Í samband við Torradagarnar verður forvitnislig framsýning i Posthúskjallaranum. Framsýningin er opin alla vikuna.
Á framsýningin ber til at síggja tað, sum teir 10 norðurlendsku sniðgevarnir fingu burturúr, tá ið teir fingu til uppgávu at sniðgeva klæðir burtur úr kópaskinni, skræðu og taratekstili. Talan er um burðardygt tilfar, ið alt hevur sin uppruna í sjónum.
Umframt klæðini verða eisini myndir frá Blue Fashion Challenge tiltakinum, sum var í Føroyum í august 2017. Tað er heimskendi fotografurin Tommy Ton, ið tók myndirnar. Tommy Ton var bergtikin av teimum serligu umstøðunum í Klaksvík at taka mótamyndir í heimsflokki. Hann var hugtikin av náttúruni, býnum. umhvørvinum og øllum virkseminum kring fiskivinnuna, sum hann brúkti seta saman við føroysku modellunum og vøkru klædnasniðjunum.
Framsýningin verður alment sett í dag kl. 16.00 av landsstýrismanninum í fiskivinnumálum Høgna Hoydal.
Borgarstjórin í Klaksvík, Jógvan Skorheim, og umboð frá NORA luttaka eisini í setanini.
Tað var føroyska Sissal Kjartansdóttir Kristiansen, ið gjørdist vinnari av kappingini Blue Fashion Challenge. Hon vísti, hvussu tað bar til at sameina skapanina av nútímans móta burtur úr burðardyggum tilfari úr sjónum. Sniðið hevur longu vakt ans víða um í heiminum.
Framsýningin er partur av stóru verkætlanini "Vøkstur í bláum tilfeingi", sum Fiskimálaráðið tók stig til og sum var partur av føroyska formannskapinum í Norðurlendska Fiskivinnusamstarvinum í 2015. Tað er NORA – Norrønt Atlantssamstarv sum skipar fyri framsýningini vegna Fiskimálaráðið.
Skráin fyri Torradagarnar finnist í fullari longd á www.klaksvik.fo/torradagar.
Kelda: Klaksvíkar Kommuna
Á framsýningin ber til at síggja tað, sum teir 10 norðurlendsku sniðgevarnir fingu burturúr, tá ið teir fingu til uppgávu at sniðgeva klæðir burtur úr kópaskinni, skræðu og taratekstili. Talan er um burðardygt tilfar, ið alt hevur sin uppruna í sjónum.
Umframt klæðini verða eisini myndir frá Blue Fashion Challenge tiltakinum, sum var í Føroyum í august 2017. Tað er heimskendi fotografurin Tommy Ton, ið tók myndirnar. Tommy Ton var bergtikin av teimum serligu umstøðunum í Klaksvík at taka mótamyndir í heimsflokki. Hann var hugtikin av náttúruni, býnum. umhvørvinum og øllum virkseminum kring fiskivinnuna, sum hann brúkti seta saman við føroysku modellunum og vøkru klædnasniðjunum.
Framsýningin verður alment sett í dag kl. 16.00 av landsstýrismanninum í fiskivinnumálum Høgna Hoydal.
Borgarstjórin í Klaksvík, Jógvan Skorheim, og umboð frá NORA luttaka eisini í setanini.
Tað var føroyska Sissal Kjartansdóttir Kristiansen, ið gjørdist vinnari av kappingini Blue Fashion Challenge. Hon vísti, hvussu tað bar til at sameina skapanina av nútímans móta burtur úr burðardyggum tilfari úr sjónum. Sniðið hevur longu vakt ans víða um í heiminum.
Framsýningin er partur av stóru verkætlanini "Vøkstur í bláum tilfeingi", sum Fiskimálaráðið tók stig til og sum var partur av føroyska formannskapinum í Norðurlendska Fiskivinnusamstarvinum í 2015. Tað er NORA – Norrønt Atlantssamstarv sum skipar fyri framsýningini vegna Fiskimálaráðið.
Skráin fyri Torradagarnar finnist í fullari longd á www.klaksvik.fo/torradagar.
Kelda: Klaksvíkar Kommuna
RSS Feed