Í Klaksvíkar kommunu skulu hundar altíð vera í bandi á øllum økjum, sum eru opin fyri vanligari ferðslu. Einastu undantøk eru ásettu innhegnaðu hundaøkini.
Hundar í Klaksvíkar kommunu skulu vera í bandi, eisini sjálvt um eigarin hevur fult tamarhald á hundinum. Hetta staðfestir kunngerð frá 2014, sum er galdandi í Klaksvíkar, Tórshavnar og Runavíkar kommunum. Kunngerðin kann lesast her.
Nú stundar til vára og lembing, verður staðiliga heitt á allar hundaeigarar at fylgja galdandi reglum, sum áseta, at hundar skulu vera í bandi. Eisini á vegum og gøtum frammi við seyðahaldi, har vandi kann vera fyri, at leysir hundar kunnu gera ærnar bangnar og fáa tær at kasta burtur áðrenn lembing.
Kenna eigarar tørv á at lata hundin renna leysan, verður víst til ásettu hundaøkini í kommununi – eitt nú úti í Grøv, har innhegnað øki er ætlað hundum at renna leysir.
Umframt at hava hundin í bandi, hava eigarar eisini ábyrgd av at taka upp eftir hundum sínum. Í Klaksvík eru á leið 20 ruskíløt við hundaposum spjødd kring býin til sama endamál, nevniliga at gera tað lætt og ómakaleyst at rudda upp eftir sær og harvið halda býin reinan og vakran.
JáH (y) 19.03.2018
Kelda: Klaksvíkar Kommuna
Hundar í Klaksvíkar kommunu skulu vera í bandi, eisini sjálvt um eigarin hevur fult tamarhald á hundinum. Hetta staðfestir kunngerð frá 2014, sum er galdandi í Klaksvíkar, Tórshavnar og Runavíkar kommunum. Kunngerðin kann lesast her.
Nú stundar til vára og lembing, verður staðiliga heitt á allar hundaeigarar at fylgja galdandi reglum, sum áseta, at hundar skulu vera í bandi. Eisini á vegum og gøtum frammi við seyðahaldi, har vandi kann vera fyri, at leysir hundar kunnu gera ærnar bangnar og fáa tær at kasta burtur áðrenn lembing.
Kenna eigarar tørv á at lata hundin renna leysan, verður víst til ásettu hundaøkini í kommununi – eitt nú úti í Grøv, har innhegnað øki er ætlað hundum at renna leysir.
Umframt at hava hundin í bandi, hava eigarar eisini ábyrgd av at taka upp eftir hundum sínum. Í Klaksvík eru á leið 20 ruskíløt við hundaposum spjødd kring býin til sama endamál, nevniliga at gera tað lætt og ómakaleyst at rudda upp eftir sær og harvið halda býin reinan og vakran.
JáH (y) 19.03.2018
Kelda: Klaksvíkar Kommuna
RSS Feed
