Tónleikararnir Andreas og Michala vitja í Føroyum á fyrsta sinni

Tey bæði hava konsertir ymsastaðni í landinum frá 11. til. 16. mars. Skráin er fjølbroytt fyri violin og klaver.

 Á konsertunum taka tey áhoyrararnar við á eina ferð, sum byrjar við meditativu tónunum frá teirra nýggju fløgu, Be Still, har tey tolka sálmar úr m.a. Írlandi instrumentalt. Tónleikur, sum gevur rúm fyri umhugsni og at vit gloyma okkum burtur. Seinni verður ferðin sett eitt sindur hægri, og áhoyrararnir verða leiddir ein túr gjøgnum nøkur av tónleikasøgunnar glitrandi framførslum fyri violin og klaver. Kryddað verður við smáum skemtisøgum og søgum um verkini, sum spæld verða. Hesi røkka heilt frá tí stórsligna og meistarliga til tað meira inniliga. Á skránni eru m.a. verk av Fritz Kreisler og Sarasate.

 Tónleikararnir eru Michala Høj á violin og Andreas Flensted-Jensen á klaver. Tey hava spælt saman í fleiri ár og hava havt óteljandi konsertir bæði í Danmark og uttanlands. Nú vitja tey so Føroyar á fyrsta sinni. Violinin hjá Michalu, sum hon spælir á til konsertirnar, er 300 ára gomul og gevur ein ótrúligan klang.

---

Heilar 11 konsertir eru á skránni meðan tey eru her. Tær eru:

 
Týsdagin 11. mars
Kl. 14.30   Konsert á Lágargarði
Kl. 19.30   Konsert í Norðurlandahúsinum

 Mikudagin 12. mars
Kl. 15.00   Konsert á Røktar- og Ellisheiminum í Runavík
Kl. 20.00   Konsert í Eiðis kirkju

 Hósdagin 13. mars
Kl. 10.00   Skúlakonsert í Klaksvík
Kl. 20.00   Konsert í Mentanarhúsinum í Fuglafirði

Fríggjadagin 14. mars
Kl. 20.00   Konsert í Miðvágs kirkju

 Leygardagin 15. mars
Kl. 11.30   Matiné í Dómkirkjuni
Kl. 20.00   Konsert í Tvøroyrar Kirkju

 Sunnudagin 16. mars
Kl. 12.00   Viðvirkandi á gudstænastuni í Lívdini
Kl. 20.00   Konsert í Filadelfia, Tórshavn


Man kann annars hoyra tey her á youtube: http://www.youtube.com/watch?v=LLfIgBI6usk
Og her soundcloud: https://soundcloud.com/andreas-michala/how-deep-the-fathers-love-for
Og teirra facebook fansíða: https://www.facebook.com/AndreasMichala

 

---