​Í 5-6 mánaðir hava kommunustýrislimir í Suðuroynni saman brúkt nógva tíð og orku uppá at greina og lýsa støðuna í Suðuroynni, og harnæst arbeitt við menningarátøkum, sum skulu ávirkað gongdina í Suðuroynni, skulu skapa menning og framburð.

Fyri okkum í Suðuroynni er støðan á ongan hátt undirhald ella stuttlig.

Les meira HER

JáH (y) 30.05.2018

​Summarið verður skotið í gongd við norðoyastevnuni, sum er á skránni hetta vikuskiftið.

Sum vant er norðoyastevnuskráin aftur í ár forvitnislig og fjølbroytt, og hon fevnir víða um list og mentan av alskyns slag. 

NORÐOYASTEVNUSKRÁIN SÆST HER

Í samband við stevnuna er eisini vert at hava ferðslubroytingar í huga, um ferðast verður við bili. Ferðslubroytingarnar raka ein stóran part av miðbýnum, serliga Vágstún, Gerðagøtu, Uppsalagøtu og Bøgøtu. 

FERÐSLUBROYTINGARNAR SÍGGJAST HER

​Ferðslubroytingarnar eru galdandi frá fríggjadegnum 1. juni kl. 15 til mánamorgunin 4. juni kl. 6.

Kelda: Klaksvíkar Kommuna

42 ára gamli Hans Fróði á Toftanesi bleiv dømdur ígjár - at sita í 3 ár og 9 mánaðir í fongsul fyri at fingið eina mammu at gera seg inn á sín 4 ára gamla son.

Les eisini: Fekk somu revsing um mamman

Hans Fróði segði rættinum ímillum annað hetta:

- I bagklogskabens skyld: Er jeg et fjols? Absolut. Har jeg gjort noget forkert? Ja. Var det min intention? Aldrig.

Hans Fróði á Toftanesi fekk sama dóm sum mamman - har hann hevði eggja 43 ára gomlu mammuni til at gera seg 43 ferðirnar inn á hennara egna fýra ára gamla son. Hans Fróði hevur kært dómin, men skal sita varahaldsfongslaður til tað tíð.

Les allar greinina hjá Ekstra Bladet HER

JáH (y) 29.05.2018
Kelda: Ekstra Bladet

Vegna asfaltarbeiði verður partur av Gerðagøtu stongdur týskvøldið 29. mai kl. 21, til mikumorgunin 30. mai kl. 6.00

Talan er um vegastrekkið frá rundkoyringini og niðan til Tummas Thomsen, sum verður asfalterað í hesum tíðarskeiðnum.

JáH (y) 29.05.2018
Kelda: Klaksvíkar Kommuna

Tíðindabræv

Rigmor Dam, landsstýriskvinna, hevur sett Nomi Jacobsen í tíðaravmarkað starv sum fyrstalærara í Skála skúla skúlaárið 2018/19 frá 1. august 2018 at rokna.

Nomi Jacobsen er 56 ára gomul. Hon tók læraraprógv í 1989, umframt at hon m.a. hevur tikið Diplomútbúgving í sernámsfrøði, skeið í leiðslu og er ávegis við Diplomútbúgving í leiðslu.

Nomi Jacobsen hevur eftir lokna læraraútbúgving øll árini starvast í fólkaskúlanum, fyrstu árini sum einalærari, eitt skifti sum lærari og síðan fyri tað mesta sum fyrstilærari. Hon hevur síðstu tvey árini verið skúlastjóri í Vestmanna skúla.

Nomi avloysir verandi fyrstalærara, ið hevur fingið játtað farloyvi komandi skúlaár.

​Kelda: Løgtingið

Mynduleikin í Afghanistan sigur nú, at tað varð av misgávum, at 9 persónar blivu dripnir mánakvøldið - har tey flestu vóru sivil.

Ímillum tey 9 deyðu - varð eisini ein lokal løgreglumaður, sum lat lív og átta onnur fingu skaða, upplýsur guvenørurin í Nangarhar, Haytullah Hayat fyri fjølmiðlunum, skrivar NTB.

JáH (y) 29.05.2018

Nú eru ikki nógvar venjingar eftir hjá teimum, sum spæla við Norðoyastevnuteitinum 2018. Heili 12 leikarar eru við hesaferð - og hvør ein leiklutir krevur sín mann/kvinnu. Tey hava vant sera nógv í seinastuni og hava verið ófør, at møtt upp til venjingar.

Talan er ikki bara um lokalt skemt - men eisini um nakað, sum flest allir føroyingar fara at føla seg raktar. Hetta er nakað, sum hevur kravt harða venjing og nú byrjar tað ordiliga at líkast teim Teitinum, sum vit elskaðu so nógv frá fyrr av.

​Les eisini: Stuttlig endurreising á Norðoyastevnu

Pallurin verður sjálvandi í Atlantis - sum er sum skaptir til endamálið. Nú vænta einans tríggjar gjøgnumgongdir av Teitinum og so eru tey til reiðar, at trína á pallin við alheimsins skemti og sangi.

Umframt at tað eru 12 leikarar við - so er eisini eitt húsa orkestur við og tveir ljóð- og ljósmenn. Klaksvíkar Sjónleikarafelag hevur ordiliga spíla seg út hesaferð og vit gleða okkum at síggja teg á Norðoyastevnu.

Sýningarnir sum lýstar eru:

Fríggjadagin Kl. 19.00 og Kl. 21.15 (Tú klárar akkurát Gekkin)

Leygardagin Kl. 19.00 og Kl. 21.00

Sunnudagin Kl. 18.00 og Kl. 20.00

Til ber at keypa billettir HER ella 1 tíma undan sýning í Atlantis.

JáH (y) 29.05.2018

Morgunsendingin hjá KVF hevði eitt prát herfyri við forkvinnuna hjá Klaksvíkar Sjónleikarafelag, Emry Jo.

Sum vera man - so verður hetta eitt avbera stuttligt tiltak, at fara til á Norðoyastevnu og longu nú sæst á heimasíðuni hjá Atlantis, at áhugin innan Teitið er sera stórur.

Keyp billettir til Teitið HER

Hoyr samrøðuna við Emry niðanfyri:

​JáH (y) 29.05.2018

Tey úr Dramaskúlanum hjá Klaksvíkar Sjónleikarafelag - megnaðu sera væl at framføra ígjár - har tey høvdu tvær sýningar.

Les eisini: Børn og ung framføra skemtileik í Atlantis

Sjónleikurin Oyggin varð áleið 40 minuttir og skjótt gekk tað fyri seg í dialogi, sum børnini sera væl dugdi at framføra. 

Her varð talan um skemt í stórum klassa og sigast skal eisini, at tað vóru børnini sjálvi, sum høvdu skrivað leikin og haldi eg, at hesum vóru tey sloppin sera væl burturúr. Leikstjórin Ebba Malena Debess Thomsen hevur gjørt eitt gott arbeiðið fyri hesu børn og er hetta samstundis nakað, sum hon kann vera sera stolt av - nú hon í næstum fer niður at læra meira innan sjónleikara økið. Vit á Klaksvíkar Sjónleikarafelag ynskja henni alt tað besta.

JáH (y) 28.05.2018

Talsmaðurin Jim McGrath hjá fyrrverandi forsetanum, George Bush (senior) skrivar á Twitter - at forsetin aftur nú er endaður á sjúkrahúsinum.

- Hann hevur ov lágt blóðtrýst og er útlúgvaður, skrivar McGrath.

Men eftir øllum at døma, so hevur hann tað gott eftir umstøðunum, er vakin og kann tosað.

Hetta er næstu ferð, at forsetin er endaður á sjúkrahúsinum - síðan konan hjá honum doyði tann 17. apríl í ár. George Bush (senior) er annars 93 ára gamal.

JáH (y) 28.05.2018