Stór skomm, at einki verður gjørt við Spinnaríið í Klaksvík og sum hevur  staðið sum ein stór "ruin", síðani Klaksvíkar Býráð fekk tað til gávus frá  Niels Mortensen í 2009, sum sjálvandi afturfyri fekk allar sínar treytir uppfyltar viðvíkjandi Bónus handlinum og stykkinum við síðuna av.

Lyftini vóru stór og góð, men einki av teimum er uppfylt enn, heili fýra ár aftaná. Hetta segði táverandi Mentamálaformaðurin og núverandi
Borgmeistarin Jógvan Skorðheim í Klaksvíkar Kommunu við Sjónvarpi, klikk link niðanfyri: 

Smb. Gjaldstovuni er Kommunal fyrisiting pr. borgara í Klaksvík økt heili 28.8 prosent uppá trý ár í Klaksvíkar Kommunu  frá 2009  til 2012 og væntandi verður tað talið uppaftur størri, nú fleiri Kommunustjórar eru settir í starv í 2013 og ongin er koyrdur til hús enn.

Í 2009 var fyrisitingin 2.447 kr. pr. borgara og er tað komi uppá 3.152 kr. Samanborið við høvuðstaðin so er teirra fyrisiting økt minimalt,  bert 1.5% frá 2010 - 2012. Frá 3.407 kr. til 3.456 og tað skal Heðin Mortensen og hansara umsiting hava rós fyri.

Vága Kommuna hevur tað bíðligasta fyrisiting pr. borgara. Hon hevur spart seg frá 3.040 kr. til 2.245 kr. pr. borgara, ein minking uppá góð 26%.

Sjálvandi skulu vit hava ein góða fyrisiting, men sum sagt fyrr, so hjálpir tað ikki borgarnum í Kommuni, at bara fylla fólk inn í ein bygning, vit vilja síggja úrslit.

SáH

Dýrt at standa á einum bíðilista til grundstykkir hjá Klaksvíkar Kommunu. Hetta hevur ein av borgarnum í Klaksvík skriva á sín vegg ígjár:

"Fyri umleid 10 árum sídani, søkti eg um grundstykki í  Klaksvíkar Kommunu. Havi sídani, hvørki hoyrt ord ella eid um hetta. Í dag kom
bræv um at eg kundi halda áfram at standa á listanum, vid at gjalda 2500 kr.

Tad fyrikemur mær rættiliga óseriøst, at man einki hoyrir í so langa tíd, fyri sídani at fáa eina rokning og so einki meir. - Ongar upplýsingar um hvør stødan er og hvat man kann vænta. Hvat skal man so gera vid tad ? - Gjalda og so bída í 10 ár aftrat ?
Nei best man verda at arkivera tad lodrætt ! - Tad eru adrir listar í ødrum kommunum"

Jørgen Niclasen, fíggjarmálaráðharri hevur kunngjørt rundskriv um keyp av vørum og tænastum hjá tí almenna. Rundskrivið er komið í gildi í dag 1. oktober.  Frá í dag skulu vørur og tænastur, ið hitt almenna keypir og sum eru omanfyri eina ásetta upphædd, bjóðast út á nýggjum keypsportali.

Keypsportalurin er fyrst og fremst eitt alment kunngerðarstað, har ið almennir stovnar kunnu lýsa við útboðum, og veitarar kunnu halda seg dagførdar um nýggj útboð.

 - Fyritøkur og borgarar skulu hava álit á, at almenn keyp eru rættvís og gjøgnumskygd. Somuleiðis skal sum mest fáast fyri hvørja skattakrónu. Keypsportalurin, sum eisini er eitt av málunum í samgonguskjalinum, skal virka við til at røkka hesum málum, sigur Jørgen Niclasen, fíggjarmálaráðharri.

Keypsportalurin, sum er mentur við støði í rundskrivinum, varð tikin í nýtslu í dag á almennari samkomu á Gjaldstovuni.

Rundskrivið snýr seg um keyp av vørum og tænastum hjá almennum stovnum og er, við ávísum undantøkum, galdandi fyri øll keyp omanfyri 50.000 kr. uttan mvg. Skilt verður tó millum keyp frá 50.000 kr. upp til 800.000 kr. og síðani keyp oman fyri 800.000 kr. uttan mvg. 

Tvey sløg av útbjóðingum eru ásett í rundskrivinum.
Annar hátturin er at seta ein tilboðsfyrispurning. Hann kann nýtast fyri keyp upp til 800.000 kr. u/mvg og krevur, at tilboð skulu biðjast frá í minsta lagi tveimum veitarum. Einki krav er tó um, at ein tilboðsfyri¬spurningur skal lýsast alment, og nýggi keypsportalurin er í fyrstu syftu ikki ætlaður hesum útbjóðingarhátti.

Hin hátturin er alment útboð, sum verður brúkt fyri keyp ið eru omanfyri 800.000 kr. u/mvg, men kann eisini verða nýtt fyri keyp niðanfyri hesa upphædd. Í rundskrivinum verður kravt, at almenn útboð skulu lýsast á Keypsportalinum, so allir veitarar kunnu bjóða upp á vøruna ella tænastuna. 

Jørgen Niclasen væntar, at almennir stovnar í størri mun enn higartil fara at útbjóða keyp av vørum og tænastum, og at tað fer at skapa eina virknari kapping og harvið betra fortreytirnar fyri einum effektivum og kappingarførum marknaði. 

Gjaldstovan hevur ment Keypsportalurin. Heimasíðan er partur av heimasíðuumhvørvinum hjá Gjaldstovuni, men er eisini at finna á www.keypsportal.fo.


Nærri upplýsingar kunnu fáast við at venda sær til Egon Joensen, teldupostur [email protected] ella telefon 352020.

Rundskriv um keyp av vørum og tænastum, klikk link her: http://www.fmr.fo/Data/Register/0209FF11-AB5D-42FF-8ED7-68B8145134C5/21101720-B612-4B2A-B8CD-786827144249/27E1F046-72A7-4A39-A327-4F31FF4ED16D.pdf

Kelda: Fíggjarmálaráðið