Onkrar dagar nærkast vit 5.000, sum hava klikk seg inn á Norðoya Portalin og tað kann sigast at vera sera nógv.

Vit hava ikki gjørt nógv av, at fáa lýsingar, men tað fara vit í holt við tær næstu vikurnar og tilboðini til tykkum eru"kanón"

Okkara motta skal vera, at "Tað skal loysa seg at lýsa á Norðoya Portalinum" og vit skulu vera bíðligast.

Her rimmar tilboð frá okkum til tykkum: 



Her okkara lýsingarprísir:

Bannaralýsing 300x250 pix.  398,00 kr.pr.mánað
Bannaralýsing 300x600 pix.  598,00 kr.pr.mánað
Bannaralýsing 600x300 pix.  598,00 kr.pr.mánað
Bannaralýsing 980x150 prx.  748,00 kr.pr.mánað

Linklýsing 300x60 pix.      200,00 kr.pr.mánað

Prísirnir eru uttan MVG

Ynskja tit at lýsa í longri tíðarskeið ella tit ynskja fast pláss á Norðoya Portalinum, ring á tel. 273200.

Norðoya Portalurin
Símun á Høvdanum
Jógvan á Høvdanum (Y)
Tlf. 273200
Teldupost: klips.fo@live.dk 

Tann 19. mars bleiv Ann Andreasen heirða við heiðurslegatinum frá "Gernes Fonden" í Danmark fyri hennara ótroyttiliga arbeiði, at forbetra lívið hjá mongum børnum og ungum í Grønlandi og sum búgva á barnaheiminum í Uummannaq, sum hon er leiðari fyri.

Hetta skrivar Grønlendska blaðið Sermitsiaq um Ann Andreasen, klikk her "Forstander hædert med legat"    

Kelda: Sermitsiaq

SáH   

Tað er undurnarsamt, at vit nærum onki arbeiðsloysið hava í Føroyum, men ALS samstundis boðar frá, at nú er nærum ongin peningur eftir.

Soleiðis skrivar Hagstova Føroya um okkara arbeiðsloysið á teirra heimasíðu:

Í februar 2015 var árstíðarjavnaða talið av fulltíðararbeiðsleysum 878 fólk, svarandi til 3,2%. Tað eru 23 færri enn í januar. Av teimum 878 eru 346 menn, svarandi til 2,4%, og 532 eru kvinnur, svarandi til 4,2%.
  Samanborið við februar í fjør er størsta minkingin hjá monnum, har 174 færri eru arbeiðsleysir nú, meðan tað eru 98 færri kvinnur, ið eru arbeiðsleysar. Tá arbeiðsloysið ikki er árstíðarjavnað, er tað 968 fólk í talið ella 3,6% í februar, og er tað áleið tað sama sum í januar.

So tað burdi verið eitt sindur eftir til tey arbeiðsleysu - nú nærum ØLL menniskjur hava arbeiðið í Føroyum og gjalda ovurhonds stóran skatt. Hvar blíva pengarnir av, kann ein kanska loyva sær at spyrja ...

JáH (y) 25.03.2015

Nú fólk, sum búgvandi eru í Kunoy so smátt byrja at gleða seg til summarið kemur - so hevur Landsverk gjørt av, at arbeiðast skal uppá tunnilin og byrjast skal í dag.

Tað er eisini sera óheppi fyri fólk, sum arbeiða á landið, at tunnilin verður stongdur kl. 18.00 - tí mong náa ikki hetta og vera tískil noydd at bíða eftir arbeiðsmonnum í tunnilin til klokkan verður 20.00, tá koyrandi aftur verður forbí.

Landsverk hevur áður verið og arbeitt uppá Kunoyartunnil og sigast má, at kunoyarfólk er eitt ógvuliga tolið fólkaslag - tí tá á sinni arbeiddu teir í góð tvey ár (give or take) uppá tunnilin. Hesa ferð lovar Landsverk, at arbeiðið fer at taka góðar 4 mánaðir, men slíka søgu hava kunoyarfólk hoyrt fyrr.

Soleiðis skrivar Landsverk á teirra heimasíðu:

Kunoyartunnilin

Í sambandi við trygdar- og eftirlitsarbeiði í Kunoyartunlinum verður tunnilin stongdur komandi fýra mánaðarnar frá 25. mars frá kl.18 á kvøldi til 02 á nátt. Bilar sleppa ígjøgnum kl. 20, 22 og 24. Tó kunnu akfør í neyðsynjarørindum altíð sleppa ígjøgnum tunnilin. Heitt verður á bilførarar um at vísa varsemi.

So búgvandi í Kunoy, sum eg sjálvur eri - so má eg vísa varsemi - men so sanniliga eisini tolsemi. Vit á Norðoya Portali hava skriva til Landsverk og spyrja um eina nærri frágreiðing yvir - hví Landsverk endiliga byrjar nú at arbeiða uppá tunnilin og hví ikki arbeitt varð í vetur ..!

JáH (y) 25.03.2015

Hendan filmin hevur Torbjørn Hjelm tikið upp fyri Norðoya Portalin, av sólarmyrkingini á Borðoyarvík tann 20.03.2015.

Símun á Høvdanum og Tobrjørn Hjelm tosaðu saman undir sólarmyrkingini.

Orðalagi kundi verið betur og góðskan eisini, men hetta er live og óklipt.

SáH

Temadagurin teirra nýrasjúku, sum Julius S. Poulsen skipaði fyri í felagskúlanum á Oyrabakka, var sera væl eydnaður.

Nógv fólk møtti upp til tiltakið og so nógv fólk møtti til temadagin, at fleiri stólar mátti setast upp áðrenn byrja var kl. 15.00 leygardagin.

Nú er at vóna, at landsstýrismaðurin í heilsumálum Karsten Hansen heldur orð og fær dialysuviðrgerðina at virka skjótast gjørligt á Klaksvíkar Sjúkrahúsið. Nú er nóg leingi bíða.

Her myndir frá temadegnum teirra nýrasjúku á Oyrabakka.

SáH

Her myndri av sólarmyrkingini við húkin, í Maverick og á Borðoyarvík.

Myndatakari: Símun á Høvdanum

SáH

Hendan filmin hevur Torbjørn Hjelm tikið upp fyri Norðoya Portalin, av sólarmyrkingini á Borðoyarvík tann 20.03.2015.

Símun á Høvdanum, Tobrjørn Hjelm og Tórfinn Hentze tosaðu saman undir sólarmyrkingini.

Orðalagi kundi verið betur og góðskan eisini, men hetta er live og óklipt.

SáH

Síðsta uppdatering, sum var kl. 03:38 ínátt hjá veðurstovuni YR sær sera gott út fyri Klaksvík, viðvíkjandi sólarmyrking.

Kl. 09 føroyska tíð byrjar sólin at koma fram og kl. 10 føroyska tíð full sól, sera sera spennadi. 

Sólarmyrkingin byrjar kl. 09.41

Maverick Barr opnar nú kl. 07 og vit fara øll niðan í Borðoyavík kl. 08.20.

Hav eina góða sólarmyrking øll somul og minnst til brillurnar.

SáH  

Teir rokast óført á Varpinum ídag. 

DR úr Danmark er komin á vtijan í Klaksvík, har teir skulu senda veðrið í tíðindasendingini íkvøld klokkan 18.00 og verður veðrið sent frá brandstøðini her á Varpinum.

Norðoya Portalurin var og vitjaði og tosaði vit við myndamannin, sum kemur frá Hoyvík og so sjálvandi vertin, sum stríddist við at fyrireika seg.

Á bilinum uttanfyri stóð DR Aarhus, har átti Kringvarp Føroya lært eitt sindur av og havt onkur lokal heimildarfólk, so ikki bara Kringvarpi var fyri Tórshavn.

DR spáddi at tað fór at vera skíggja í Klaksvík ímorgin, men eg segði við teir at YR lovaði fulla sól og Storm hevði deilvís sól. Spennandi at vita, hvør fær rætt.

SáH