 Eldur í Klaksvíkar Sleipistøð júst nú. Klokkan umleið 17.00 var boðað frá eldi á Klaksvíkar Sleipistøð og bæði sløkkiliðini frá Klaksvík og Eysturoynni vóru boðsend. Eldurin byrjaði í sunnastu húsinum og spreiddi seg síðani til miðhúsið og eitt skiftið sá tað út sum, at eldurin hevði hug at fáa fat í stóru høllinum, men nú vit skriva klokkan 20.42, so sær út sum, at teir hava tamarhald á eldinum, men teir stríðast enn at sløkkja. SáH  Hendan var sera glað at síggja hann aftur Klokkan 5.30 legði Gadus at bryggju við vestur kaj. Gadus fór til fiskiskap tann 22. mars og nú hann er komin aftur til Klaksvíkar hava teir fulla last, góð 760 tons í lastini. Familjan, unnastan og vinir vóru og tóku ímóti ímorgun og gleðin var stór at fáa hann heimaftur. Vælkomnir heim. SáH  Ferðslan verður broytt ímorgin Frá Klaksvíkar Býráð um ferðslu leygardagin 10. mai 2014
Í samband við Eik hálvmarathon 2014 í Klaksvík leygardagin 10. mai verða Torvgøta, Stoksoyrarvegur, Klaksvíksvegur, Biskupstøðgøta, Gerðagøta, Skúlavegur, Nólsoyar Pálsgøta og Stangavegur stongd fyri ferðslu í tíðarbilinum millum kl. 13.00 og 16.30. Í hesum tíðarbili steðga bussarnir hjá Bygdaleiðum bert á Borðoyarvík. Neyðug skelti verða sett upp. Ferðslunevndin  Sveinur Tróndason fyrv. redaktiónsleiðari á Portal.fo Nógv ymiskt fólk koma á gátt í Klaksvíkar Timburhandli og tá ið Tunnilsdagur er, koma eisini nógv frá hinum oyggjunum eisini. Ein var Sveinur Tróndason, sum hevði leita sær til Klaksvíkar leygardagin og hevur Sveinur verið nógv frammi í fjølmiðjunum hetta seinsta árið. Vit fingu okkum eitt langt kaffiprát saman og tá eg spurdi hann, hvussu gekk á Portalinum? segði hann, at hann hevði akkurát sagt upp. Sveinur Tróndason hevur verið fjølmiðlamaður síðani 1997, har hann hevur arbeitt á Sosialinum, Vinnuvitan, Fregnum, Dimmalætting og tað síðsta arbeiðið hann hevði sum fjølmiðlamaður, var sum redaktiónsleiðari á Portal.fo, sum partafelagið Knassar eigur. Her vangamyndin av Sveinur Tróndason, sum Kringvarpið hevði av honum í januar 2014. Klikk á link niðanfyri: Mynd: KVF SáH  Vangamyndin: Sveinur Tróndarson |
Greinar
October 2024
|
RSS Feed
