyrt so nógv um tað málið í seinastu, um navnið á nýggja mentanurnarhúsinum verður Varpið ella ikki? og um Klaksvíkar Kommuna broytir navni til eitt annað hóskandi navn og sum eisini er meira staðkent, tí Varpið er also ikki við posthúshjørninum, men tað er á økinum har Býráðshúsini eru.

Annars eru fólk í Klaksvíkar Kommunu ikki serliga at sær komin, tí sjálv tey hava kallað eitt fundarhølið í KK fyri Varpið og sum ein Býráðspolittikkari segði við meg, hetta er rættað staðsetingin av navninum Varpið og rætt hevði hann.

Fundurin var sera friðaligur, tað vóru mest umsitingarlig mál á skránni, so ongin dramatikkur á fundinum í kvøld.

Frá 1. februar ferð Annika S. Biskopstø í farloyvið, hon er sett til at eiga um góðar 2. vikur og væntandi tekur hon sessin aftur í Klaksvíkar Býráð í juni í ár.

Hetta var næsta punkt á skránni í kvøld og tað bleiv einmælt samtykt at Rógv Jacobsen skuldi røkja býráðsarbeiðið hjá henni til hon kemur aftur.

Býráðslimi berst frá at røkja býráðsarbeiðið í meira enn samfullar 14 dagar (Annika S. Biskopstø)

Annika S. Biskopstø, býráðslimur vald fyri Tjóðveldið, hevur boðað frá, at henni berst frá at røkja býráðsarbeiðið í nakrar mánaðir fram frá 1. februar at rokna. Næstvaldur á vallistanum er Rógvi Jacobsen.

Hetta skrivar Kommunustýrislógin:
• Kommunustýrislógin, § 18, stk. 2 og stk. 3:
Stk. 2. Berst kommunustýrislimi væntandi frá at røkja starv sítt í meira enn 14 samfullar dagar vegna annað alment starv, heilsustøðu ella aðra lógliga orsøk, skal viðkomandi boða borgarstjóranum frá, og borgarstjórin skal síðani geva tiltakslimi fundarboð.
Stk. 3. Kommunustýrið ger av, um treytirnar fyri innkallan av tiltakslimi eru loknar.
• § 6 í Reglugerð fyri innkalling av varalimum í býráðið og føstu nevndir býráðsins, samtykt av býráðnum 22.03.2011, § 6:
Um býráðslimur fær forfall … í eitt tíðarskeið, sum er longri enn 2 mánaðar, tekur næsti persónur á viðkomandi vallista sæti bæði í býráðnum og sum limur/varalimur í teimum [býráðs]nevndum, har býráðslimurin, sum fer í farloyvi, er limur/varalimur.

Spennandi verður at fylgja Rógva Jacobsen, hvørja ávirkan hann kann gera í Klaksvíkar Býráð, hann er nevnliga sonur ein borgmeistara, Steimbjørn A. Jacobsen.

SáH

Líðhamar kom aftur frá útróðrið klokkan 10:40 í dag. Teir hava roynt við línu eystanfyri Føroyar.

Veiðan bleiv boðin út til Fiskamarknaðin Føroyar og høvdu teir 8.030 pund, tað mesta var hýsa og toskur, 5.400 pund hýsa, 2.600 toskur og restin annað fiskaslag, sjá søluna herundir.

Landa verður til NFCS.

SáH

​LÍÐHAMAR – ( KG 602 )NFCS-27-01-2022   4.015

Norðsøki kom aftur frá útróðrið nú klokkan 09:54 í dag. Teir hava roynt við línu eystanfyri Føroyar.

Veiðan bleiv boðin út til Fiskamarknaðin Føroyar og høvdu teir 7.010 pund, tað mesta var hýsa og toskur, 6.000 pund hýsa, 900 pund toskur og restin annað fiskaslag, sjá søluna herundir.

Landa verður júst nú til NFCS.

SáH

NORÐSØKI – ( KG 538 )NFCS-27-01-2022   3.505

Fyrsti býráðsfundurin í ár verður í kvøld 27. januar kl. 17.30.

Regluligu býráðsfundirnir eru almennir, og til ber eisini at stroyma fundin beinleiðis umvegis heimasíðuna hjá Klaksvíkar kommunu. 

Skráin fyri fundin sæst her: Býráðsskráin 27. januar 2022.

Klaksvíkar Kommuna

Í gjár vóru 766 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

3889 kanningar vóru gjørdar seinasta døgnið. Í løtuni eru 4730 smittað við korona, eingin er innlagdur vegna ella við korona, og 18 eru deyð við korona í Føroyum.

Heilsumálaráðið og Føroya Landsstýri